bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Revelation 21
Revelation 21
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
ଇତାର୍ ହ୍ଚେ ମୁଇ ଗଟେକ୍ ନ୍ଉଁଆ ସ୍ର୍ଗ୍ ଆର୍ ନ୍ଉଁଆ ହୁର୍ତିବି ଦ୍କ୍ଲେ। ହ୍ର୍ତୁ ସ୍ର୍ଗ୍ ଆର୍ ହୁର୍ତିବି ଲିବି ଜାଇରିଲି। ସେତି ସ୍ମ୍ଦୁର୍ ଆରେକ୍ ନ୍ରିଲି।
2
ତାର୍ ହ୍ଚେ ମୁଇ ଇଶ୍ଵରାର୍ ତ୍ଇହ୍ଣି ସ୍ର୍ଗେ ହ୍ଣି ପବିତର୍ ସ୍ହର୍ ଉତ୍ରି ଆସ୍ତାର୍ ଦ୍କ୍ଲେ। ଇ ପବିତର୍ ନ୍ଉଁଆ ସ୍ହର୍ ଅମ୍ଲି ଯିରୁଶାଲମ୍ ଇରି ବ୍ର ହାଇଁ କ୍ନ୍ୟା ଜ୍ନ୍କ୍ରି ତିଆର୍ ଅଇଦ୍ ଟିକ୍ ସେନ୍କାର୍ ଇରି ତିଆର୍ ଅଇରିଲି।
3
ଆରେକ୍ ମୁଇ ରାଜ୍ଗାଦି ତ୍ଇହ୍ଣି ଗଟେକ୍ ବେଲ୍କି ଅଉତାର୍ ଶ୍ବ୍ଦ ଶୁଣ୍ଲେ, “ଅବେ ଇଶ୍ଵରାର୍ ରେତା ଗ୍ରେ ଲକ୍ମ୍ନ୍କାର୍ ଲ୍ଗେ ଆଚେ, ସେ ସେମ୍ନ୍କାର୍ ସ୍ଙ୍ଗ୍ ର୍ଇଦ୍, ସେମ୍ନ୍ ତାର୍ ଲକ୍ ଅଉତି। ଇଶ୍ଵର୍ ନିଜେ ସେମ୍ନ୍କାର୍ ସ୍ଙ୍ଗ୍ ର୍ଇଦ୍ ଆର୍ ସେମ୍ନ୍କାର୍ ଇଶ୍ଵର୍ ଅଇଦ୍।
4
ଇଶ୍ଵର୍ ସେମ୍ନ୍କାର୍ ଆକିର୍ ସ୍ବୁ ଆସୁ ହୁଚି ଦ୍ଇଦ୍। ସେତି ମ୍ର୍ନ୍ ର୍ଇନ୍କେରେ ଦୁକ୍ କି କାନ୍ଦ୍ କି ରଗ୍ ଦୁକା ଅଇନ୍କେରେ, କାଇତାକ୍ ଆଗାର୍ ହ୍ର୍ନା ବିଷୟ୍ ସ୍ବୁ ସ୍ରି ଯାଇଆଚେ।”
5
ତାର୍ହ୍ଚେ ରାଜ୍ଗାଦି ତ୍ଇ ଜୁଇ ଲକ୍ ବ୍ସିରିଲା ସେ କଇଲା, “ମୁଇ ସ୍ବୁ ବିଷୟ୍ ନ୍ଉଁଆ କ୍ରୁଲେ!” ଆରେକ୍ ସେ କଇଲା “ଇରି ଲେକିରେ, କାଇତାକ୍ ଇ ସ୍ବୁ ବିଶ୍ବାସାର୍ ଯଗ୍ଯ ଆର୍ ସ୍ତ୍।”
6
ସେ ମକେ ଆରେକ୍ କଇଲା, “ସ୍ବୁକାମ୍ ସ୍ରାଇ ଆଚି। ମୁଇ ଆଲ୍ପା ଆର୍ ଓମେଗା, ଆରମ୍ ଆର୍ ଶେସ୍। ମୁଇ ସସାର୍ ଲକ୍କେ ବିନାମୁଲ୍ଯରେ ଜୀବନ୍ ଦେତା ଜର୍ଣା ହାଣି କାତାର୍ ହାଇଁ ଦ୍ଇନ୍ଦ୍।
