James 4

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 3 Jump to: Chapter 5 →

1ZIVELA pina imfazwe nembambano pakati kwenu? Aziveli kwa lapa na, kwa seziyolweni zenu ezilwayo pakati kwamalungu enu?

2Niyakanuka, kanti aninanto; niyabulala, niyazondela nokuzondela, kanti aningezuze; niyabambana nenze imfazwe, kodwa aninanto, ngenxa yokuba ningaceli.

3Niyacela, ningamkeli ke, ngokuba nicela kakubi, ukuze nici̔tele eziyolweni zenu.

4Nina baṙexezi nabaṙexezikazi! anazi na ukuba ubuhlobo nelilizwe bububutshaba notixo? Ngako osukuba efuna ukunga angaba sisihlobo selilizwe, uhlala elutshaba lukatixo.

5Niba isiba̔lo sifumana siteta na? Umoya omiyo kuti uyakanuka ngomona na?

6Kodwa uyapa ufefe olukulu ngakumbi. Sitsho ngoko ukuti: Utixo uyamelana nabaner̔atshi, kodwa abatobekileyo uyabapa ufefe.

7Ngako ke lulamelani kuye utixo. Maleni u‐Satane, waeya kunibaleka.

8Sondelani kutixo, waeya kusondela kuni. Hlambululani izandla, nina boni! nizicokise intliziyo, nina bantliziyo mbini!

9Yibani lusizi, nilile, nenze isijwili. Ukuhleka kwenu makuguqulwe kube kukulila, nokuvuya kwenu kube kukukedama.

10Zitobeni ebusweni bayo inkosi, yaiya kunipakamisa.

11Ningahlebani, bazalwana! Omhlebayo umzalwana wake, amgwebe umzalwana wake, uyawuhleba umteto, awugwebe umteto: kodwa ukuba uyawugweba umteto, akunguye umenzi womteto, unguye umgwebi.

12Kuko umnikamteto emnye, onamandla okusindisa nokububisa: ungubanina wena ogweba omnye umntu?

13Yizani kaloku nina nitshoyo ukuti: Soya namhla umhlaumbi ngomso esixekweni salapa, senze kona umnyaka ube mnye, sitengise, siqwebe inzuzo;

14ningakwazi nje kanti okwangomso: ngokuba bunjanina ubomi benu? bukwa yiyo inkungu ebonakalela ixeshana elincinane, ize yand’ ukuti shwaka:

15endaweni yokutsho kwenu ukuti: Ukuba inkosi iyatanda, sesiya kuti sipile, sikwenze oku umhlaumbi oko.

16Kodwa kaloku niyaqa̔yisa ekuzidleni kwenu: konke ukuqa̔yisa okunjalo kukohlakele.

17Ngako owaziyo ukwenza okulungileyo, angakwenzi ke, kusisono kuye.

← Chapter 3 Jump to: Chapter 5 →