Nehemiah 3

Chinese TTVR (現代台語譯本羅馬字版)

← Chapter 2 Jump to: Chapter 4 →

1Hit-sî, tōa-chè-si Í-lī-a-si̍t kap i ê tông-sū khí-lâi tiông-kiàn Iûⁿ-mn̂g, an mn̂g-sìⁿ, chiong mn̂g sèng-hòa kui Siōng Chú. In koh khí siâⁿ-chhiûⁿ kàu Hap-bí-a-lâu kap Hap-lâm-gia̍p-lâu, chiong i sèng-hòa kui Siōng Chú.

2Chiap-sòa khí-chō--ê, sī Iâ-lī-ko -lâng; chiap-sòa in--ê, sī Im-lī ê kiáⁿ Sat-khek.

3Hap-se-ná hiah-ê kiáⁿ tiông-kiàn Hî-mn̂g, an-tì niû kap mn̂g-sìⁿ, mn̂g-chhòaⁿ kap mn̂g-só.

4Chiap-sòa in siu-kiàn siâⁿ-chhiûⁿ--ê, sī Hap-ko-su ê sun, O͘-lī-a ê kiáⁿ Bí-lī-boa̍t. Chiap-sòa i--ê, sī Bí-sī-sat-pia̍t ê sun, Pí-lī-ka ê kiáⁿ Bí-su-lân. Chiap-sòa i--ê, sī Pa-ná ê kiáⁿ Sat-tok.

5Chiap-sòa i--ê, sī Thê-ko-a -lâng; m̄-kú in ê kùi-cho̍k bô beh hū-chek siū chí-phài ê kang-chok.

6Pa-se-a ê kiáⁿ Iâ-hô-iâ-tāi, kap Pí-só͘-tāi ê kiáⁿ Bí-su-lân, siu-lí Kó͘-mn̂g, an-tì niû, mn̂g-sìⁿ, mn̂g-chhòaⁿ kap mn̂g-só.

7Chiap-sòa in siu-kiàn siâⁿ-chhiûⁿ--ê, sī Ki-piàn -lâng Bí-la-thê kap Bí-lûn -lâng Ngá-tùn, í-ki̍p Hô-se -séng séng-tiúⁿ só͘ koán ê Ki-piàn -lâng kap Bí-su-pa -lâng.

8Chiap-sòa in--ê, sī phah-kim sai-hū Hap-hái-ngá ê kiáⁿ O͘-siat; chiap-sòa i--ê, sī chòe hiuⁿ-liāu ê Hap-ná-nî-ngá. Chiah-ê lâng siu-chō Iâ-lō͘-sat-léng, kàu Khoah-chhiûⁿ.

9Chiap-sòa in siu-kiàn siâⁿ-chhiûⁿ--ê, sī Hō͘-ní ê kiáⁿ, koán-lí chi̍t-pòaⁿ Iâ-lō͘-sat-léng siâⁿ-khu ê Lī-hoat-ngá.

10Chiap-sòa i--ê, sī Hap-lō͘-boat ê kiáⁿ Iâ-tāi-ngá; i siu-kiàn i ka-kī ê chhù tùi-bīn ê siâⁿ-chhiûⁿ. Chiap-sòa i--ê, sī Hap-sa-nî ê kiáⁿ Hap-tu̍t.

11Hap-lîm ê kiáⁿ Má-ki-ngá, kap Pa-hap Mô͘-ap ê kiáⁿ Hap-su̍t, siu-lí ē chi̍t tōaⁿ, í-ki̍p Lô͘-lâu.

12Chiap-sòa in--ê, sī Hap-lô-hek ê kiáⁿ, koán-lí chi̍t-pòaⁿ Iâ-lō͘-sat-léng siâⁿ-khu ê Sa-liông kap i hiah-ê cha-bó͘-kiáⁿ.

13Hap-lūn kap Sat-ná-a ê chū-bîn siu-lí Soaⁿ-kok-mn̂g; in chō siâⁿ-mn̂g, an-tì mn̂g-sìⁿ, mn̂g-chhòaⁿ kap mn̂g-só, koh siu-kiàn siâⁿ-chhiûⁿ sì-pah sì-cha̍p kong-chhioh, kàu Pùn-sò-mn̂g.

14Koán-lí Pek Hap-ki-lîm tōe-khu ê Lī-kah ê kiáⁿ Má-ki-ngá siu-kiàn Pùn-sò-mn̂g; chō siâⁿ-mn̂g, an-tì mn̂g-sìⁿ, mn̂g-chhòaⁿ kap mn̂g-só.

15Koán-lí Bí-su-pa tōe-khu ê Kok Hô-se ê kiáⁿ Sa-lûn, siu-kiàn Chôaⁿ-mn̂g; chō siâⁿ-mn̂g, khàm chhù-téng, an-tì mn̂g-sìⁿ, mn̂g-chhòaⁿ kap mn̂g-só, koh siu-kiàn Hông-ka hoe-hn̂g hù-kūn ê Se-lô-a-tî ê chhiûⁿ, kàu hit-ê tùi Tāi-pi̍t -siâⁿ lo̍h--lâi ê kiā-á.

