bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
1 Corinthians 11
1 Corinthians 11
Zande
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Oni dú ni awiriki pa re, a wa du mi a ni wiriki pa Kristo.
2
Were mi tambua roni wa oni natingida pa re rogo apai dunduko, ki nika kuti asino nyanyaki a wa mi afu he fu roni.
3
Ono mi nakpi nyemu oni ini he ya, ri akumba dunduko nga Kristo; ri de ki ngia kumba; ri Kristo ki ngia Mbori.
4
Gu kumba ka kpara kpe watadu gumba pai, rini ni dadidadi he, ni nawasi rini.
5
Ono gu de ka kpara kpe watadu gumba pai ni ku riri, ri nawasi riri; bambiko si sa ha wa ka ri kpe riri akpe.
6
Bambiko ka i adada nga ri de ya, si wa i yere mangeriri ayera. Ono si ngia zee du fu de ti yera mangeriri na kpe riri, i dadi riri adada.
7
Bambiko kumba ka adu nga na rini ni dadidadi he ya, bambiko wa du ni ni kpia Mbori na gako taarimo; ono de nga ga kumba taarimo.
8
Bambiko kumba aenga nga ti de te; ono de naenge ti kumba.
9
Bambiko i afu nga kumba tipa de te; ono de tipa kumba.
10
Mbiko gi pai re de ka du na úyugo pa zoga ri ti riri, ba mbiko amaraika.
11
Ono rogo Gbia yo de adu nga ho zanga kumba te, kumba adu nga ho zanga de a te.
12
Bambiko wa du de mbiko kumba, wo du kumba a mbiko de; ono apai du ho dunduko mbiko Mbori.
13
Oni sáki he dagba roni yo; ka de kpari kpe fu Mbori ki he dada riri, si ru?
14
Sino nayugo ho fu roni tigaha, ya ka kumba du na gbanga mangerini, si nga wasiro fu ni, te?
15
Ono ka de du na gbanga mangeriri, si nga taarimo fu ri, bambiko i fu mangeriri fu ri tipa dada riri.
16
Ono si ngia gu boro nati kangu, sinorani adu nga wo te, nga ga Mbori akanisa a te.
17
Ono wa mi arú gi ndika fu roni re, mi atambua nga roni te, ya oni nadungura tironi sa gu pai ngba te, ono sa gu pai gberẽ.
18
Bambiko bambata ha nga, mi gi he ya ho oni nadungura tironi ni ni rimbasa roni, kparakakparaka apai nidu dagba roni yo; ya mi rengo du a.
19
Bambiko kparakpara pai ka du a dagba roni yo, si yugu agu yo nangba ti Gbia dagba roni yo.
20
Si ki ta du were ho oni nadungura tironi ni, oni arengba nga na ri ga Gbia riahe te;
21
bambiko wa oni nari he gu ni naroga gani riahe mbata fu kura ni; gu ni ki du na gomoro, gu kura ni ki nikpi buda.
22
Gine du? abambu be roni ka ri he ki nimbiri he rogo ho te? watadu oni napayasi ga Mbori kanisa, ki ba zee ti agu yo adu nga he be yo ya? Gine mi ka gumba ha fu roni? ka mi tambua roni ti gere? Mi atambua nga roni te.
23
Bambiko mi adi pai be Gbia nga gu mi afu fu roni a, wa Gbia Yesu adi kpokuta ni gu yuru i akusi pa ko ni re;
24
ho ko atambua he ni ko ki kuadi he, ki ya, “Gere nga borore, nga gu du fu roni; oni ta manga gere nitíngidi pa re.”
25
A wo inga fuo riahe, niya, “Gi inga re nga vovo ndika rogo kurere; oni mángi gere, ni gu rago oni ka nimbiri he, nitíngidi pa re.”
26
Bambiko a wa oni ka niri gi kpokuta re, nimbiri he ti ngba gi inga re, oni nataka pande ga Gbia kpio da ho ko ka ye ni.
27
Wa du he were gu boro ka du na gbegberẽ berã ki ri gu kpokuta ki mbiri he ti ngba gu inga ga Gbia, ni ka du ni borobape boro Gbia na kureko.
28
Ono boro wísigi tini, wo ni ka ri gu kpokuta re ki mbiri he ti ngba gu inga re.
29
Bambiko gu ni ka ri he ki mbiri he, ni nari sapangbanga kuti ni ki nimbiri he, ka ngia ni aruga nga tini na pa boro Gbia te.
30
Tipa gi pai re agu yo dagba roni yo ni dungu yo narungbura ki du na kaza, agu yo ki ra ara ni umba yo te.
31
Ono ka ngia ani aruga tirani, i sapu nga ngbanga rani te.
32
Ono ho i nasapa ngbanga rani ni, Gbia naruga rani, ya ka i gbarasi nga ngbanga rani na zegino ya.
33
Wa du he were, awirinami, ho oni nadungura tironi ni ka ri he, oni sungudi akuaroni.
34
Si ngia gomoro namanga gu boro, ni rí riahe kpuni yo; ka gaoni dungurati du nga sa sapangbanga ya. Kura apai mi arúga ha ni gu rago mi ka ye.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16