Matthew 1

Guarani 2015 (Ñanderuete Ñe’ẽ Porã 2015)

Jump to: Chapter 2 →

1Hesu Crísto ningo David ha Abraham ñemoñare.

2Abrahámgui heñói Isaac; Isaácgui Jacobo; Jacóbogui Júda ha ityvyrakuéra.

3Júdagui ha Tamárgui heñói Fares ha Zára; Farésgui Esrom; ha Esrómgui Aram.

4Arámgui heñói Aminadab; Aminadábgui Naason; ha Naasóngui Salmon.

5Salmóngui ha Rahábgui heñói Booz; Boózgui ha Rútgui heñói Obed; ha Obédgui Isai.

6Isaígui heñói tetã ruvicha David; ha Davídgui Salomon, isy Urías rembirekore.

7Salomóngui heñói Roboam; Roboámgui Abías ha Abíasgui Asa.

8Aságui heñói Josafat; Josafátgui Joram; ha Jorámgui Uzías.

9Uzíasgui heñói Jotam, ha Jotámgui Acaz ha Acázgui Ezequías.

10Ezequíasgui heñói Manases; ha Manasésgui Amon; ha Amóngui Josías.

11Josíasgui heñói Jeconías ha ityvyrakuéra, Judayguakuéra oiko ramoguare jepokuapýpe Babilóniape.

12Judayguakuéra oiko rire Babilóniape, Jeconíasgui heñói Salatiel; ha Salatiélgui Zorobabel.

13Zorobabélgui heñói Abiud; ha Abiúdgui Eliaquim; ha Eliaquímgui Azor.

14Azórgui heñói Sadoc; Sadócgui Aquim; ha Aquímgui Eliud.

15Eliúdgui heñói Eleazar; Eleazárgui Matan; ha Matángui Jacóbo.

16Jacóbogui heñói Jose, ha’e ningo María ména, ha María imemby Hesúpe, oñembohérava Crísto.

17Abraham guive David peve oĩ 14 ñemoñare; Davídgui umi Judayguakuéra oiko peve Babilóniape, oĩ avei 14 ñemoñare; ha Babilóniagui Crísto peve oĩ jevy 14 ñemoñare (generaciónes).

18Hesu Crísto onaceva’ekue péicha: María omenda mboyve Jose rehe ha oiko mboyve oñondive, María ojejohu hyeguasuha Pytu Porãmbáva rupi.

19Iména Jose, peteĩ kuimba’e heko potĩva, ha ndoipotáigui oñeñe’ẽvai Maríare, kirirĩhaitépe opoise ichugui, (hyeguasúgui).

20Ha Jose ojepy’amongeta jave pévare, peteĩ ángel ou iképe ha he’i ichupe: Jose, David ra’y, aníke repoi ne rembirekórãgui, upe oĩva ipype ou Pytu Porãmbáva pu’aka rupi.

21Ha’e imembýta peteĩ mitãkuimba’e ha herava’erã Hesu, Ha’e osalvátagui hetãyguakuérape iñangaipágui (ipecadokuéragui).

22Opaite ko’ã mba’e ojehu oiko hag̃ua Ñanderuete kuatiañe’ẽme he’imava’ekue hemimbou iproféta rupi, he’i ramoguare:

23Pehechava’erã peteĩ kuñataĩ heko potĩva imembyva’erã peteĩ mitãkuimba’e hérata Emanuel, he’iséva Ñanderuete oĩ ñanendive.

24Ha opáyvo Jose, ojapopa pe ángel he’i haichaite, ha ogueraha Maríape hógape.

25Jose ndoikói katu hendive onace peve imemby peteĩha, hérava Hesu.

Jump to: Chapter 2 →