Nehemiah 12

Guarani 2015 (Ñanderuete Ñe’ẽ Porã 2015)

← Chapter 11 Jump to: Chapter 13 →

1Ko’ãva hína pa’ikuéra ha Leviguakuéra omoirũva’ekue Zorobabel, Sealtiel ra’ýpe, ha Jesúape: Seraías, Jeremías, Ésdras,

2Amarías, Maluc, Hatus,

3Secanías, Rehum, Meremot,

4Iddo, Gineto, Abías,

5Mijamín, Maadías, Bilga,

6Semaías, Joiarib, Jedaías,

7Salu, Amoc, Hilcías ha Jedaías. Ko’ãva ha ityke’yrakuéra oiko pe pa’iguasu Jesúa oikoveha árape.

8Ha umi Levigua: Jesúa, Binúi, Cadmiel, Serebías, Juda ha Matanías, ityke’yrakuéra ndive omyakãhína umi opurahéiva (omomba’eguasúva) Ñanderuetépe.

9Péicha avei Bacbuquías, Uni ha ityke’yrakuéra, hi’arakuérape.

10Pa’iguasu ningo Joiaquim, Jesúa ra’y; ha Joiaquím ra’y, Eliasib; Eliasib ra’y Joiada;

11Joiada ra’y, Jonatan; Jonatan ra’y, Jadúa.

12Ko’ã pa’ikuéra omyakã hogakuérape pa’iguasu Joiaquim árape: Seraías reheguáva ári oĩ Meraías; Jeremías reheguáva ári oĩ Hananías;

13Ésdras reheguáva ári oĩ Mesulam; Amarías reheguáva ári oĩ Johanan;

14Melicu reheguáva ári oĩ Jonatan; Sebanías reheguáva ári oĩ Jose;

15Harím reheguáva ári oĩ Adna; Meraiot reheguáva ári oĩ Helcai;

16Iddo reheguáva ári oĩ Zacarías; Ginetón reheguáva ári oĩ Mesulam;

17Abías reheguáva ári oĩ Zicri; Miniamin ha Moadías reheguáva ári oĩ Piltai;

18Bilga reheguáva ári oĩ Samúa; Semaías reheguáva ári oĩ Jonatan;

19Joaiarib reheguáva ári oĩ Matenai; Jedaías reheguáva ári oĩ Uzi;

20Salai reheguáva ári oĩ Calai; Amoc reheguáva ári oĩ Héber;

21Hilcías reheguáva ári oĩ Hasabías; Jedaías reheguáva ári oĩ Natanael.

22Umi Levigua róga ruvicha réra: pa’i Eliasib, pa’i Joiada, pa’i Johanan ha pa’i Jadúa árape ojehai peteĩ kuatiañe’ẽme hóga ruvichakuéra rupi, avei umi pa’i rerakuéra, Darío, Pérsia retã ruvicha oisãmbyhyha ára peve.

23Umi Levigua róga ruvicha rerakuéra ojehai mburuvichakuéra rembiapokue kuatiañe’ẽme (Crónicas) Johanan, Eliasib ra’y ára peve.

24Umi mburuvicha Leviguakuéra apytépe oĩ ko’ãva: Hasabías, Serebías ha Jesúa, Cadmiel ra’y ha iñirũnguéra, ha’ekuéra omomba’eguasu ha omboete Ñanderuetépe, David, Ñanderuete rembiguái he’i haguéicha, peteĩteĩ omba’apo hi’arakuérape Ñanderuete rogaguasúpe.

25Matanías, Bacbuquías, Obadías, Mesulam, Talmón ha Acub, oiko okẽ ñangarekohára ramo, Ñanderuete róga kotykuérape oñeñongatuhápe tembi’u ha ambue mba’e.

26Ko’ãva oikókuri Joiaquim, Jesúa ra’y, Josadac ra’yre árape, ha pe tetã sãmbyhyhára Nehemías árape, ha pe pa’i ha kuatia haihára Ésdras árape.

27Oñemboarete hag̃ua, ojejapopa haguére Jerusalen táva tápia rembiapo, oñehenoiuka opaite Leviguakuérape, omomba’eguasu ha opurahéi hag̃ua platíllo púpe, árpa púpe ha mbaraka púpe Jerusalénpe.

28Ha oñembyaty umi opurahéiva Jerusalen jere rupigua ha umi Netofatgua oikóva tava’ípe,

29ha umi Gilgal róga pegua, umi Geba ha Azmávet ñu rupigua. Umi opurahéiva omopu’ãgui itava’ikuéra Jerusalen jerekuére.

