2 Samuel 22 — Hausa Arabic 2020 (أَتَّوْرَتْ دَ أَنَّبَاوَا)

1أَ رَانَرْ دَ يَهْوٜىٰهْ يَكُٻُتَرْدَ دَاوُدَ دَغَ حَنُّنْ طَالُوتَ دَ كُمَ دَغَ حَنُّنْ دُكَنْ أَبُواْكَنْ غَابَنْسَ، سَيْ دَاوُدَ يَرٜىٰرَ وَنَّنْ وَاڧَا غَ يَهْوٜىٰهْ ، يَثٜىٰ،

2«يَا يَهْوٜىٰهْ ، دُوڟٜىٰنْ ٻُيَنَ، كَتَنْ‌غَتَادَ مَيْ ثٜىٰتُواْنَ؞

3يَا اللَّهْ نَا، دُوڟٜىٰنْ ٻُيَنَ، أَوُرِنْكَ نَكٜىٰ ٻُيَ؞ غَرْكُوَتَ دَ ڧَرْڢِنْ ثٜىٰتُواْنَ، كَتَنْ‌غَتَادَ وُرِنْ ٻُيَنَ، مَيْثٜىٰتُواْنَ، مَيْثٜىٰثٜىٰنِ دَغَ تَاشِنْ حَنْكَلِ؞

4نَكَنْ كِرَا غَ يَهْوٜىٰهْ ، مَثَنْثَنْثِنْ يَبُواْ، يَكَنْ ثٜىٰثٜىٰنِ دَغَ أَبُواْكَنْ غَابَنَ؞

5«لَلَّيْ كُواْغِنْ مُتُوَ تَرُڢٜىٰنِ، أَمْبَلِيَرْ هَلَّكَ تَڢِے ڧَرْڢِينَ؞

6إِغِيُواْيِنْ كَبَرِ سُنْ طَوْرٜىٰنِ دَمْ، تَرْكُوانْ مُتُوَ يَڢُسْكَنْثٜىٰنِ؞

7«عَثِكِنْ دَامُوَتَ نَيِ كِرَا غَ يَهْوٜىٰهْ ، نَاكُوَيِ كِرَا غَ اللَّهْ نَا؞ دَغَ وُرِنْ ذَمَنْسَ يَجِ مُرْيَتَ، كُوكَنَ كُمَ يَكَيْ كُنّٜىٰنْسَ؞

8«دُونِيَا تَيِ ضَوَ دَ غِرْغِظَ، تُوشٜىٰنْ سَرَرِنْ سَمَ سُكَ جِجِّغَ، سُكَ غِرْغِظَ سَبُواْدَ يَيِ ڢُشِے؞

9حَنْثِنْسَ يَنَ هُورَ هَيَاڧِے، بَاكِنْسَ يَنَ أَمَنْ وُتَا مَيْ ثِنْيٜىٰوَ، يَنَ تُواْتُّواْڢَ غَرْوَشِنْ وُتَا؞

10يَيَاغٜىٰ سَرَرِنْ سَمَ يَسَوْكَ، بَڧَڧٜىٰنْ غِذَغِظَيْ عَڧَرْڧَشِنْ ڧَڢَاڢُنْسَ؞

11يَهَوْ حَلِتَّ مَيْ ڢِكَڢِكَيْ يَتَاشِ سَمَ، أَ ڢِكَڢِكَنْ إِسْكَ عَكَ غَنْ شِ؞

12يَمَيْدَ دُهُ أَبِنْ رُڢُوَرْسَ، حَكَمَا بَڧَڧٜىٰنْ غِذَغِظَنْ ضُوَ؞

13عَمَّا وَلْڧِيَ تَٻُلُّواْ دَغَ غِذَغِظَنْسَ غَرْوَشِنْ وُتَا سُكَ ٻُلُّواْ دَغَ غَبَنْسَ؞

14يَهْوٜىٰهْ يَا يِڟَاوَ دَغَ سَرَرِنْ سَمَ، مُرْيَرْ مَڢِے طَوْكَكَ تَيِ ڧَارَ؞

15يَهَرْبَ كِبِيُواْيِنْسَ، يَوَاڟَرْدَ أَبُواْكَنْ غَابَنْسَ، يَعَيْكَ دَ وَلْڧِيَ، يَبَظَرْ دَسُو؞

16عَكَ بُوطٜىٰ غِنْدِنْ تٜىٰكُ، عَكَ ڢَلَّسَ تُوشٜىٰنْ دُونِيَا، تَوُرِنْ ڟَاوَتَرْوَرْ يَهْوٜىٰهْ ، دَ ڧَرْڢِنْ هُورَوَرْ حَنْثِنْسَ؞

