1 Timothy 2

Ahirani (आहिराणी नवा करार) - No Year

← Chapter 1 Jump to: Chapter 3 →

1सर्वास्तून पयले, आते मी विनंती करस कि परमेश्वर समोर विनंती, प्रार्थना, निवेदन, आणि आभार सर्व लोकस साठे करामा येवो.

2राजा आणि सर्वा उच्चा पदवालास साठे प्रार्थना करत ऱ्हावा एनासाठे कि त्या आमले शांती मा आणि सुरक्षा ना संगे जीवन जगाले मदत करो, जेना मुळे आमी परमेश्वर ना आदर करी सकुत आणि कायम दुसरास्ना संगे चांगला व्यवहार करी सकुत.

3अस करान चांगल शे आणि आमना तारणार परमेश्वर ले आवळस बी,

4जेनी ईच्छा बी शे कि सर्वा लोकस्ना तारण होवो आणि त्या सत्य ले चांगल्या प्रकारे जानोत.

5कारण कि फक्त एकच परमेश्वर शे, आणि फक्त एकच मध्यस्थ शे, जो परमेश्वर आणि लोकस्ना मधमा सामंजस्य करावस, आणि तो येशु ख्रिस्त शे, जो माणुस बनना.

6तेनी सर्वा लोकस्ले पाप आणि मोत नि शक्ती शी मुक्त करासाठे स्वता ले बलिदान करी दिधा. तेनी मोत ना द्वारे, परमेश्वर नि हई साबित कर कि तेनी ईच्छा शे कि सर्वा लोक वाचाळामा येवो.

7मी खर सांगस, खोट नई बोलत कि, परमेश्वर नि मले सुवार्ता ना प्रचारक आणि प्रेषित करीसन निवाळ आणि मले धाळ कि मी बिगर यहुदीस्ले विश्वास ना खारा संदेश ना बारामा सिखाळू.

8मनी ईच्छा शे कि प्रत्येक जागा वर सभास्मा माणुस परमेश्वर ले समर्पण हातस्ले वरे उचलीसन प्रार्थना करत राहोत आणि बिगर राग व वाद-विवाद ना प्रार्थना करा.

9मनी हय बी ईच्छा शे कि बाया केस गुथाना आणि सोन आणि माती आणि महाग कपळास कण नई, पण चांगला प्रकार ना कपळा घालीसन मर्यादा आणि सभ्यता ना ध्यान ठेवोत.

10आणि तेस्ले दुसरा लोकस साठे चांगला करीसन स्वता ले सुंदर बनावाले पाहिजे, कारण कि त्या बायास साठे ज्या स्वता ले परमेश्वर नि भक्ती करणाऱ्या समजतस तीस्ना साठे हईच चांगल शे.

11जव माणुस उपदेश देत ऱ्हास त बाया चुपचाप ऱ्हायसन गैरा सन्मानपूर्ण आणि आधीनता कण तेस्नी आयकोत.

12मनी परवानगी नई शे कि बाया सिखाळोत व लोकस वर अधिकार जताळोत. पण त्या शांत राहोत.

13मन अस सांगा मांगे उद्देश हय शे कारण कि परमेश्वर नि पहिले आदाम ले बनाव नंतर तेनी हव्वा ले बनाव.

14आणि आदाम फसणा नई पण बाई फसिगई आणि परमेश्वर ना विरोध मा पाप करणात.

15तरी बी जरी बाया ख्रिस्त वर विश्वास ठेवतस, दुसरास्वर प्रेम करा आणि चांगला व्यवहार करा, त परमेश्वर बायास्ले पोर जल्म देवाना द्वारे तारण करीन.

← Chapter 1 Jump to: Chapter 3 →