Romans 16

Bodo BDVNT (ବ୍‌ଡ଼୍ ହ୍‌ର୍‌ଜା ବାଇବଲ)

← Chapter 15 Jump to:

1କେଙ୍କ୍ରେୟା ସ୍‌ହରେ ରେତା ମ୍‌ଣ୍ତଳିର୍ ସେବାକ୍‌ର୍‌ତା ଅମାର୍ ବେଣି ଫୈବୀର୍ ବାଟ୍ ମୁଇ ତୁମୁକ୍‌ମ୍‌ନ୍ ଗ୍ଉଆରି କ୍‌ରୁଲେ,

2ମୁଇ ତୁମୁକ୍‌ମ୍‌ନ୍ କ୍‌ମ୍‌ଲେ ତାକେ ଇଶ୍ଵରାର୍ ସାଦୁ ଲକ୍‌ମ୍‌ନ୍‌କାର୍‌ ହର୍ ମାପ୍‌ରୁର୍ ଲ୍‌ଗେ ନିଜାର୍ କ୍‍ରା ତୁମାର୍ ତ୍‌ଇହ୍‌ଣି ତାକେ ଜାଇରି ଦ୍‌ର୍‌କାର୍, ସେରି ଦ୍‌ଇକ୍‌ରି ତାକେ ସାଇଜ କ୍‍ରା। ସେ ମକେ ଆର୍ ବିନ୍‌ସ୍‌ବୁ ଲକ୍‌କେ ସାଇଜ କ୍‍ରିଆଚେ।

3ଖ୍ରୀଷ୍ଟ ଯୀଶୁର୍ କାମେ ମର୍‌ସ୍‍ଙ୍ଗ୍‌ ମିସି କାମ୍‌କ୍‌ର୍‌ତା ବେଣି ପ୍ରିସ୍‌କିଲା ଆର୍ ଡକ୍‌ରାସି ଆକ୍ବିଲାକେ ମର୍ ଜୁଆର୍ ଜାଣାଉଆ।

4ସେମ୍‌ନ୍ ମର୍ ଜୀବନ୍ ଉଦାର୍‌ ଲାଗି ନିଜାର୍ ଜୀବନ୍‍କେ ବିପଦେ ହ୍‍କାଇ ରିଲାଇ। ମୁଇ ସେମ୍‌ନ୍‌କାର୍ ହାଇଁ ଦନ୍ୟବାଦ୍‌ ଦେମ୍‍ଲେ, ମୁଇ ହ୍‌କା ନଇ ସ୍‌ବୁ ଯିହୁଦି ଚାଡି ବିନ୍‍ଜାତି ମ୍‌ଣ୍ତଳିର୍‌ ଲକ୍‌ମ୍‌ନ୍‌ ହେଁ ସେମ୍‌ନ୍‌କାର୍ ହାଇଁ ଦନ୍ୟବାଦ୍‌ ଦେମ୍‌ଲାଇ।

5ଆରେକ୍‌ ସେମ୍‌ନ୍‌କାର୍ ଗ୍‍ରେ ରେତା ମ୍‌ଣ୍ତଳିକେ ଜୁଆର୍ ଜାଣାଉଆ। ମର୍ ଲାଡାର୍ ଏପାଇନେତାକେ ଜୁଆର୍ ଜାଣାଉଆ, ସେ ଖ୍ରୀଷ୍ଟର୍ ଉଦେସ୍‌ରେ ଆସିଆ ଜିଲାର୍ ହ୍‌ର୍‌ତୁ ହ୍‍ଳ୍ ହର୍।

6ମରିୟମକେ ଜୁଆର୍ ଜାଣାଉଆ, ସେ ତୁମାର୍‌ମ୍‌ନ୍‌କାର୍ ଗିନେ କ୍‌ଷ୍ଟ କ୍‌ରିରିଲା।

7ମର୍ ନିଜାର୍ ଜାତି ଆର୍ ମର୍‌ସ୍‍ଙ୍ଗ୍‌ ଜ୍‌ଇଲେ ବନ୍ଦି ଅଇରିଲା ବାଇ ଆନ୍ଦ୍ରନିକ ଆର୍ ଡକୁର୍‌ସି ଯୂନିୟାକେ ଜୁଆର୍ ଜାଣାଉଆ, ସେମ୍‌ନ୍ ହ୍‌ଟାଇଲା ଚେଲାମ୍‌ନ୍‌କାର୍ ତ୍ଇହ୍‍ଣି ସନ୍‌ମାନ୍‌ନାର୍ ଲକ୍ ଆର୍ ମର୍ ଆଗେହ୍‍ଣି ଯୀଶୁ ଖ୍ରୀଷ୍ଟର୍ ତ୍‌ଇ ବିଶ୍‍ବାସି ଅଇ ରିଲାଇ।