17دَغَ سَمَ يَهْوٜىٰهْ يَمِيڧُواْ حَنُّنْسَ يَطَوْكٜىٰنِ، دَغَ ضُوَيٜىٰ مَاسُ ظُرْڢِ يَثِرٜىٰنِ؞

18دَغَ أَبُواْكَنْ غَابَنَ مَاسُ ڧَرْڢِے، يَثٜىٰثٜىٰنِ، دَغَ مَاسُ ڧِينَ، غَمَا سُنْ ڢِينِ ڧَرْڢِے؞

19أَ رَانَرْ مَسِيڢَاتَ سُكَ ڢَاطُواْ مِنِ عَمَّا يَهْوٜىٰهْ نٜىٰ يَرِڧٜىٰنِ؞

20يَسَا نِے عِنْدَ بَابُ حَڟَرِ، يَكُٻُتَرْ دَنِے غَمَا يَنَ جِنْ دَاطِنَ؞

21يَهْوٜىٰهْ يَا سَاكَ مِنِ عَكَنْ أَدَلْثِنَ، يَبَانِ لَادَ دُواْمِنْ بَ هَنُّونَ أَوَنِ لَيْڢِے؞

22غَمَا نَا كِيَايٜىٰ هَنْيُواْيِنْ يَهْوٜىٰهْ ، بَنْ كَوْثٜىٰ دَغَ اللَّهْ نَغَ مُغُنْتَا بَ؞

23إِنَ رِڧٜىٰ دَ دُكَنْ دُواْكُواْكِنْسَ، بَنْ كَوَرْدَ ڧَٰعِدُواْدِنْسَبَ؞

24نَيِ تَڢِيَ ثِكِنْ غَسْكِيَ أَغَبَنْسَ، نَكِيَايٜىٰ كَيْنَ دَغَ لَيْڢِے؞

25عِ، يَهْوٜىٰهْ يَبَانِ لَادَ عَكَنْ أَدَلْثِنَ، غَمَا أَعِدُوانْسَ بَانِ دَ لَيْڢِے؞

26«غَ مَيْڧَوْنَ، كَكَنْ نُونَ كَنْكَ مَيْ ڧَوْنَ؞ غَ مَيْتَڢِيَ ثِكِنْ غَسْكِيَ، كَكَنْ نُونَ كَنْكَ مَيْ غَسْكِيَ؞

27غَ مَيْڟَبْتَرْ رَيْ، كَكَنْ نُونَ كَنْكَ مَيْ ڟَبْتَرْ رَيْ؞ غَ مَيْرَايُوَرْ ݣُونَ ݣُونَ، كَكَنْ نُونَ كَاڢِيشِ ݣُونَ ݣُونَ؞

28كَكَنْ ثٜىٰثِ مَاسُ سَوْڧِنْ كَيْ، كَكَنْيِ وَمَاسُ طَغَ كَيْ كَلُّوانْ رٜىٰنِ دُواْمِنْ كَڧَسْڧَنْتَرْ دَسُو؞

29«حَڧِيڧَ، يَا يَهْوٜىٰهْ ، كَيْنٜىٰ حَصْكٜىٰنَ، يَهْوٜىٰهْ ، كَيْ كَا حَصْكَكَ دُهُنَ؞

30دَ إِيكُوانْكَ ذَنْ هَلَّكَ كُواْوَثٜىٰ ڧُنْ‌غِيَرْ سُواْجُواْجِ، دَ إِيكُوانْ اللَّهْ نَا، ذَنْ ڟَلَّكٜىٰ كُواْوَثٜىٰ كَتَنْ‌غَ؞

31«غَا اللَّهْ ، حَنْيَرْسَ ثِكَكِّيَثٜىٰ ڨُورَيْ! مَغَنَرْ يَهْوٜىٰهْ ثِكَكِّيَثٜىٰ! غَرْكُوَنٜىٰ شِ غَ دُكَنْ مَاسُ نٜىٰمَنْ وُرِنْ ٻُيَ أَوُرِنْسَ؞

32وَنٜىٰنٜىٰ اللَّهْ ؟ أَيْ، يَهْوٜىٰهْ نٜىٰ! وَنٜىٰنٜىٰ دُوڟٜىٰنْ ٻُيَنْمُ؟ أَيْ، اللَّهْ نْمُ نٜىٰ كَطَيْ!

