bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Luke 14
Luke 14
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
ଗଟେତର୍ ଯୀଶୁ ବିଶାଉଣିଦିନ୍ ବଜି କାମ୍କେ ଫାରୂଶୀମ୍ନ୍କାର୍ ଗଟେକ୍ ନେତାଗ୍ର୍ ଗ୍ଲା, ସେତିର୍ ଲକ୍ମ୍ନ୍ ତାର୍ ବୁଲ୍ ଦ୍ରୁକେ ମ୍ନ୍ ଦିଆନ୍ କ୍ରି ଦ୍କ୍ତି ରିଲାଇ।
2
ସେଡେବ୍ଳ୍ ଆତ୍ ଆର୍ ଗଡ୍ ହୁଲି ରିଲା ଗଟେକ୍ ରଗି ଯୀଶୁର୍ ଲ୍ଗେରିଲା।
3
ତ୍ବେ ଯୀଶୁ ଫାରୂଶୀମ୍ନ୍କେ ଆର୍ ନିଆଇ ଶିକାଉତା ଲକ୍ମ୍ନ୍କେ ହ୍ଚାର୍ଲା, “ବିଶାଉଣିଦିନ୍ ରଗିକେ ବ୍ଲ୍କ୍ରୁକେ ଅମାର୍ ବିଦି ଆଚେ କି ନାଇ?”
4
ମ୍ତର୍ ସେମ୍ନ୍ ତାକେ ଗଟ୍ ହ୍ଦ୍ କ୍ତା ହେଁ କ୍ମ୍ ନ୍ହାର୍ଲାଇ, ଯୀଶୁ ସେ ମାନାଇକେ ଲ୍ଗେ କୁଦିକ୍ରି ତାକେ ଚୁଇଲା ଆର୍ ବ୍ଲ୍କ୍ଲା, ଯୀଶୁ ସେ ମାନାଇକେ ବ୍ଲ୍କ୍ରି ତାର୍ ଗ୍ରେ ହ୍ଟାଇଲା।
5
ହ୍ଚେ ଯୀଶୁ ଫାରୂଶୀମ୍ନ୍କେ ଆର୍ ଦ୍ର୍ମ୍ ଶାସ୍ତର୍ ଜାନ୍ତା ଲକ୍କେ କଇଲା, “ଯଦି ତୁମାର୍ କାର୍ ହିଲା କି ବ୍ଇଲ୍ କୁଇ କାଲେ ଅଦୁର୍ଲେକ୍ ତୁମି ସେମ୍ନ୍କେ ବିଶାଉଣିଦିନ୍ କାଇରି ବାର୍ ନ୍କେରାସ୍ କି?”
6
ସେମ୍ନ୍ ଯୀଶୁକେ ଇକ୍ତାର୍ ଉତର୍ ଦେମ୍ ନ୍ହାର୍ଲାଇ।
7
ଆରେକ୍, କ୍ନ୍କ୍ରି ଗତିଆମ୍ନ୍ ବଜି କାତା ତ୍ଇ ନିଜାର୍ ଗିନେ ବ୍ଡ୍ ବ୍ଡ୍ ଟାଣ୍ ବାଚ୍ଲାଇ, ସେରି ଦ୍କି ଯୀଶୁ ଲକ୍ମ୍ନ୍କେ ଇ ଦ୍କାଇକ୍ରି କ୍ଉତା କ୍ତା କଇଲା,
8
“ଯଦି କୁଇଲକ୍ ତୁମୁକ୍ ତାର୍ ବିବା ବଜିକେ କୁଦେଦ୍ ତ୍ବେ ସେତି ଜାଇକ୍ରି ବ୍ଡ୍ ଟାଣେ ବ୍ସା ନାଇ, କାଇତାକ୍ ତୁମାର୍ ତ୍ଇହ୍ଣି ଅଦିକ୍ ବ୍ଡ୍ ଲକ୍କେ ସେ ବଜିଏ କୁଦି ରେଇଦ୍,