8ମାପ୍‌ରୁ ତ୍‌ଇ ମର୍ ଲାଡାର୍ ଆମ୍ପ୍ଳିୟାତାକେ ଜୁଆର୍ ଜାଣାଉଆ।

9ଖ୍ରୀଷ୍ଟର୍ ସେବାଇ ଅମାର୍‌ମ୍‌ନ୍‌କାର୍‌ ସ୍‌ଙ୍ଗେ ରେତା ଉର୍ବାଣକେ ଆର୍ ମର୍ ଲାଡାର୍ ସ୍ତାଖୁକେ ଜୁଆର୍ ଜାଣାଉଆ।

10ଖ୍ରୀଷ୍ଟର୍ ତ୍‌ଇ ପରିକ୍ଯାଇ ହ୍‌ର୍‌ମାଣ୍ ଅଇଆଚେ ଆପେଲ୍ଲାକେ ଜୁଆର୍ ଜାଣାଉଆ। ଆରିସ୍ତବୂଲକେ ପରିବାର୍ ଲକ୍‌ମ୍‍ନ୍‌କେ ଜୁଆର୍ ଜାଣାଉଆ।

11ମର୍ ନିଜାର୍ କୁଟୁମ୍ ହେରୋଦିୟ ଲକ୍‌କେ ଜୁଆର୍ ଜାଣାଉଆ। ନାର୍‌କିସ୍‌ସ ପରିବାରେ ରେତା ମାପ୍‌ରୁର୍ ଲକ୍‌ମ୍‍ନ୍‌କେ ମର୍‌ ଜୁଆର୍ ଜାଣାଉଆ।

12ମାପ୍‌ରୁର୍‌ କାମେ କ୍‌ଷ୍ଟ କର୍‍ତିରିଲା କ୍ରୁଫେଣା ଆର୍ ତାର୍ ବେଣି କ୍ରୁଫୋସାକେ ଜୁଆର୍ ଜାଣାଉଆ। ଲାଡାର୍ ପର୍ଶିକେ ଜୁଆର୍ ଜାଣାଉଆ, ସେ ଇଶ୍ଵରାର୍ କାମେ ଅଦିକ୍ କ୍‌ଷ୍ଟ କ୍‌ରିଆଚ୍‌ତି।

13ମାପ୍‌ରୁ ତାର୍ ନିଜାର୍ କ୍‍ରି ବାଚ୍‌ଲା ରୂଫକେ ଆର୍ ତାର୍ ଆଇସିକେ ଯୁଆର୍ ଜାଣାଉଆ, ସେ ମୋର ହେଁ ଆଇସି ହର୍।

14ଅସୁଙ୍କ୍ରିତ, ଫ୍ଳେଗୋନ୍‍, ହର୍ମୀସ୍‍, ପାତ୍ରବା, ହର୍ମୀସ୍‍, ସେମ୍‌ନ୍‌କାର୍ ସ୍‌ଙ୍ଗ୍ ରେତା ବାଇମ୍‌ନ୍‌କେ ଜୁଆର୍ ଜାଣାଉଆ।

15ଫିଲଲଗ ଆର୍ ତାର୍ ଡକୁର୍‌ସି ଯୁଲିଅ, ନୀରୂସ୍‍ ଆର୍ ତାର୍ ବେଣି। ଆରେକ୍‌, ଅଲୁମ୍ପା ଆର୍ ସେମ୍‌ନ୍‌କାର୍ ସ୍‌ଙ୍ଗ୍ ରେତା ସ୍‌ବୁ ସାଦୁକେ ଜୁଆର୍ ଜାଣାଉଆ।