33اللَّهْ شِينٜىٰ مَيْ بَانِ ڧَرْڢِے، يَكَنْسَا حَنْيَتَ تَذَمَ ثِكَكِّيَ؞

34يَمَيْدَ ڧَڢَاڢُنَ سُكَامَ ڧَسَا، نَيِ تَڢِيَ عَكَنْ دُوَڟُو كَمَرْ بَرٜىٰوَ؞

35يَهُواْرِ حَنُّوَنَ عَكَنْ يَاڧِ حَرْ سُنَ لَنْڨُوسَ بَكَنْ ڧَرْڢٜىٰ؞

36«يَا يَهْوٜىٰهْ ، كَبَانِ غَرْكُوَرْ نَصَرَا، كَسَوْكَرْ دَ حَنُّنْكَ كَطَوْكَكَا نِے؞

37كَسَانِ أَ حَنْيَرْ دَ بَابُ حَڟَرِ، ڧَڢَاڢُنَ بَسُيِ سَنْڟِبَ؞

38نَكُواْرِ أَبُواْكَنْ غَابَنَ نَيِ نَصَرَا عَكَنْسُ، بَنْڟَيَبَ سَيْ دَ نَهَلَكَاسُ كَكَڢْ!

39نَهَلَكَاسُ، نَبُغٜىٰسُ حَرْ ڧَسَا، بَسُ عِيَ تَاشِ بَ، سُنْ ظُبٜىٰ عَڧَرْڧَشِنْ ڧَڢَاڢُنَ؞

40كَيْ كَبَانِ ڧَرْڢِے دُواْمِنْ إِنْيِ يَاڧِ، كَسَا أَبُواْكَنْ غَابَنَ عَڧَرْڧَشِنَ؞

41كَسَا أَبُواْكَنْ غَابَنَ سُكَ جُويَا سُكَ غُدُ، نَهَلَّكَ دُكَنْ مَاسُ ڧِينَ؞

42سُنْيِ كُوكَا، عَمَّا بَابُوَنْدَ يَثٜىٰثٜىٰسُ، سُنْيِكِرَا غَ يَهْوٜىٰهْ ، عَمَّا يَڧِ يَأَمْسَ؞

43نَدَكَسُ حَرْ سُكَ ذَمَ دَ لَوْشِ كَمَرْ ڧُورَا، نَنِڧَسُ نَتَتَّكٜىٰسُ كَمَرْ لَاكَ عَكَنْ تِيتُنَ؞

44«كَثٜىٰثٜىٰنِ دَغَ تَاوَيٜىٰنْ مُتَنٜىٰنَ، كَمَيْدَنِ شُوغَبَنْ أَلْعُمَّيْ، مُتَنٜىٰنْ دَ بَنْ تَٻَ سَنِنْسُبَ، سُنْيِ مِنِ حِدِمَ؞

45دَ ضَوَرْ جِكِے، بَاڧِ سُنَ ذُوَا سُنَ غِرْمَمَنِ، دَظَرَرْ سُكَجِ غَمٜىٰدَنِ، سُكَنْيِ مِنِ بِيَيَّ؞

46بَاڧِ سُنْ رَسَ ڧَرْڢِنْ حَلِ، دَ ضَوَرْ جِكِے سُكَ ڢِتُواْ دَغَ وُرِنْ ٻُيَنْسُ؞

47« يَهْوٜىٰهْ مَيْ رَيْ نٜىٰ! أَلْبَرْكَ تَا تَبَّتَا غَ دُوڟٜىٰنْ ٻُيَنَ! طَوْكَكَ غَ اللَّهْ نَا، دُوڟٜىٰنْ ثٜىٰتُواْنَ!

48وَنَّنْ اللَّهْ نٜىٰ مَيْ رَامَ مِنِ، شِينٜىٰ يَسَا ڧَبِيلُ عَڧَرْڧَشِنَ؞

49يَكَنْ كُٻُتَرْ دَنِے دَغَ مَاسُ ڧِينَ؞ يَكَنْ طَوْكَكَ نِے بِسَ مَاسُ غَابَادَنِے، يَكَنْ ثٜىٰثٜىٰنِ دَغَ مَاسُ تَادَ حَنْكَلِ؞

50سَبُواْدَ وَنَّنْ، يَا يَهْوٜىٰهْ ، ذَنْ يَبٜىٰكَ عَثِكِنْ أَلْعُمَّيْ، ذَنْ رٜىٰرَ يَبُواْ غَ سُونَنْكَ؞

51بَبَّرْ نَصَرَا يَكَنْ بَا سَرْكِنْدَ يَذَاٻَا، ڧَوْنَ مَرَرْ ثَنْجَاوَا يَكَنْ نُونَ وَ وَنْدَ يَكٜىٰٻٜىٰ، غَ سَرْكِے دَاوُدَ دَ ذُرِيَرْسَ حَرْ أَبَدَا؞»