bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Luke 4
Luke 4
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
ଯୀଶୁ ପବିତର୍ ଆତ୍ମାର୍ ଶ୍କ୍ତିଏ ବ୍ର୍ତି ଅଇକ୍ରି ଯର୍ଦନ୍ ଗାଡେ ହ୍ଣି ଲେଉଟି ଆସି, ଆତ୍ମାର୍ ଇଚାହର୍ ଶୁନ୍ସାନ୍ ଜାଗାଇ ଗ୍ଲା। ଆର୍ ଶଇତାନ୍ ସେତି ଯୀଶୁକେ ପରିକ୍ୟା କ୍ର୍ତି ରିଲି।
2
ଯୀଶୁ ଚାଳିଶ୍ଦିନ୍ ଆର୍ ଚାଳିଶ୍ ରାତି କାଇରି ନ କାଇତେ ରେଇ, ସ୍ରାସ୍ରି ବେସି ବୁକ୍ ହାଇଲା।
3
ସେତି ଶଇତାନ୍ ଯୀଶୁର୍ ଲ୍ଗେ ଆସି କଇଲା, “ତୁଇ ଯଦି ଇଶ୍ଵରାର୍ ହଇସି ତ୍ବେ ଇ ଟେଳାକେ ରୁଟି ଅମ୍କେ ଆଦେଶ୍ ଦେସ୍।”
4
ମ୍ତର୍ ଯୀଶୁ ଶଇତାନ୍କେ ଉତର୍ଦିଲା, “ଦ୍ର୍ମ୍ ଶାସ୍ତର୍ ତ୍ଇ ଲେକା ଅଇଆଚେ, ମାନାଇ ଅବ୍କା ରୁଟି କାଇକ୍ରି ବାଚି ନ୍କେର୍ତି।”
5
ତାର୍ ହ୍ଚେ ଶଇତାନ୍ ଯୀଶୁକେ ଗଟେକ୍ ଉଚା ଡଙ୍ଗ୍ରେ ନିଲି ଆର୍ଗଟ୍ ଗ୍ଡି ବିତ୍ରେ ହୁର୍ତିବିର୍ ସ୍ବୁ ରାଜିକେ ଦ୍କାଇଲା।
6
ଆରେକ୍, ଶଇତାନ୍ ଯୀଶୁକେ କଇଲା, “ହୁର୍ତିବିର୍ ଇ ସ୍ବୁ ସୁନ୍ଦୁର୍ ଅଦିକାର୍ ଆର୍ ଦ୍ନ୍ ସ୍ମ୍ପତି ମୁଇ ତକେ ଦେଇନ୍ଦ୍, କାଇତାକ୍ ମକେ ଇ ସ୍ବୁ ଦିଆଅଇଲି ଆଚେ, ଆର୍ ମୁଇ ଜାକେ ଇଚା କ୍ଲେକ୍ ତାକେ ଇ ସ୍ବୁ ଦେଇନ୍ଦ୍।
7
ତୁଇ ଯଦି ମକେ ମୁଣ୍ତିଆ ମାରି ମର୍ ଆରାଦନା କ୍ର୍ସି, ତ୍ବେ ଇ ସ୍ବୁ ତର୍ ଅଇଦ୍।”
8
ଯୀଶୁ ତାକେ ଉତର୍ଦିଲା, “ଦ୍ର୍ମ୍ ଶାସ୍ତର୍ ତ୍ଇ ଲେକା ଅଇଆଚେ, ତୁମି ତୁମାର୍ ମାପ୍ରୁ ନିଜାର୍ ଇଶ୍ଵର୍କେ ମୁଣ୍ତିଆ ମାରି ଜୁଆର୍ କ୍ରା ଆର୍ ତାର୍ ଆରାଦନାକ୍ରା।”
