bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Dagbani
/
Dagbani Bible (Naawuni Kundi Kasi)
/
Daniel 3
Daniel 3
Dagbani Bible (Naawuni Kundi Kasi)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 4 →
1
Naa Nɛbukadnɛza daa ti mali salima binnani, ka di dubu nyɛ mita pisinaayopɔin, ka di yɛliŋ mi nyɛ mita ata. Ka o daa zaŋ li zali palo ni Babilɔn luɣ’ shɛli din yuli daa booni Dura.
2
Di saha ka Nɛbukadnɛza daa tim ti laɣim nabihi mini gomnanim’ ni sapashinnim’ ni sariakaritiba ni laɣi guliba ni jintɔriba ni pirinsi ni kpambaliba zaa bɛn daa be o tiŋgbɔŋ maa ni ni bɛ ka ŋun’ Naa Nɛbukadnɛza ni mali binnan’ shɛli zali maa zaŋ wuhi niriba palo ni laɣiŋgu ni na.
3
Ka nabihi mini gomnanim’ ni sapashinnim’ ni sariakaritiba ni laɣiguliba ni jintɔriba ni pirinsi ni kpambaliba zaa bɛn be Babilɔn tiŋgbɔŋ maa ni daa ka Naa Nɛbukadnɛza ni daa mali binnan’ shɛli zali maa zaŋ wuhi niriba palo ni laɣiŋgu maa ni na nti zani binnani maa tooni.
4
Ka molomoona daa ti kuhi pam yɛli, “Bɛ zaliya ni niriba mini zuliya kam ni tinzun’ yɛtɔɣa balibu kam nim’
5
yi ti wum kikahi mini yuhi ni mɔɣilɔnim’ ni biɛri ni goonjɛnim’ ni alijeetanim’ ni biŋkumda balibu kam zaa kumsi, bɛn’ damdim’ tiŋa n-jɛm salima binnan’ shɛli Naa Nɛbukadnɛza ni mali zali ŋɔ.
6
Ka ŋun bi damdi tiŋ’ jɛm li, bɛ ni zaŋ o ti bahi buɣim duu din buɣim diri pam ni.”
7
“Dinzuɣu bɛ ni daa ti wum kikahi mini yuhi ni mɔɣilɔnim’ ni biɛri ni goonjɛnima ni alijeetanim’ ni biŋkumda balibu kam maa zaa kumsi, niriba zaa mini zuliya kam ni tinzun’ yɛtɔɣa balibu kam nim’ daa dii damdila tiŋa n-jɛm salima binnan’ shɛli Naa Nɛbukadnɛza ni daa mali zali maa.
8
Di saha maa ka Kalidianim’ shɛb’ daa nya soli ni bɛ doli fiɣisi Yɛhudianima.
9
Bɛ daa yɛlila Naa Nɛbukadnɛza, “Naa, Naawuni dolim’ a nyɛvili!
10
Nyin’ Naa n-zali’ zaligu ni biŋkumda la yi ti piligi kumsi, sokam ŋun’ damdim’ tiŋa n-jɛm salima binnan’ la.
11
Ka ŋun bi damdi tiŋa n-jɛm li, bɛ ni zaŋ o ti bahi buɣim duu din buɣim diri pam ni.
12
Yɛhudianim’ shɛb’ a ni zaŋ zali ni bɛ su Babilɔn tiŋgbɔŋ ŋɔ ni yaɣ’ shɛŋa fukumsi la be kpe ka bi lihi nya a, ka zaɣisi ni bɛ ku jɛm a wuna maa bee n-damdi tiŋ’ jɛm salima binnan’ shɛl’ a ni mali zal’ la. Bɛna n-nyɛ: Shadirak mini Mɛshak ni Abɛdnɛgo.”
13
Di saha ka Nɛbukadnɛza suhu daa yiɣisi pam, ka o yɛli ni bɛ zaŋm’ Shadirak mini Mɛshak ni Abɛdnɛgo na. Ka bɛ daa zaŋ ba tahi naa sanna.
14
Ka Nɛbukadnɛza daa bɔhi ba, “Shadirak mini Mɛshak ni Abɛdnɛgo, di nyɛla yɛlimaŋli ni yi shiri zaɣisi n wun’ la mini n ni mali salima binnan’ shɛli zal’ la jɛmbu?
15
To, pumpɔŋɔ dina, yi yi ti lan wum kikahi mini yuhi ni mɔɣilɔnim’ ni biɛri ni goonjɛnim’ ni alijeetanim’ ni biŋkumda balibu kam kumsi, yin’ damdimiya tiŋa n-jɛm binnan’ shɛli n ni mali zali maa; amaa yi yi zaɣisi li jɛmbu, n ni chɛ ka bɛ zaŋ ya yomyom ti bahi buɣim duu din buɣim diri pam ni. Ka bee wun’ so m-beni n-ni tooi yihi ya n nuu ni?”
