Nehemiah 10

Guarani 2015 (Ñanderuete Ñe’ẽ Porã 2015)

← Chapter 9 Jump to: Chapter 11 →

1Ha ko’ãva hína umi omoĩva’ekue herakuéra: Nehemías, pe tetã sãmbyhyhára, Hacalías ra’y, ha Sedequías,

2Seraías, Azarías, Jeremías,

3Pasur, Amarías, Malquías,

4Hatus, Sebanías, Maluc,

5Harim, Meremot, Obadías,

6Daniel, Gineton, Baruc,

7Mesulam, Abías, Mijamín,

8Maazías, Bilgai ha Semaías, ko’ãva pa’ikuéra.

9Ha ko’ã Levigua: Jesúa, Azanías ra’y, Binúi, Henadad ra’ykuéra apytégui, Cadmiel,

10ha iñirũnguéra Sebanías, Hodías, Kelita, Pelaías, Hanan,

11Mica, Rehob, Hasabías,

12Zacur, Serebías, Sebanías,

13Hodías, Bani ha Beninu.

14Umi omyakãva avei hetãyguakuérape: Paros, Pahat-moab, Elam, Zatu, Bani,

15Buni, Azgad, Bebai,

16Adonías, Bigvai, Adin,

17Ater, Ezequías, Azur,

18Hodías, Hasum, Bezai,

19Harif, Anatot, Nobai,

20Mazpía, Mesulam, Hezir,

21Mesezabeel, Sadoc, Jadúa,

22Pelatías, Hanan, Anaías,

23Oséas, Hananías, Hasub,

24Halohes, Pilha, Sobec,

25Rehum, Hasabna, Maasías,

26Ahías, Hanan, Anan,

27Maluc, Harim ha Baana,

28ha umi tetãygua hembýva, pa’ikuéra, Leviguakuéra, okẽ ñangarekoharakuéra ha umi opurahéiva, Ñanderuete rogaguasu rembiguaikuéra ha opaite umi ojeiva’ekue tetã ambueygua apytégui Ñanderuete rembiapoukapy rehehápe, hembirekokuéra ndive, ita’ýra ha itajyrakuéra ndive, opaite ikatúva guive ohechakuaa porã Ñanderuete rembiapoukapykuéra ha oikuaáva guive ivai ha iporãva,

29oñembyaty joaite ityke’yrakuéra ndive ha imburuvichakuéra ndive, ome’ẽ hag̃ua iñe’ẽ ojapotaha hekópe Ñanderuete rembiapoukapy ojehai háicha, Ñanderuete rembiguái Moises rupi oñeme’ẽva’ekue ichupekuéra, ha ojapopataha opaite iñe’ẽ ha hembiapoukapykuéra Ñanderuete ohaiuka haguéicha.

30Ha norome’ẽiva’erãha ore rajykuéra tetã ambueyguakuérape, ha noromomendaiva’erãha ore ra’ykuéra itajyrakuéra rehe.

31Ha umi Canaangua hembýva ogueru ramo mba’erepy térã tembi’urã pytu’uha árape, ore ndorojapyhyiva’erã mba’eve ichuguikuéra pe ára pévape ni ambue arete arakuérape, ha pe áño 7-hápe rohejava’erã ore kokue yvy opytu’u ha roheja reiva’erã opaite pirapire ojeporukava’ekue térã umi mba’e ojedevéva gueteri.

32Ha ro’e avei rojapotaha tembiapoukapy hekoitépe, rome’ẽvo akói áño 3,7 grámo pláta Ñanderuete róga rembiaporãme g̃uarã,

33ojejogua hag̃ua umi pan ojehechaukátava Ñanderuete róga koty tenondeveguápe, ha umi kuave’ẽmby tembi’u reheguáva, umi kuave’ẽmby ojehapypáva opaite árape, ha umi pytu’uha árape, umi jasyra’yha árape ha ambue aretekuérape umi kuave’ẽmby ñemboyke reheguáva ha umi kuave’ẽmby angaipa reheguáva, ha opaite mba’e Ñanderuete rogaguasúpe ojejapótavape g̃uarã.

34Ha roity avei po’a jeporavo araka’etépa pa’ikuéra, Leviguakuéra ha tetãyguakuéra, peteĩteĩ ogueruva’erã pe jepe’a oñekotevẽva Ñanderuete rógape, opaite Judaygua rogaguasu oikuaa hag̃ua pe ára, pe jasy ha pe áño, ijevyha (iturnoha), ogueru hag̃ua pe jepe’a Ñanderuete kuave’ẽmby rendápe g̃uarã, ojehai háicha hembiapoukapýpe.

35Ha opaite áñope rogueruva’erãha Ñanderuete rógape ore koga’a, hi’a tenondéva ha opaite yvyra’a, hi’a avei tenondeva’ekuégui.

36Ha rogueraháta avei ore ra’y ypykue ha ore rymba ra’y ypykue, ojehai háicha Moises po rupi ne rembiapoukapýpe; ha rogueruva’erãha avei ore vaka ra’ykuéra ypykue ha ore ovechakuéra ha kavara ra’ykuéra ypykue ore Jára rógape.

37Ha rogueruva’erãha avei ore trigoku’i ypykue me’ẽmbyrã ha ore kuave’ẽmbynguéra, ha opaite yvyra’akuéragui, ha pe vínogui, ha acéitegui, pa’ikuérape g̃uarã, oñeñongatu hag̃ua Ñanderuete róga kotykuérape, ha ore diézmo ore yvy peguarégui Leviguakuérape g̃uarã, ichupekuéra g̃uarã oñeme’ẽva’erã ore diézmo opaite ore koga’águi.

38Ha pe pa’i Aaron ñemoñarenguéra apytégui peteĩ pa’i omoirũta Leviguakuérape, ko’ãvape oñeme’ẽta pe diézmo. Upéi umi Levigua ome’ẽ avei idiézmo opaite mba’e oñeme’ẽmava’ekue ichupekuéra pa’ikuérape g̃uarã ha ogueraháta hikuái Ñanderuete rogaguasu depósitope, pa’ikuéra oñongatu hag̃ua hembiaporepy ramo.

39Ñanderuete rogaguasu jerekuévo oĩ heta koty oñeñongatuhápe pe diézmo tetãnguéra ha Leviguakuéra ome’ẽva ha ogueraháva pa’ikuérape g̃uarã. Ko’ã kotykuérape oñeñongatu Israel koga’a, víno ha ijacéite oñeme’ẽmava’ekue diézmo ramo. Upévagui oikova’erã pa’ikuéra, umi oñangarekóva Ñanderuete rogaguasúre ha umi opurahéiva omba’apo aja Ñanderuete rogaguasúpe. Ñañeha’ãmba oĩmba hag̃ua Ñanderuete rógape umi mba’e oñekotevẽva guive.

← Chapter 9 Jump to: Chapter 11 →