bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
Zechariah 6
Zechariah 6
Guarani 2015 (Ñanderuete Ñe’ẽ Porã 2015)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
1
Ajesaupi jevy ha ojehechauka chéve irundy cárro osẽva mokõi cérro pa’ũgui, ha umi cérro umíva bronceguiguáva.
2
Pe cárro tenondeveguáva rehe oĩ kavaju pytãva, pe cárro mokõiha rehe oĩ kavaju hũva.
3
Pe cárro mbohapyha rehe oĩ kavaju morotĩva, ha pe cárro irundyha rehe oĩ kavaju iparáva ha imbaretéva.
4
Upéramo che ha’e pe yvága rembiguáipe: Che jára, mba’épa he’ise ko’ã mba’e.
5
Ha pe yvága rembiguái he’i chéve: Ko’ãva hína umi irundy yvytu ára pegua oñemoĩva ko yvy Jarateéva renondépe ha upéi osẽ henondégui.
6
Ha pe cárro ikavaju hũva reheve oho pe tetã yvate gotýo, ha umi morotĩva oho hapykuéri, umi iparáva oho pe tetã yvy gotyoguápe.
7
Ha pe yvága rembiguái he’i rire umi kavaju pytãvape: Tapeho ha peguata pe yvy tuichakue rupi, ha’ekuéra osẽ avei.
8
Upéi cherenói, ha oñe’ẽ chéve, ha he’i: Ema’ẽ, umi osẽmava’ekue rehe pe tetã yvate gotýo, ogueraha che pytu porã ombopy’aguapy hag̃ua pe tetã yvate gotyoguápe.
9
Ñanderuete ñe’ẽ ou chéve, ha he’i:
10
Eiporavo umi jepokuapyha apytégui, Heldái, Tobías ha Jedaíaspe, ou jevyva’ekue Babilóniagui, ha nde rehóta upe árape, ha reikéta Josías, Sofonías ra’y rógape.
11
Rejapyhýta pláta ha óro, ha rejapóta peteĩ coróna, ha nde remoĩta pe pa’i guasu Josue, Josadac ra’y, akã rehe.
12
Ha reñe’ẽta ichupe, erévo: Péicha he’i ángel atykuéra Jára: Péina ápe pe kuimba’e hérava Hoky pyahúva, hi’árape hokytavahína, omopu’ãta Ñanderuete rogaguasu.
13
Ha’e omopu’ãta Ñanderuete rogaguasu, ha Ha’e ohupitýta pu’aka ha oguapýta mburuvichaguasu guapyhápe ha oporosãmbyhýta, Ha’e oikóta avei pa’iguasu ramo ha hi’árape oĩta py’aguapy.
14
Upe akã jeguaka ojegueraháta Ñanderuete rogaguasúpe oñemomandu’a hag̃ua Helem, Tobías, Jedaías ha Hen, Sofonías ra’ykuéra réra rehe.
15
Ha umi tetãygua mombyrygua oúta ha oipytyvõta omopu’ã hag̃ua Ñanderuete rogaguasu, ha peikuaáta pe ángel atykuéra Jára chembou hague pene rendápe. Ko’ã mba’e ojehúta peneñe’ẽrendu ramo Ñanderuete, pende Jára ñe’ẽre.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
All chapters:
1
2
3
4
5
6
7
8
9
10
11
12
13
14