2 Samuel 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1أَنْ دَطٜىٰ أَنَ يَاڧِ ڟَكَانِنْ غِدَنْ مُلْكٍ طَالُوتَ دَ نَ دَاوُدَ؞ عَمَّا ڧَرْڢِنْ دَاوُدَ يَيِ تَڧَارُوَ، يَايِنْ دَ ڧَرْڢِنْ غِدَنْ طَالُوتَ يَيِ تَرَغُوَ؞

2أَنْ حَيْڢَ وَ دَاوُدَ یَیَ مَظَا أَ هٜىٰبْرُوانْ؞ نَڢَرْكُوانْ سُونَنْسَ أَمْنُوانْ، مَامَرْسَثٜىٰ أَهِنُواْوَمْ دَغَ يٜىٰظِرٜىٰيٜىٰلْ؞

3نَبِيُنْ كِلٜىٰيَبْ حَيْڢُوَرْ أَبِغِيٜىٰلْ وَدَّ دَا مَاتَرْ نَبَلْ ثٜىٰ مُتُمِنْ كَرْمٜىٰلْ؞ نَعُكُنْ شِينٜىٰ أَبْسَلُوامْ، حَيْڢُوَرْ مَعَكَ یَرْ سَرْكِے تَلْمَيْ نَ غٜىٰشُرْ؞

4نَهُطُنْ شِينٜىٰ أَدُواْنِيَ، حَيْڢُوَرْ هَغِّتْ؞ نَبِيَرْ شِينٜىٰ شٜىٰڢَتِيَ حَيْڢُوَرْ أَبِتَلْ؞

5نَشِدَنْ شِينٜىٰ إِتِرٜىٰيَمْ، حَيْڢُوَرْ عٜىٰغْلَ؞ دُكَنْ وَطَنَّنْ أَ هٜىٰبْرُوانْ نٜىٰ عَكَ حَيْڢَ وَ دَاوُدَ؞

6عَيَيِنْ دَ يَاڧِ ڟَكَانِنْ غِدَنْ مُلْكٍ طَالُوتَ دَ نَ دَاوُدَ يَنَ ثِيغَبَ، أَبْنٜىٰرْ يَيِ تَڧَارَ ڧَرْڢَڢَ مَڟَيِنْسَ ثِكِنْ مُتَنٜىٰنْ طَالُوتَ؞

7طَالُوتَ كُوَ يَنَدَ وَتَ مَثٜىٰنْ دَ يَأَجِيٜىٰ أَغِدَنْسَ مَيْ سُونَ رِظْڢَ یَرْ أَيْيَ؞ وَتَرَانَ إِشْبُواْشٜىٰتْ يَيِ وَ أَبْنٜىٰرْ ڢَطَ يَثٜىٰ «دُوانْمٜىٰ كَݣُونَ دَ مَثٜىٰنْ دَ بَابَنَ يَأَجِيٜىٰ أَغِدَا؟»

8أَبْنٜىٰرْ يَجِ ڢُشِے سُواْسَيْ دَ أَبِنْدَ إِشْبُواْشٜىٰتْ يَڢَطَا مَسَ؞ سَيْ يَثٜىٰ «كَنَ ڟَمَّنِ نِے مَيْ ثِنْ أَمَانَ نٜىٰ؟ كَنَ ظَتُواْ نِے مَيْ غُواْيُوانْ بَايَنْ يَهُودَ نٜىٰ؟ تُنْ ڢَرْكُواْ نَنُونَ أَمِنْثِ غَ غِدَنْ بَابَنْكَ طَالُوتَ دَ یَنْعُوَنْسَ دَ أَبُواْكَنْسَ! بَنْ كُوَ بَادَكَيْ أَ حَنُّنْ دَاوُدَ بَ؞ شِينٜىٰ يَنْذُ عَكَنْ مَثٜىٰ ذَاكَغَ لَيْڢِينَ؟

