2 Samuel 13

Hausa Arabic 2020 (أَتَّوْرَتْ دَ أَنَّبَاوَا)

← Chapter 12 Jump to: Chapter 14 →

1أَبْسَلُوامْ طَنْ دَاوُدَ يَنَدَ یَرْعُوَ مَيْݣَوْ سُواْسَيْ مَيْ سُونَ تَمَرْ؞ أَنَانً سَيْ أَمْنُوانْ طَيَ دَغَ ثِكِنْ یَیَنْ دَاوُدَ يَڢَارَ سُوانْ تَمَرْ؞

2أَبِنْ يَڟَنَنْتَاوَ أَمْنُوانْ، حَرْ يَجَٰوُاْ وَكَنْسَ ثِيوُاْ سَبُواْدَ یَرْعُوَرْسَ تَمَرْ؞ يَغَانٜىٰ ذَيْ ذَمَ دَ وُيَ يَسَدُ دَ تَمَرْ عِتَ كَطَيْ، غَمَا عِتَ بُدُرْوَثٜىٰ؞

3عَمَّا أَمْنُوانْ يَنَدَ أَبُواْكِ مَيْ سُونَ يُواْنَدَبْ طَنْ شِمٜىٰيَ طَنْعُوَنْ دَاوُدَ؞ يُواْنَدَبْ يَنَدَ وَيُواْ سُواْسَيْ؞

4يَتَمْبَيِ أَمْنُوانْ يَثٜىٰ «دُوانْمٜىٰنٜىٰ نٜىٰ كُواْوَثٜىٰ سَاڢِيَ ڢُسْكَرْكَ عَٻَثٜىٰ تَكٜىٰ؟ كَيْ بَا يَرُوانْ سَرْكِے بَنٜىٰ؟ ڢَطَا مِنِ، مٜىٰنٜىٰنٜىٰ يَكٜىٰ ڢَرُوَ؟» أَمْنُوانْ يَأَمْسَ يَثٜىٰ «إِنَ سُوانْ تَمَرْ یَرْعُوَرْ طَنْعُوَنَ أَبْسَلُوامْ؞»

5يُواْنَدَبْ يَثٜىٰ مَسَ «كَݣُونْتَ أَغَدُوانْكَ، كَيِ كَمَرْ كَنَ ثِيوُاْ؞ عِدَنْ بَابَنْكَ يَذُواْ غَنِنْكَ، سَيْ كَثٜىٰ مَسَ كَنَ ضُواْڧُوانْسَ يَبَرْ یَرْعُوَرْكَ تَمَرْ تَذُواْ تَبَاكَ عَبِنْثِ؞ كَثٜىٰ، ‹إِنَ سُواْ تَذُواْ نَنْ تَدَڢَ مِنِ عَبِنْثِنْ أَعِدُواْنَ، تَكُمَسَا مِنِ دَ حَنُّنْتَ إِنْثِ؞› »

6سَيْ أَمْنُوانْ يَݣُونْتَ كَمَرْ يَنَ ثِيوُاْ؞ دَ سَرْكِے دَاوُدَ يَذُواْ غَنِنْسَ، سَيْ أَمْنُوانْ يَثٜىٰ مَسَ «إِنَ ضُواْڧُوانْكَ أَ عَيْكَ یَرْعُوَتَ تَمَرْ تَذُواْ نَنْ؞ إِنَ سُواْ تَيِمِنِ وَيْنَ أَعِدُواْنَ إِنْثِ دَغَ حَنُّنْتَ؞»

7دَاوُدَ يَعَيْكَ ذُوَا وُرِنْ تَمَرْ عَثِكِنْ غِدَا يَثٜىٰ «كِتَڢِے غِدَنْ طَنْعُوَنْكِ أَمْنُوانْ، كِشِرْيَ مَسَ عَبِنْثِ؞»

8سَيْ تَمَرْ تَتَڢِے غِدَنْ طَنْعُوَنْتَ، أَ عِنْدَ يَكٜىٰ ݣُونْثٜىٰ؞ تَا طٜىٰبِے غَارِ، تَݣُوٻَ، تَيِوَيْنَ أَعِدُوانْسَ؞

9سَيْ تَطَوْكِ ݣُونُواْ تَجُويٜىٰ مَسَ، عَمَّا يَڧِثِ؞ أَمْنُوانْ كُوَ يَثٜىٰ وَمَاسُ حِدِمَرْسَ سُڢِتَ دُكَنْسُ؞ سَيْ دُكَ سُكَ ڢِتَ؞