9
ଆରେକ୍, ଶଇତାନ୍ ଯୀଶୁକେ ଯିରୁଶାଲମ୍ ସ୍ହରେ ନିଲା, ଆର୍ ନ୍ଇକ୍ରି ମନ୍ଦିର୍ ଚାତ୍ ଉହ୍ରେ ଟିଆ କ୍ରାଇ ତାକେ କଇଲା, “ତୁଇ ଯଦି ଇଶ୍ଵରାର୍ ହଇସି, ତ୍ବେ ଇତିହ୍ଣି ତ୍ଳେ ଡ୍ଗାଉ।
10
କାଇତାକ୍ ଦ୍ର୍ମ୍ ଶାସ୍ତର୍ ତ୍ଇ ଲେକା ଅଇଲିଆଚେ। ସେ ନିଜାର୍ ଦୂତ୍ମ୍ନ୍କେ ତର୍ ଉଦାର୍ ବିଷୟେ ଆଦେଶ୍ ଦେଇଦ୍।
11
ଆରେକ୍ ଲେକା ଅଇଆଚେ, ତର୍ ହାଦ୍ ଜ୍ନ୍କ୍ରି ଟେଳାଇ ନ୍ହାଇ, ସେତାର୍ଗିନେ ଦୂତ୍ମ୍ନ୍ ତାକାର୍ ଆତେ ଟେକି ଦ୍ର୍ତି।”
12
ଆରେକ୍, ଯୀଶୁ ଉତର୍ଦିଲା, “ଦ୍ର୍ମ୍ ଶାସ୍ତର୍ ତ୍ଇ ଲେକା ଅଇଆଚେ, ‘ତୁମି ତୁମାର୍ ମାପ୍ରୁ ଇଶ୍ଵର୍କେ ପରିକ୍ୟା କ୍ରାନାଇ।’”
13
ଶଇତାନ୍ ଯୀଶୁକେ ଇ ସ୍ବୁ ପରିକ୍ୟା କ୍ରି ସ୍ର୍ଲା ହ୍ଚେ, କ୍ତିଦିନ୍ ହ୍ତେକ୍ ତାକେ ଚାଡିକ୍ରି ବାରିଗ୍ଲା।
14
ତାର୍ ହ୍ଚେ ଯୀଶୁ ଗାଲିଲୀ ଜିଲାକେ ଲେଉଟି ଗ୍ଲା, ଆର୍ ପବିତର୍ ଆତ୍ମାର୍ ଶ୍କ୍ତି ତାର୍ସ୍ଙ୍ଗ୍ ରିଲି, ତାର୍ କ୍ବର୍ ସେ ଚାରିହାକ୍ ଆଉଜି ଅଇଲି।
15
ଆରେକ୍, ଯୀଶୁ ଯିହୁଦିମ୍ନ୍କାର୍ ପାର୍ତେନା ଗ୍ରେ ଶିକ୍ୟା ଦେମ୍କେ ଆରମ୍ କ୍ଲା ଆର୍ ସ୍ବୁଲକାର୍ ପର୍ଶଙ୍ଗ୍ସା ହାଇଲା।
16
ତାର୍ ହ୍ଚେ ଯୀଶୁ ଜୁଇ ନାଜରିତ ସ୍ହରେ ବାଡିରିଲା, ସେ ସ୍ହରେ ଆଇଲା ଆର୍ ନିଜାର୍ ନିୟମ୍ ହର୍ ବିଶାଉଣିଦିନ୍ ପାର୍ତେନା ଗ୍ରେ ଗ୍ଲା, ଆର୍ ଦ୍ର୍ମ୍ ଶାସ୍ତର୍ ହ୍ଳୁକେ, ସେ ଟିଆଅଇଲା।
17
ସେଡେବ୍ଳ୍ ତାକେ ଯିଶାଇୟ ବବିଶତ୍ କ୍ତା କ୍ଉତା ଲକାର୍ ଶାସ୍ତର୍ ହଡୁକେ ଦିଲାଇ, ସେ ସେତାକ୍ ଇଟାଇକ୍ରି, ଜୁଇତି କି ଇ ବାକ୍ୟ ଲେକା ଅଇରିଲା, ସେ ବାକ୍ୟ ସେ ହାଇଲା,