7
ଜୁଇ ଲକ୍ କ୍ରାପ୍ କାମ୍କେ ଆରାଇକ୍ରି ଜିତେଦ୍, ସେ ଇରିସ୍ବୁ ହାଇଦ୍। ମୁଇ ତାର୍ ଇଶ୍ଵର୍ ଅଇନ୍ଦ୍ ଆର୍ ସେ ମର୍ ହିଲା।
8
ମ୍ତର୍ ଜୁଇ ଲକ୍ମ୍ନ୍ ଡିର୍କୁଣା, ଅବିସ୍ବାସି, ଗୁର୍ନା କ୍ର୍ତା ଲକ୍, ମାନାଇମାରୁ, ଦାରିକାମ୍ କ୍ର୍ତା ଲକ୍, ଜାଦୁ ମ୍ତର୍ କ୍ଉତାଲକ୍, ଆର୍ ମୁର୍ତି ହୁଜା କ୍ର୍ତା ଲକ୍, ଆର୍ ମିଚ୍କ୍ତା କ୍ଉତାଲକ୍ ସ୍ବ୍କେ ଲାଗ୍ତା ଗନ୍ଦ୍କ୍ ଜୟ୍ ଗାଡେ ଜାଗା ମିଳେଦ୍। ଇରିହ୍କା ଅମ୍ଲି ଦୁଇ ଲ୍ମବ୍ର୍ ମ୍ର୍ନ୍।”
9
ତାର୍ ହ୍ଚେ ସାତ୍ଗଟ୍ ସ୍ର୍ଗ୍ ଦୂତ୍ ବିତ୍ରେହ୍ଣି ଜୁଇମ୍ନ୍କାର୍ ଲ୍ଗେ ସାତ୍ଗଟ୍ ସ୍ରାସ୍ରି ବ୍ଡ୍ ମ୍ର୍ଡିର୍ ସାତ୍ଗଟ୍ ଗିନା ରିଲା, ସେମ୍ନ୍କାର୍ ବିତ୍ରେହ୍ଣି ଏକ୍ଲା ମର୍ଲ୍ଗେ ଆସି କଇଲା, “ମର୍ସ୍ଙ୍ଗ୍ ଆଉ, ମୁଇ ତକେ ମେଣ୍ଢା ଯେ କି ଯୀଶୁର୍ କ୍ନ୍ୟାକେ ଦ୍କାଇନ୍ଦ୍।”
10
ସେ ଦୂତ୍ ମକେ ଆତ୍ମାର୍ ଆଇତେ ଗଟେକ୍ ବେସିବ୍ଡ୍ ଆର୍ ଉଚା ଡଙ୍ଗୁରେ ନ୍ଇଗ୍ଲା। ସେ ମକେ ପବିତର୍ ସ୍ହର୍ ଯିରୁଶାଲମ୍କେ ଦ୍କାଇଲା। ମୁଇ ସେ ସ୍ହର୍କେ ଇଶ୍ଵରାର୍ ଲ୍ଗେହ୍ଣି ସ୍ର୍ଗେ ହ୍ଣି ଆସ୍ତାର୍ ଦ୍କ୍ଲେ।
11
ସେ ସ୍ହର୍ ଇଶ୍ଵରାର୍ ମଇମାରେ ଉଜାଳ୍ ଅଇ ଦ୍କାଜାତେରିଲି। ଇରି ବେସିଦାମାର୍ ମଣି ଟେଡା ଆର୍ ଜ୍କ୍ମକ୍ତା ଟେଡାହର୍ ଆର୍ ହିରା ଟେଡାହର୍ ସପା ରିଲି।
12
ସ୍ହରାର୍ ଗଟେକ୍ ବ୍ଡ୍ ଉଚା କ୍ତି ରିଲି। ଇତାର୍ ବାରଗଟ୍ ହୁର୍ତା କ୍ହାଟ୍ ରିଲି। ସେ କ୍ହାଟ୍ ଲ୍ଗେ ବାରଗଟ୍ ସ୍ର୍ଗ୍ ଦୂତ୍ ରିଲାଇ। ସ୍ବୁ ହୁର୍ତା କ୍ହାଟେ ଇସ୍ରାଏଲାର୍ ବାରଗଟ୍ ବ୍ଉଶାର୍ ନାଉଁ ଲେକା ଅଇରିଲି।
13
ସେତି ହୁରୁବ୍ ଦିଗେ ତିନିଗଟ୍ କ୍ହାଟ୍, ପ୍ଶ୍ଚିମ୍ ଦିଗେ ତିନିଗଟ୍ କ୍ହାଟ୍, ଉତ୍ତର୍ ଦିଗେ ତିନିଗଟ୍ କ୍ହାଟ୍ ଆର୍ ଦ୍କ୍ଷିଣ୍ ଦିଗେ ତିନିଗଟ୍ କ୍ହାଟ୍ ରିଲି।
