1 John 1

Ahirani (आहिराणी नवा करार) - No Year

Jump to: Chapter 2 →

1आमी एक व्यक्ती ना बारामा लिखतस जो जीवन ना वचन शे, जो सुरुवात पासून शे. आमी जेले आयकेल शे, आणि जेले आपला डोया कण देख, हा आमी तेले ध्यान लाईसन देखनुत आणि आपला हात कण स्पर्श कर.

2त्या जीवन नि स्वता ले पृथ्वी वर प्रगट कर, आमी तेले देखनुत. आमी तेनी साक्ष देतस, आणि तुमले कायम ना जीवन नि सुवार्ता आयकाळत, जो बाप ना संगे होता आणि आमना वर प्रगट हुईना.

3जे काही आमी देखेल आणि आयकेल शेतस तेनी सुवार्ता आमी तुमले बी देतस, एनासाठे कि तुमी बी आमना संगे त्या सहभागीता मा भागीदार हुई जावोत, जी सहभागीता आमनी परमेश्वर बाप ना संगे, आणि तेना पुत्र येशु ख्रिस्त संगे शे.

4आमी हय एनासाठे लिखतस कि आमनी खुशी पुरी हुई जावो.

5आणि जी सुवार्ता आमी तेना पुत्र येशु पासून आयकेल शे, आणि तुमले आयकाळतस, तो हवू शे, कि परमेश्वर उजाया ना सारखा शे, आणि तेनामा काहीच अंधकार नई.

6कदी आमी सांगसुत कि आमनी सहभागीता परमेश्वर संगे शे, आणि पापमय जीवन जगतस, त आमी खोट बोलतस आणि सत्य ना नुसार नई चालतस.

7पण कदी जसा परमेश्वर उजाया मा शे, तसाच आमी बी उजाया ना नुसार जीवन जगतस त आमी एक दुसरा संगे सहभागीता ठेवतस. आणि तेना पुत्र येशु ना रक्त आमले सर्वा पाप पासून शुद्ध करस.

8कदी आमी सांगतस कि आमना मा काही बी पाप नई शे, त आमी स्वता ले धोका देतस, आणि आमना मा सत्य नई.

9पण कदी आमी आपला पापस्ले परमेश्वर समोर मानी लेतस, त तो आमना पापस्ले माफ करीन आणि आमना सर्वा अधर्म पासून आमले शुद्ध करीन, कारण कि तो विश्वास योग्य व धर्मी शे.

10कदी आमी सांगसुत कि आमी पाप नई करनुत, त आमी परमेश्वर ले खोटा ठरावतस, आणि आमी तेना वचन ले नई मानतस.

Jump to: Chapter 2 →