1 Timothy 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1تُواْ، رُوحُ يَبَيَّنَ أَ سَرَرِ ثٜىٰوَ عَݣُونَكِنْ ڧَرْشٜىٰ وَطَنْسُ ذَاسُبَرْ بَنْ‌غَسْكِيَرْسُ تَغَسْكِيَ، سُمَيْدَ حَنْكَلِ غَ رُوحُواْحِ مَاسُ رُوطُ دَ كُواْيَرْوَرْ ڧَضْيَا تَ أَلْجَنُ؞

2كُواْيَرْوَرْ نَنْ ذَاتَ تَاسُواْ تَوُرِنْ مُنَاڢُنْثِنْ مَاسُ ڧَضْيَا، وَطَنْدَ تُنَانِنْ ذُوثِيَارْسُ يَمُتُ، كَمَرْ أَنْڧُواْنٜىٰشِ دَ ڧَرْڢٜىٰ مَيْ وُتَا؞

3إِرِنْ مُتَنٜىٰنَّنْ سُنَ حَنَ يِنْ عَوْرٜىٰ، سُنْ كُمَ عُمَرْتَ عَبَرْ ثِنْ عَبِنْثِ إِرِ إِرِ؞ غَاشِ كُوَ اللَّهْ نٜىٰ يَحَلِثِّ عَبِنْثِنْ دُواْمِنْ وَطَنْدَ سُكَ بَادَ غَسْكِيَ سُكَ كُمَ سَنْ غَسْكِيَرْ سُكَرْٻَ دَ غُواْدِيَ؞

4غَمَا دُكْ أَبِنْدَ اللَّهْ يَحَلِتَّ يَنَدَ ݣَوْ، كُمَ كَدَ عَڧِ كُواْمٜىٰ إِنْ دَيْ أَنْكَرْٻٜىٰشِ دَ غُواْدِيَ،

5غَمَا أَنْڟَرْكَكٜىٰ شِ تَوُرِنْ كَلْمَرْ اللَّهْ دَ أَدُّعَ؞

6عِدَنْ كَا كُواْيَرْ دَ یَنْعُوَ وَطَنَّنْ أَبُبُوَ، ذَاكَ ذَمَ مَيْ حِدِمَ مَيْݣَوْ نَ أَلْمَسِيحُ عِيسَىٰ ، وَنْدَ يَيِ غِرْمَ عَثِكِنْ كَلْمَرْ نَنْ تَبَنْ‌غَسْكِيَ دَ كُمَ كُواْيَرْوَرْ نَنْ مَيْݣَوْ وَدَّ كَكٜىٰبِے هَرْوَيَوْ؞

7كَيِ نٜىٰسَ دَ تَڟُونِيُواْيِنْ صَاٻُواْ دَ نَبَنْظَ دَ وُاْڢِ؞ أَ مَيْمَكُوانْ حَكَ هُواْرَرْ دَ كَنْكَ ثِكِنْ حَلِ إِرِنْ نَ اللَّهْ ؞

8كُواْدَيَكٜىٰ حُواْرُوانْ جِكِے يَنَدَ طَنْ أَمْڢَانِ، عَمَّا دَيْ كَسَنْثٜىٰوَ دَ حَلِ إِرِنْ نَ اللَّهْ يَڢِ أَمْڢَانِ عَتَكُواْوَثٜىٰ حَنْيَ، غَمَا يَنَ جَٰوُاْ أَلْبَرْكَ غَ رَايُوَرْ نَنْ تَيَنْظُ دَ كُمَ رَايُوَا مَيْ ذُوَا؞

9وَنَّنْ مَغَنَ تَبَّتَاثِّيَثٜىٰ، كُمَ تَا إِسَ عَكَرْٻٜىٰتَ غَبَاطَيَ؞

10شِيَسَا مُنَ يِنْ عَيْكِ دَ ڨُوذُواْ مُنَ ڢَامَ، غَمَا مُنْ سَا ذُوثِيَارْمُ غَ اللَّهْ مَيْ رَيْ وَنْدَ يَكٜىٰ مَيْ ثٜىٰتُوانْ كُواْوَ، مُسَمَّنْ غَ وَطَنْدَ سُكَ بَادَ غَسْكِيَ؞

11كَاعُمَرْتَ كَكُمَ كُواْيَرْ دَ وَطَنَّنْ أَبُبُوَ؞

12كَدَ كَبَرْ وَنِ يَرٜىٰنَ ڧُرُثِيَرْكَ، عَمَّا كَذَمَ أَبِنْ كُواْيِ غَ سَوْرَنْ مَاسُبِے، ثِكِنْ مَغَنَ دَ رَايُوَا دَ ڧَوْنَ دَ بَنْ‌غَسْكِيَ دَ كُمَ ڟَبْتَرْ رَيْ؞

13كَاڢِنْ إِنْذُواْ، كَثِيغَبَدَ كَرَنْتَ رُبُوتَثِّيَرْ مَغَنَرْ اللَّهْ وَ جَمَعَ دَ يِنْ وَعَظِ دَ كُمَيِنْ كُواْيَرْوَا؞

14كَدَ كَڨَلٜىٰ وَنَّنْ بَيْوَرْ دَ كَكٜىٰ دَ عِتَ، وَدَّ عَكَبَاكَ تَوُرِنْ أَنَّبْثِ لُواْكَثِنْ دَ مَجَلِسَرْ دَتَّاوَا سُكَسَا مَكَ حَنُّنْ أَلْبَرْكَ؞

15كَعَيْكَتَ وَطَنَّنْ أَبُبُوَ ثِكِنْ عَيْكِنْكَ، كَمِيڧَ كَنْكَ غَبَاطَيَ غَرٜىٰسُ، دُواْمِنْ كُواْوَ يَغَ ثِيغَبَنْكَ؞

16كَلُورَ سُواْسَيْ دَ كَنْكَ دَ كُمَ كُواْيَرْوَرْكَ؞ كَنَاثٜىٰ دَ يِنْ وَطَنَّنْ أَبُبُوَ، دُواْمِنْ إِنْ كَيِ حَكَ، ذَاكَثٜىٰثِ كَنْكَ دَ كُمَ مَاسُ جِنْكَ؞

← Chapter 3 Jump to: Chapter 5 →