Nehemiah 12

Chinese TTVR (現代台語譯本羅馬字版)

← Chapter 11 Jump to: Chapter 13 →

1Ē-bīn sī kap Sat-la-thiat ê kiáⁿ Só͘-lô-pa-pek, í-ki̍p Iâ-su-a chòe-hé tńg--lâi ê chè-si kap Lī-bī -lâng: Se-lâi-ngá, Iâ-lī-bí, Í-su-la,

2A-má-lī-ngá, Má-lo̍k, Hap-tu̍t,

3Sī-ka-nî, Lī-hông, Bí-lī-boa̍t,

4E̍k-to, Kūn-tùn, A-pí-ngá,

5Bí-ngá-bîn, Má-tí-ngá, Phek-ka,

6Sī-má-ngá, Iok-ngá-li̍p, Iâ-tāi-ngá,

7Sat-lō͘, A-bo̍k, Hi-le̍k-ka, kap Iâ-tāi-ngá. Chiah-ê lâng tī Iâ-su-a chòe tōa-chè-si ê sî chòe chè-si, koh chòe in chhin-cho̍k ê léng-siù.

8Lī-bī -lâng ū Iâ-su-a, Pin-lōe, Kah-bia̍t, Sī-lī-pí, Iû-tāi, Má-tha-nî; chit-ê Má-tha-nî kap i ê tông-sū hū-chek o-ló kám-siā ê si-koa.

9In ê tông-sū Pat-pò͘-ka kap O͘-nî, chiàu pan-chhù, tī ho̍k-sāi ê sî kap in khiā sio-tùi.

10Iâ-su-a siⁿ Iok-ngá-kim, Iok-ngá-kim siⁿ Í-lī-a-si̍t, Í-lī-a-si̍t siⁿ Iâ-hô-iâ-tāi,

11Iâ-hô-iâ-tāi siⁿ Iok-ná-tan, Iok-ná-tan siⁿ Ap-tō͘-a.

12Tī Iok-ngá-kim chòe tōa-chè-si ê sî, chè-si chòe cho̍k-tiúⁿ--ê, Se-lâi-ngá -cho̍k ū Bí-la-ngá, Iâ-lī-bí -cho̍k ū Hap-ná-nî-ngá,

13Í-su-la -cho̍k ū Bí-su-lân, A-má-lī-ngá -cho̍k ū Iok-hap-lân,

14Bí-lī-kó͘ -cho̍k ū Iok-ná-tan, Sī-pa-nî -cho̍k ū Iok-sek,

15Hap-lîm -cho̍k ū A-tí-ná, Bí-la-iok -cho̍k ū Hi-le̍k-khái,

16E̍k-to -cho̍k ū Sat-ka-lī-a, Kūn-tùn -cho̍k ū Bí-su-lân,

17A-pí-ngá -cho̍k ū Sè-ki-lī, Bí-ná-bîn -cho̍k ū bó͘-lâng, Mô͘-a-tí -cho̍k ū Pí-le̍k-thài,

18Phek-ka -cho̍k ū Sa-bō͘-a, Sī-má-ngá -cho̍k ū Iok-ná-tan,

19Iok-ngá-li̍p -cho̍k ū Má-te̍k-nái, Iâ-tāi-ngá -cho̍k ū O͘-se,

20Sat-lâi -cho̍k ū Ka-lâi, A-bo̍k -cho̍k ū Hi-pek,

21Hi-le̍k-ka -cho̍k ū Hap-sa-pí-ngá, Iâ-tāi-ngá -cho̍k ū Ná-thán-gia̍p.

22Í-lī-a-si̍t, Iâ-hô-iâ-tāi, Iok-hap-lân, Ap-tō͘-a chòe tōa-chè-si ê sî, Lī-bī -lâng ê cho̍k-tiúⁿ kap chè-si lóng ū kì-miâ teng-lio̍k, it-ti̍t kàu Pho-su hông-tè Tāi-liû-sū ê sî.

