1 Timothy 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1مَغَنَرْ نَنْ تَبَّتَاثِّيَ ثٜىٰ، ثٜىٰوَ دُكْ وَنْدَ يَكٜىٰ مَرْمَرِنْ ذَمَ مَيْ كُلَ دَ جَمَعَرْ مَاسُبِے، عَيْكِنْ دَرَجَ يَكٜىٰ مَرْمَرِنْسَ نٜىٰ؞

2يَا كَمَاتَ مَيْ كُلَ دَ جَمَعَرْ مَاسُبِے يَكَسَنْثٜىٰ مَرَرْ لَيْڢِے أَغَبَنْ مُتَنٜىٰ، يَكَسَنْثٜىٰ مَيْ مَتَ طَيَ، مَيْ حَنْكَلِ، مَيْ نَڟُوَ، مَيْ كَامُنْ كَيْ، مَيْ كَرْٻَرْ بَاڧِ، مَيْ عِيَ كُواْيَرْوَا سُواْسَيْ،

3بَا مَيْ بُغُوَبَ، بَا مَيْ نٜىٰمَنْ ڢَطَابَ عَمَّا مَيْ تَوَلِعُ، بَا مَيْ غَرْدَمَبَ، كُمَ بَا مَيْ سُوانْ كُطِبَ؞

4دُواْلٜىٰنٜىٰ يَكَسَنْثٜىٰ وَنْدَ يَ عِيَ بِيدَ عِيَلِنْسَ دَݣَوْ، يَنَ سَا يَارَنْسَ سُذَمَ مَاسُبِيَيَّ دَ بَنْ غِرْمَ غَرٜىٰشِ تَكُواْوَثٜىٰ حَنْيَ؞

5غَمَا إِنْ حَرْ وَنِ بَيْسَنْ يَدَّ ذَيْبِدَ عِيَلِنْسَبَ، تُواْ، يَيَ ذَيْ عِيَ لُورَ دَ جَمَعَرْ مَاسُبِنْ اللَّهْ ؟

6كَدَ يَذَمَ سَابُوانْ تُوبَ، دُواْمِنْ كَدَ غِرْمَنْ كَيْ ذَيْسَا حَرْ يَشِغَ ثِكِنْ إِرِنْ حُكُنْثِنْ دَ عَكَيِ وَ شَيْطَنْ؞

7يَا كَمَاتَ مَيْ كُلَ دَ جَمَعَ يَكَسَنْثٜىٰ وَنْدَ يَكٜىٰدَ شَيْدَ مَيْݣَوْ أَغَبَنْ مُتَنٜىٰنْ دَ بَ مَاسُبِيبَ، دُواْمِنْ كَدَ يَذَمَ أَبِنْ كُنْيَا، يَڢَاطَ ثِكِنْ تَرْكُوانْ شَيْطَنْ؞

8حَكَ مَا مَاسُ حِدِمَ عَثِكِنْ جَمَعَرْ مَاسُبِے، دُواْلٜىٰنٜىٰ سُكَسَنْثٜىٰ مَاسُ حَنْكَلِ، بَ مَاسُ بَاكِ بِيُ أَ مَغَنَبَ، بَكُمَ مَاسُيَوَنْ شَنْ ضُوً إِنَبِے كُواْ مَاسُ ثُوتَا أَ ڢَنِّنْ كُطِبَ؞

9دُواْلٜىٰنٜىٰ سُكُمَ رِڧٜىٰ أَسِيرِنْ بَنْ‌غَسْكِيَ دَ تُنَانِنْ دَيَكٜىٰ تَبَّتَرْ مُسُ بَاسُ دَ لَيْڢِے؞

10وَطَنَّنْ مَاسُ حِدِمَ كُمَ سَيْ أَنْ‌ڠُودَاسُ تُكُنَ، سَعَنً، عِدَنْ أَنْتَبَّتَا بَاسُدَ لَيْڢِے، تُواْ، سَيْ سُكَامَ عَيْكِنْ حِدِمَ؞

11حَكَ مَا مَاتَا مَاسُ حِدِمَ سُذَمَ مَاسُ حَنْكَلِ، بَ مَاسُ مَغَنَرْ ٻَاتَ سُونَبَ، عَمَّا سُذَمَ مَاسُ نَڟُوَ، مَاسُ أَمِنْثِ ثِكِنْ كُواْمٜىٰ؞

12مَيْ حِدِمَ عَثِكِنْ جَمَعَرْ مَاسُبِے يَكَسَنْثٜىٰ دَ مَثٜىٰ طَيَ، يَنَ كُمَ بِيدَ يَارَنْسَ دَ سَوْرَنْ عِيَلِنْسَ أَ حَنْيَرْ دَتَدَاثٜىٰ؞

13وَطَنْدَ سُكٜىٰ حِدِمَ مَيْݣَوْ عَثِكِنْ جَمَعَرْ مَاسُبِے سُكَنْ سَامُواْ وَكَنْسُ سُنَ مَيْݣَوْ دَ تَبَّثِ ثِكِنْ بَنْ‌غَسْكِيَرْسُ ثِكِنْ أَلْمَسِيحُ عِيسَىٰ ؞

14أَسَعَدَّ نَكٜىٰ رُبُوتَ وَطَنَّنْ عُمَرْنَيْ ذُوَا غَرٜىٰكَ، إِنَسَا ذُوثِيَا ذَنْذُواْ وُرِنْكَ بَادَ جِمَاوَابَ؞

15عَمَّا عِدَنْ أَنْثِ مِنِ لُواْكَثِ، عُمَرْنَنَّنْ ذَاسُسَا كَسَنْ يَدَّ يَا كَمَاتَ مُبِدَ كَنْمُ عَثِكِنْ غِدَنْ اللَّهْ ، وَتُواْ جَمَعَرْ مَاسُبِنْ اللَّهْ مَيْ رَيْ، وَدَّ تَكٜىٰ غِنْشِڧِ دَ كُمَ تُوشٜىٰنْ غَسْكِيَ؞

16بَا شَكَّ، أَسِيرِنْ بَنْ‌غَسْكِيَرْمُ دَ ظُرْڢِ يَكٜىٰ؞ أَلْمَسِيحُ يَبَيَّنَ ثِكِنْ جِكِے، أَنُّونَ شِے مَيْ غَسْكِيَ نٜىٰ تَ رُوحُ ؞ مَلاَىِٕكُ سُكَ غَنْشِ، أَنْيِ شٜىٰلَرْسَ غَ أَلْعُمَّيْ؞ أَنْ بَادَ غَسْكِيَ غَرٜىٰشِ عَدُونِيَا، أَنْطَوْكٜىٰشِ ثِكِنْ طَوْكَكَ؞

← Chapter 2 Jump to: Chapter 4 →