1 Timothy 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to:

1دُكْ وَطَنْدَ سُكٜىٰ ڧَرْڧَشِنْ غُنْ‌غُمٜىٰنْ بَوْتَا، سَيْ سُبَا إِيَايٜىٰنْ‌غِجِنْسُ ثِكَكّٜىٰنْ بَنْ غِرْمَ وَنْدَ يَدَاثٜىٰ، دُواْمِنْ كَدَ عَيِ مَغَنَرْ رٜىٰنِ غَ سُونَنْ اللَّهْ تَرٜىٰدَ كُواْيَرْوَرْمُ؞

2كَدَ بَايِ وَطَنْدَ إِيَايٜىٰنْ‌غِجِنْسُ مَاسُبِنْ عِيسَىٰ نٜىٰ سُيِ مُسُ رَشِنْ بِيَيَّ، عَكَنْ ثٜىٰوَ سُو إِيَايٜىٰنْ‌غِجِنْسُ یَنْعُوَنٜىٰ ثِكِنْبِے؞ أَ مَيْمَكُوانْ حَكَ، سَيْ سُڧَارَ ڧُواْڧَرِ تُنْدَيَكٜىٰ إِيَايٜىٰنْ‌غِجِنْسُ، وَطَنْدَ سُكٜىٰ سَامُنْ أَمْڢَانِنْ عَيْكِنْسُ مَاسُبِينٜىٰ، كُمَ وَطَنْدَ عَكٜىٰڧَوْنَ؞ لَلَّيْ نٜىٰ كَكُواْيَرْ، كَكُمَيِ غَرْغَطِے عَكَنْ وَطَنَّنْ أَبُبُوَ؞

3دُكْ وَنْدَ يَكٜىٰيِنْ كُواْيَرْوَا دَبَمْ وَدَّ بَتَكُمَ يَرْدَ دَ عَيْنِحِنْ كَلْمُواْمِنْ عُبَنْ‌غِجِنْمُ عِيسَىٰ أَلْمَسِيحُ بَ دَ كُمَ كُواْيَرْوَرْ دَ بَتَدَاثٜىٰ دَ بِنْ حَلِ إِرِنْ نَ اللَّهْ بَ،

4وَنَّنْ يَنَ ثِكٜىٰ دَ غِرْمَنْ كَيْ، بَيْ كُوَ سَنْ كُواْمٜىٰبَ؞ يَنَ كُمَ دَ حَلِنْ مَرْمَرِنْ غَرْدَمَ دَ مُهَوَرَ غَمٜىٰدَ كَلْمُواْمِ؞ أَيْ، وَنَّنّٜىٰ يَكٜىٰ حَيْڢَرْ دَ كِيشِ دَ ضِكِثِ دَ ٻَاتَ سُونَ دَ مُوغَيٜىٰنْ ظَثٜىٰ ظَثٜىٰ،

5دَ يَوَنْ غَرْدَمَ تَرٜىٰدَ وَطَنْدَ تُنَانِنْسُ يَذَمَ بَنْظَ، غَسْكِيَ كُمَ تَغُجٜىٰ مُسُ؞ وَطَنَّنْ سُنَ غَنِنْ بِنْ اللَّهْ وَتَ حَنْيَثٜىٰ تَسَامُنْ أَرْزِڧِ؞

6بَابُ شَكَّ! أَݣَويْ بَبَّرْ رِيبَ ثِكِنْ ذَمَنْ حَلِ إِرِنْ نَ اللَّهْ تَرٜىٰدَ ݣُونْثِيَرْ رَيْ؞

7غَمَا بَمُ شِغُواْ ثِكِنْ دُونِيَا دَ كُواْمٜىٰبَ، حَكَمَا بَذَامُ عِيَ ڢِتَ ثِكِنْتَ دَ كُواْمٜىٰبَ؞

8عِدَنْ دَيْ مُنَدَ عَبِنْثِ دَ رِيغُنَنْ سَاوَا، وَنَّنْ مَا يَا إِسَ؞

9عَمَّا وَطَنْدَ سُكٜىٰ مَرْمَرِنْ يِنْ أَرْزِڧِ سُكَنْ ڢَاطَ ثِكِنْ جَرَّبَ، ثِكِنْ تَرْكُواْ نَمُوغَيٜىٰنْ شَعَوَثٜىٰ شَعَوَثٜىٰ إِرِ إِرِنَّبَنْظَ دَ نَثُوتَرْ دَ وَطَنْدَ سُكَنْ شَا كَنْسُ، سُجَٰوُاْسُ ذُوَاغَ لَلَثٜىٰوَ دَ هَلَّكَ؞

10غَمَا ڧَوْنَرْ كُطِ عِتَثٜىٰ تُوشٜىٰنْ كُواْوَثٜىٰ إِرِنْ مُغُنْتَا؞ عَثِكِنْ مَرْمَرِنْ يِنْ أَرْزِڧِ دَ سَوْرِ، وَطَنْسُ سُنْ رَبُ دَ بَنْ‌غَسْكِيَرْسُ حَرْ سُكَ جَٰوُاْ وَكَنْسُ بَڧِنْ ثِكِ إِرِ إِرِ مَاسُ ذَاڢِ؞

