Matthew 4

Welsh BCND (Beibl Cymraeg Newydd Diwygiedig 2004)

← Chapter 3 Jump to: Chapter 5 →

1Yna arweiniwyd Iesu i'r anialwch gan yr Ysbryd, i gael ei demtio gan y diafol.

2Wedi iddo ymprydio am ddeugain dydd a deugain nos daeth arno eisiau bwyd.

3A daeth y temtiwr a dweud wrtho, "Os Mab Duw wyt ti, dywed wrth y cerrig hyn am droi'n fara."

4Ond atebodd Iesu ef, "Y mae'n ysgrifenedig: 'Nid ar fara yn unig y bydd rhywun fyw, ond ar bob gair sy'n dod allan o enau Duw.'"

5Yna cymerodd y diafol ef i'r ddinas sanctaidd, a'i osod ar du373?r uchaf y deml,

6a dweud wrtho, "Os Mab Duw wyt ti, bwrw dy hun i lawr; oherwydd y mae'n ysgrifenedig: 'Rhydd orchymyn i'w angylion amdanat; byddant yn dy godi ar eu dwylo rhag iti daro dy droed yn erbyn carreg.'"

7Dywedodd Iesu wrtho, "Y mae'n ysgrifenedig drachefn: 'Paid gosod yr Arglwydd dy Dduw ar ei brawf.'"

8Unwaith eto cymerodd y diafol ef i fynydd uchel iawn, a dangos iddo holl deyrnasoedd y byd a'u gogoniant,

9a dweud wrtho, "Y rhain i gyd a roddaf i ti, os syrthi i lawr a'm haddoli i."

10Yna dywedodd Iesu wrtho, "Dos ymaith, Satan; oherwydd y mae'n ysgrifenedig: 'Yr Arglwydd dy Dduw a addoli, ac ef yn unig a wasanaethi.'"

11Yna gadawodd y diafol ef, a daeth angylion a gweini arno.

12Ar l iddo glywed bod Ioan wedi ei garcharu, aeth Iesu ymaith i Galilea.

13A chan adael Nasareth aeth i fyw i Gapernaum, tref ar lan y mr yng nghyffiniau Sabulon a Nafftali,

14fel y cyflawnid y gair a lefarwyd trwy Eseia'r proffwyd:

15"Gwlad Sabulon a gwlad Nafftali, ar y ffordd i'r mr, tu hwnt i'r Iorddonen, Galilea'r Cenhedloedd;

16y bobl oedd yn trigo mewn tywyllwch a welodd oleuni mawr, ac ar drigolion tir cysgod angau y gwawriodd goleuni."

17O'r amser hwnnw y dechreuodd Iesu bregethu'r genadwri hon: "Edifarhewch, oherwydd y mae teyrnas nefoedd wedi dod yn agos."

18Wrth gerdded ar lan Mr Galilea gwelodd Iesu ddau frawd, Simon, a elwid Pedr, ac Andreas ei frawd, yn bwrw rhwyd i'r mr; pysgotwyr oeddent.

19A dywedodd wrthynt, "Dewch ar fy l i, ac fe'ch gwnaf yn bysgotwyr dynion."

20Gadawsant eu rhwydau ar unwaith a'i ganlyn ef.

21Ac wedi iddo fynd ymlaen oddi yno gwelodd ddau frawd arall, Iago fab Sebedeus ac Ioan ei frawd, yn y cwch gyda Sebedeus eu tad yn cyweirio eu rhwydau. Galwodd hwythau,

22ac ar unwaith, gan adael y cwch a'u tad, canlynasant ef.

23Yr oedd yn mynd o amgylch Galilea gyfan, dan ddysgu yn eu synagogau hwy a phregethu efengyl y deyrnas, ac iachu pob afiechyd a phob llesgedd ymhlith y bobl.

24Aeth y sn amdano trwy Syria gyfan; dygasant ato yr holl gleifion oedd yn dioddef dan amrywiol afiechydon, y rhai oedd yn cael eu llethu gan boenau, y rhai oedd wedi eu meddiannu gan gythreuliaid, y rhai'n dioddef o ffitiau, a'r rhai oedd wedi eu parlysu; ac fe iachaodd ef hwy.

25A dilynwyd ef gan dyrfaoedd mawr o Galilea a'r Decapolis, a Jerwsalem a Jwdea, a'r tu hwnt i'r Iorddonen.

← Chapter 3 Jump to: Chapter 5 →