23Lī-bī -lâng chòe cho̍k-tiúⁿ--ê, ū kì-miâ tī le̍k-tāi ê nî-kàm, kì kàu Í-lī-a-si̍t ê sun Iok-hap-lân ê sî.

24Lī-bī -lâng ê cho̍k-tiúⁿ Hap-sa-pí-ngá, Sī-lī-pí, Iâ-su-a, Pin-lōe, kap Kah-bia̍t tī ho̍k-sāi ê sî kap in ê tông-sū khiā sio-tùi; Lī-bī -lâng chiàu Siōng-tè ê po̍k-jîn Tāi-pi̍t ê bēng-lēng, chi̍t-pan chi̍t-pan lûn-liû o-ló kám-siā Siōng-tè.

25Má-tha-nî, Pat-pò͘-ka, Gô-pa-tí-a, Bí-su-lân, Ta̍t-bûn, A-kok kò͘-siú siâⁿ-mn̂g piⁿ ê chhng-khò͘.

26In lóng sī tī Iok-sat-ta̍t ê sun, Iâ-su-a ê kiáⁿ Iok-ngá-kim ê sî, í-ki̍p séng-tiúⁿ Nî-hi-bí kap chè-si keng-ha̍k-kàu-su Í-su-la ê sî tng-chit.

27Iâ-lō͘-sat-léng kú-hêng siâⁿ-chhiûⁿ hōng-hiàn-lé ê sî, jîn-bîn khì Lī-bī -lâng tòa ê só͘-chāi iau-chhiáⁿ in lâi chham-ka, ài in chhiùⁿ-koa kám-siā, ēng poa̍h, sek, khîm phōaⁿ-chàu, hoaⁿ-hí khèng-chiok kú-hêng hōng-hiàn-lé.

28Hiàn-si--ê tùi Iâ-lō͘-sat-léng sì-ûi ê tōe-khu, kap Nî-tô-hoat ê hiong-tìn lâi chū-chi̍p;

29koh tùi Pek Kiat-kah, tùi Ka-pa kap A-su-má-ui ê tōe-khu lâi; in-ūi hiàn-si--ê tī Iâ-lō͘-sat-léng chiu-ûi ū kiàn-li̍p in ka-kī ê chng-siā.

30Chè-si kap Lī-bī -lâng kiat-chēng ka-kī, kiat-chēng jîn-bîn, í-ki̍p siâⁿ-mn̂g kap siâⁿ-chhiûⁿ.

31Góa chhōa Iû-tāi ê léng-siù chiūⁿ siâⁿ-chhiûⁿ téng, chiong o-ló kám-siā ê lâng pun-chòe nn̄g tōa-tūi. Tē-it tūi tī siâⁿ-chhiûⁿ téng tùi lâm-pêng ǹg Pùn-sò-mn̂g khì;

32tè tī in āu-bīn--ê ū Hô-sa-ngá, kap Iû-tāi léng-siù ê chi̍t-pòaⁿ;

33koh ū A-sat-lī-ngá, Í-su-la, Bí-su-lân,

34Iû-tāi, Piān-ngá-bín, Sī-má-ngá, Iâ-lī-bí,

35chiah-ê chè-si gia̍h lat-pah. Tè tī āu-bīn--ê ū Sat-ka-lī-a, i sī Iok-ná-tan ê kiáⁿ, Iok-ná-tan sī Sī-má-ngá ê kiáⁿ, Sī-má-ngá sī Má-tha-nî ê kiáⁿ, Má-tha-nî sī Bí-kai-a ê kiáⁿ, Bí-kai-a sī Sat-khek ê kiáⁿ, Sat-khek sī A-sat ê kiáⁿ;

36Sat-ka-lī-a kap i ê tông-sū Sī-má-ngá, A-sat-lia̍t, Bí-la-lâi, Ki-la-lâi, Má-gāi, Ná-thán-gia̍p, Iû-tāi, kap Hap-ná-nî, lóng the̍h Siōng-tè ê po̍k-jîn Tāi-pi̍t ê ga̍k-khì; keng-ha̍k-kàu-su Í-su-la chòe thâu-chêng.