9بَرِ اللَّهْ يَطَوْكِ رَيْنَ عِدَنْ بَنْ تَيْمَكِ دَاوُدَ يَسَامِ أَبِنْدَ يَهْوٜىٰهْ يَرَنْڟٜىٰ مَسَبَ؞

10يَهْوٜىٰهْ يَا ضَنْڟٜىٰ ثٜىٰوَ ذَيْثِرٜىٰ مُلْكٍ دَغَ طَالُوتَ دَ ذُرِيَرْسَ يَبَا دَاوُدَ؞ دَاوُدَ ذَيْ ذَمَ سَرْكِنْ إِسْرَٰٓءِيلَ دَ نَ يَهُودَ، ذَيْ يِمُلْكِ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ؞»

11إِشْبُواْشٜىٰتْ بَيْ ڧَارَ ثٜىٰ كُواْمٜىٰبَ دُواْمِنْ يَنَ ڟُواْرُوانْ أَبْنٜىٰرْ؞

12أَبْنٜىٰرْ يَعَيْكَ دَ یَنْ عَيْكَ ذُوَا وُرِنْ دَاوُدَ سُتَمْبَيٜىٰشِ سُثٜىٰ «غَ وَنٜىٰنٜىٰ ڧَسَرْ تَكٜىٰ؟ كَيِ يَرْجٜىٰجٜىٰنِيَ دَنِے، نِے دَ هَنُّونَ ذَنْ تَيْمَكٜىٰكَ إِنْسَا دُكَنْ إِسْرَٰٓءِيلَ سُبِيكَ؞»

13دَاوُدَ يَأَمْسَ يَثٜىٰ «دَ ݣَوْ! ذَنْيِ يَرْجٜىٰجٜىٰنِيَ دَكَيْ، عَمَّا عَكَنْ أَلْڧَوَرِ ثٜىٰوَ بَذَاكَ غَ ڢُسْكَتَبَ سَيْ كَكَٰوُاْ مِكَلْ یَرْ طَالُوتَ سَعَدَّ كَذُواْ غَنِينَ؞»

14سَعَنً دَاوُدَ يَعَيْكَ دَ یَنْ عَيْكَ ذُوَا وُرِنْ إِشْبُواْشٜىٰتْ طَنْ طَالُوتَ يَثٜىٰ «كَبَانِ مَاتَتَ مِكَلْ، وَدَّ نَبِيَ دُوكِيَرْتَ دَ ڢَتَرْ أَذَّكَرِ طَرِے نَ ڢِلِسْتِيَاوَنْ دَ نَكَشٜىٰ؞»

15سَيْ إِشْبُواْشٜىٰتْ يَعَيْكَ دَ مُتَنٜىٰ سُتَڢِے سُطَوْكُواْ مِكَلْ دَغَ مِجِنْتَ ڢَلْتِيٜىٰلْ طَنْ لَيِشْ؞

16مِجِنْ مِكَلْ كُوَ يَبِتَ يَنَ تَكُوكَا حَرْ ذُوَا غَرِنْ بَهُرِمْ؞ عَمَّا أَبْنٜىٰرْ يَعُمَرْثٜىٰشِ «كَكُواْمَ غِدَا!» يَكُوَ كُواْمَ غِدَا؞

17أَبْنٜىٰرْ يَتَتَّوْنَ دَ دَتَّاوَنْ إِسْرَٰٓءِيلَ يَثٜىٰ «تُنْ دَا ثَنْ كُنْ نٜىٰمِ دَاوُدَ يَذَمَ سَرْكِنْكُ؞

18يَنْذُ سَيْ كُطَوْكِ مَتَاكِنْ تَبَّتَرْ دَ حَكَ؞ غَمَا يَهْوٜىٰهْ يَايِ وَ دَاوُدَ أَلْڧَوَرِ يَثٜىٰ، ‹ذَنْ كُٻُتَرْدَ مُتَنٜىٰنَ إِسْرَٰٓءِيلَ دَغَ حَنُّنْ ڢِلِسْتِيَاوَا دَ سَوْرَنْ أَبُواْكَنْ غَابَنْسُ تَهَنُّنْ مَيْ حِدِمَتَ دَاوُدَ؞› »

19أَبْنٜىٰرْ يَكُمَيِ مَغَنَ دَ ذُرِيَرْ بِلِيَامِنُ؞ سَعَنً يَتَڢِے وُرِنْ دَاوُدَ أَ هٜىٰبْرُوانْ دُواْمِنْ يَڢَطَا مَسَ ثٜىٰوَ يَيِݣَوْ أَعِدَانُنْ دُكَنْ جَمَعَرْ إِسْرَٰٓءِيلَ دَ دُكَنْ ذُرِيَرْ بِلِيَامِنُ سُغُواْيِ بَايَنْسَ؞

20سَعَدَّ أَبْنٜىٰرْ دَ مُتَنٜىٰنْسَ عَشِرِنْ سُكَ إِسُواْ وُرِنْ دَاوُدَ أَ هٜىٰبْرُوانْ، سَيْ دَاوُدَ يَيِ بَبَّنْ بِكِ دُواْمِنْسُ؞

21سَيْ أَبْنٜىٰرْ يَثٜىٰ وَ دَاوُدَ «رَنْكَيَدَطٜىٰ! بَرِ إِنْ كُواْمَ إِنْ تَتَّارَ دُكَنْ إِسْرَٰٓءِيلَ ذُوَا غَرٜىٰكَ، دُواْمِنْ سُيِ يَرْجٜىٰجٜىٰنِيَ دَكَيْ، دُواْمِنْ كَاعِيَيِنْ مُلْكِ بِسَ دُكَنْ أَبِنْدَ رَنْكَ يَكٜىٰسُواْ؞» دَاوُدَ يَسَلَّمِ أَبْنٜىٰرْ، يَكُوَ تَڢِے لَاڢِيَ؞

22أَبْنٜىٰرْ كُوَ يَتَڢِے، سَيْغَا يُواْوَبْ دَ وَطَنْسُ سُواْجُواْجِنْ دَاوُدَ سُكَ دَاوُاْ دَغَ وَنِ هَرِ تَرٜىٰدَ كَايَنْ دَ عَكَ ڨُوثٜىٰ عَيَاڧِ مَاسُيَوَ سُواْسَيْ؞ عَمَّا أَبْنٜىٰرْ كُوَ بَايَ تَرٜىٰ دَ دَاوُدَ أَ هٜىٰبْرُوانْ، غَمَا دَاوُدَ يَا رِغَا يَا سَلَّمِ أَبْنٜىٰرْ يَتَڢِے لَاڢِيَ؞

23سَعَدَّ يُواْوَبْ تَرٜىٰدَ دُكَنْ سُواْجُواْجِنْ دَسُكٜىٰ تَرٜىٰ دَشِ سُكَ إِسُواْ، سَيْ يَجِ ثٜىٰوَ أَبْنٜىٰرْ طَنْ نٜىٰرْ يَذُواْ وُرِنْ سَرْكِے دَاوُدَ، كُمَ سَرْكِے يَسَلَّمٜىٰشِ يَتَڢِے لَاڢِيَ؞

24سَيْ يُواْوَبْ يَجٜىٰ يَسَامِ سَرْكِے دَاوُدَ يَثٜىٰ مَسَ «مٜىٰ كٜىٰنَنْ كَيِ؟ حَرْ أَبْنٜىٰرْ يَذُواْ وُرِنْكَ! دُوانْمٜىٰ كَبَرْشِ يَتَڢِے؟ غَاشِ يَكُٻُثٜىٰ!

