Song of Solomon 1

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Jump to: Chapter 2 →

1Salomo hawo ƒe ha.

2Etsɔ wo nu gbugbɔ nu nam, elabena wo lɔlɔ̃ nyo wu wein.

3Wò ami le ya ɖem nyuie; wo ŋkɔ le abe ami, si wowu ene, eyata ɖetugbiwo lɔ̃a wo nya ɖo.

4Kplɔm yii, na míaɖe abla! Fia la kplɔm yi eƒe xɔ me. Míatso aseye, eye míakpɔ dzidzɔ, eye míakafu wò lɔlɔ̃ wu wein; amewo lɔ̃a wò ɖe eteƒe.

5Yerusalem-nyɔnuviwo, menye ame yi, gake menye abe Kedar ƒe agbadɔwo kple Salomo ƒe kuntruwo ene.

6Migamɔ kpɔyem be, menya alea o, elabena ɣee ɖum. Danye viŋutsuwo ɖo dɔmedzoe ɖe ŋunye; wotsɔm ɖo weingbledzɔlae, ke nyemedzɔ nye ŋutɔ nye weingble ŋu o.

7Wò, amesi nye lunɔ lɔ̃na, gblɔe nam dzro: Afikanènyia lãwo le, eye afika wotsyɔa akɔ ɖo le ŋɖɔ me? Nukaŋuti manɔ tsa glãla tsam le hawòviwo ƒe lãhawo gbɔ?

8Wò tugbedzɛ le nyɔnuwo dome, ne mènyae o la, ekema do go, eye naɖo lãhawo ƒe afɔ, eye nanyi wò gbɔ̃viwo le lãkplɔlawo ƒe agbadɔwo gbɔ!

9Xɔ̃nye, èle abe nye sɔnɔ le Farao ƒe tasiaɖam ŋu ene.

10Dzonu le tonu na wò nyuie, eye adzagba le kɔ na wò.

11Míatu sikakɔsɔkɔsɔ kple klosalokpeviwo na wò.

12Esime fia la bɔbɔ nɔ eƒe ablegɔ me la, nye gbe ʋeʋẽewo ɖe ya.

13Nye lɔlɔ̃tɔ le ahe miregoe le akɔnu nam ene.

14Nye lɔlɔ̃tɔ nye koferseƒoƒo nam le Engedi-weingblewo me.

15Edze tugbe, xɔ̃nye, èdze tugbe loo! Wò ŋkuwo le abe ahɔne ƒe ŋkuwo ene.

16Nye lɔlɔ̃tɔ, èdze ɖeka, eye nènyo; mía dɔƒe ɖe ama.

17Míaƒe xɔ ƒe daɖedziwo nye sedertiwo, eye míaƒe xɔmeɖoʋuƒowo nye fɔfɔlĩ.

Jump to: Chapter 2 →