bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Lamentations 3
Lamentations 3
Zande
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Mi nga gu boro bi gberãngbi be ngbondo gako zinga.
2
Ko ado re ku mbata yo ki mangi re mi nita rogo bitimo zanga imarago.
3
Ni rengo ko ninasaka beko kuti re berewe na berewe na uru pitipiti.
4
Ko mangi pasiore si nyorõ na kpotore a, ki kuadi amemere.
5
Ko zi re, ki suradi re na nirãnirãpai na gberãngbi;
6
ko mangi re mi niraki rogo nduunduu bitimo, wa agu yo naaima kpika bakuru yo.
7
Ko vo ndugu pati re kirikiri, ka mi rengbe nga ka kura yo ya; ko vo re ni barõrõi azogbo.
8
Ka mi vura yamba he ki kpari tipa undahe, ko naka ha aka.
9
Ko dua ndugu pati gimi agene na sekeseke ambia, ko mangi gimi agene ni nuganuga ha.
10
Ko du fere wa kina gu nya nga urisi pi ka sunguda rago, wa bahu rogo gau bagbuko.
11
Ko ingisi re ngba gi gene, ki sipi re rukutu; ko mangi re mi du ni sa re.
12
Ko nuga gako mboto, ki moi re wa fuohe tipa no ho ni gako aguanza.
13
Ko bafu gako aguanza ku kpotore yo.
14
Mi sa tire ni ũmongo fu aboro dunduko; ki du ni gayo ũbia na uru pitipiti.
15
Ko hisi re na nirãnirãpai, ko mbisi re na hihii ngua.
16
Ko sa arindire ti zakara mbia, ki ya mi nugadi ku rogo akuke yo.
17
Mbisimore zanga zereda, bangire go ti gu pai nga pa ngbarago;
18
si du ya mi, “Omere nyasi, na pa gi kida ku be Yekova a.”
19
Mo tíngidi pa gi gberãngbi na gi rungo, pa gu hihii ngua na kere nirãnirã he a!
20
Mbisimore natingida pa ha kindi, ki ninugadi ku kpotore yo.
21
Ono mi natingida pa gere, si du du mi ti ni na maabangirise.
22
Ga Yekova inaapai anyasa nga wa sa te, gako weneringise adiga nga a te.
23
Si ni vovo ho na awiso dũ; ga yososopai du ni bakere he.
24
Mbisimore naya, “Yekova nga gi kparakpara he, si du mi amáa bangire ti ni ti ko.”
25
Yekova namanga apai ni wene he fu agu yo nasunguda ko, fu mbisimo gu ni nagbata ko.
26
Gu pai ngba nga ka boro du na maabangirise ki nisungudi ga Yekova bata ni zera.
27
Si angba fu paranga kumba ni tindi gonga ti rago parangani.
28
Ni súngu ni sa ni ki ongo kii, ho moi yo gonga ni ku gorõni.
29
Ni zógo ngbani ku nvutu yo― si ngia ka maabangirise du.
30
Ni ária bagani fu gu ni nata ni, ki idi pa soapai.
31
Bambiko Gbia abá nga aboro ku sa yo nye anye kindi te,
32
ono ka ko vura tona pa rungo, ko adú adu na nunga kuti sangba gako inaapai du kpaima;
33
bambiko ko arungosi nga awiri aboro mbiko nyemuhe du ti ko te, watadu fu rungo fu yo a te.
34
Ka sadiaga gu zizi aboro dunduko nga ga kpotosende yo ku tii ndue yo,
35
ka aria gu rurupai nga ga boro bara bangiri gu Ko nga Bahe ki susi,
36
ka gbarasa boro rogo gani pai, Gbia aida nga na agi apai te re.
37
Da rugu pai, si ki ye ka manga, ka Gbia ata fu nga rugute tipa ha mbata ya?
38
A nga gbegberẽpai na wenepai naye ngba kina gu Ko nga Bahe ki susi, te?
39
Tipagine ka unga boro akpakana he ti ni, nga kina boro boro, tipa gu mbusa du tipa kina gani ingaapai?
40
Ani ásadi gaani apai ki wisigi he, ki karaga tirani berewe koyo du Yekova ni!
41
Ani túmba kpotorani yo na aberani a fu Mbori du ngbangbaturũ yo; ki ya
42
“Ani ti ndika ki sa mungu; ono mo ata vu nga rani te.
43
“Mo ukadi tiro ni zinga ki nido fuo rani; mo imi rani zanga nunga.
44
Mo dadi tiro ni dubo, ya ka kpe susi nga koyo du mo ni wa sa ya.
45
Mo sa rani wa mirĩahe wa rufura ahe ku dagba aboro yo.
46
“Avurarani dunduko nasenga rani.
47
Gunde na due gbina ye sa rani, payasi pa ahe na gbarasapai du fu rani.
48
Bangire naga na aume wa kina adi, bambiko be pa gbarasa gimi aboro.
49
“Aume aúka bangire yo kindi, ka ami akáta nga wa sa ya,
50
daho Yekova ka ngera ni ngbangbaturũ yo ki bi he ku sende no.
51
Bangire nafu rungo fere, bambiko pa ga ngasu ade apai dunduko nga ga gi bakporo yo.
52
“I agbata re wa i nagbata zire, nga agu aboro naadu ni avurare zanga ndupai.
53
I ba re ni ungare ku rogo due yo, ki bafu ambia ku auru re.
54
Ime ki fu ri re; mi ki ya, ‘Mi ingi kindi’.
55
“Ako Yekova, mi ayambu he ti rimoro mburu due yo.
56
Mo agi gi kpezungaditise, wa mi aya. ‘Ka mo kísi nga turo tipa gi kpe nga ga undahe ya!’
57
Mo ambedi na mi ni gu rago mi ayambu ro; mo aya, ‘Ka mo gúnde nga ya!’
58
“Ako Gbia, mo azúngadi he tipa gi pai, mo atumo ungare.
59
Ako Yekova, mo abi gu gbegberẽ pai i amangi he kuti re; mo sári ngbanga gi pai.
60
Mo ima bi gayo irabape dunduko na agu apai dunduko i asangi he kuti re.
61
“Ako Yekova, mo agi gu gayo soapai kuti re, na agu apai dunduko i asangi he kuti re.
62
Sangba agu yo naazuba re, na gayo berã, si du kuti re na uru pitipiti.
63
Mo bí nga yo wa sungu yo sande, na wa guari yo ku ari, mi nga gayo ũbia.
64
“Ako Yekova, mo ambúsa yo, kuti gu mangaapai nga ga beyo.
65
Mo afú nyaka ngbaduse fu yo; ga motiwa adú ku ri yo.
66
Ako Yekova, mo adó yo rogo ga zinga ki gbarasi yo tii gamo angbangbaturũ no.”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5