bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Kings 24
2 Kings 24
Edo ((E Baibol Ẹdo) Version 1996)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
1
Ẹghẹ ne Jehoiakim na gha re ọha, e Nebukiadneza ne ọba e Babilọn keghi mu okuo gha die Juda. E Jehoiakim keghi ya ukpo eha gha ga gie ẹe, vbe iyeke ọnii, ọ keghi sọtẹ.
2
E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.
3
Avbe emwi na hia kegha sunu zẹ vbene Nọyaẹnmwa gie, ne ọ miẹn ehe na kpolo ivbi e Juda hin odaro ẹre rre rhunmwuda orukhọ hia ne Manasẹ ru,
4
kpataki, rhunmwuda emwa ni ma rukhọ ne ọ gbele, ọnii ma gie Nọyaẹnmwa yabọ e Manasẹ.
5
Emwi ọvbehe hia ne Jehoiakim ghi ru, a gbẹnnẹ ọẹn ye Ebe Okha Ọghe Avbe Ọba e Juda.
6
E Jehoiakim keghi wu, ovbi ẹre ighẹ Jehoiakin keghi rriọba lele ẹe.
7
Ọba Igipt kevbe ivbi iyokuo ẹre ma ghi dọlegbe khọn ladian vbe Igipt ọvbehe, rhunmwuda, ọba e Babilọn ọ re ọ ghi gha khaemwisẹ yan avbe otọe hia ni te re ọghe Igipt kevbe ẹzẹ Yufretes kpao ya sẹ ehe ne Igipt sẹe vbe odẹ ahọ.
8
Ukpo erẹnrẹn ọre Jehoiakin gha ye vbe ọ rriọba e Juda, ọ keghi gbe uki eha vbe ẹkete vbe Jerusalẹm, a kegha tie iye ẹe Nehusta ne ovbi Elnatan ne okhuo, ne ọ ke Jerusalẹm rre.
9
Ọ keghi wa lele ukpowẹ avbe erha ẹe odede, e Jehoiakin keghi sẹ ẹmwẹ e Nọyaẹnmwa.
10
Ẹghẹ ọre, ọre avbe ekaokuo e Nebukiadneza ne ọba na viọ ivbi iyokuo e Babilọn do gha khọn e Jerusalẹm.
11
Vbe ẹghẹ ne iran na wa khọn nii, e Nebukiadneza tobọ ẹre, kegha die Jerusalẹm
12
ẹre Jehoiakin ne ọba, kevbe iye ẹe, avbe ivbi ẹre nikpia, avbe ewọe oga ọba ẹre, kevbe avbe ekhaẹmwẹ ọnrẹn, na wa zẹ egbe iran obọ ne ivbi e Babilọn. Ọ ghi rre ukpo erẹnrẹn ne Nebukiadneza rri ọba, o na mu e Jehoiakin oghunmwu.
13
Ọ na viọ emwi ẹfe hia ni rre Ọgua Osa kevbe ni rre ẹguae, avbe ọkpan igoru ne Solomọn ne ọba ru ne a ya gha ru emwi vbe Ọgua Osa.
14
Nebukiadneza keghi viọ emwa nii rre Jerusalẹm avbe ivbiọba kevbe emwa ni hin ukhuaẹn, odẹ arhin arriaisẹn igbe, ọ na munọ iran oghunmwu gha rrie. Ọ kevbe viọ iran kpao ighẹ avbe ikpia ni guẹ ona, kevbe avbe ogun, ọ na ghi sẹ iran ne ivbiogue rae vbe Juda.
15
E Nebukiadneza keghi mu e Jehoiakin gha rrie Babilọn zẹ vbe oghunmwu, ke ẹe kevbe iye ẹe, kevbe avbe amwẹ ọnrẹn, iran ni rre ukpo, kevbe emwa ni hin ukhuaẹn vbe Juda.
16
E Nebukiadneza keghi munọ emwa ni se ekpe ni rrọọ hia gha rrie Babilọn, arhin arriaisẹn ihinrọn deba emwa ni guẹ ona arriaisẹn deba avbe ogun, ena hia kegha re emwa ne egbe sẹ ọre, ni gha sẹtin yo okuo.
17
E Nebukiadneza keghi ye Matanaia ne ọtẹn erha Jehoiakin ne okpia ma ọba e Juda, ọ na fi ẹre eni werriẹ ghe Zedekaia.
18
Ukpo ọkpayan ugie ọre Zedekaia gha ye vbe ọ rriọba e Juda, ọ keghi ya ukpo owọrọ vbe ẹkete vbe Jerusalẹm. iye ẹe kegha re Hamutal ne ovbi e Jerimaia ne okhuo ne ọ ke Libna rre.
19
Zedekaia ne ọba kevbe sẹ ẹmwẹ e Nọyaẹnmwa zẹ vbene Jehoiakim ne ọba vbe ru.
20
Ohu emwa Jerusalẹm keghi mu e Nọyaẹnmwa sẹrriọ, kevbe e Juda ba ẹre, ne ọ na kpolo iran kua hin odaro irẹn rre.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25