9
ଜୁଇଲକ୍ ତକେ ଆର୍ ଅଦିକ୍ ବ୍ଡ୍ ଲକ୍କେ କୁଦିରେତି, ସେ ଆସିକ୍ରି ତକେ କଇଦ୍ ‘ଇତିହ୍ଣି ଉଟ୍ ଇତି ସେ ଅଦିକ୍ ବ୍ଡ୍ଲକ୍ ବ୍ସେଦ୍।’ ସେଡେବ୍ଳ୍ ତୁମି ଲାଜ୍ ହାଇକ୍ରି ସେ ଜାଗାଚାଡି ତ୍ଳେ ବ୍ସାସ୍।
10
ମ୍ତର୍ କୁଇଲକ୍ ଯଦି ତୁମୁକେ ବିବା ବଜିକେ କୁଦେଦ୍ ତ୍ବେ ଯାହା ଆର୍ ସ୍ବୁ ତ୍ଇହ୍ଣି ସାନ୍ ଜାଗାଇ ବ୍ସା, ଜ୍ନ୍କ୍ରି ତୁମୁକ୍ କୁଦ୍ଲା ଲକ୍ ଆସି ତୁମୁକ୍ ଦ୍କେଦ୍, ଆର୍ କଇଦ୍ ମର୍ସ୍ଙ୍ଗ୍ ଇ ବ୍ଡ୍ ଜାଗାଇ ଆସିକ୍ରି ବ୍ସ୍। ସେଡେବ୍ଳ୍ ସେତି ତୁମି ସ୍ବୁଲକାର୍ ଲ୍ଗେ ସନ୍ମାନ୍ ହାଉଆସ୍।
11
କାଇତାକ୍ ଜୁଇଲକ୍ ନିଜ୍କେ ବ୍ଡ୍ବ୍ଲି ଦ୍କାଇ ଅଇଦ୍ ତାକେ ଇଶ୍ୱର୍ ସାନ୍ କ୍ରେଦ୍, ଜୁଇଲକ୍ ନିଜ୍କେ ସାନ୍ବ୍ଲି ଦ୍କାଇ ଅଇଦ୍ ତାକେ ଇଶ୍ୱର୍ ବ୍ଡ୍ କ୍ରେଦ୍।”
12
ଆରେକ୍, ଯୀଶୁ ସେ ବଜି କ୍ରିରିଲା ମାନାଇକେ କଇଲା, “ଜ୍ଡେବ୍ଳ୍ ତୁମି ଦିନ୍ବ୍ଳ୍ କି ରାତିବ୍ଳ୍ ବଜି ଦେମ୍କେ ମ୍ନ୍ କ୍ଲେକ୍ ତୁମି ତୁମାର୍ ସ୍ଙ୍ଗାର୍ ଲକ୍କେ କି ତୁମାର୍ ବାଇଦି ମ୍ନ୍କେ କି ତୁମାର୍ ବେଣ୍ଦି ମ୍ନ୍କେ କି ତୁମାର୍ ନିଜାର୍ ଲକ୍ମ୍ନ୍କେ କି ତୁମାର୍ ହ୍ର୍ସା ଗ୍ରାର୍ ଦନୀ ଲକ୍ମ୍ନ୍କେ କୁଦାନାଇ, ବ୍ଲେକ୍ ଗଟେଦିନ୍ ସେମ୍ନ୍ ହେଁ ତକେ କୁଦିକ୍ରି ସେ କାଦିକେ ଲେଉଟାଇ ଦେତି।
13
ଜ୍ଡେବ୍ଳ୍ ତୁମି ବଜି ଦିଆସ୍ ତ୍ବେ ଗ୍ରିବ୍ ଲକ୍ମ୍ନ୍କେ, ମେଟା ଲକ୍ମ୍ନ୍କେ, ଚଟାଲକ୍ମ୍ନ୍କେ, ଆର୍ କାଣା ଲକ୍ମ୍ନ୍କେ କୁଦା।
14
