bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Leviticus 13
Leviticus 13
Gussi (EBIBILIA ENCHENU) 2020
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 14 →
1
Omonene agakwana na Musa na Haroni, akabatebia:
2
“Ekero omonto abeire negesambo, gose abimbire risankwa ri’omobere oye, gose risankwa riatorekire na koonchoka ribe buna oborwaire bwa ukoma, omonto oyio arentwe ase Haroni omokuani, gose ase oyomo bw’abamura baye ore omokuani.
3
Omokuani oyio arenge oborwaire obwo buya. Kararore ng’a amarionya are ase egesambo keria aonchokire abeire amarabu, na oborwaire bwakorire engoro gochia ime goetania risankwa, rirorio oborwaire obwo nobwa ukoma. Ekero omokuani arengire omonto oria buya, atebe ng’a oyio onyorekanire ng’a tachenegeti.
4
Onye egesambo keria kere ekerabu, korende tigekoreti engoro gochia ime goetania risankwa, na amarionya egesambo keria tabeti amarabu, rirorio omokuani abeke omonto oria ase egesomo ase engaki y’amatuko atano na abere.
5
Ase rituko ria gatano na kabere omokuani amorenge naende, na kararore ng’a oborwaire boria tibwesiarereti ase risankwa, erio amobeke naende ase egesomo ase engaki y’amatuko ande atano na abere.
6
Ase rituko ria gatano na kabere amorenge naende, na kararore ng’a egesambo keria giachakire gosira, na oborwaire boria tibwesiarereti ase risankwa erio omokuani atebe ng’a omonto oria ochenekire, namaote oka abwate. Omonto oria asibie chianga chiaye, erio abe oyochenegete kegima.
7
Korende egesambo keria gokerabe giesiareire ase risankwa nyuma omokuani karorire ng’a ochenekire, omonto oria goika airane ase omokuani naende,
8
na ere kararore ng’a egesambo keria giesiareire ase risankwa, erio atebe ng’a omonto oyio tachenegeti. Obwo noborwaire bwa ukoma.
9
“Ekero omonto abwate oborwaire bwa ukoma ararentwe ase omokuani,
10
na ere amorenge buya. Kararore egesambo ekerabu ase risankwa, na amarionya aonchokire abeire amarabu, naende onye enyama embariri yachakire gokina imeo,
11
obwo noborwaire bwa ukoma obokoro bogendererete ase engaki entambe ase risankwa ri’omobere bw’omonto oria. Omokuani atebe ng’a omonto oyio tachenegeti; bono tamobeka ase egesomo, ekiagera tachenegeti.
12
Onye oborwaire obwo bwa ukoma bwasokire ase risankwa isiko, na omokuani ororire ng’a bwesiareire ase omobere bwonsi korwa omotwe goika amagoro,
13
erio omokuani amorenge naende, na kararore ng’a oborwaire boria bwatubire omobere bwonsi bw’omonto oria, rirorio atebe ng’a ochenekire. Onye omobere bwonsi obeire omorabu, omonto oria obeire oyochenegete.
14
Korende onye enyama embariri yachakire gokina imeo, omonto oyio tachenegeti.
15
Ekero omokuani ararore ng’a enyama eria embariri yasokire, rirorio atebe ng’a omonto oyio tachenegeti. Enyama eria embariri nigo ere eyetachenegeti. Obwo noborwaire bwa ukoma.
16
Korende onye enyama eria embariri ekoonchoka ebe endabu, erio omonto oyio agende ase omokuani,
17
na ere amorenge buya, na onye egesambo kiaonchokire na koraba, erio omokuani atebe ng’a omonto oyio ochenekire.
18
“Omonto onye orenge ne rigumba ase risankwa riaye, ne rigumba erio koriagwenire,
19
na aase agwe ase risankwa riarenge obobimbu oborabu bororekane, gose egesambo gekororekana kere nobobariri na oborabu, omonto oria goika agende ase omokuani.
20
Ere amorenge buya, na kararore ng’a egesambo keria giakorire engoro gochia ime goetania risankwa, na amarionya areo aonchokire na koraba, omokuani atebe ng’a omonto oria tachenegeti. Obwo noborwaire bwa ukoma bwaorokeire ase rigumba riria.
21
Korende omokuani karamorenge na arore ng’a amarionya ’egesambo keria tari amarabu, na tigekoreti engoro gochia ime goetania risankwa, naende giachakire gosira, omokuani abeke omonto oria ase egesomo ase engaki y’amatuko atano na abere.
