bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Romans 16
Romans 16
Umbundu Bible (Embimbiliya - Bíblia Sagrada em Umbundu)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
1
Ndu kundiki Febe mukãi wetu, u wa kala oñuatisi yekongelo li kasi ko Kengerai,
2
okuti vu u tambuila vonduko ya Ñala, ndeci ca sesamela olosandu, loku u kuatisa ndeci a sukila, momo eye oñuatisi ya va lua, lame le wa ñuatisa.
3
Lamipo Priska la Akuila, vakuetu vupange wa Kristu Yesu,
4
haivo ka va liwekele oku ñuatisa, ndaño olonjanja ca koka ohele yovimuenyo viavo. Hameko lika nda va pandula, puãi akongelo osi a vakualofeka a va pandulavo.
5
Lamipo ekongelo li kasi vonjo yavo. Lamipo Epeneto, ukuacisola cange, haeye ondonge yatete ya Kristu va Asia.
6
Lamipo Maria, una wo lingili upange wa lua.
7
Lamipo Androniko la Juniasi, vangandiange, haivo va kala olomandekua kumue lame. Va kemala pokati kovapostolo, haivo va netekela oku tava ku Kristu.
8
Lamipo Ampliato, ukuacisola cange ku Ñala.
9
Lamipo Urbanu, ukuetu kupange wa Kristu, la Staku, ukuacisola cange.
10
Lamipo Apele ukua Kristu wocili. Lami vakuepata li Aristobolo.
11
Lamipo Herodiana, ngandiange. Lami vakuepata lia Markiso, ava va kasi vu Ñala.
12
Lamipo Trufaina la Trufosa, vakuopange wa Ñala. Lamipo Persi wa soliwa, una wa linga upange wa lua ku Ñala.
13
Lamipo Rufu, u wa noliwila vu Ñala, la inaye haeye mai.
14
Lamipo Asungrito, la Flegone, la Herme, kuenda Patroba, la Herma la vakuetu va kasi lavo.
15
Lamipo Filologo la Julia, kuenda Nereu la mukãi waye, kuenda Olumpa lolosandu viosi vi kasi lavo.
16
Lilami pokati lesipulo li kola. Akongelo a Kristu o lami.
17
A vamanji, ndu peyi, limbuki ava va linga olonepele latatamiso a patãla ovilongua wa longisiwi. Litepi lavo.
18
Momo ava va linga ndava hakuenje va Ñala Kristuko, puãi apika vovaimo avo muẽle. Va tamba ovitima viomãla vamãle lolondaka viavo viusosele lombambe.
19
Momo ndaño okupokola kuene kua yevala komanu vosi, okuti ndu sanjukili, haimo njongola okuti vu linga olonoño vieci ciwa ho lingi omãla vamãle kovina vĩvi.
20
Suku yombembua ndopo o kosela Satana vemehi liolomãi viene. Ocali ca Ñala yetu Yesu Kristu ci kale lene.
21
Timoteo, ukuetu kupange, wo lami, kuenda Lukio la Yasone la Sosipatero, vangandiange.
22
Lame ndi Tertiu, ñasi loku soneha ukanda u, ndu lameli vu Ñala.
23
Gaio, ondaleki yange, haeye ondaleki yekongelo liosi, wo lami. Erasto, ukuambango yimbo, wo lami, kuenda Kowartu manjetu.
24
Ocali ca Ñala yetu Yesu Kristu ci kale lene vosi. Amene.
25
Kaliye, ku o tẽla oku u kolisi ndondaka yiwa ñunda ñunda haiyo Yesu Kristu a nena, ndesituluilo lielumbu lia sitikiwile tunde ka ku ci,
26
yu cilo lia situluka, kuenje, lia sapuiwa lovisonehua viovaprofeto ndocihandeleko ca Suku ka pui kolofeka viosi ha va pokola ketavo, okuti,
27
kukualondunge viosi, eye lika Suku, ku kale ulamba ko pui la Mitakati yaco Yesu Kristu. Amene.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
All chapters:
1
2
3
4
5
6
7
8
9
10
11
12
13
14
15
16