18
“ମାପ୍ରୁର୍ ପବିତର୍ ଆତ୍ମା ମର୍ ଉହ୍ରେ ଆଚେ। କାଇତାକ୍ ସେ ଗ୍ରିବ୍ ଲକ୍ମ୍ନ୍କାର୍ ଲ୍ଗେ ସୁବ୍କ୍ବର୍ ପର୍ଚାର୍ କ୍ରୁକେ ମକେ ଅବିଶେକ୍ କ୍ଲାଆଚେ। ଜେଇଲ୍ ଗ୍ରେ ରିଲା ଲକ୍ମ୍ନ୍କେ ଉଦାର୍ କ୍ରୁକେ, କାଣା ଲକ୍ମ୍ନ୍କାର୍ ଆକି ଦ୍କୁକେ ଶ୍କ୍ତି ଦେମ୍କେ ଆର୍ ଦୁକ୍କ୍ଷ୍ଟ ହାଉତା ଲକ୍ମ୍ନ୍କେ ଉଦାର୍ କ୍ରୁକେ
19
ଆର୍ ମାପ୍ରୁ ତାର୍ ଲକ୍ମ୍ନ୍କେ ଉଦାର୍କ୍ର୍ତା ସମୟ୍ ଆଇଲି ବ୍ଲି କ୍ଉତାର୍ ଗିନେ, ସେ ମକେ ହ୍ଟାଇ ଆଚେ।”
20
ଯୀଶୁ ଶାସ୍ତର୍ ବ୍ନ୍ଦ୍କ୍ରି, ସେରି ପାର୍ତେନା ଗ୍ର୍ ଚାଲାଉତା ଲକ୍କେ ଲେଉଟାଇ ଦିଲା ଆର୍ ଶିକ୍ୟା ଦେମ୍କେ ବ୍ସ୍ଲା। ଆର୍ ସେତି ବ୍ସିରିଲା ସ୍ବୁ ଲକ୍ ତାକେ ବ୍ଲ୍କ୍ରି ଦ୍କୁକେ ଲାଗ୍ଲାଇ।
21
ଆରେକ୍, ଯୀଶୁ ସେମ୍ନ୍କେ କଇଲା, “ଦ୍ର୍ମ୍ ଶାସ୍ତର୍ ଇ ବାକ୍ୟ ଜାଇରି ତୁମିମ୍ନ୍ ଶୁଣ୍ଲାସ୍, ଆଜି ସେରି ହୁରା ଅଇଲି।”
22
ଆର୍ ସ୍ବୁ ଲକ୍ମ୍ନ୍ ତାର୍ ଟଣ୍ତାର୍ ବୁଦିର୍ କାତା ଶୁଣିକ୍ରି ଚାନିଆ ଅଇଲାଇ, ଆର୍ ସେମ୍ନ୍ କଇଲାଇ, “ଏ କାଇରି ଯୋଷେପାର୍ ହଇସି ନଇକି?”
23
ଯୀଶୁ ସେମ୍ନ୍କେ କଇଲା, “ତୁମିମ୍ନ୍ ମକେ ଇକ୍ତା କ୍ଉଆସ୍ ମୁଇ ଜାନ୍ଲେ ଆଚି, ‘ଏ ଡାକ୍ଟର୍, ତୁଇ ନିଜ୍କେ ଆଗ୍ତୁ ବ୍ଲ୍କ୍ରି ଅଉ; କପର୍ନାହୁମ୍ ସ୍ହରେ ଜୁଇ ଜୁଇରି କାବାକାମ୍ ଗଟିଆଚେ ବ୍ଲି ଅମି ଶୁଣିଆଚୁ, ସେ ସ୍ବୁକାମ୍, ତର୍ ଜ୍ର୍ନ୍ ମାଟାଇ ହେଁ କ୍ର୍ବ୍ଲି ତୁମିମ୍ନ୍ ମକେ କ୍ଉଆସ୍।’”
24
ଆରେକ୍, ଯୀଶୁ ସେମ୍ନ୍କେ କଇଲା, “ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, କୁଇ ବବିଶତ୍ କ୍ତା କ୍ଉତାଲକ୍ ତାର୍ ନିଜାର୍ ଗାମେ କ୍ବେ ମାନ୍ତି ନାହାଇ।
25
ମ୍ତର୍ ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ଜ୍ଡେବ୍ଳ୍ ବବିସତ୍ କ୍ତା କ୍ଉ ଏଲିୟର୍ ସମୟେ, ଇସ୍ରାଏଲ୍ ଦେଶାର୍ ଚାରିହାକ୍ ତିନି ବର୍ଷ ଚଅ ମାସ୍ ହ୍ତେକ୍ ବାଦୁଳ୍ ଟେକି ବର୍ଷା ନ୍ଇଲି, ଆର୍ ବେଡା ହ୍ଦା ମ୍ନ୍କେ ହେଁ କାୟ୍ ହାଚି ନ୍ଇଲି, ସେଡେବ୍ଳ୍ ଇସ୍ରାଏଲ୍ ଲକ୍ମ୍ନ୍କାର୍ ବିତ୍ରେ କ୍ତେକ୍ ରାଣ୍ତି ଟକିମ୍ନ୍ ରିଲାଇ।
26
ମ୍ତର୍ ମାପ୍ରୁ ଏଲିୟକେ ସେମ୍ନ୍କାର୍ ବିତ୍ରେ କାର୍ ଲ୍ଗେ ନ୍ହେଟାଇ କ୍ରି, ସୀଦନ୍ ଦେଶାର୍ ସାରିଫତ୍ ଗାମାର୍ ଗଟେକ୍ ରାଣ୍ତିର୍ ଲ୍ଗେ ହ୍ଟାଇରିଲା।
27
ଆରେକ୍, ବବିଶତ୍ କ୍ତା କ୍ଉତାଲକ୍ ଏଲିୟର୍ ସମୟେ ଇସ୍ରାଏଲ୍ ଦେଶାର୍ ଲକ୍ମ୍ନ୍କାର୍ ବିତ୍ରେ, କ୍ତେକ୍ କୁଷ୍ଟରଗ୍ ଅଇରିଲା ଲକ୍ମ୍ନ୍ ରିଲାଇ। ମ୍ତର୍ ସେମ୍ନ୍କାର୍ ବିତ୍ରେ କାକେ ହେଁ ବ୍ଲ୍ କ୍ରାଅଇ ନ୍ରିଲି, ମ୍ତର୍ ସିରିଆ ଦେଶାର୍ ନାମାନ୍ ନାଉର୍ ଏକ୍ଲା ଲକ୍ ହ୍କା ବ୍ଲ୍ ଅଇରିଲା।”
28
ଜ୍ଡେବ୍ଳ୍ ପାର୍ତେନା ଗ୍ରେ ରିଲା ଲକ୍ମ୍ନ୍ ଇ ସ୍ବୁକ୍ତା ଶୁଣ୍ଲାଇ ସେଡେବ୍ଳ୍ ସେମ୍ନ୍ ରିସାଅଇକ୍ରି ଟିଆ ଅଇଲାଇ,
29
ଆରେକ୍, ସେମ୍ନ୍ ରିସାଅଇକ୍ରି ଯୀଶୁକେ ସ୍ହରେ ହ୍ଣି ବାର୍କ୍ରି, ଜୁଇ ଡଙ୍ଗୁର୍ ଉହ୍ରେ ସେମ୍ନ୍କାର୍ ସ୍ହର୍ ରିଲି, ସେତିହ୍ଣି ତ୍ଳେ ହିଙ୍ଗି ମ୍ର୍ନେ ମାରୁକେ ତାକେ ସେତି ନିଲାଇ।
30
ମ୍ତର୍ ସେ ଲକ୍ମ୍ନ୍ଦା ବିତ୍ରେହ୍ଣି ବାରି ଉଟିଗ୍ଲା।
31
