bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
John 15
John 15
Gussi (EBIBILIA ENCHENU) 2020
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
1
“Inche ninche omosabibu bw’ekeene, na Tata one nomoroiseria.
2
Kera orosagia ime asende orotameti, nigo akoronacha, na kera orokwama nigo akorososa, erinde romente kwama.
3
Inwe mwaikire koba abachenu ase engencho ye ring’ana nabatebirie.
4
Menya ime yane, na inche ime yaino. Buna orosagia rotanyare kwama rwoka oronyene, rotabeti ime ase omosabibu, naboigo nainwe motamenyeti ime yane.
5
Inche nomosabibu, na inwe nechinsagia. Oyo omenyete ime yane, na inche ime yaye, oyio name mono, ekiagera ntaiyo inche, timokonyara gokora kende gionsi.
6
Omonto otamenyeti ime yane, nigo aratugutwe isiko buna orosagia rwomete. Chinsagia chiomete nigo chigosangererigwa, na korutwa ase omorero, na koyia.
7
Komoramenye ime yane, na amang’ana aane karabe ime yaino, saba kera ekemoganetie na inwe namokorerwe.
8
Ase ayio Tata abakwe ekero mwamire mono; na inwe namobe aborokigwa baane.
9
Buna Tata anyanchete inche, na inche nabanchire inwe, menya ase obwanchani bwane.
10
Komorabwate amachiko aane, namomenye ase obwanchani bwane, buna inche nabwatete amachiko a Tata one na komenya ase obwanchani bwaye.
11
Aya nabatebirie, erinde omogoko one obe ime yaino, naende ng’a omogoko oino oikeranigwe.
12
“Richiko riane nario eri: Mwanchane buna nabanchete inwe.
13
Onde tari ore nobwanchani obonene kobua obo, obw’omonto akorua obogima bwaye ase engencho y’abasani baye.
14
Inwe nigo more abasani baane, komorakore aya nabachikire.
15
Tinkobaroka naende abasomba, ekiagera omosomba tamanyeti eki omonene oye agokora; korende inwe nabarokire abasani, ekiagera onsi aya naigwete korwa ase Tata nabaorokeirie.
16
Tari inwe mwanchorire inche, korende ninche nabachorire inwe, nababekire mogende kwama, okwama kwaino goikaranse; erio rinde rionsi mogosaba Tata ase erieta riane, nigo arabae.
17
“Aya nabachikire naro aya: mwanchane.
18
Ense kerabageche, momanyete ng’a yangechire inche etarabagecha inwe.
19
Onye nab’ense mware, anga ense iyancha abare abaye, korende ekiagera inwe timori ab’ense, otatiga inche nabachorire korwa ase ense, ase ayio ense yabagechire.
20
Inyora ring’ana riria nabatebetie: Omosomba tari omonene kobua omonene oye. Onye banchandete inche, nababachande nainwe; onye babwatete ring’ana riane nabwate neriaino.
21
Korende aya onsi nababakorere ase engencho y’erieta riane, ekiagera tibamomanyeti oyontomete.
22
Onye ntachete gokwana nabarabwo, anga tibarenge nebibe, korende bono tibari nogwekengera ase ebibe biabo.
23
Oyongechete inche, nigo amogechete na Tata one.
24
Onye ntakorete emeremo asebare eye monto onde atakoreti, anga tibabete nebibe, korende bono barorire, naende batogechire inche na Tata.
25
Korende igo riikerane ring’ana eriarigetwe ase amachiko abo: Nigo bangechete bosa.
26
Korende karache Omokonyi, oyo ndabatomere korwa ase Tata, Omoika bw’Ekeene okorwa ase Tata, ere nambere kirori.
27
Na inwe boigo mwambereire birori, ekiagera korwa omochakano mwarenge amo nainche.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21