16ପବିତର୍‌ ବାବେ ଆତ୍ ମିସାଇ ତାର୍ ନିଜାର୍ ନିଜାର୍ କେ ଜୁଆର୍ କ୍‍ରା। ଖ୍ରୀଷ୍ଟର୍ ସ୍‌ବୁ ମ୍‌ଣ୍ତଳି ତୁମୁକ୍‌ମ୍‌ନ୍ ଜୁଆର୍ ଜାଣା‍ମ‍ଲାଇ।

17ଏ ମର୍ ବାଇ ଆର୍ ବେଣିମ୍‌ନ୍, ତୁମିମ୍‍ନ୍ ଜୁଇ ଶିକ୍ୟା ହାଇଆଚାସ୍ ସେତିର୍ ବିରଦି ଜୁଇମ୍‌ନ୍ ଦ୍‌ଳ୍ ବିଗ୍‌ଡାମ୍‌କେ ଆର୍ ଦୁଇବାଗ୍ କ୍‌ରୁକେ ଚେଷ୍ଟା କ୍‌ରୁଲାଇ, ସେମ୍‌ନ୍‌କେ ଚିନି ସେମ୍‌ନ୍‌କାର୍ ତ୍ଇହ୍‍ଣି ଦୁରି ରେମ୍‌କେ ମୁଇ ତୁମୁକ୍‌ମ୍‌ନ୍ ଗ୍‌ଉଆରୁଲେ।

18ଇ ଲକ୍‌ମ୍‌ନ୍‌କାର୍‌ ତ୍ଇହ୍‍ଣି ଦୁରିରିଆ। ଅନ୍‌କା ଲକ୍ ଅମାର୍ ମାପ୍‌ରୁ ଯୀଶୁ ଖ୍ରୀଷ୍ଟର୍ ଆରାଦନା ନ୍‌କେରି ନିଜାର୍ ସୁକେ ହ୍‌କା ମାତିରେତି। ସେମ୍‌ନ୍ ହୁଲାଇ କ୍‍ରି ଆର୍ ସୁନ୍ଦୁର୍ କ୍‌ତା କ୍‌ଇ ଲକ୍‌ମ୍‍ନ୍‌କେ ବକୁଆ କ୍‌ର୍‌ତି ଆର୍ ଯେମ୍‍ନ୍ କ୍‍ରାପ୍ ବିଷୟରେ ଜାଣିନ୍‌କେର୍‌ତି, ସେମ୍‌ନ୍‌କେ ବୁଲ୍‌କାଉତି।

19ତୁମୁକ୍‌ମ୍‌ନ୍ ମାପ୍‌ରୁ କ୍‌ତା ମାନ୍‌ତା ଲକ୍‌ବ୍‌ଲି ସ୍‌ବୁ ଲକ୍ ଜାଣି ଆଚ୍‌ତି। ମୁଇ ତୁମାର୍‌ମ୍‌ନ୍‌କାର୍ ହାଇଁ ବେସି ସ୍‌ର୍‌ଦା, ମ୍‍ତର୍ ମୁଇ ମ୍‌ନ୍‌କ୍‌ରୁଲେ ଯେ ତୁମିମ୍‍ନ୍ ବ୍‍ଲ୍ ହାଇଁ ବୁଦିମାନ୍ ଅଇରିଆ ଆର୍ କ୍‍ରାପ୍ କାମ୍ କ୍‌ରୁକେ ଚେଷ୍ଟା କ୍‍ରାନାଇ।

20ଶାନ୍‌ତିଦେତା ଇଶ୍ଵର୍ ବେଗି ଶ୍‌ଇତାନ୍‌କେ ଆରାଇଦ୍ ଆର୍ ତାର୍‌ଉହ୍‌ରେ ତୁମୁକ୍‍ମ୍‌ନ୍‍କେ ଶ୍‌କ୍‌ତି ଦ୍‌ଇଦ୍। ଅମାର୍ ମାପ୍‌ରୁ ଯୀଶୁ ଖ୍ରୀଷ୍ଟର୍ ଦୟା ତୁମାର୍ ସ୍‌ଙ୍ଗ୍ ରେଅ।