ତାର୍ ହ୍ଚେ ଯୀଶୁ ଗାଲିଲୀ ଜିଲାର୍ କପର୍ନାହୁମ୍ ସ୍ହରେ ଆଇଲା, ଆର୍ ସେତି ସେ ବିଶାଉଣିଦିନ୍ ଲକ୍ମ୍ନ୍କେ ଶିକ୍ୟା ଦେମ୍କେ ଲାଗ୍ଲା,
32
ଆରେକ୍ ସେମ୍ନ୍ ଯୀଶୁର୍ ଶିକ୍ୟା ଶୁଣି ଚ୍ମ୍କି ଗ୍ଲାଇ, କାଇତାକ୍ ସେ ଅଦିକାର୍ ସ୍ଙ୍ଗ୍ ବାକ୍ୟ ପର୍ଚାର୍ କ୍ର୍ତିରିଲା।
33
ସେ ପାର୍ତେନା ଗ୍ର୍ ବିତ୍ରେ ଏକ୍ଲା ଲକ୍ରିଲା, ତାକେ ବୁତ୍ଆତ୍ମା ଡ୍ସି ରିଲି। ଆର୍ ସେ ବ୍ଡ୍ ଟଣ୍ତ୍କ୍ରି କଇଲା,
34
“ହେ ନାଜରିତୀୟ ଗାମାର୍ ଯୀଶୁ, ତୁଇ କାଇତାକ୍ ଅମାର୍ କ୍ତାଇ ମ୍ନ୍ ଦେମ୍ଲିସ୍? ତୁଇ କାଇରି ଅମୁକେ ନାସ୍ କ୍ରୁକେ ଆଇଲିସ୍? ତୁଇ କେ ସେରି ମୁଇ ଜାଣୁଲେ। ତୁଇ ସେ ପବିତର୍ ଲକ୍ ଯେ କି ଇଶ୍ୱର୍ ଲ୍ଗେ ହ୍ଣି ଆଇଲିସ୍ ଆଚିସ୍।”
35
ଯୀଶୁ ବୁତ୍ଆତ୍ମାକେ ଡିରାଇକ୍ରି କଇଲା, “ଚୁପ୍କ୍ର୍ ଆର୍ ଇଲକାର୍ ତ୍ଇହ୍ଣି ବାରିଯା” ସେ ବୁତ୍ ତାକେ ଲକ୍ମ୍ନ୍କାର୍ ମୁଏ ଅଦ୍ରାଇଲି ଆର୍ ତାକେ କାଇରି ନ୍ଷ୍ଟ ନ୍କେରି ତାର୍ ତ୍ଇହ୍ଣି ବାରାଇ ଗ୍ଲି।
36
ସେଡେବ୍ଳ୍ ସେତିରିଲା ସ୍ବୁଲକ୍ ଅଦିକ୍ କାବାଅଇଲାଇ, ଆର୍ ନିଜାର୍ ନିଜାର୍ ବିତ୍ରେ କ୍ଉଆ କୁଇ ଅଇଲାଇ, ଇ ସ୍ବୁ କ୍ନ୍କାର୍ ଶିକ୍ୟା? ସେ ଅଦିକାର୍ ସ୍ଙ୍ଗ୍ ବୁତ୍ଆତ୍ମାମ୍ନ୍କେ ଆଦେଶ୍ ଦେମ୍ଲା ଆର୍ ସେମ୍ନ୍ ତାର୍ ଆଦେଶ୍ ମାନି ବାରି ଜ୍ମ୍ଲାଇ।
37
ଆରେକ୍ ଯୀଶୁ କ୍ଲାକାମ୍ ବିଷୟେ ଲକ୍ମ୍ନ୍ ବିନ୍ ଲକ୍ମ୍ନ୍କେ କ୍ଇଲାଇ, ଆର୍ ସ୍ବୁ ଗାମେ ତାର୍କ୍ତା ଆଉଜି ଅଇଲି।
38
ଯୀଶୁ ଯିହୁଦିମ୍ନ୍କାର୍ ପାର୍ତେନା ଗ୍ରେହ୍ଣି ବାରାଇ ଶିମୋନାର୍ ଗ୍ରେ ଗ୍ଲା। ସେତି ଶିମୋନାର୍ ସ୍ତୁର୍ସି ବେସି ଜ୍ର୍ ଅଇରିଲି, ଆର୍ ସେମ୍ନ୍ ତାର୍ ସ୍ତୁର୍ସିର୍ କ୍ତା ଯୀଶୁକେ କଇଲାଇ।