22
Onye oborwaire obwo bwesiareire ase risankwa, erio omokuani atebe ng’a omonto oyio tachenegeti, risankwa rianyorire oborwaire.
23
Korende onye egesambo keria tikeonchogeti na gwesiarera, eyio nenkoru ase rigumba riariete, na omokuani atebe ng’a omonto oria ochenekire.
24
“Onye omonto ore ne risambo ri’omorero ayiete ase risankwa ri’omobere oye, na enyama embariri ekineteo ebe egesambo ki’obobariri na oborabu, gose kebe ekerabu,
25
omokuani arenge egesambo ekio. Onye amarionya egesambo ekio aonchokire na koraba, naende egesambo kiabeire engoro gochia ime goetania risankwa ri’omobere oye, obwo noborwaire bwa ukoma bwasokire ase risambo ri’omorero riarenge. Omokuani atebe ng’a omonto oyio tachenegeti. Obwo noborwaire bwa ukoma.
26
Korende omokuani kararenge egesambo keria, na arore ng’a amarionya aria areo taonchogeti abe amarabu, naende egesambo tikerakora engoro gochia ime goetania risankwa, korende giachakire gosira, erio omokuani amobeke ase egesomo ase engaki y’amatuko atano na abere.
27
Rituko ria gatano na kabere omokuani amorenge naende. Kararore ng’a egesambo keria giesiareire ase risankwa, erio atebe ng’a omonto oyio tachenegeti. Obwo noborwaire bwa ukoma.
28
Korende onye egesambo keria tikeonchogeti gose giesiarere ase risankwa, korende giachakire gosira, okwo nokobimba kwe risambo, na omokuani atebe ng’a omonto oyio ochenekire. Eyio nenkoru ye risankwa ri’omobere.
29
“Onye omonto, omosacha gose omokungu, obwate egesambo ase omotwe oye, gose ase ekenyonyobu,
30
omokuani arenge egesambo ekio. Onye gekorete engoro gochia ime goetania risankwa, naende onye amarionya areo are monuri na konyererea, erio omokuani atebe ng’a omonto oyio tachenegeti. Erio nerichoncho ri’oborwaire bwa ukoma ase omotwe oye, gose ase ekenyonyobu.
31
Omokuani kararenge richoncho riria na arore ng’a tirikoreti engoro gochia ime goetania risankwa, naende amarionya amamwamu tari aroro, erio omokuani amobeke ase egesomo ase engaki y’amatuko atano na abere.
32
Ase rituko ria gatano na kabere omokuani arenge naende oborwaire boria, na onye tibwesiarereti, naende amarionya amonuri tario, naende richoncho tirikoreti engoro gochia ime goetania risankwa,
33
omonto oyio akigite etukia, korende takigita ase richoncho rire, na omokuani amwatanane, amobeke ase egesomo ase engaki y’amatuko ande atano na abere.
34
Ase rituko ria gatano na kabere omokuani amorenge naende, na onye richoncho riria tiriesiarereti ase risankwa, na tirikoreti engoro gochia ime goetania risankwa, omokuani atebe ng’a omonto oyio ochenekire, ase igo asibie chianga chiaye, abe oyochenegete kegima.
35
Korende onye richoncho riria riesiareire ase risankwa nyuma gachenekire,
36
omokuani amorenge naende, na kararore ng’a richoncho riria riesiareire, takorigia korora gose amarionya are monuri nareo, omonto oyio tachenegeti.
37
Omokuani kararore ng’a richoncho riria tirionchogeti, na amarionya amamwamu amerire imeo, richoncho riria riagwenire, na omonto oria ochenekire kegima. Omokuani atebe ng’a omonto oyio ochenekire.
38
“Onye omosacha gose omokungu obwate ebisambo ebirabu ase risankwa ri’omobere,
39
omokuani amorenge. Nere kararore ng’a ebisambo bie risankwa ri’omobere nigo bire ebirabu ake, ebisambo ebio tibiri bobe; omonto oyio ochenekire.
40
“Onye omonto osunyokire etukia, risio riachiire magega, nigo are nyaisio, ere ochenekire,
41
na onye osunyokire etukia y’omotwe bosio, boigo ere ochenekire.
42
Korende onye ase risio ri’omotwe oye, magega gose bosio, obwate egesambo kere nobobariri na oborabu, obwo noborwaire bwa ukoma bwasokeire ase risio.
