Leviticus 12

Gussi (EBIBILIA ENCHENU) 2020

← Chapter 11 Jump to: Chapter 13 →

1Omonene agakwana na Musa, akamotebia,

2“Otebie Abaisraeli ng’a omokungu karabe morito na aibore omwana omoisia nabe oyotachenegeti ase engaki y’amatuko atano na abere, amatuko ang’ana buna ekero abwate omotienyi abe oyotachenegeti.

3Omwana oria omoisia asarwe ase rituko ria gatano na gatato.

4Erio omokungu oria aganye ase engaki y’amatuko emerongo etato na atato, goika amanyinga akame, na ere omonyene nabe oyochenegete. Tabaisa gokuna gento kende goinsi gechenegete, gose gosoa Aase Aachenu, goika amatuko aye ay’ogochenwa aere.

5Korende karaibore omwana egesagane, nabe oyotachenegeti ase chichuma ibere, buna ekero abwate omotienyi, naende aganye ase engaki y’amatuko emerongo etano nomo, na atano na rimo, goika amanyinga aye akame, na ere omonyene nabe oyochenegete.

6“Ekero amatuko ’omokungu oyio ay’ogochenwa aerire, karabe nomwana omoisia aiboire, gose egesagane, omokungu oyio arente eng’ondi yakoorire omwaka oyomo ebe ekeng’wanso ki’ogosambwa, ne riige rie riruma, gose riruma, ribe ekeng’wanso ki’ebibe. Abirente ase omokuani agwo ase egesoero ki’Eema y’Omosangererekano.

7Omokuani oria arue eng’ondi eyio, gose riruma erio ase obosio bw’Omonene, na akore okobwatanigwa ase omokungu oyio, na igo nabe ochenekire korwa ase ogoiteka kw’amanyinga aye. Oko nakwo ogochika ase omokungu oiborete omwana, omoisia gose egesagane.

8“Onye omokungu oria takonyara konyora eng’ondi, rirorio arente amaruma abere, gose amage ’amaruma abere, erimo ribe ekeng’wanso ki’ogosambwa, na erinde eki’ebibe. Ase enchera eyio omokuani akore okobwatanigwa ase omokungu oyio, na omokungu oyio nabe ochenekire.”

← Chapter 11 Jump to: Chapter 13 →