37In tī Chôaⁿ-mn̂g ê tùi-bīn, tùi Tāi-pi̍t -siâⁿ ê kiā-á chiūⁿ siâⁿ-chhiûⁿ, keng-kè Tāi-pi̍t ông-kiong ê téng-bīn, ǹg tang-pêng khì kàu Chúi-mn̂g.

38Tē-jī tūi o-ló kám-siā ê lâng kiâⁿ tò-péng hong-hiòng, khì kap tē-it tūi saⁿ-tú. Góa kap jîn-bîn ê chi̍t-pòaⁿ tè in ê āu-bīn, tī siâⁿ-chhiûⁿ téng, keng-kè Lô͘-lâu, khì kàu Khoah-chhiûⁿ;

39koh kè Í-hoat-liân-mn̂g, Kó͘-mn̂g, Hî-mn̂g, Hap-lâm-gia̍p-lâu, Hap-bí-a-lâu, khì kàu Iûⁿ-mn̂g, tī Kéng-ōe-mn̂g thêng-kha.

40Chit nn̄g tūi o-ló kám-siā ê lâng khiā tī Siōng-tè ê tiān, góa kap koaⁿ-tiúⁿ ê chi̍t-pòaⁿ mā khiā tī hia.

41Chè-si Í-lī-a-kèng, Má-se-ngá, Bí-ná-bîn, Bí-kai-a, Í-lī-iok-nái, Sat-ka-lī-a, kap Hap-ná-nî-ngá, lóng gia̍h lat-pah;

42in ê āu-bīn koh ū Má-se-ngá, Sī-má-ngá, Í-lī-a-sat, O͘-se, Iok-hap-lân, Má-ki-ngá, Í-lân, kap Í-siā. I-su-la-hi chhōa hiàn-si--ê tōa-siaⁿ chheng-chàn.

43Hit-ji̍t, chèng-lâng hiàn chin chōe chè-mi̍h, mā chin hoaⁿ-hí, in-ūi Siōng-tè hō͘ in hui-siông khoài-lo̍k; hū-jîn-lâng kap gín-á mā lóng hoaⁿ-hí khèng-chiok; Iâ-lō͘-sat-léng hoaⁿ-hí ê siaⁿ tùi chin hn̄g chiū ū thiaⁿ--tio̍h.

44Hit-ji̍t, ū chi̍t-kóa lâng siū chí-phài koán-lí hú-khò͘, in-ūi in ū chiàu lu̍t-hoat ê kui-tēng, ūi-tio̍h kiong-kip chè-si kap Lī-bī -lâng, chiong ta̍k hiong-tìn ê chhân-hn̂g só͘ siu-sêng chho͘-se̍k ê ké-chí, cha̍p-hūn-chi̍t ê hōng-hiàn, kap ta̍k-khoán ê lé-mi̍h lóng khǹg tī hit lāi-bīn. Iû-tāi jîn-bîn tùi chè-si kap Lī-bī -lâng ê ho̍k-sāi lóng chin boán-ì.

45In chun-hêng Siōng-tè ê bēng-lēng, siú kiat-chēng-lé; hiàn-si--ê kap siú-ōe mā chiàu Tāi-pi̍t kap i ê kiáⁿ Só͘-lô-bûn ê bēng-lēng án-ni chòe.

46Tī kó͘-chá Tāi-pi̍t kap A-sat ê sî-tāi, chiū ū hiàn-si--ê kap chí-hui, koh ū o-ló kám-siā Siōng-tè ê si-koa.

47Tī Só͘-lô-pa-pek kap Nî-hi-bí ê sî-tāi, Í-sek-lia̍t jîn-bîn chiong ta̍k-ji̍t èng-tit ê hūn-gia̍h kiong-kip hiàn-si--ê kap siú-ōe, koh chiong beh kiong-kip Lī-bī -lâng ê hūn-gia̍h hun-pia̍t--chhut-lâi; Lī-bī -lâng mā chiong beh kiong-kip A-lûn kiáⁿ-sun ê hūn-gia̍h hun-pia̍t--chhut-lâi.

← Chapter 11 Jump to: Chapter 13 →