ତୁମୁକ୍ କାଦି ଲେଉଟାଇ କ୍ରି ଦେତାର୍ ଗିନେ ସେମ୍ନ୍କାର୍ ଲ୍ଗେ କାଇରି ନାଇ ସେ ଲକ୍କେ କୁଦା, ତ୍ବେ ମରିକ୍ରି ଜିଇ ଉଟ୍ତା ଦିନ୍ ତୁମି ଇଶ୍ଵରାର୍ ତ୍ଇହ୍ଣି ନ୍ସେର୍ତା ଜୀବନାର୍ ଇନାମ୍ ହାଉଆସ୍।”
15
ସେତି ବଜି କାମ୍କେ ବ୍ସିରିଲା ଗଟେଲକ୍ ଜ୍ଡେବ୍ଳ୍ ଇକ୍ତା ଶୁଣ୍ଲା, ସେ ଯୀଶୁକେ କଇଲା, “ଜୁଇ ଲକ୍ମ୍ନ୍ ଇଶ୍ଵରାର୍ ରାଜିର୍ ବଜିତ୍ଇ ବ୍ସି କାଦି କାତି ସେମ୍ନ୍କେ ସେ ଦନ୍ୟ”
16
ମ୍ତର୍ ଯୀଶୁ ତାକେ କଇଲା, “ଗଟେଲକ୍ ରାତିବ୍ଳ୍ ବଜି ଦେମ୍କେ ମ୍ନ୍କ୍ଲା ଆର୍ ସେ ବେସି ଲକ୍ମ୍ନ୍କେ କୁଦ୍ଲା।
17
ଜ୍ଡେବ୍ଳ୍ ବଜି ଦେତା ସମୟ୍ ଅଇଲି ସେଡେବ୍ଳ୍ ସେ ବଜିୟେ କୁଦିରିଲା ଗତିଆ ମ୍ନ୍କେ ବଜି କାମ୍କେ ଆଶା ସ୍ବୁ ରେଡି ଅଇଲିବେ ବ୍ଲି କୁଦୁକେ ତାର୍ ଚାକର୍ମ୍ନ୍କେ ହ୍ଟାଇଲା।
18
ମ୍ତର୍ ସେମ୍ନ୍ ସ୍ବୁ ପର୍କାର୍ କାମ୍ ଦ୍କାଇକ୍ରି ସେ ଲକ୍ମ୍ନ୍ ଆସୁକେ ନ୍ଚ୍ଲାଇ ଆର୍ କ୍ମ୍କେ ଲାଗ୍ଲାଇ, ଆର୍ ହ୍ର୍ତୁର୍ ଲକ୍ କଇଲା, ‘ମୁଇ ଗଟେକ୍ ବେଡା ଗେନିଆଚି ଆର୍ ମକେ ସେ ବେଡା ଦ୍କୁକେ ହ୍ଳେଦ୍ ସେତାର୍ଗିନେ ମୁଇ ଆସୁ ନ୍ହାରି ମକେ କେମାକ୍ର୍।’
19
ଆରେକ୍ ଗଟେକ୍ ଲକ୍ କଇଲା, ‘ମୁଇ ହାଁଚ୍ ଅଳ୍ ବ୍ଇଲ୍ ଗେନିଆଚି ଆର୍ ମକେ ବ୍ଇଲ୍ ମ୍ନ୍କେ ଶିକାମ୍କେ ହ୍ଳେଦ୍ ସେତାର୍ଗିନେ ମୁଇ ଆସୁ ନ୍ହାରି ମକେ କେମାକ୍ର୍।’
20
ଆରେକ୍ ଗଟେକ୍ ବିନ୍ଲକ୍ କଇଲା, ‘ଅବେ ମୁଇ ବିବା ଅଇଲେଆଚି ସେତାର୍ଗିନେ ମୁଇ ଆସୁ ନ୍ହାରି ମକେ କେମାକ୍ର୍।’
21