43
Ase ayio, omokuani karamorenge arore ng’a egesambo kebimbete ase risio riria, magega gose bosio, kere nobobariri na oborabu, na nigo gekororekana buna oborwaire bwa ukoma mbore ase risankwa ri’omobere,
44
omonto oyio nabwate oborwaire bwa ukoma, ere tachenegeti. Omokuani atebe ng’a omonto oyio tachenegeti; oborwaire nigo bore ase omotwe oye.
45
“Omonto obwate oborwaire bwa ukoma abeke chianga amachanchabe, tabaisa gochanoa etukia yaye, atube omonwa oye ase egekoba kia igoro, erio aake eriogi na gokuura: Inche tinchenegeti! Tinchenegeti!
46
Ere agenderere koba oyotachenegeti ekero are noborwaire boria, aatananwe amenye isiko y’egetwori, ao korwa ase abanto bande.
47
“Onye ukoma bore ase eanga eroisirie korwa ase amarionya gose egatani,
48
gose bore ase egetambaa keroisirie ase chingencho ao ao korwa ase egatani, gose ase amarionya, gose ase rirondia rie risankwa, gose ase egento kende gionsi keroisirie korwa ase risankwa,
49
na onye ekemoa gekororekana kere nekieni buna obonyansi, gose ekebariri, ase eanga, gose ase risankwa, gose ase egetambaa keria, gose ase egento kende keroisirie korwa ase risankwa, obwo noukoma bogwesiarera, na ebinto ebi biorokigwe ase omokuani.
50
Omokuani arenge egento kere na ukoma, erio akebeke ase egesomo ase engaki y’amatuko atano na abere.
51
Ase rituko ria gatano na kabere omokuani akerenge naende. Kararore ng’a ogosareka koria gwesiareire ase eanga, gose ase egetambaa keroisirie ase chingencho ao ao, gose ase risankwa, gose ase egento kende gionsi keroisirie korwa ase risankwa, nigo kiabwatetwe na ukoma obobe mono; egento ekio tigechenegeti.
52
Ase igo egento ekio gesambwe nomorero, gokerabe eanga, gose egetambaa kende gionsi, keroisirie korwa ase amarionya, gose korwa ase egatani, gose gento kende gionsi keroisirie korwa ase risankwa kere noborwaire obwo ime yaye. Obwo noborwaire obobe bwa ukoma; ebinto ebio goika bisambwe nomorero.
53
“Omokuani kararenge na arore ng’a ekemoa keria tigieserarereti ase eanga eria, gose ase egetambaa keria, gose ase kende gionsi keroisirie korwa ase risankwa,
54
rirorio achike ng’a egento ekio giasarekire, tiga gesibigwe na kebekwe ase egesomo ase engaki y’amatuko ande atano na abere.
55
Omokuani arenge ekemoa ase egento keria nyuma kogiasibigwe. Kararore ng’a ekemoa keria tikeraonchoka, egento keria tigechenegeti, nonya ekemoa ekio tigiesiarereti. Egento keria gesambwe nomorero, ekiagera ekemoa keria negi’okoboosia, onye kere isiko gose ime ase egento ekio.
56
Korende onye omokuani okorenga egento ekio nyuma kogiasibigwe, na arore ng’a ekemoa keria ngosira kere, rirorio atandore aase ekemoa keria kere, akerusie korwa ase eanga eria, gose risankwa, gose egetambaa.
57
Onye ekemoa gekororekana naende ase eanga eria, gose ase egetambaa keroisirie ase chingencho ao ao, gose ase gento kende gionsi keroisirie korwa ase risankwa, igo nekemoa gia ukoma kiaorokeire. Egento keria goika gesambwe nomorero.
58
Ekemoa gokeranyorekane ng’a giasirire ekero eanga, gose egetambaa keria, gose gento kende gionsi keroisirie korwa ase risankwa, giasibigwe, rirorio gesibigwe eria kabere. Bono egento keria nakebe giachenekire.”
59
Oko nakwo ogochika igoro ase ebinto bire na ukoma, kobirabe chianga chiroisirie korwa ase amarionya gose egatani, gose gokerabe egetambaa keroisirie ase chingencho ao ao, gose gento kende gionsi keroisirie korwa ase risankwa. Ase ogochika okwo egento ekio inagiatorwe ng’a giachenekire, gose tigechenegeti.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27