39
ସେଡେବ୍ଳ୍ ଯୀଶୁ ତାର୍ ଲ୍ଗେ ଗ୍ଲା ଆର୍ ଟିଆଅଇ ଜ୍ର୍କେ ଦ୍ମ୍କାଇଲା, ଆରେକ୍ ତାର୍ ଗ୍ଗାଳେହ୍ଣି ଜର୍ ଚାଡ୍ଲି, ଆରେକ୍ ସେମାଡେ ଉଟିକ୍ରି ସେ ସେମନ୍କେ ସେବା କ୍ରୁକେ ଲାଗ୍ଲି।
40
ବିଶାଉଣିଦିନ୍ ବେଳ୍ ବୁଡ୍ଲା ହ୍ଚେ, ଲକ୍ମ୍ନ୍ ବିନ୍ବିନ୍ ପର୍କାର୍ ରଗ୍ ଜ୍ରେ ହ୍ଳିରିଲାର୍ ଲକ୍ମ୍ନ୍କେ ଯୀଶୁର୍ ଲ୍ଗେ ଆନ୍ଲାଇ, ସେ ସ୍ବୁଲକାର୍ ଉହ୍ରେ ତାର୍ ଆତ୍ ସ୍ଙ୍ଗାଇ କ୍ରି ସେମ୍ନ୍କେ ବ୍ଲ୍କ୍ଲା।
41
ଆର୍ ବୁତ୍ଆତ୍ମାମ୍ନ୍ ତୁଇ ଇଶ୍ଵରାର୍ ହଇସିବ୍ଲି କ୍ଇକ୍ରି ଲକ୍ମ୍ନ୍କାର୍ ବିତ୍ରେହ୍ଣି କିଲି ବିଲି ଅଇ ବାରିଗ୍ଲାଇ, ଆର୍ ଯୀଶୁ ବୁତ୍ ମ୍ନ୍କେ କ୍ତା କ୍ମ୍କେ ସୁଜଗ୍ ନ୍ଦିଲା, କାଇତାକ୍ ସେମ୍ନ୍ ଯୀଶୁକେ ଖ୍ରୀଷ୍ଟ ବ୍ଲି ଜାଣିରିଲାଇ।
42
ତାର୍ ଆର୍ ଗଟେଦିନ୍ ବର୍ ସ୍କାଳିଆ ଯୀଶୁ ସ୍ହର୍ ଚାଡି ଗଟେକ୍ ଶୁନ୍ସାନ୍ ଜାଗାଇ ଗ୍ଲା। ଆର୍ ଲକ୍ମ୍ନ୍ ତାକେ କ୍ଜ୍ତି ରିଲାଇ, ଜ୍ଡେବ୍ଳ୍ ସେମ୍ନ୍ ତାକେ ବେଟ୍ ଅଇଲାଇ ତାକେ ସେମ୍ନ୍ ତେବାମ୍କେ ଚେଷ୍ଟା କ୍ଲାଇ।
43
ମ୍ତର୍ ଯୀଶୁ ସେମ୍ନ୍କେ କଇଲା, “ଇଶ୍ଵରାର୍ ରାଜିର୍ ସୁବ୍କ୍ବର୍ ପର୍ଚାର୍ କ୍ରୁକେ ମକେ ବିନ୍ବିନ୍ ସ୍ହର୍ମ୍ନ୍କେ ଜ୍ମ୍କେ ହ୍ଳେଦ୍, ସେତାର୍ଗିନେ ଇଶ୍ୱର୍ ମକେ ହ୍ଟାଇଲା ଆଚେ।”
44
ଆରେକ୍, ଯୀଶୁ ଯିହୁଦା ଜିଲାର୍ ଯିହୁଦିମ୍ନ୍କାର୍ ପାର୍ତେନା ଗ୍ରେ ପର୍ଚାର୍ କ୍ରୁକେ ଲାଗ୍ଲା।
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24