10سَعَنً أَمْنُوانْ يَثٜىٰ وَ تَمَرْ «كِكَٰوُاْ مِنِ عَبِنْثِنْ عَثِكِنْ طَاكِنْ ݣُونْثِيَتَ؞ كِسَا مِنِ دَ حَنُّنْكِ إِنْثِ؞» سَيْ تَمَرْ تَطَوْكِ وَيْنَرْ دَ تَتُواْيَ تَكَٰوُاْوَ طَنْعُوَنْتَ أَمْنُوانْ ثِكِنْ طَاكِنْ ݣُونْثِيَرْسَ؞

11عَمَّا دَ تَجٜىٰ كُسَدَشِ دُواْمِنْ يَثِ، سَيْ يَثَڢْكٜىٰتَ يَثٜىٰمَتَ «یَرْعُوَتَ، ذُواْ كِݣُونَ دَنِے؞»

12عَمَّا تَمَرْ تَثٜىٰمَسَ «حَبَ طَنْعُوَنَ! كَدَ كَتِلَسْتَنِ؞ غَمَا بَيْ كَمَاتَ عَيِ إِرِنْ وَنَّنْ أَبُ عَثِكِنْ إِسْرَٰٓءِيلَ بَ! كَدَ كَعَيْكَتَ وَنَّنْ مُوغُنْ أَبِنْ كُنْيَا؞

13نِے كُمَ، إِنَا ذَنْسَا كَيْنَ سَبُواْدَ كُنْيَا؟ سَعَنً كَيْ كُمَ ڢَا؟ أَيْ، ذَاعَ مَيْدَكَيْ كَمَرْ طَيَ دَغَ ثِكِنْ یَنْ إِسْكَ نَ إِسْرَٰٓءِيلَ! يَنْذُ إِنَ ضُواْڧُوانْكَ كَيِ مَغَنَ دَ سَرْكِے، بَذَيْ هَنَكَ كَأَوْرٜىٰنِبَ؞»

14عَمَّا أَمْنُوانْ يَڧِ يَسَوْرَرٜىٰتَ؞ تُنْدَيَكٜىٰ يَڢِيتَ ڧَرْڢِے، سَيْ يَدَنّٜىٰتَ يَݣُونَ دَ عِتَ؞

15بَايَنْ حَكَ أَمْنُوانْ يَڧِتَ دَ مُومُّنَرْ ڧِيَيَّ، حَرْ مَا يَدَّ يَڧِتَ يَڢِ يَدَّ يَسُواْتَ دَڢَرْكُواْ؞ سَيْ يَثٜىٰ مَتَ «كِتَاشِ كِڢِتَ؞»

16تَمَرْ تَثٜىٰ «أَعَ طَنْعُوَنَ! أَيْ، وَنَّنْ لَيْڢِے نَكُواْرِنَ ذَيْ يِمُونِ ڢِيٜىٰدَ وَنْدَ كَارِغَا كَا عَيْكَتَ!» عَمَّا أَمْنُوانْ يَڧِ يَسَوْرَرٜىٰتَ؞

17يَكِرَا سَوْرَيِ مَيْ حِدِمَرْسَ يَثٜىٰ مَسَ «ڢِتَرْ دَ مَثٜىٰنَّنْ وَجٜىٰ، كَكُلّٜىٰ ڧُواْڢَرْ!»

18سَيْ مَيْيِ مَسَ حِدِمَرْ نَنْ يَڢِتَرْدَ عِتَ وَجٜىٰ، سَعَنً يَكُلّٜىٰ ڧُواْڢَرْ؞ تَمَرْ كُوَ تَنَ سَنْيٜىٰ دَ دُواْغُوَرْ رِغَا مَيْ دُواْغَيٜىٰنْ حَنُّ، غَمَا حَكَ بُدُرْوَيْ نَغِدَنْ سَرْكِے سُكٜىٰ أَدُواْ؞

19سَيْ تَمَرْ تَظُبَ تُواْكَ عَكَنْتَ سَبُواْدَ كُنْيَا، تَكَامَ رِغَرْتَ تَيَاغٜىٰ؞ تَا سَا حَنُّوَنْتَ عَكَيْ تَنَ تَڢِيَ تَنَ كُوكَا تَنَ إِيهُ سُواْسَيْ؞