14
ସେ ସ୍ହରାର୍ କ୍ତିର୍ ବାରଗଟ୍ କୁନାଦି ଟେଡା ଉହ୍ରେ ରିଲି। ସେ ଟେଡା ଉହ୍ରେ ମେଣ୍ଢା ଯେ କି ଯୀଶୁର୍ ବାର୍ଗଟ୍ ହ୍ଟାଇଲା ଚେଲାମ୍ନ୍କାର୍ ନାଉଁ ଲେକା ଅଇରିଲି।
15
ମର୍ସ୍ଙ୍ଗ୍ କ୍ତାବାର୍ତା ଅଉତିରିଲା ଦୂତାର୍ ଆତେ ଗଟେକ୍ ସନାର୍ ନାହ୍ତା ଡାଙ୍ଗ୍ରିଲି। ସେ ସ୍ହର୍, ଇତାର୍ ହୁର୍ତା କ୍ହାଟ୍ ଆର୍ କ୍ତି ନାହ୍ତା ହାଇଁ ଇ ନାହ୍ତା ଡାଙ୍ଗ୍ ନିଜାର୍ ଆତେ ଦ୍ରିରିଲା।
16
ସେ ସ୍ହର୍ ଚାର୍ କନିଆ ରିଲି। ଇତାର୍ ଲମ୍ୱା ଅସାର୍ ସ୍ମାନ୍ ରିଲି। ସେ ଦୂତ୍ ନାହ୍ତା ଡାଙ୍ଗ୍ ସ୍ଙ୍ଗ୍ ସ୍ହର୍କେ ନାହ୍ଲା ତାର୍ ଲମ୍ୱା ଦୁଇ ହଜାର୍ ଚାର୍ଶ କିଲମିଟର୍, ଆର୍ ଅସାର୍ ହେଁ ଦୁଇ ହଜାର୍ ଚାର୍ଶ କିଲମିଟର୍ ଆର୍ ଉଚା ହେଁ ସେତ୍କି ରିଲି।
17
ସେ ଦୂତ୍ ମାନାଇମ୍ନ୍ ନାହ୍ତା ନାହେ ଇତାର୍ କ୍ତି ଉଚା ହେଁ ନାହ୍ଲା ଇରି ଦୁଇଶ ସ୍ଉଳ ପୁଟ୍ ରିଲି।
18
ସେ ସ୍ହର୍ ଜ୍କ୍ମ୍କ୍ତା ଟେଡା ସ୍ଙ୍ଗ୍ ତିଆର୍ ଅଇରିଲି। ସେ ସ୍ହର୍ କାଚ୍ ହର୍ ସପା ଆର୍ କାଣ୍ଟି ସନା ସ୍ଙ୍ଗ୍ ତିଆର୍ ଅଇରିଲି।
19
ସ୍ହରାର୍ କ୍ତିର୍ କୁନାଦି ଟେଡାଇ ବେସିଦାମାର୍ ମଣି ଲାଗିରିଲି। ହ୍ରତୁ କନାର୍ ଟେଡାଇ ହିରାମଣିର୍, ଦୁଇ ଲ୍ମବ୍ର୍ ନିଳି ର୍ଙ୍ଗାର୍ ନୀଳୀଆ କ୍ତି ମଣିର୍, ତିନ୍ ଲ୍ମ୍ବର୍ଟା କ୍ଚାହ୍ତ୍ରିଆ ବୈଦୂର୍ଯ୍ୟ ମଣିର୍, ଚାର୍ ଲ୍ମବ୍ର୍ଟା ହ୍ତ୍ରିଆ ର୍ଙ୍ଗାର୍ ମରକତ୍ ମ୍ଣିର୍।
20
ହାଁଚ୍ ଲ୍ମବ୍ର୍ଟା ପୁଲକ ମାଟିଆ ର୍ଙ୍ଗାର୍ ମ୍ଣିର୍, ଚଅ ଲ୍ମବ୍ର୍ଟା ର୍ତା ର୍ଙ୍ଗାର୍ ମାଣିକ୍ଯ ମ୍ଣିର୍, ସାତ୍ ଲ୍ମବ୍ର୍ଟା ଅଳ୍ଦି ର୍ଙ୍ଗାର୍ ପୁଷ୍ପରାଗ୍ ମ୍ଣିର୍ ଆଟ୍ ଲ୍ମବ୍ର୍ଟା କ୍ଚାହ୍ତ୍ରିଆ ର୍ଙ୍ଗାର୍ ଫିରୋଜ୍ ମ୍ଣିର୍, ନଅ ଲ୍ମବ୍ର୍ଟା ଅଳ୍ଦି ର୍ଙ୍ଗାର୍ ଗୋମେଦକ ମ୍ଣିର୍, ଦସ୍ ଲ୍ମବ୍ର୍ଟା କଚାହ୍ତ୍ରିଆ ର୍ଙ୍ଗାର୍ ଲଶୁନୀୟ ମ୍ଣିର୍, ଏଗାର୍ ଲ୍ମବ୍ର୍ଟା ନିଳି ର୍ଙ୍ଗାର୍ ଇନ୍ଦ୍ରନୀଳ ମ୍ଣିର୍, ବାର ଲ୍ମବ୍ର୍ଟା ବେଜା ର୍ଙ୍ଗାର୍ ସୁଗନ୍ଧ ମ୍ଣି ଲାଗିରିଲି।
21
ବାରଗଟ୍ କ୍ହାଟ୍ ଅମ୍ଲି ବାରଗଟ୍ ମୁକ୍ତା, ସ୍ବୁ କ୍ହାଟ୍ ଗଟେକ୍ ଗଟେକ୍ ମୁକ୍ତା ସ୍ଙ୍ଗ୍ ତିଆର୍ ଅଇରିଲି। ସ୍ହରାର୍ ବ୍ଡ୍ ଦୁଆର୍ ସପା କାଚ୍ ହର୍, କାଣ୍ଟି ସନା ସ୍ଙ୍ଗ୍ ତିଆର୍ ଅଇରିଲି।
22
ମୁଇ ସେ ସ୍ହର୍ ବିତ୍ରେ ଗଟେକ୍ ହେଁ ମନ୍ଦିର୍ ଦ୍କି ନ୍କେରି। ସ୍ବ୍କେ ଶ୍କ୍ତିଶାଳି ମାପ୍ରୁ ଇଶ୍ଵର୍ ଆର୍ ମେଣ୍ଢା ଯେ କି ଯୀଶୁ ଅମ୍ଲାଇ ସେ ସ୍ହରାର୍ ମନ୍ଦିର୍ ହର୍।
23
ସେ ସ୍ହରେ ଉଜାଳାର୍ ହାଇଁ ବେଳ୍ କି ଜନ୍ ଦ୍ର୍କାର୍ ନ୍ରିଲି। ଇଶ୍ଵରାର୍ ମଇମା ସ୍ହରେ ଉଜାଳ୍ କ୍ରେଦ୍। ମେଣ୍ଢା ଯେ କି ଯୀଶୁ ସେତିର୍ କୁପି ହର୍।
24
ଜଗତାର୍ ସ୍ବୁ ଜାତିର୍ ଲକ୍ମ୍ନ୍ ସ୍ହରାର୍ ଉଜାଳେ ଇଣ୍ଡାବୁଲା କ୍ର୍ତି। ହୁର୍ତିବିର୍ ର୍ଜାମ୍ନ୍ ନିଜାର୍ ନିଜାର୍ ଦ୍ନ୍ ସ୍ମ୍ପତି ଇ ସ୍ହର୍କେ ଦେତି।
25
ସେ ସ୍ହରାର୍ କ୍ହାଟ୍ ମ୍ନ୍ କ୍ବେ ବ୍ନ୍ଦ୍ ଅଇନ୍କେରେ, କାଇତାକ୍ ସେତି କ୍ବେ ରାତି ଅଇନ୍କେରେ।
26
ସ୍ବୁ ଜାତିର୍ ଲକ୍ମ୍ନ୍ ଜଗତାର୍ ଦ୍ନ୍ ଆର୍ ମଇମା ଇ ସ୍ହରେ ଆଣ୍ତି।
27
କାଇରି ହେଁ କ୍ରାପ୍ ଜିନିଷ୍ କି ଗୁର୍ନାକାମ୍ କ୍ର୍ତା ଲକ୍ ଆର୍ ମିଚ୍କ୍ତା କ୍ଉତାଲକ୍ ତାର୍ ବିତ୍ରେ ହୁରୁ ନ୍ହାର୍ତି। ମେଣ୍ଢା ଯେ କି ଯୀଶୁର୍ ନ୍ସେର୍ତା ଜୀବନ୍ ଦେତା ଶାସ୍ତର୍ ଲ୍ଗେ ନାଉଁ ଲେକା ଅଇରିଲା ଲକ୍ମ୍ନ୍ ହ୍କା ସେ ସ୍ହରେ ହୁରୁ ହାର୍ତି।
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22