ତାର୍ ହ୍ଚେ ସେ ଚାକର୍ ଲେଉଟି ଗ୍ଲା ଆର୍ ଇ ସ୍ବୁକ୍ତା ତାର୍ ସାଉକାର୍କେ ଜାଣାଇଲା, ତ୍ବେ ସାଉକାର୍ ବେସି ରିସାଅଇକ୍ରି ନିଜାର୍ ଚାକର୍କେ କଇଲା, ‘ତୁଇ ଇମାଡେ ଯା ଦୁଆର୍ ଆର୍ ଡ୍ଣ୍ତ୍ ମ୍ନାର୍ ତ୍ଇହ୍ଣି ଆର୍ ସ୍ହରାର୍ କନି ବିନି ତ୍ଇହ୍ଣି ଗ୍ରିବ୍ ଲକ୍କେ, ବ୍ଇରା, କାଣା, ଆର୍ ଚଟାଲକ୍ମ୍ନ୍କେ କୁଦିକ୍ରି ଆଣ୍।’
22
ତ୍ବେ ସେ ଚାକର୍ ତାକେ କଇଲା, ‘ଏ ସାଉକାର୍, ତର୍ ଆଦେଶ୍ ହ୍ର୍ ମୁଇ କ୍ଲେଆଚି ମ୍ତର୍ ଅବେହ୍ତେକ୍ ଟାଣ୍ଆଚେ।’
23
ତ୍ବେ ସାଉକାର୍ ସେ ଚାକର୍କେ କଇଲା, ‘ଦେଶାର୍ ସ୍ବୁ ର୍ସ୍ତା ମ୍ନ୍କେ ଆର୍ ଗ୍ଚ୍ ବୁନ୍ଦେ ବ୍ସିରିଲା ଲକ୍ମ୍ନ୍କେ କୁଦିଆଣା, ସେ ନ୍ହୁର୍ଲା ଟାଣେ ବ୍ର୍ତି କ୍ରି ବ୍ସାଉଆ।’
24
ମୁଇ ତୁମୁକ୍ କ୍ମ୍ଲେ, ଯେ ସେ କୁଦିରିଲା ଗତିଆ ମ୍ନ୍କାର୍ ବିତ୍ରେ ଗଟେଲକ୍ ହେଁ ମର୍ ବଜି ଚାକି ନ୍କେର୍ତି।”
25
ଗଟେତର୍ ଗାଦି ଲକ୍ମ୍ନ୍ଦା ଯୀଶୁର୍ ସ୍ଙ୍ଗ୍ ଜାତିରିଲାଇ, ସେଡେବ୍ଳ୍ ସେ ଉଲ୍ଟି କ୍ରି ସେମ୍ନ୍କେ କଇଲା,
26
“ଯଦି କୁଇଲକ୍ ମର୍ଲ୍ଗେ ଚେଲା ଅମ୍କେ ଆସିକ୍ରି ମର୍ତ୍ଇହ୍ଣି ତାର୍ ଉବାସିକେ, ଆଇସିକ୍, ଡକୁର୍ସିକେ, ହିଲା ଜିଲାକେ କି ତାର୍ ବାଇସି ବେଣ୍ସି ଆର୍ ତାର୍ ନିଜାର୍ ଜୀବନ୍କେ ଅଦିକ୍ ଲାଡ୍ କ୍ରେଦ୍, ତ୍ବେ ସେ ମର୍ ଚେଲା ଅମ୍କେ ନାହାରେ।
27
ଜୁଇଲକ୍ ତାର୍ ନିଜାର୍ ଦୁକ୍ କ୍ଷ୍ଟାର୍ କୁର୍ଶକାଟ୍କେ ବଇକ୍ରି ମର୍ ହ୍ଚ୍ ହ୍ଚ୍ ଆସିନ୍କେରେ ତ୍ବେ ସେ ମର୍ ଚେଲା ଅମ୍ନାହାରେ।
28
ଯଦି ତୁମାର୍ ବିତ୍ରେ କୁଇଲକ୍ ବ୍ଡ୍ ଗ୍ର୍ ତିଆର୍ କ୍ର୍ତାର୍ ଗିନେ ମନ୍ କ୍ରେଦ୍, ଆର୍ କାମ୍ ଆରମ୍ କ୍ରି ଶେସ୍ ଅଉତା ହ୍ତେକ୍ ତାକେ ଡାବୁ ଅଇଦ୍ କି ନାଇବ୍ଲି ଆଗ୍ତୁ ବ୍ସିକ୍ରି ଇସାବ୍ କ୍ରି ଦ୍କା।