16
Ka Shadirak mini Mɛshak ni Abɛdnɛgo daa garigi yɛli naa, “Nɛbukadnɛza, di bi kpa ni ti garig’ a shɛli yɛla ŋɔ zuɣu.
17
Di yi nyɛla lala, ti Naawuni so ti ni jɛmdi maa yi ni tooi yihi ti buɣim duu din buɣim diri pam maa ni, o ni yihi ti, ka ni lan yihi ti a gba nuu ni.
18
Amaa hal o yi bi yihi ti, Naa, nyin’ baŋmi ni ti ku jɛm a wuna ŋɔ min’ a ni mali salima binnan’ shɛli zali maa.”
19
Di saha ka Nɛbukadnɛza suhu daa yiɣisi pam ka o je suli, ka o ninni biɛhigu taɣi zaŋ chaŋ Shadirak mini Mɛshak ni Abɛdnɛgo polo, ka yɛl’ o niriba ni bɛ malim’ buɣim maa n-chɛ ka di bii ʒii buyopɔin zuɣu n-gari di ni yi pun biiri shɛm.
20
Ka o daa yɛl’ o tɔbbihi bɛn mali kpiɔŋ ni bɛ lom’ bɛ niriba ata maa mihi n-zaŋ ba ti bahi buɣim duu din buɣim diri pam maa ni.
21
Ka bɛ daa chɛ bɛ kpalansi mini bɛ binyɛr’ ŋmahi ni binyɛr’ waɣila yɛli ba hal zaŋ tabili bɛ zuɣupila, ka lo ba mihi n-zaŋ ba ti bahi buɣim duu din buɣim diri pam maa ni.
22
Naa maa zaligu maa ni daa kpɛm’ pam maa zuɣu daa chɛ ka buɣim maa bii ti yaɣi, ka di buɣimniɛm daa ŋme n-ku ninvuɣ’ shɛb’ bɛn daa zaŋ Shadirak mini Mɛshak ni Abɛdnɛgo ti bahi di ni maa.
23
Ka mihi daa kul lo Shadirak mini Mɛshak ni Abɛdnɛgo hal ka bɛ ti lu buɣim duu din buɣim diri pam maa ni.
24
Di daa bi yuui ka di niŋ Naa Nɛbukadnɛza alahiziba, ka o vaai yiɣisi zani ka bɔh’ o kpambaliba, “Pa niriba ata ka ti lo mihi niŋ buɣim ŋɔ ni la?” Ka bɛ garigi yɛl’ o, “Naa, lala n-nyɛ li.”
25
Ka Naa maa yɛli, “Amaa n nya ka niriba anahi n-lɔrigi be buɣim maa sunsuuni chani ginda, ka shɛli bi niŋ ba; ka ŋun pah’ anahi maa ŋmanila wuni.”
26
Ka Nɛbukadnɛza daa saɣisi miri buɣim duu din buɣim diri pam maa ha ka boli, “Shadirak! Mɛshak! Abɛdnɛgo! Yinim’ Zallakudura Naa daba ŋɔ, yimiyana ka kpe na!” Ka Shadirak mini Mɛshak ni Abɛdnɛgo daa dii yi buɣim maa ni na.
27
Ka nabihi mini gomnanim’ ni sapashinnim’ ni kpambaliba bɛn daa laɣim maa na zaa kana ti nya niriba ata maa, ka buɣim maa bi tooi niŋ ba shɛli. Bɛ zabiri daa bi di; ka buɣim daa bi shihi bɛ situra gba, hal bɛ niŋgbuna daa bi nyo nyɔhi.
28
Ka Nɛbukadnɛza daa yɛli, “M paɣiri Shadirak mini Mɛshak ni Abɛdnɛgo Naawuni ŋun tim’ o malaika na ka o ti yih’ o daba bɛn zaŋ bɛ yɛda zaa niŋ o ni ŋɔ. Bɛ paɣiya ni bɛ zaɣisi man’ naa zaligu, ka zaŋ bɛ nyɛviya zali barina zaashee gari ni bɛ gban’ tiŋa n-jɛm wun’ shɛlikam ka pa ni bɛmaŋmaŋ’ Naawuni.
29
“Dinzuɣu n zali zaligu pumpɔŋɔ ni zuliya kam puuni so mini niriba balibu kam bee tinzun’ yɛtɔɣa balibu kam ni nira ŋun tɔɣisi yɛtɔɣ’ biɛɣu zaŋ chaŋ Shadirak mini Mɛshak ni Abɛdnɛgo Naawuni ŋɔ polo, n ni chɛ ka bɛ ŋmah’ o chɛrachɛra, ka o yiŋ’ kpalim zani dabɔɣu. Dama wun’ so kani n-ni tooi fa nira bahi ŋ-ŋɔ tatabo.”
30
Di saha ka Naa maa daa duhi Shadirak mini Mɛshak ni Abɛdnɛgo n-zaŋ ba zali zaashe’ kara ni Babilɔn tiŋgbɔŋ maa ni.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 4 →
All chapters:
1
2
3
4
5
6
7
8
9
10
11
12