30Umi pa’i ha Leviguakuéra oñembohekopotĩmba rire, ha’ekuéra ombohekopotĩ avei hetãyguakuérape, umi okẽ ha pe tava tápia.

31Upéi, ahupiuka Judaygua mburuvichakuérape pe táva tápia ári, ha ambosako’i mokõi opurahéiva aty; peteĩ opurahéiva aty amohenda akatúape pe táva tápia ári, yty atýra rokẽ gotýo.

32Ha hapykuerikuéra oho Osaías, Judaygua mburuvichakuéra aty mbytere reheve,

33ha Azarías, Ésdras, Mesulam,

34Juda ha Benjamin, Semaías ha Jeremías.

35Ha umi pa’i ra’y apytégui oho ituru reheve Zacarías, Jonatan ra’y, Semaías ra’yre, Matanías ra’yre, Mica ra’yre, Zacur ra’yre, Asaf ra’yre ndive,

36ha ityke’yrakuéra Semaías, Azarael, Milalai, Gilalai, Maai, Natanael, Juda ha Hanani, Ñanderuete rembiguái David imba’epukuéra reheve; ha pe kuatia haihára Ésdras oho henonderãme.

37Ha oho hikuái pe yvu rokẽ gotýo, upéi ojupi hikuái David táva jejupiha rupi, ha ohove táva tápia ári ohasa David rogakue kupe rupi og̃uahẽ meve yvu rokẽme, opytáva kuarahyresẽ gotýo.

38Umi opurahéiva aty mokõiháme oho ambue yke gotýo, ha che aha hapykuerikuéra, pe ambue mburuvicha aty mbytere ndive táva tápia ári, tatakua óga yvate guive pe táva tápia ipéva peve.

39Ha Efrain rokẽ guive rohasa pe okẽ tuja, Pira kutuha rokẽ, Hananeel róga yvate (tórre), ha Hamea róga yvate ha ovecha rokẽ meve; ha ropyta pe ovecha rerekua rokẽme.

40Upéi og̃uahẽ umi mokõi opurahéiva aty Ñanderuete rógape; ha pe mburuvichakuéra aty mbytere oĩ chendive.

41Ha pa’ikuéra Eliaquim, Maaseías, Miniamin, Mica, Elioenai, Zacarías ha Hananías, iturukuéra reheve;

42ha umi opurahéiva Maasías, Semaías, Eleazar, Uzi, Johanan, Malquías, Elam ha Ézer opurahéi hatã hikuái ha Izrahías omoakã ichupekuéra.

43Ha pe ára pévape oñekuave’ẽ heta tymbakuéra, ha ovy’a joa hikuái Ñanderuete ome’ẽ haguére ichupekuéra toryguasu; ovy’a joa avei kuñakuéra ha mitãkuéra, ha pe vy’aguasu Jerusalénpe oikóva oñehendu mombyry guive.

44Pe ára pévape ojeporavo umi kuimba’ekuérape oñangareko hag̃ua umi depósito rehe, mba’erepyeta oñeñongatuhápe, kuave’ẽmbynguéra, diézmo, koga’a ypykue, ha avei opaite me’ẽmby Israelguakuéra ome’ẽva pa’ikuéra ha Leviguakuérape g̃uarã, Ñanderuete rembiapoukapy he’i háicha; umi Judaygua ovy’aite umi pa’i ha Levigua rembiapo reheve.

45Leviguakuéra ojapógui hekoitépe Ñanderuete róga rembiapo ha kuave’ẽmby rembiapo Israelguakuéra rehehápe, ha upéicha ovy’a avei umi opurahéiva ha umi okẽ ñangarekohára ndive, David ha ita’ýra Salomon omoñepyrũ haguéicha.

46Ymaite, David ha Asaf ára guive oĩmava peteĩ omoakãva umi purahéi ha agradecimientokuéra.

47Opaite Israelgua, Zorobabel ha Nehemías árape ome’ẽ tembi’u umi opurahéivape ha umi okẽ ñangarekohárape g̃uarã, peteĩteĩme hembiapo arakuérape, ome’ẽ avei diézmo Leviguakuérape g̃uarã ha ha’ekuéra ome’ẽ jevy avei idiézmo Aaron ñemoñarenguérape g̃uarã, ha’ekuéra ningo pa’ikuéra.

← Chapter 11 Jump to: Chapter 13 →