bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
John 16
John 16
Gussi (EBIBILIA ENCHENU) 2020
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
“Amang’ana aya nabatebirie timocha kogochwa.
2
Nababaserie korwa ase chisinagogi; nabo engaki neche ekero onde bwensi arabaite akage ng’a okoreire Nyasae emeremo.
3
Naende ayio nababakorere, ekiagera tibamomanyeti Tata, nonya ninche.
4
Korende nabatebirie aya, erio engaki eria egocha, moyainyore ng’a inche nabatebetie. “Tinabatebetie aya korwa omochakano, ekiagera narenge amo nainwe.
5
Korende bono nkogenda nde asare ere oyontomete; gose onde tari asemore okomboria: Ing’ai ogochia?
6
Korende ekiagera nabatebirie aya, omoichano oichoire chinkoro chiaino.
7
Korende inche nabatebirie erire ri’ekeene: Nebe buya asemore inche ngende, ekiagera ntagendeti, Omokonyi oria tagocha asemore; korende kondagende, nimotome asemore.
8
Naende ekero arache ere, naenekerie ense ase amang’ana ’ebibe, naende oboronge, naende ekina;
9
ase amang’ana ’ebibe, ekiagera tibanyegeneti inche;
10
ase amang’ana ’oboronge, ekiagera nkogenda nde ase Tata, gose timokondora naende;
11
ase amang’ana ’ekina, ekiagera omonene bw’ense eye okoorire kogambigwa.
12
“Ninde nayande amange atigarete nkobatebia, korende timokonyara koyaremereria bono.
13
Korende ekero arache ere, Omoika bw’Ekeene, nobaraae ase onsi ayare ay’ekeene, ere tagokwana ayare ayaye, korende onsi ayaranyare koigwa nayakwane, naende amang’ana agochi‐gocha nabatebie engencho yaye.
14
Ere nambake inche, ekiagera nabogorie ayare ayane, nabayaorokerie.
15
Onsi ayare aya Tata nayane; ase ayio ngateba ng’a nabogorie ayare ayane, nabayaorokerie.
16
“Nkere ekero egeke, inwe motandore; naende nkere ekero egeke morandore, ekiagera nkogenda nde ase Tata.”
17
Nabo abande b’aborokigwa baye bagatebania, “Ing’ana ki eri agoteba: Nkere ekero egeke, inwe motandore; naende nkere ekero egeke morandore; na: Nkogenda nde ase Tata?”
18
Nabo bagateba, “Ing’ana ki eri agoteba, ng’a nkere ekero egeke? Titomanyeti eri agokwana.”
19
Yeso akamanya ng’a mbarigetie komoboria, akabatebia, “Inee! Nigo mokoborania inwe ase inwe ase erio natebire: Nkere ekero egeke, inwe motandore, naende nkere ekero egeke morandore?
20
Ekeene, ekeene, nabatebirie: Inwe namorere na kweng’ereria, korende ense negoke; inwe namoichanigwe, korende ogoichana kwaino nakoonchoke koba omogoko.
21
Omokungu gakobina ase okoibora, nigo are nomoichano, ekiagera ensa yaye yaikire; korende gaikire koibora omwana, tari koinyora obororo bwaye naende, ase engencho y’omogoko bw’okoiborwa kw’omonto ase ense.
22
Nabo nainwe bono nigo more nomoichano; korende nimbarore naende, ne chinkoro chiaino nachigoke, na omogoko oino onde tari orabaure.
23
Ase rituko riria timokomboria ring’ana. Ekeene, ekeene, nabatebirie: Komorasabe Tata kende gionsi ase erieta riane nabae.
24
Goika rero timorasaba gento ase erieta riane; saba, namonyore, erinde omogoko oino obe omoikeranu.
25
“Aya nakwanire nainwe ase emereng’anio; engaki neche ntakwane naende ase emereng’anio, korende nimborokie maiso marore amang’ana a Tata.
26
Ase rituko riria namosabe ase erieta riane; tinkobatebia ng’a nimbasabere ase Tata,
27
ekiagera Tata omonyene nigo abanchete inwe, ekiagera inwe mwanyanchire inche, na mwegenire ng’a inche nigo narwete ase Tata.
28
Narwete ase Tata, ngacha ase ense; naende ngotiga nde ense na nkoirana nde ase Tata.”
29
Aborokigwa baye bakabora, “Rora, bono ngokwana ore maiso marore, gose tori gokwana omoreng’anio onde bwonsi.
30
Bono twamanyire ng’a kwamanyire onsi, torigeti omonto akoborie. Ase ayio twegenire ng’a nigo kwarwete ase Nyasae.”
31
Yeso akabairaneria, “Inee! Igo bono mwegenire?
32
Rora engaki neche, ee nabo yaikire gocha, namwatananeke, kera oyomo ase mwaye, namontige inche bweka, korende tindi inche bweka, ekiagera Tata nigo are amo nainche.
33
Aya nabatebirie, erinde monyare koba nomorembe ime yane. Ase ense namonyore emechando, korende remia emioyo; inche nabuire ense.”
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21