bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Kings 15
2 Kings 15
Edo ((E Baibol Ẹdo) Version 1996)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Ọ ghi rre ukpo eha irrọvbọgban ne Jeroboam Ne Ogieva, ne ọba Izrẹl rriọba, Uzaia ne ovbi Amazaia keghi rriọba vbe Juda
2
vbe ọ rre ọmọ ukpo enẹ irrọvbugie, ọ keghi ya ukpo evayan ekigbesiyeha vbe ẹkete vbe Jerusalẹm. A keghi tie iye ẹe Jekolia, ovbi ore Jerusalẹm.
3
Ọ keghi ru emwi ne ọ yẹ e Nọyaẹnmwa vbene ọ na rhie igiemwi erha ẹe.
4
Sokpan a ma guọghọ ehe ne iran ni ga ẹbọ na ru ẹbọ kua, emwa ni keghi ye gha zọ ese, iran na vbe gha giẹn eturari vbe evba.
5
E Nọyaẹnmwa keghi hihiẹ emwirregbekẹn ne emianmwẹ dan ku Uzaia. Ọ ma lahin ẹre egbe rre ọ te ya wu. Rẹn ọkpa vbe ẹhi ẹre keghi ya gha re owa ọkpa, a ma ghi gie ẹe ru emwi ne ọ khẹ ke ẹe rhọkpa, e Jotan ne ovbi ẹre kegha khaemwisẹ gbearoghe ẹvbo.
6
Emwi ọvbehe hia ne Uzaia ghi ru, a gbẹnnẹ ọẹn ye Ebe Okha Avbe Ọba Izrẹl.
7
Uzaia keghi wu, a na re ẹre ye idin avbe ọba vbe Ẹvbo e Devid, ẹre ovbi ẹre ighẹ Jotan na rriọba lele ẹe.
8
Ọ ghi rre ukpo erẹnrẹn yan ọgban ne Uzaia ne ọba e Juda rriọba, e Zẹkaraia ne ovbi e Jeroboam Ne Ogieva, keghi rriọba Izrẹl, ọ na rriọba la uki ehan vbe Sameria.
9
Rẹn keghi sẹ ẹmwẹ e Nọyaẹnmwa zẹ vbene avbe enikaro ẹre vbe ru. Ọ keghi lele igiemwi dan ọghe Jeroboam ne ovbi e Nebat ne ọ si Izrẹl obọ fi orukhọ.
10
E Sialọm ne ovbi e Jabẹs keghi khuan khẹ Zẹkaraia ne ọba, ọ keghi de ẹre izigha vbe Ibleam ọ keghi rriọba ye ihe ẹre.
11
Emwi ọvbehe hia ne Zẹkaraia ghi ru, a gbẹnnẹ ọẹn ye Ebe Okha Avbe Ọba Izrẹl.
12
Erriọ ọ re eyan ne Nọyaẹnmwa yan ma e Jehu na do sẹ wẹẹ, “Ivbi uẹ gha rriọba vbe Izrẹl ya sẹ orre ne ogienẹ.”
13
Ọ ghi rre ukpo ọkpairrọvbe iyeva ne Uzaia rriọba vbe Juda, e Sialọm ne ovbi e Jabẹs keghi rriọba vbe Izrẹl. Ọ keghi ya uki ọkpa vbe ẹkete vbe Sameria.
14
E Menahem ne ovbi e Gadi keghi ke Tiza kpao gha rrie Sameria, ọ keghi gbe Sailọm uan, ọ na rriọba lele ẹe.
15
Emwi ọvbehe hia fẹẹrẹ ne Sailọm ghi ru, ya sẹ egbe vbene ọ ya khuan ye otọ hẹ, a gbẹnnẹ ọẹn ye Ehe Okha Avbe Ọba Izrẹl.
16
E Menahem ghi ke Tiza dee, ọ na wa dunmwu ẹvbo ne a tie ẹre Tapua sẹ otọ, kevbe emwa ni rrọọ kevbe ẹvbo ni lẹga ẹre hia rhunmwuda ẹvbo nii ma de igue ne ẹẹn. Uhin ighẹ te ọ va avbe okhuohanmwẹ ẹko.
17
Ọ ghi rre ukpo ọkpa irrọvbe iyeva ne Uzaia rriọba e Juda, e Menahem ne ovbi e Gadi keghi rriọba vbe Izrẹl, ọ keghi ya ukpo igbe rriọba vbe Sameria.
18
Ọ keghi sẹ ẹmwẹ e Nọyaẹnmwa, ọ keghi lele igiemwi e Jeroboam ne ovbi e Nebat, ne ọ si Izrẹl obọ la orukhọ ya sẹ ẹdẹ uwu ẹre.