20دَ أَبْسَلُوامْ طَنْعُوَنْتَ يَغَنْتَ سَيْ يَتَمْبَيٜىٰتَ يَثٜىٰ «أَمْنُوانْ نٜىٰ يَݣُونَ دَكٜىٰ؟ يَنْذُ سَيْ كِيِ شِضُ، یَرْعُوَتَ؞ أَيْ، شِے طَنْعُوَنْكِ نٜىٰ؞ كَدَ كِيَرْدَ وَنَّنْ يَٻَاتَ مِكِ ذُوثِيَا سُواْسَيْ؞» تَمَرْ كُوَ تَذَوْنَ أَغِدَنْ طَنْعُوَنْتَ أَبْسَلُوامْ، تَنَ ڢِدَّ ذُوثِيَا غَمٜىٰدَ رَايُوَا؞

21دَ سَرْكِے دَاوُدَ يَجِ أَبِنْدَ يَڢَرُ، سَيْ يَيِ ڢُشِے سُواْسَيْ؞

22أَبْسَلُوامْ كُمَ بَيْثٜىٰ وَ أَمْنُوانْ كُواْمٜىٰبَ، غَمَا يَاڧِ أَمْنُوانْ سَبُواْدَ يَٻَاتَ یَرْعُوَرْسَ تَمَرْ؞

23بَايَنْ شٜىٰكَرَا بِيُ، سَيْ أَبْسَلُوامْ يَسَا عَ أَسْكٜىٰ غَاشِنْ تُمَكِنْسَ أَ بَعَلْ حَزُوارْ دَيَكٜىٰ كُسَدَ يَنْكِنْ ذُرِيَرْ إِڢْرَيِمْ؞ يَكُمَ غَيَّثِ دُكَنْ یَیَ مَظَا نَسَرْكِے؞

24أَبْسَلُوامْ يَجٜىٰ وُرِنْ سَرْكِے يَثٜىٰ مَسَ «رَنْكَيَدَطٜىٰ! مَاسُ أَسْكِنْ غَاشِنْ تُمَكِ سُنْ ذُواْ مِنِ عَيْكِ؞ كُواْ ذَاكَذُواْ دَ دَتَّاوَنْكَ مُيِ بِكٍ تَرٜىٰ؟»

25سَيْ سَرْكِے يَأَمْسَ مَسَ يَثٜىٰ «أَعَ طَانَ، بَذَامُ تَڢِے دُكَ بَ دُواْمِنْ ذَامُيِ مَكَ يَوَ؞» أَبْسَلُوامْ يَنَاثٜىٰ مَسَ، عَمَّا دَاوُدَ يَڧِ؞ سَيْ دَيْ يَسَا مَسَ أَلْبَرْكَ؞

26أَبْسَلُوامْ يَثٜىٰ «تُواْ، عِدَنْ بَذَاكَ ذُوابَ، سَيْ كَسَا طَنْعُوَنَ أَمْنُوانْ يَذُواْ تَرٜىٰدَمُو؞» دَاوُدَ يَتَمْبَيٜىٰشِ يَثٜىٰ «دُوانْمٜىٰ أَمْنُوانْ ذَيْ تَڢِے تَرٜىٰدَكَيْ؟»

27عَمَّا أَبْسَلُوامْ يَنَاثٜىٰ مَسَ حَرْ دَاوُدَ يَيَرْدَ أَمْنُوانْ دَ سَوْرَنْ یَیَ مَذَنْ سَرْكِے سُتَڢِے تَرٜىٰ دَشِ؞

28سَيْ أَبْسَلُوامْ يَعُمَرْثِ مَاسُ يِمَسَ حِدِمَ يَثٜىٰ «كُلُورَ، أَ لُواْكَثِنْ دَ أَمْنُوانْ يَكٜىٰ جِنْ دَاطِنْ ضُوً إِنَبِے، سَعَدَّ نَثٜىٰ مُكُ كُبُغِ أَمْنُوانْ، سَيْ كُكَشٜىٰشِ؞ كَدَ كُجِڟُواْرُواْ غَمَا نِنٜىٰ نَا عُمَرْثٜىٰكُ؞ كُيِ ڧَرْڢِنْ ذُوثِيَا بَابُوَسَ؞»

