Song of Solomon 3

Basque (EAB) 2008 (Elizen Arteko Biblia (Biblia en Euskara, Traducción Interconfesional))

← Chapter 2 Jump to: Chapter 4 →

1Gauez, ohean, neure bihotzeko kutunaren bila nenbilen. Bila ibili, bai, baina aurkitu, ez.

2Jaiki eta hirian zehar abiatu nintzen, kale eta plazetan zehar, neure bihotzeko kutunaren bila. Bila ibili, bai, baina aurkitu, ez.

3Hirian zehar dabiltzan zaindariek aurkitu ninduten. —Ikusi al duzue nire bihotzeko kutuna?— galdetu nien.

4Haiengandik aldendu nintzeneko, aurkitu nuen neure bihotzeko kutuna. Gogor heldu nion, ez diot berriz jaregingo, neure amaren etxean sartu arte, sortu ninduenaren logelan sartu arte.

5Jerusalemgo neskatxok, basoetako orein eta gazelen izenean, otoi, ez iratzarri ene maitea, utzi lo egiten, nahi duen arte.

6Zer da basamortuan gora datorren hori? Intsentsu, mirra eta beste hainbat usaingarrizko ke-zutabea dirudi.

7Horra Salomonen esku-aulkia. Hirurogei gudari ditu inguruan, Israelgo ausartenak;

8ezpata erabiltzen ikasiak denak, guduan trebatuak. Aldean daramate ezpata gaueko erasoen beldur.

9Salomon erregeak Libanoko egurrez egin zuen esku-aulkia.

10Zutabeak zilarrezkoak ditu, bizkarraldea urrezkoa, eserlekua purpurazkoa; barrualdea, dena, Jerusalemgo neskatxek maitekiro apaindua.

11Siongo alabok, atera zaitezte Salomon erregea ikustera. Koroa eta guzti dator, eztei-egunean, bihotza beteko poza zuen egun hartan, amak ezarri zion koroaz.

← Chapter 2 Jump to: Chapter 4 →