11عَمَّا يَا كَيْ تِمُواْتِ، كَيْ نَ اللَّهْ نٜىٰ، سَيْ كَغُجٜىٰ وَدُكَنْ وَطَنَّنْ أَبُبُوَ، كَسَا كَيْ غَ نٜىٰمَنْ أَدَلْثِے دَ كَسَنْثٜىٰوَ دَ حَلِ إِرِنْ نَ اللَّهْ دَ بَنْ‌غَسْكِيَ دَ ڧَوْنَ دَ جِمْرٜىٰوَ دَ كُمَ تَوَلِعُ؞

12كَيِ ݣَكْݣَوَرْ ڟٜىٰرٜىٰنَّنْ، وَتُواْ ڟٜىٰرٜىٰ نَبَنْ‌غَسْكِيَ؞ كَكَرْٻِ لَادَ نَرَيْ مَدَوَّمِ، وَنْدَ عَكَ كِرَاكَ دُواْمِنْسَ، وَنْدَ كُمَ كَيِ ݣَكْݣَوَرْ شَيْدَ عَكَنْسَ أَغَبَنْ شَيْدُ مَاسُيَوَ؞

13إِنَ عُمَرْتَرْكَ أَغَبَنْ اللَّهْ وَنْدَ يَكٜىٰ بَادَ رَيْ غَ دُكَنْ كُواْمٜىٰ دَ كُمَ أَلْمَسِيحُ عِيسَىٰ وَنْدَ عَثِكِنْ شَيْدَرْسَ أَغَبَنْ بُنْتُسْ بِلَتُسْ يَيِ ݣَكْݣَوَرْ شَيْدَ،

14كَكِيَايٜىٰ عُمَرْنِنَّنْ بَاتَرٜىٰدَ كَذَمَ أَبِنْ زَرْغِ كُواْ لَيْڢِے بَ، حَرْ سَيْ عُبَنْ‌غِجِنْمُ عِيسَىٰ أَلْمَسِيحُ يَبَيَّنَ؞

15وَنَّنْ بَيَّنَرْ كُوَ اللَّهْ ذَيْسَا تَكَسَنْثٜىٰ أَدَيْدَيْ لُواْكَثِ؞ اللَّهْ وَنْدَ شِ كَطَيْ نٜىٰ مَيْ إِيكُواْ دُكَ مَيْ أَلْبَرْكَ، سَرْكِنْ سَرَاكُنَ دَ عُبَنْ‌غِجِنْ إِيَايٜىٰنْ‌غِجِ ،

16وَنْدَ شِ كَطَيْ نٜىٰ مَرَرْ مُتُوَ، مَيْ كَسَنْثٜىٰوَ عَثِكِنْ حَصْكٜىٰنْ دَ بَاوَنْدَ يَنَ عِيَ كُسَدَشِ؞ شِينٜىٰ وَنْدَ بَابُوَنِنْ دَ يَتَٻَ غَنِ، كُواْ يَ عِيَ غَنِ؞ أَغَرٜىٰشِ غِرْمَ دَ مُلْكِ مَرَرْ ڧَارٜىٰوَ سُتَبَّتَا؞ أَمِينْ؞

17كَا عُمَرْثِ وَطَنْدَ سُكٜىٰ دَ أَرْزِڧِ عَدُونِيَرْ نَنْ ثٜىٰوَ كَدَ سُطَغَ كَيْ كُواْ سُسَا ذُوثِيَارْسُ عَكَنْ أَرْزِڧِ مَرَرْ تَبَّتَا؞ عَمَّا سُسَا ذُوثِيَارْسُ غَ اللَّهْ وَنْدَ يَكٜىٰ تَنَدَ مَنَ كُواْمٜىٰ عَيَلْوَثٜىٰ دُواْمِنْ جِنْ دَاطِنْمُ؞

18كَاعُمَرْثٜىٰسُ سُنُونَ أَلْحٜىٰرِ، سُيَلْوَتَ ثِكِنْ يِنْ أَيُّكَ مَاسُ ݣَوْ، سُكَسَنْثٜىٰ مَاسُ بَايَرْوَ حَنُّ سَكٜىٰ، سُنَ تَيْمَكُوانْ وَطَنْسُ؞

19تَهَكَ ذَاسُيِ وَكَنْسُ أَجِيَ وَدَّ ذَاتَذَمَ تُوشٜىٰنْ رَايُوَا مَيْ ذُوَا، دُواْمِنْ سُكَڢُ ثِكِنْ رَيْ وَنْدَ شِينٜىٰ عَيْنِحِنْ رَيْ؞

20يَا تِمُواْتِ، كَلُورَ دَ أَبِنَّنْ دَ عَكَ بَاكَ أَمَانَ؞ كَوَارٜىٰ كَنْكَ دَغَ مَغَنْ‌غَنُنْ بَنْظَ نَرَشِنْ ڟُواْرُوانْ اللَّهْ دَ شِغَ ثِكِنْ وَوَنْثِنْ غَرْدَمَ تَرٜىٰدَ مَاسُ غَابَادَكَيْ، مَاسُ مَغَنَ غَمٜىٰدَ حَنْيَرْ دَ عَكٜىٰ طَوْكَ وَيْ عِلِمِ نٜىٰ، عَمَّا ڧَضْيَا نٜىٰ؞

21تَوُرِنْ بِنْ وَنَّنْ كُواْيَرْوَا، وَطَنْسُ مُتَنٜىٰ سُنْ رِغَا سُنْ رَبُ دَ حَنْيَرْ بَنْ‌غَسْكِيَ؞ أَلْحٜىٰرِ يَكَسَنْثٜىٰ تَرٜىٰدَكُو؞ أَمِينْ؞

← Chapter 5 Jump to: