bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Leviticus 6
Leviticus 6
Gussi (EBIBILIA ENCHENU) 2020
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 7 →
1
Omonene agakwana na Musa, akamotebia,
2
“Omonto aise gokora ebibe na gosaria asende inche Omonene ase okong’ainereria omogisangio oye ase okwanga koirania ebinto aetwe ase amaboko aye abirende, gose ase okomourereria, gose ase okomoibera ase okomorega,
3
gose onyorire egento giasirete, naende akane na gotiana ng’a takenyorete, bibe ebibe binde bionsi abanto bagokora,
4
ekero omonto akorire ebibe buna ebio na obeire nokomocha, nairanie egento keria airete ase obourereria, gose ase okorega, gose egento aetwe korenda, gose egento giasirete agakenyora,
5
gose egento kende gionsi keria atianete ase okong’ainereria; goika akeiranie gionsi, naende amente ensemo ya isano ase rigori riaye akee omonyene ase rituko riria akorua ekeng’wanso gi’okomocha.
6
Erio andetere inche Omonene emingichi etari na kemocho ase omobere oye; ayerusie korwa ase riicho riaye rie ching’ondi, ebe ekeng’wanso gi’okorongeyia okomocha kwaye; naye oyekorere rigori, na omonto oria ayeirere omokuani.
7
Omokuani akore okobwatanigwa ase omonto oyio ase obosio bwane, na omonto oyio naaberwe ase kende gionsi akorire na kwerentera okomocha.”
8
Omonene agakwana na Musa, akamotebia,
9
“Moe Haroni amo nabamura baye ogochika oko igoro y’ekeng’wanso ki’ogosambwa; Ekeng’wanso ki’ogosambwa kebeere igoro ase egesasimero obotuko bwonsi goika mambia, na omorero bw’egesasmiero orendwe ogenderere gwoka.
10
Omokuani abeke eganchwa yaye y’egatani, amo ne chisirwari chi’ogwetuba, erio abuuche ribu korwa ase omorero oria osamberete ekeng’wanso ase egesasimero, aribeke ase egesasimero ensemo.
11
Nyuma y’ayio arusie chianga chiaye, abeke chianga ching’ao, naende aimokie ribu, arisokie isiko y’egetwori, ariire gochia aase achenire.
12
Omorero ore ase egesasimero orendwe ogenderere gwoka, torima. Kera emambia omokuani amente chinko ase omorero oyio, naende achoke buya ekeng’wanso ki’ogosambwa igoro ase chinko echio na asambe ebitinya bi’ekeng’wanso ki’omorembe.
13
Omorero oyio orendwe ogenderere gwoka botambe, tobaisa korima.
14
“Oko nakwo ogochika gw’okoruegwa kw’endagera: Abamura ba Haroni babe bakorua okoruegwa kw’endagera ase obosio bw’Omonene, agwo ase egesasimero.
15
Erio omokuani otenenerete aimokie obosie obonuke boichire roe korwa ase okoruegwa okwo kw’endagera, na amaguta, na ubani yonsi ere igoro yaye, abisambere ase egesasimero, bibe ekemanyererio ng’a okoruegwa okwo nokwane inche Omonene, kore ne rimisu rigiya rikongwenera.
16
Haroni na abamura baye goika barie eyegotigara ase okoruegwa okwo etabekiri memera, bayeriere aase achenire, agwo ase eraaro y’Eema y’Omosangererekano.
17
Tebaisa koroiseranigwa nememera. Inche nabaeire endagera eyio ebe egetari kiabo gi’okoruegwa kwane kogosambwa nomorero. Ekio negechenu mono koreng’ana buna ekeng’wanso ki’ebibe na egi’okomocha bire.
18
Kera omonto omosacha ase ororeria rwa Haroni nanyare koria endagera eyio. Ekio nkebe egetari kiabo kia botambe gi’okoruegwa kogosambwa nomorero asende inche Omonene, ebiaare ase ebiaare. Monto onde bwensi orakune ebing’wanso ebio nigo arabe omochenu.”
19
Naende Omonene agakwana na Musa, akamotebia,
20
“Oko nakwo okoruegwa Haroni na abamura baye bararue asende inche Omonene ase rituko riria onde obo araakwe amaguta na gwatananwa: Ebimunu bibere bi’obosie obonuke, buna okoruegwa kw’endagera gwa kera rituko, ekemo mambia na ekende mogoroba.
21
Okoruegwa okwo gokarangwe namaguta ase orogio, gosamunyorwe, erio kobe okoruegwa kw’endagera kore ne rimisu rigiya rikongwenera.
22
Omokuani, omomura o Haroni, oyo oakire amaguta na gwatananwa ase okomobwatia, nere orarue okoruegwa okwo asende. Okwo nogochika koragenderere botambe. Okoruegwa okwo nagosambwe gwonsi asende inche Omonene.
23
Kera okoruegwa kw’endagera omokuani akorua goika gosambwe gwonsi, tikobaisa koriegwa.”
24
Omonene agakwana na Musa, akamotebia,
25
“Moe Haroni amo nabamura baye ogochika oko igoro y’ekeng’wanso ki’ebibe: Agwo ase ekeng’wanso ki’ogosambwa gekonyenyerwa nao agwo eki’ebibe keranyenyerwe, ase obosio bwane inche Omonene. Ekeng’wanso ekio negechenu mono.
26
Omokuani oyio okorua ekeng’wanso ekio nakeriere aase achenire, agwo ase eraaro y’Eema y’Omosangererekano.
27
Onde bwensi orakune enyama y’ekeng’wanso ekio nabe omochenu; naboigo na kende gionsi kerayekune, na amanyinga ’ekeng’wanso ekio aise gotonyera eanga, eyio esiberigwe agwo aase achenire.
28
Enyongo chinyama echio chiraiyekerwe goika yaatwe, korende onye chikoiyekerwa ase esuguria, rirorio ero esisikigwe na gosibigwa namache.
29
Kera omonto omosacha ore ase chinka chi’abakuani arie chinyama echio echire chinchenu mono.
30
Korende ekeng’wanso ki’ebibe, ekio amanyinga aye ararentwe ime y’Eema y’Omosangererekano ase ogokora okobwatanigwa ime y’Aase Aachenu tigekoriegwa, nigo kerasambwe nomorero.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27