16Chiap-sòa i siu-kiàn siâⁿ-chhiûⁿ--ê, sī koán-lí chi̍t-pòaⁿ Pek Siok siâⁿ-khu ê Ap-pok ê kiáⁿ Nî-hi-bí; i siu-lí kàu Tāi-pi̍t hûn-bōng ê tùi-bīn, koh sòa kàu jîn-chō-tî, í-ki̍p Eng-hiông-koán.

17Chiap-sòa i siu-kiàn siâⁿ-chhiûⁿ--ê, sī Lī-bī -lâng Pa-nî ê kiáⁿ Lī-hông. Chiap-sòa i--ê, sī koán-lí chi̍t-pòaⁿ Ki-i-la tōe-khu ê Hap-sa-pí-ngá; i siu-kiàn i tī-lí ê tōe-khu.

18Chiap-sòa i siu-kiàn--ê, sī in ê chhin-cho̍k Hi-ná-ta̍t ê kiáⁿ Pa-óa-i; i koán-lí lēng-gōa chi̍t-pòaⁿ ê Ki-i-la tōe-khu.

19Chiap-sòa i--ê, sī Iâ-su-a ê kiáⁿ Í-siā-ní; i koán-lí Bí-su-pa, siu-kiàn chiūⁿ-khì bú-khì-khò͘ ê tùi-bīn siâⁿ-chhiûⁿ oat-kak hit-tōaⁿ.

20Chiap-sòa i--ê, sī Sat-kái ê kiáⁿ Pa-lio̍k, chīn-la̍t siu-kiàn tùi siâⁿ-chhiûⁿ oat-kak kàu tōa-chè-si Í-lī-a-si̍t kong-koán ê mn̂g-kháu hit-tōaⁿ.

21Chiap-sòa i--ê, sī Hap-ko-su ê sun, O͘-lī-a ê kiáⁿ Bí-lī-boa̍t, siu-kiàn tùi Í-lī-a-si̍t kong-koán ê mn̂g-kháu, kàu kong-koán ê chīn-thâu hit-tōaⁿ.

22Chiap-sòa i siu-kiàn siâⁿ-chhiûⁿ--ê, sī tòa tī Iâ-lō͘-sat-léng hù-kūn tōe-khu hiah-ê chè-si.

23Chiap-sòa in--ê, sī Piān-ngá-bín kap Hap-su̍t; in siu-kiàn in tau tùi-bīn hit-tōaⁿ. Chiap-sòa in--ê, sī A-lân-ngá ê sun, Má-se-ngá ê kiáⁿ A-sat-lī-ngá; i siu-kiàn i ê chhù hù-kūn hit-tōaⁿ.

24Chiap-sòa i--ê, sī Hi-ná-ta̍t ê kiáⁿ Pin-lōe; i siu-kiàn tùi A-sat-lī-ngá ê chhù, kàu siâⁿ-chhiûⁿ ê oat-kak, kàu siâⁿ-kak hit-tōaⁿ.

25O͘-sài ê kiáⁿ Pa-la hū-chek siâⁿ-chhiûⁿ oat-kak ê tùi-bīn, óa-kūn kéng-ōe-tiâⁿ, hông-kiong téng-bīn ê siâⁿ-lâu hit-tōaⁿ. Chiap-sòa i--ê, sī Pa-lio̍k ê kiáⁿ Pí-tāi-ngá,

26kap tòa tī Gô-hui-le̍k sèng-tiān ê kang-lâng; in siu-kiàn tang-pêng ê Chúi-mn̂g tùi-bīn, kap khah-koân ê siâⁿ-lâu hit-tōaⁿ.

27Chiap-sòa i--ê, sī Thê-ko-a -lâng; in siu-kiàn tùi hit-ê khah-koân ê tōa siâⁿ-lâu tùi-bīn, kàu Gô-hui-le̍k ê chhiûⁿ hit-tōaⁿ.

28Tùi Bé-mn̂g chiūⁿ pak hit-tōaⁿ, chè-si siu-kiàn in ka-kī ê chhù tùi-bīn ê siâⁿ-chhiûⁿ.

29Chiap-sòa in--ê, sī Im-be̍k ê kiáⁿ Sat-tok; i siu-kiàn i ê chhù tùi-bīn ê siâⁿ-chhiûⁿ. Chiap-sòa i siu-kiàn--ê, sī Tang-mn̂g ê siú-ōe, Sī-ka-nî ê kiáⁿ Sī-má-ngá.

30Chiap-sòa i--ê, sī Sī-lī-bí-ngá ê kiáⁿ Hap-ná-nî-ngá, kap Sat-la ê tē-la̍k kiáⁿ Hap-lūn; in koh siu-kiàn chi̍t tōaⁿ. Chiap-sòa in--ê, sī Pí-lī-ka ê kiáⁿ Bí-su-lân; i siu-kiàn ka-kī ê chhù tùi-bīn hit-tōaⁿ.

31Chiap-sòa i--ê, sī phah-kim sai-hū Má-ki-ngá; i siu-kiàn kàu sèng-tiān ê kang-lâng kap seng-lí-lâng ê chhù hit-tōaⁿ, chiū-sī tùi Tiàu-chi̍p-mn̂g ê tùi-bīn kàu siâⁿ-kak ê lâu.

32Phah-kim sai-hū kap seng-lí-lâng siu-kiàn tùi siâⁿ-kak ê lâu kàu Iûⁿ-mn̂g hit-tōaⁿ.

← Chapter 2 Jump to: Chapter 4 →