1 Timothy 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1كَدَ كَڟَاوَتَا وَ ڟُواْهُواْ، عَمَّا كَڧَرْڢَڢَ شِ كَمَرْ شِ بَابَنٜىٰ أَغَرٜىٰكَ؞ سَمَارِ كُمَ كَيِ مُسُ مَغَنَ كَمَرْ یَنْعُوَ،

2ڟُواْڢَڢِّنْ مَاتَا كُمَ كَمَرْ مَامَا، سَعَنً یَنْ مَاتَا كُمَ كَمَرْ یَنْعُوَ دَ مَتُڧَرْ ڟَبْتَرْ رَيْ؞

3كَبَادَ غِرْمَ غَ مَاتَانْدَ مَذَنْسُ سُكَ مُتُ، وَطَنْدَ أَغَسْكِيَ بَاسُدَ كُواْوَ وَنْدَ ذَيْ تَيْمَكٜىٰسُ؞

4عِدَنْ مَثٜىٰ وَدَّ مِجِنْتَ يَمُتُ تَنَدَ یَیَ كُواْ جِيكُواْكِ، تُواْ، سَيْ سُڢَارَ كُواْيُوانْ نُونَ حَلِ إِرِنْ نَ اللَّهْ غَ دَنْ‌غِنْسُ، دُواْمِنْ تَهَكَ سُو مَا ذَاسُ مَيَرْ وَ إِيَايٜىٰنْسُ تَيْمَكُوانْ دَ سُكَ سَامُ دَغَ غَرٜىٰسُ؞ غَمَا وَنَّنْ يَڢَرَنْتَ وَ اللَّهْ رَيْ؞

5مَثٜىٰ وَدَّ مِجِنْتَ يَمُتُ، وَدَّ بَاتَدَ كُواْوَ دَ ذَيْ تَيْمَكٜىٰتَ، تَكَنْ سَا ذُوثِيَارْتَ غَ اللَّهْ ، تَنَ ضُواْڧُواْ دَ أَدُّعُواْعِ دَرٜىٰ دَ رَانَ ذُوَا غَرٜىٰشِ دُواْمِنْ تَيْمَكُواْ؞

6عَمَّا مَثٜىٰ وَدَّ مِجِنْتَ يَمُتُ، وَدَّ كُمَ تَكٜىٰ رَايُوَرْ سُوانْ جِنْ دَاطِنْ كَنْتَ كَوَيْ، تَا رِغَا تَا مُتُ كُواْدَيَكٜىٰ أَ رَايٜىٰ تَكٜىٰ؞

7كَكُمَ بَاسُ وَطَنَّنْ عُمَرْنَيْ، دُواْمِنْ سُكَسَنْثٜىٰ وَطَنْدَ بَاسُدَ أَبِنْ زَرْغِ أَغَبَنْ مُتَنٜىٰ؞

8دُكْ وَنْدَ بَايَ كُلَ دَ دَنْ‌غِنْسَ، مُسَمَّنْ عِيَلِنْ غِدَنْسَ، يَا يِمُسُونْ بَنْ‌غَسْكِيَرْسَ كٜىٰنَنْ، يَكُمَڢِ وَنْدَ يَكٜىٰ مَرَرْ بَادَ غَسْكِيَ مُونِ؞

9مَثٜىٰ دَ مِجِنْتَ يَمُتُ بَتَ إِسَ أَ لِسَّڢْتَا تَ ثِكِنْ مَاتَانْدَ مَذَنْسُ سُكَ مُتُبَ، سَيْدَيْ عِدَنْ شٜىٰكَرُنْتَ سُنْ كَيْ سِتِّنْ، كُمَ لُواْكَثِنْ دَ مِجِنْتَ يَكٜىٰدَ رَيْ تَكَسَنْثٜىٰ مَثٜىٰ مَيْ أَمِنْثِ غَرٜىٰشِ؞

10يَا كَمَاتَ تَكُمَ كَسَنْثٜىٰ وَدَّ عَكَ سَنْ أَيُّكَنْتَ مَاسُ ݣَوْ نٜىٰ؞ وَتُواْ، تَذَمَ وَدَّ تَيِ رٜىٰنُوانْ یَیَنْتَ دَݣَوْ، تَنَ كَرْٻَرْ بَاڧِ، تَنَيِ وَڟَرْكَكَا حِدِمَ، تَنَ تَيْمَكُوانْ وَطَنْدَ سُكٜىٰ ثِكِنْ دَامُوَ، كُمَ تَكُواْوَثٜىٰ حَنْيَ تَنَ مِيڧَ كَنْتَ غَ يِنْ أَبُبُوَنْ كِرْكِ؞

11عَمَّا كَدَ كَسَ مَتَ مَاسُ ڧُرُثِيَ وَطَنْدَ مَذَنْسُ سُكَ مُتُ ثِكِنْ وَنَّنْ لِسَّڢِ، دُواْمِنْ سَعَدَّ شَعَوَرْ جِكِنْسُ تَرَبَ حَنْكَلِنْسُ دَغَ أَلْمَسِيحُ سُكَنْ سُواْ سُيِ عَوْرٜىٰ؞

12تَهَكَ سُنَ جَٰوُاْ وَكَنْسُ حُكُنْثِ، غَمَا سُنْ كَرْيٜىٰ أَلْڧَوَرِنْسُ نَڢَرْكُواْ؞

