1 Timothy 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ مَنْذُوانْ أَلْمَسِيحُ عِيسَىٰ بِسَغَ عُمَرْنِنْ اللَّهْ مَيْ ثٜىٰتُوانْمُ دَ أَلْمَسِيحُ عِيسَىٰ وَنْدَ شِينٜىٰ سَا ذُوثِيَارْمُ،

2ذُوَاغَ تِمُواْتِ طَانَ نَغَسْكٜىٰ ثِكِنْ بَنْ‌غَسْكِيَ؞ أَلْحٜىٰرِ دَ جِنْڧَيْ دَ سَلَمَ دَغَ اللَّهْ عُبَادَ أَلْمَسِيحُ عِيسَىٰ عُبَنْ‌غِجِنْمُ سُكَسَنْثٜىٰ تَرٜىٰدَكَيْ؞

3إِنَ سُواْ كَطَنْ ذَوْنَ أَعَڢِسَ، كَمَرْ يَدَّ نَضُواْڧٜىٰكَ أَ لُواْكَثِنْ دَ نَكٜىٰ أَ حَنْيَتَ ذُوَا مَكِدُواْنِيَ، دُواْمِنْ كَغَرْغَطِے وَطَنْسُ مُتَنٜىٰ سُدَيْنَ بَظَ كُواْيَرْوَرْ ڧَضْيَا؞

4كَڢَطَا مُسُ ثٜىٰوَ كَدَ سُبَادَ حَنْكَلِنْسُ غَ تَڟُونِيُواْيِ دَ بِنْ لِسَّڢِنْ سُونَيٜىٰنْ كَاكَنِّ وَطَنْدَ بَاسُ دَ إِيَاكَ؞ غَمَا إِرِنْ وَنَّنْ يَكَنْ كَٰوُاْ غَرْدَمَ نٜىٰ كَوَيْ، أَمَيْمَكُوانْ رِڧُوانْ أَمَانَرْ عَيْكِنْ اللَّهْ ثِكِنْ بَنْ‌غَسْكِيَ؞

5مَنُڢَرْ وَنَّنْ عُمَرْنِ عِتَثٜىٰ ڧَوْنَ، وَدَّ تَكٜىٰ ڢِتُواْوَ دَغَ ذُوثِيَا مَيْ ڟَبْتَ دَ تُنَانِنْ دَيَكٜىٰ تَبَّتَرْ مَنَ بَامُ دَ لَيْڢِے دَ كُمَ بَنْ‌غَسْكِيَ تَڨُورَيْ؞

6وَطَنْسُ مُتَنٜىٰ سُنْ رِغَا سُنْ كَوْثٜىٰ دَغَ بِنْ وَطَنَّنْ أَبُبُوَ، حَرْ رَشِنْ لُورَ يَكَيْسُ غَ بِنْ مَغَنْ‌غَنُنْ بَنْظَ؞

7مُتَنٜىٰنْ سُنَ سُوانْ ذَمَنْ مَاسُ كُواْيَرْ دَ كُواْيَرْوَرْ مُوسَٰى، غَاشِ كُوَ بَسُ ڢَهِمْثِ أَبُبُوَنْ دَسُكٜىٰ ڢَطَابَ، بَلّٜىٰ أَبُبُوَنْ دَسُكٜىٰ تَنَاثٜىٰوَ ثٜىٰوَ سُنَدَ تَبَّثِ عَكَنْسُ؞

8تُواْ، مُنْ سَنِ ثٜىٰوَ كُواْيَرْوَرْ تَنَدَ ݣَوْ عِدَنْ عَكَيِ أَمْڢَانِ دَ عِتَ أَ حَنْيَرْ دَ تَدَاثٜىٰ؞

9مُنْ كُمَ سَنِ ثٜىٰوَ بَدُواْمِنْ مَاسُ أَدَلْثِے عَكَ بَايَرْدَ كُواْيَرْوَرْ بَ، سَيْدَيْ دُواْمِنْ مَرَسَ بِنْ كُواْيَرْوَرْ اللَّهْ دَ مَرَسَ بِيَيَّ دَ مَرَسَ حَلِ إِرِنْ نَ اللَّهْ دَ مَاسُ ذُنُوبِ دَ مَرَسَ ڟَرْكِے دَ مَاسُ صَاٻُوانْ اللَّهْ دَ مَاسُ كَشٜىٰ إِيَايٜىٰنْسُ بَابَ دَ مَامَا دَ مَاسُ كِسَنْ كَيْ،

10دَ مَاسُ ظِنَ دَ مَظَا مَاسُ ݣُونَ دَ مَظَا، كُواْ مَاتَا مَاسُ ݣُونَ دَ مَاتَادَ مَاسُ سَاتَرْ مُتَنٜىٰ دَ مَاسُ ڧَضْيَا دَ مَاسُ شَيْدَرْ ڧَضْيَا دَ كُمَ دُكْ أَبِنْدَ يَكٜىٰ غَابَادَ كُواْيَرْوَا تَغَسْكِيَ؞

11كُواْيَرْوَرْ غَسْكِيَرْ نَنْ تَنَ بِسَغَ لَابَرِ مَيْ دَاطِے، مَيْ دَرَجَ نَ اللَّهْ مَيْ أَلْبَرْكَ، لَابَرِنْ دَ عَكَ دَنْڧَ مِنِ إِنْيِ شٜىٰلَرْسَ؞

12إِنَغُواْدٜىٰ وَ أَلْمَسِيحُ عِيسَىٰ عُبَنْ‌غِجِنْمُ ، وَنْدَ يَبَا نِے ڧَرْڢِے دُواْمِنْ عَيْكِنَّنْ؞ يَأَمِنْثٜىٰ دَنِے حَرْ يَكِرَا نِے ذُوَاغَ حِدِمَرْسَ،

13كُواْدَيَكٜىٰ أَدَا نِے مَيْ صَاٻُوانْ اللَّهْ نٜىٰ، مَيْ ڟَنَنْتَ مَسَ، كُمَ مَيْ وُلَڧَنْتَ شِ؞ عَمَّا دُكْدَهَكَ، نَسَامِ جِنْڧَيْ سَبُواْدَ دُكْ أَبِنْدَ نَعَيْكَتَ نَيِ نٜىٰ ثِكِنْ رَشِنْ سَنِ دَ رَشِنْ بَنْ‌غَسْكِيَ؞

14إِنَا مِصَالِنْ أَلْحٜىٰرِنْ دَ عُبَنْ‌غِجِنْمُ يَظُبُواْ عَكَيْنَ عَيَلْوَثٜىٰ تَرٜىٰدَ بَنْ‌غَسْكِيَ دَ ڧَوْنَرْ دَسُكٜىٰ ثِكِنْ أَلْمَسِيحُ عِيسَىٰ ؞

15مَغَنَرْ نَنْ تَبَّتَاثِّيَ ثٜىٰ، كُمَ تَا إِسَ عَكَرْٻٜىٰتَ غَبَاطَيَ ثٜىٰوَ « أَلْمَسِيحُ عِيسَىٰ يَذُواْ دُونِيَا دُواْمِنْ ثٜىٰتُوانْ مَاسُ ذُنُوبِ،» عَثِكِنْسُ دُكَ نِنٜىٰ مَڢِے ذُنُوبِ؞

16عَمَّا اللَّهْ يَيِ مِنِ جِنْڧَيْ مُسَمَّنْ دُواْمِنْ تَوُرِينَ، نِے دَ نَكٜىٰ مَڢِے ذُنُوبِ، أَلْمَسِيحُ عِيسَىٰ يَنُونَ ثِكَكّٜىٰنْ حَڧُرِنْسَ إِنْ ذَمَ غُرْبِے غَ دُكْ وَطَنْدَ نَنْ غَبَ ذَاسُ غَسْكَتَادَشِ، سُكُمَ سَامِ رَيْ نَهَرْ أَبَدَا؞

17بَرِ غِرْمَ دَ طَوْكَكَ سُتَبَّتَا حَرْ أَبَدَا أَبَدِنْ غَ وَنْدَ يَكٜىٰ سَرْكِنْ ذَامَانَيْ، وَنْدَ بَايَ مُتُوَ، وَنْدَ بَعَغَنِنْسَ، كُمَ وَنْدَ شِے كَطَيْ نٜىٰ اللَّهْ! أَمِينْ؞

18تِمُواْتِ، طَانَ، إِنَبَاكَ وَنَّنْ عُمَرْنِ نٜىٰ بِسَغَ أَنَّبْثٜىٰ أَنَّبْثٜىٰنْ دَ عَكَيِ تُنْدَا عَكَنْكَ؞ كَيِ أَمْڢَانِ دَسُو دَݣَوْ كَمَرْ كَايَنْ يَاڧِ ثِكِنْ يَاڧِنَّنْ نَغَابَادَ كُواْيَرْوَرْ ڧَضْيَا،

19كَنَ رِڧٜىٰ دَ بَنْ‌غَسْكِيَ دَ تُنَانِنْ دَيَكٜىٰ تَبَّتَرْ مَكَ بَاكَ دَ لَيْڢِے؞ وَطَنْسُ مُتَنٜىٰ سُنْسَا بَنْ‌غَسْكِيَرْسُ تَلَلَثٜىٰ تَدَلِيلِنْ ڧِنْ كَسَ كُنّٜىٰ غَ تُنَانِنْ ذُوثِيَارْسُ؞

20عَثِكِنْسُ أَݣَويْ هِمٜىٰنِيُسْ دَ إِسْكَنْدَرِ، وَطَنْدَ نَمِيڧَسُ غَ إِيكُوانْ شَيْطَنْ دُواْمِنْ سُسَامِ حُواْرُواْ سُدَيْنَ مَغَنَرْ صَاٻُواْ غَ اللَّهْ ؞

Jump to: Chapter 2 →