29سَيْ مَاسُيِ وَ أَبْسَلُوامْ حِدِمَ سُكَ كَشٜىٰ أَمْنُوانْ كَمَرْ يَدَّ أَبْسَلُوامْ يَعُمَرْثٜىٰسُ؞ سَوْرَنْ یَیَ مَذَنْ سَرْكِے كُوَ سُكَتَاشِ دَ غُدُ، كُواْوَ عَكَنْ جَاكِنْ دُواْكِنْسَ؞

30سَعَدَّ سُكٜىٰ كَنْ حَنْيَرْ كُواْمَاوَا، سَيْ لَابَرِ يَكَيْ كُنّٜىٰنْ دَاوُدَ ثٜىٰوَ أَبْسَلُوامْ يَكَشٜىٰ دُكَنْ یَیَ مَذَنْ سَرْكِے، كُواْ طَيَ بَيْ ڟِيرَبَ؞

31سَرْكِے دَاوُدَ يَتَاشِ يَيَاغٜىٰ رِغَرْسَ يَݣُونْتَ عَڧَسَا سَبُواْدَ بَڧِنْ ثِكِ؞ حَكَ مَاسُ يِمَسَ حِدِمَ وَطَنْدَ سُكٜىٰ تَرٜىٰ دَشِ سُو مَا سُكَ يَيَّاغٜىٰ رِيغُنَنْسُ؞

32عَمَّا يُواْنَدَبْ طَنْ شِمٜىٰيَ طَنْعُوَنْ دَاوُدَ يَثٜىٰ وَ دَاوُدَ «رَنْكَيَدَطٜىٰ! كَدَ كَطَوْكَ أَنْكَشٜىٰ دُكَنْ یَیَ مَذَنْكَ؞ أَمْنُوانْ نٜىٰ كَطَيْ عَكَ كَشٜىٰ؞ أَبْسَلُوامْ يَشِرْيَ حَكَ تُنْ رَانَرْ دَ أَمْنُوانْ يَتِلَسْتَ یَرْعُوَرْسَ تَمَرْ تَݣُونَ دَشِ؞

33سَبُواْدَ حَكَ، رَنْكَيَدَطٜىٰ، كَدَ كَيِ تُنَانِ ثٜىٰوَ دُكَنْ یَیَنْكَ نٜىٰ عَكَ كَشٜىٰ؞ أَمْنُوانْ نٜىٰ كَطَيْ يَمُتُ؞»

34أَنَ ثِكِنْ حَكَ سَيْ أَبْسَلُوامْ يَغُدُ؞ سَيْ سَوْرَيِنْ دَيَكٜىٰ غَادِنْ يَدُوبَ يَهَنْ‌غِ مُتَنٜىٰ دَيَوَ سُنَ ذُوَا عَكَنْ حَنْيَ عَبَايَنْسَ تَوَجٜىٰنْ غٜىٰڢٜىٰنْ تُدُنْ؞

35يُواْنَدَبْ يَثٜىٰ وَسَرْكِے «رَنْكَيَدَطٜىٰ! غَا یَیَنْكَ سُنْ ذُواْ كَمَرْ يَدَّ نَڢَطَا؞»

36يَنَ ڧَارٜىٰ مَغَنَ كٜىٰنَنْ، سَيْغَا یَیَنْ سَرْكِے سُكَ إِسُواْ، سُكَ ڢَشٜىٰ دَ كُوكَا؞ سَيْ دَاوُدَ دَ مَاسُ حِدِمَرْسَ سُو مَا سُكَيِ كُوكَا مَيْ ذَاڢِ؞

37أَبْسَلُوامْ يَغُدُ ذُوَا وُرِنْ تَلْمَيْ طَنْ أَمِّهُدْ، سَرْكِنْ غٜىٰشُرْ؞ سَرْكِے دَاوُدَ كُوَ يَيِ كُوكَنْ طَنْسَ أَمْنُوانْ ݣُونَ دَ ݣُونَكِے؞

38بَايَنْدَ أَبْسَلُوامْ يَغُدُ ذُوَا غٜىٰشُرْ يَذَوْنَ عَثَنْ حَرْ شٜىٰكَرَا عُكُ؞

39دَ سَرْكِے دَاوُدَ يَدَيْنَ دَامُوَ غَمٜىٰدَ مُتُوَرْ أَمْنُوانْ، سَيْ يَكُواْمَ يَنَ مَرْمَرِنْ غَنِنْ أَبْسَلُوامْ؞

← Chapter 12 Jump to: Chapter 14 →