13بَنْدَ حَكَمَا، سُكَنْ كُواْيِ ذَمَنْ بَنْظَ، سُنَ شِغٜىٰ شِغٜىٰنْ غِدَاجٜىٰنْ مُتَنٜىٰ؞ بَا مَا ذَمَنْ بَنْظَ سُكٜىٰيِ كَوَيْبَ، عَمَّا حَرْ دَ غُلْمَ مَا، سُنَ شِغَ أَلْعَمُرَنْ وَطَنْسُ، وَنْدَ بَيْكَمَتَبَ؞

14نَڢِسُواْ مَتَ مَاسُ ڧُرُثِيَ وَطَنْدَ مَذَنْسُ سُكَ مُتُ سُيِ عَوْرٜىٰ، سُحَيْڢِ یَیَ، سُبِيدَ شَعَنِنْ غِدَاجٜىٰنْسُ، دُواْمِنْ كَدَ عَبَا أَبُواْكِنْ غَابَنْمُ دَامَرْ يِنْ مَغَنَرْ ٻَاتَ سُونَ عَكَنْمُ؞

15غَمَا وَطَنْسُ كُمَ رَشِنْ لُورَ يَسَا سُنْ رِغَا سُنْ رَبُ دَ حَنْيَ سُنَ بِنْ شَيْطَنْ؞

16عِدَنْ أَݣَويْ مَاسُبِے وَطَنْدَ عَثِكِنْ دَنْ‌غِنْسُ أَݣَويْ مَاتَانْدَ مَذَنْسُ سُكَ مُتُ، تُواْ، سَيْ تَتَيْمَكٜىٰسُ، كَدَ أَسَا وَجَمَعَرْ مَاسُبِنْ عِيسَىٰ نَوْيِ؞ تَهَكَ جَمَعَرْ مَاسُبِے ذَاسُ سَامِ دَامَرْ تَيْمَكُوانْ عَيْنِحِنْ وَطَنْدَ مَذَنْسُ سُكَ مُتُ دَ كُمَ وَطَنْدَ بَاسُدَ كُواْوَ وَنْدَ ذَيْ تَيْمَكٜىٰسُ؞

17دَتَّاوَنْ دَسُكٜىٰ تَڢِيَرْدَ حِدِمَرْسُ يَدَّ يَا كَمَاتَ سَيْ عَبَاسُ غِرْمَنْدَ يَدَاثٜىٰ، مُسَمَّنْ وَطَنْدَ سُكٜىٰ ڢَامَ ثِكِنْ وَعَظِ دَ كُواْيَرْوَا؞

18غَمَا رُبُوتَثِّيَرْ مَغَنَرْ اللَّهْ تَثٜىٰ «بَذَاعَ رُڢٜىٰ بَاكِنْ بِجِمِ سَعَدَّ يَكٜىٰ سُسُّكَبَ» دَ كُمَ «مَيْ عَيْكِ يَثَنْثَنْثِ لَادَنْسَ»؞

19كَدَ كَيَرْدَ دَ وَتَ ڧَارَرْ دَ عَكَ كَٰوُاْ عَكَنْ وَنِ دَتِّجُوانْ جَمَعَرْ مَاسُبِے، سَيْ دَ شَيْدُ بِيُ كُواْ عُكُ؞

20غَمٜىٰ دَ وَطَنْدَ سُكٜىٰ ثِيغَبَ ثِكِنْ ذُنُوبِ، كَڟَاوَتَا مُسُ أَغَبَنْ جَمَعَ، دُواْمِنْ سَوْرَنْ سُجِڟُواْرُواْ؞

21أَغَبَنْ اللَّهْ دَ أَلْمَسِيحُ عِيسَىٰ دَ كُمَ مَلاَىِٕكُنْ دَ عَكَ ذَاٻَا، إِنَ مَكَ غَرْغَطِے كَبِے وَطَنَّنْ عُمَرْنَيْ بَنْدَ نُونَ بَمْبَنْثِ كُواْ نُونَ كَڢِ سُوانْ وَنِ ڢِيٜىٰدَ سَوْرَنْ؞

22كَدَ كَيِ سَوْرِنْ سَا وَوَنِ حَنُّنْ أَلْبَرْكَ، كَدَ كُمَ كَيِ تَرَيَّ ثِكِنْ ذُنُوبِ نَوَطَنْسُ؞ عَمَّا كَكٜىٰٻٜىٰ كَنْكَ دَ ڟَرْكِے؞

23كَدَ كَيِ تَشَنْ ضُوَ كَطَيْ، عَمَّا كَشَا ضُوً إِنَبِے كَطَنْ سَبُواْدَ ثِيوُانْ ثِكِنْكَ دَ كُمَ يَوَنْ رَشِنْ لَاڢِيَرْكَ؞

24ذُنُبَنْ وَطَنْسُ مُتَنٜىٰ سُنَانَنْ أَ ڢِيلِ، كُمَ سُكَنْ بَيَّنَ كَاڢِنْ أَ حُكُنْتَسُ؞ عَمَّا وَطَنْسُ دَغَ بَايَ نٜىٰ ذُنُبَنْسُ سُكَنْ بَيَّنَ أَ ڢِيلِ؞

25حَكَكُمَ أَيُّكَ مَاسُ ݣَوْ أَ ڢِيلِ سُكٜىٰ، كُواْ بَمَا أَ ڢِيلِ سُكٜىٰبَ، بَاسَ عِيَ كَسَنْثٜىٰ عَٻُواْيٜىٰ؞

← Chapter 4 Jump to: Chapter 6 →