29
ଯଦି ସେ କୁନାଦି କାମ୍ ଆରମ୍ କ୍ରି ସେ କାମ୍କେ ଶେସ୍ କ୍ରୁନାହାରେ, ତ୍ବେ ଜୁଇ ଲକ୍ମ୍ନ୍ ଇ ସ୍ବୁ ଦ୍କି ରେତି ସେମ୍ନ୍ ତାକେ ଲାଜ୍ କ୍ରାଇକ୍ରି କ୍ଉତି,
30
‘ଦ୍କା, ଇ ମାନାଇ କାମ୍ ଆରମ୍ କ୍ଲା ଆର୍ କାମ୍କେ ଶେସ୍ କ୍ରୁ ନାହାର୍ଲା।’
31
ଯଦି ଗଟେକ୍ ର୍ଜା ଦ୍ଶ୍ ହ୍ଜାର୍ ସ୍ଇନ୍ ସ୍ଙ୍ଗେ ନ୍ଇକ୍ରି ଆରେକ୍ କଳେ ହ୍ଜାର୍ ସ୍ଇନ୍ ରେତା ର୍ଜାର୍ ସ୍ଙ୍ଗ୍ ଜୁଜ୍ କ୍ରୁକେ ମ୍ନ୍କ୍ରେ, ତ୍ବେ ସେ ର୍ଜା ଯାତା ଆଗ୍ତୁ ବ୍ସିକ୍ରି ବିଚାର୍ କ୍ର୍ତାର୍ ଦ୍ର୍କାର୍, ଯେ ସେ ତାର୍ସ୍ଙ୍ଗ୍ ଜୁଜ୍ କ୍ରୁହାରେ କି ନାଇ?
32
ଯଦି ସେ ତାର୍ସ୍ଙ୍ଗ୍ ଜୁଜ୍ କ୍ରୁକେ ନାହାର୍ଲାକେ, ତ୍ବେ ସେ ର୍ଜା ଅଳ୍କ୍ ଦୁରିକେ ରିଲାବ୍ଳ୍, କ୍ବର୍ କାରିଆକେ ହ୍ଟାଇକ୍ରି ଅବେ ଜୁଜ୍ ନ୍କେରୁ ବ୍ଲି କାନିକ୍ର୍ମ୍ ଅଇ ପାର୍ତେନା କ୍ର୍ତି।
33
ସେନ୍କ୍ରି ତୁମାର୍ ବିତ୍ରେ, ମର୍ଗିନେ ଯଦି ତୁମାର୍ ନିଜାର୍ ଜୀବନ୍କେ ଚାଡୁ ନାହାର୍ଲାକେ ତ୍ବେ ତୁମି ମର୍ ଚେଲା ଅମ୍ନାହାରେ।”
34
ନଣ୍ ତ ବ୍ଲ୍। ମ୍ତର୍ ନଣ୍ ଯଦି ତାର୍ ନିଜାର୍ ସୁଆଦ୍ ଆରାଇଦ୍, ତ୍ବେ ସେରି କୁଇତି ହେଁ ହ୍କାଇଲେକ୍ ସୁଆଦ୍ ଅଇନ୍କେରେ।
35
ସେତାକ୍ ବେଡାର୍ ମାଟିଲ୍ଗେ କି କାତ୍ ହେଁ କାମ୍ ନଇ ମ୍ତର୍ ଲକ୍ମ୍ନ୍ ସେତାକ୍ ହ୍ଦାଇ ହିଙ୍ଗ୍ତି। ଯଦି ତୁମାର୍ କାନ୍ ଆଚେ ବ୍ଲେକ୍ ଶୁଣା ଆର୍ ବୁଜୁକେ ଚେଷ୍ଟାକ୍ରା।
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24