21ମର୍‌ସ୍‍ଙ୍ଗ୍‌ ମିସି କାମ୍ କ୍‌ର୍‌ତା ବାଇ ତୀମଥି, ଆରେକ୍‌, ମର୍‌ ନିଜାର୍ ଜାତିର୍‌ ବାଇ ଲୁକୀୟ, ଯାସନ୍ ଆର୍ ସୋସିପାତ୍ର ତୁମୁକ୍‌ମ୍‌ନ୍ ଜୁଆର୍ ଜାଣା‍ମ‍ଲାଇ।

22ମୁଇ ତର୍ତ୍ତୀୟ ପାଉଲାର୍ ଲାଗି ଇ ଚିଟି ଲେକିଆଚି, ମୁଇ ମାପ୍‌ରୁ ନାଉଁଏ ତୁମୁକ୍‌ମ୍‌ନ୍ ଜୁଆର୍ ଜାଣାଇ।

23ମକେ ଆର୍ ସ୍‌ବୁ ମ୍‌ଣ୍ତଳିକେ ଜ୍‌ତୁନ୍ କ୍‍ଲା ବାଇ ଗାୟ ତୁମୁକ୍‌ମ୍‌ନ୍ ଜୁଆର୍ ଜାଣାମ୍‌ଲା। ଏରାଷ୍ଟ ନାଉଁର୍ ବାଇ, ଇ ସହରାର୍ ଡାବୁ ହିସାବ୍ ର୍‌କ୍‍ତା ଲକ୍ ଆର୍ କ୍ୱାର୍ତ୍ତ ନାଉଁର୍ ଗଟେକ୍ ବାଇ ତୁମୁକ୍‌ମ୍‌ନ୍ ଜୁଆର୍ ଜାଣାମ୍‌ଲା।

24ମୁଇ ପାର୍‌ତେନା କ୍‌ରୁଲେ କି ଅମାର୍ ମାପ୍‌ରୁ ଯୀଶୁ ଖ୍ରୀଷ୍ଟର୍ ଦୟା ତୁମାର୍ ସବକାର୍ ତ୍‌ଇ ରେଅ ଆମେନ୍।

25ଇଶ୍ଵର୍ ହ୍‌କା ତୁମୁକ୍ ଡାଟ୍‍କ୍‍ରି ହାରେ, ମୁଇ ତୁମୁକ୍‌ମ୍‌ନ୍ ଡାଟ୍ କ୍‌ର୍‌ତାର୍ ହାଇଁ ଜୁଇ ଯୀଶୁ ଖ୍ରୀଷ୍ଟର୍ ସୁବ୍‌କ୍‌ବର୍ ପର୍‌ଚାର୍ କ୍‌ରୁଲେ ସେ ସତ୍ ସଂସାର୍ ତିଆର୍ କ୍‌ର୍‌ତା ଆଗେହ୍‍ଣି ଲୁକିକ୍‌ରି ରିଲି।

26ଇଶ୍ଵର୍ ସେରି ଜାଣାଉତା ହାଇଁ ଆଦେଶ୍ ଦ୍‌ଇଆଚେ। ଇ ଲୁକିରିଲା ସତ୍ ଅବେ ଅମୁକେ ସବ୍‍କେ ଜାଣାଇ ଆଚେ ବବିଶତ୍ କ୍‌ତା କ୍‌ଉତା ଲକ୍‌ମ୍‌ନ୍‌‍କାର୍ ଶାସ୍‌ତର୍‌ ଦ୍ୱାରା ସେରି ଜାଣା ହ୍‌ଡ୍‌ଲି। ଇତାର୍ ଦ୍ୱାରା ସ୍‌ବୁ ଲକ୍‌ମ୍‌ନ୍‌କାର୍‌ ଇଶ୍ଵରାର୍ ହାଇଁ ବିଶ୍‍ବାସ୍ ଆର୍ କ୍‌ତା ମାନ୍‌ତାର୍ ବାଡୁ ହାରେଦ୍।

27ଯୀଶୁ ଖ୍ରୀଷ୍ଟର୍ ଦ୍ୱାରା ଗଟେକ୍ ମ୍‌ତର୍ ବୁଦିମାନ୍ ଇଶ୍ଵରାର୍ ମଇମା ସ୍‌ବୁଦିନାର୍ ହାଇଁ ଚାଲ୍‌ତେ ରେଅ ଆମେନ୍।

← Chapter 15 Jump to: