bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
John 13
John 13
Gussi (EBIBILIA ENCHENU) 2020
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Ekero rituko rinene ri’Epasaka ritaraba, Yeso akamanya ng’a ensa yaye yaikire akorua ase ense eye na kogenda ase Ise, akaba nanchete abanto baye abarenge ase ense, naboigo akabancha goika omoerio.
2
Ekero ki’endagera ya mogoroba, Saitani gaikire kobeka Yudas omwana o Simion Iskariota enkoro y’okomorua,
3
Yeso omanyete ng’a Ise omoeire bionsi ase amaboko aye, naende ng’a nigo arwete ase Nyasae, naende nkoirana are ase Nyasae.
4
Akaimoka korwa ase endagera, akabeka chianga chiaye ensemo, akabogoria egetambaa, akeboyia.
5
Erio akabeka amache ase esani, agachaka gosibia aborokigwa baye amagoro abo, na koyatinyia negetambaa keria eboyetie.
6
Nabo agaika ase Simion Petero, Oyo akamotebia, “Omonene! Aye ngosibia ore amagoro aane?”
7
Yeso akairaneria, akamotebia, “Aya ngokora inche, tokoyamanya bono, korende noyamanye nyuma.”
8
Petero akamokania, “Togonsibia amagoro aane nonya ng’ake.” Yeso akamotebia, “Ntagosibeti, tori nobomo amo nainche.”
9
Erio Simion Petero akamotebia, “Omonene, tari amagoro aane oka, korende nonya namaboko na omotwe one.”
10
Yeso akamotebia, “Oyoikire gwesibia tagwenereti gwesibia naende, otatiga amagoro oka, korende obeire omochenu omobere bwonsi; na inwe mwabeire abachenu, korende tai mwensi.”
11
Naki amomanyete oyogocha komorua; ase ayio agateba, “Timori abachenu mwensi.”
12
Nabo agachia gokoora kobasibia amagoro abo na kobogoria chianga chiaye, agaikaransa naende, akabatebia, “Mwamanyire eki nabakorera?
13
Inwe iga mokondoka Omworokia, naende Omonene; na igo mbuya mokobora, naki naboigo inde.
14
Nabo onye inche, inde Omonene naende Omworokia, nabasibirie amagoro aino, nebagwenerete gosibania amagoro inwe ase inwe.
15
Naki nabaeire ekiorokererio ekiya, erinde ayio nabakorera inwe, nainwe moyakore.
16
Ekeene, ekeene, nabatebirie: Omosomba tari omonene kobua omonene oye, gose omotomwa tari omonene kobua ere oyomotomete.
17
Komoramanye ayio, mosesenirie komorayakore.
18
Tindi gokwana asemore mwensi; nabamanyire aba nachorire, erinde amariko anyare goikeranigwa, ayagoteba: Oyokoria omogati amo nainche oimokereirie egotingiro kiaye igoro asende.
19
Nabatebirie aya korwa bono ritang’ani ataraba, erio ekero arache koba monyare kwegena ng’a ninche ere.
20
Ekeene, ekeene, nabatebirie: Ere oyoramwanche onde bwensi oyo ndatome, onyanchire inche; nere oyoranyanche inche omwanchire ere oyontomete.”
21
Agachia gokoora gokwana aya, Yeso agaichana ase omoika oye, akaorokia, agakwana, “Ekeene, ekeene, nabatebirie: Oyomo oino nandue.”
22
Aborokigwa baye bakarigererania, bagasinywa komanya gose ning’o atora.
23
Narenge aroro oyomo bw’aborokigwa baye, oyobweegegete Yeso egekuba kiaye, oyo Yeso anchete.
24
Nabo Simion Petero akamosima, akamoboria, “Moborie ning’o atora?”
25
Ere oria akamweegeka buna arenge ase egekuba kia Yeso, akamoboria, “Omonene, ning’o?”
26
Erio Yeso akairaneria, “Nomonto oria ngotongereria egesamunye ki’omogati na komoa.” Agatongereria Yudas, mosinto o Simion Iskariota, egesamunye, agakemoa.
27
Naende nyuma kanyorire egesamunye keria, Saitani akamosoa. Erio Yeso akamotebia, “Aya ogokora, yakore bwango.”
28
Onde tarenge ase baria baikaransete ase emesa omanyete engencho yagerete amotebetie iga.
29
Ekiagera Yudas arenge kobogoria esanduku ye chibesa, baria bande bagakaga ng’a Yeso nigo are komotebia, “Gora ebitorigetie ase Rituko Rinene”, gose ng’a abae abataka egento.
30
Nabo oyo, kanyorire egesamunye keria agasoka bwango; na igo bwarenge botuko.
31
Erio oyio gasokire, Yeso akabora, “Bono Omwana‐o‐mwanyabanto obakirwe, na Nyasae obakirwe ime yaye.
32
Onye Nyasae okobakwa ime yaye, Nyasae boigo namobake ime yaye omonyene, na komobaka erio kegima.
33
Abana abake, nkere ekero egeke inde amo nainwe. Namondigie; korende buna natebetie Abayahudi, ng’a aase ngochia inche, inwe timokonyara gochao, bono nabatebirie nainwe.
34
Ogochika okoyia nabaeire nakwo oko, mwanchane. Buna nabanchete inwe, nainwe mwanchane boigo.
35
Igo abanto bonsi nabamanye ng’a naborokigwa baane more, komorabe nobwanchani inwe ase inwe.”
36
Simion Petero akamoboria, “Omonene, ng’ai okogenda?” Yeso akamoiraneria, “Aase ngochia tokonyara gontunyana bono, korende nontunyane nyuma.”
37
Petero akamotebia, “Omonene, nase ki ntanyare kogotunyana bono? Nindue obogima bwane ase engencho yao.”
38
Yeso akamoiraneria, “Inee! Obogima bwao noborue ase engencho yane? Ekeene, ekeene, nagotebirie: Etuoni tekobuga goika gwankanire ara gatato.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21