19
E Tiglat Pailesa ne ọgbaisi Asiria, keghi mu okuo gha die Izrẹl, ẹre Menahem na viọ uwan esiliva arriaisẹn enẹ yan ọgban (34,000) ne ẹẹn, ne ọ miẹn ehe na rhie obọ ye ọ re iyeke ne obọ e Menahem miẹn ehe na gba ẹvbo ni rẹn gha khaemwisẹ yan.
20
Obọ avbe emwa ni fee ni rre Izrẹl ọre Menahem na koko igho, rhunmwuda ọ keghi ye obọ yẹn iran ẹho wẹ ne ọkpọkpa vbe uwu iran ha esiliva ekigbesiyeha. Ẹre Tiglat Pailesa na dọlegbe gha rrie ẹvbo ẹre.
21
Emwi ọvbehe hia ne Menahem ru, a gbẹnnẹ ọẹn ye Ebe Okha Avbe Ọba Izrẹl.
22
Ọ keghi wu, a na re ẹre, ovbi ẹre ighẹ Pẹkahaia na rriọba lele ẹe.
23
Ọ ghi rre ukpo ekigbesiyeha ne Uzaia ne ọba e Juda ghi la ẹkete, e Pẹkahaia ne ovbi e Menahem keghi rriọba Izrẹl, ọ keghi rriọba la ukpo eva vbe Sameria.
24
Ọ na sẹ ẹmwẹ e Nọyaẹnmwa, ọ na lele igiemwi dan ọghe Jeroboam ne ovbi e Nebat ne ọba ne ọ si Izrẹl obọ la orukhọ.
25
Ọkaokuo ọkpa vbe uwu ivbi iyokuo e Pẹkahaia, ne a tie ẹre Pẹka ne ovbi e Remalaia, keghi viọ arhin ekigbe siyeha ne ivbi e Giliad ba egbe, ọ khuan khọ Pẹkahaia, ọ na gbe ẹe rua vbe ugha ikhẹgbe ne ọ ke uwu ẹre vbe Sameria, ọ na rriọba lele ẹe.
26
Emwi ọvbehe hia ne Pẹkahaia ghi ru, a gbẹnnẹ ọẹn ye Ebe Okha Avbe Ọba Izrẹl.
27
Ọ ghi rre ukpo evayan ekigbe siyeha ne Uzaia ne ọba kegha rre ẹkete Juda, e Pẹka ne ovbi e Remalaia keghi rriọba Izrẹl ọ keghi rriọba la ikpugie vbe Sameria.
28
Ọ keghi sẹ ẹmwẹ e Nọyaẹnmwa vbe ne ọ na lele igiemwi dan ọghe ọba Jeroboam ne ovbi e Nebat ne ọ si ivbi Izrẹl obọ la orukhọ.
29
Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.
30
Ọ ghi rre ukpo ọgban ne Jotan ne ovbi Uzaia kegha rre ẹkete e Juda, e Hosia ne ovbi Ela keghi khuan khẹ e Pẹka ne ọba, ọ na gbe ẹe rua, ọ na rriọba lele ẹe.
31
Emwi ọvbehe hia ne Pẹka ru, a gbẹnnẹ ọẹn ye Ebe Okha Avbe Ọba Izrẹl.
32
Ọ ghi rre ukpo ne ogieva ne Pẹka ne ovbi e Remalaia rriọba vbe Izrẹl, e Jotan ne ovbi Uzaia keghi rriọba e Juda,
33
vbe ọ rre ọmọ ukpo isẹn yan ugie, ọ keghi ya ukpo enẹirrọvbugie vbe ẹkete vbe Jerusalẹm. A kegha tie eni iye ẹe Jerusia, ovbi e Zadọk nọ.
34
E Jotan keghi lele ukpowẹ Uzaia ne erha ẹe, ọ na gha ru emwi ne ọ yẹ e Nọyaẹnmwa.
35
sokpan, a ma guọghọ aro ẹbọ avbe enigẹbọ, emwa keghi ye gha zọ ese, iran na vbe gha giẹn eturari vbe evba, e Jotan ọ re ọ bọ onurho ne ọ rre odẹ okuọ ọghe Ọgua Osa.
36
Emwi ọvbehe hia ne Jotan ghi ru, a gbẹnnẹ ọẹn ye Ebe Okha Avbe Ọba e Juda.
37
Ẹghẹ ne ọ na gha re ọba ọ re Nọyaẹnmwa na gie, vbe ne okaro, ne Rẹzin ne ọba e Siria kevbe Pẹka ne ọba Izrẹl gba mu okuo gha rrie Juda.
38
Jotan keghi wu, a na re ẹre ye idin ọba vbe ẹvbo e Devid, ẹre Ehaz ne ovbi ẹre na rriọba lele ẹe.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25