25كَسَنِ أَبْنٜىٰرْ طَنْ نٜىٰرْ يَذُواْ نٜىٰ دُواْمِنْ يَرُوطٜىٰكَ، يَسَنْ تَڢِيٜىٰ تَڢِيٜىٰنْكَ، يَكُمَجِ كُواْمٜىٰ غَمٜىٰدَكَيْ؞»

26دَ يُواْوَبْ يَتَاشِ دَغَ غَبَنْ دَاوُدَ، سَيْ يَعَيْكَ مُتَنٜىٰ سُتَڢِے سُدَاوُاْ دَ أَبْنٜىٰرْ؞ عَكَ سَامٜىٰشِ أَ رِجِيَرْ سِرَ، عَكَ كُمَ دَاوُاْ دَشِ دَغَ وُرِنْ؞ عَمَّا دَاوُدَ بَيْ سَنْ كُواْمٜىٰ عَكَيْبَ؞

27دَ أَبْنٜىٰرْ يَكُواْمُواْ هٜىٰبْرُوانْ، يُواْوَبْ يَطَوْكٜىٰشِ سُكَ شِغَ ثِكِنْ طَيَنْ یَنْ طَكُنَ نَڧُواْڢَرْ غَرِ، يَيِ كَمَرْ يَنَ سُواْ يَيِ مَغَنَ دَ أَبْنٜىٰرْ شِ كَطَيْ؞ عَمَّا أَنَنْ نٜىٰ يَسُواْكِ أَبْنٜىٰرْ عَثِكِ؞ يُواْوَبْ يَكَشٜىٰ أَبْنٜىٰرْ دُواْمِنْ يَرَامَ مُتُوَرْ طَنْعُوَنْسَ أَسَهٜىٰلْ؞

28دَ دَاوُدَ يَسَامِ لَابَرِنْ، سَيْيَثٜىٰ « يَهْوٜىٰهْ يَا سَنِ ثٜىٰوَ دَنِے دَ مُتَنٜىٰنْ مُلْكِنَ حَرْ أَبَدَا بَامُ دَ أَلْحَكِنْ جِنِنْ أَبْنٜىٰرْ طَنْ نٜىٰرْ؞

29بَرِ أَلْحَكِنْ جِنِنْ أَبْنٜىٰرْ يَذَوْنَ عَكَنْ يُواْوَبْ دَ دُكَنْ غِدَنْ بَابَنْسَ! كَدَ كُواْوَثٜىٰ ڟَارَا أَ ذُرِيَرْسَ تَرَسَ مَيْ طِغَ، كُواْ مَيْ ثُوتَرْ ڢَتَرْ جِكِے، كُواْ مَيْ جِنْ‌غِنَ غَ سَنْدَا، كُواْ مَيْ رَوْنِ عَيَاڧِ، كُواْ مَيْ رَشِنْ عَبِنْثِ!»

30تَهَكَ يُواْوَبْ دَ طَنْعُوَنْسَ أَبِشَيْ سُكَ كَشٜىٰ أَبْنٜىٰرْ سَبُواْدَ يَكَشٜىٰ أَسَهٜىٰلْ عَيَاڧِنْ دَ عَكَيِ أَ غِبٜىٰيُوانْ؞

31دَاوُدَ يَعُمَرْثِ يُواْوَبْ دَ مُتَنٜىٰنْ دَسُكٜىٰ تَرٜىٰ دَشِ كُواْوَ يَيَيَّاغٜىٰ رِيغُنَنْسَ، يَسَا رِيغُنَنْ بَڧِنْ ثِكِ يَنُونَ دَامُوَرْسَ غَمٜىٰدَ مُتُوَرْ أَبْنٜىٰرْ؞ دَ عَكَ طَوْكِ غَاوَرْ ذَاعَ كَيْ أَبِنّٜىٰ، سَرْكِے دَاوُدَ يَبِے مَاسُ رِڧٜىٰ غَاوَرْ عَبَايَ؞

32عَكَ بِنّٜىٰ أَبْنٜىٰرْ أَ هٜىٰبْرُوانْ، دَاوُدَ كُوَ يَطَغَ مُرْيَ يَيِ كُوكَا سُواْسَيْ عَبَاكِنْ كَبَرِنْ، حَكَمَا سَوْرَنْ مُتَنٜىٰنْ دَسُكٜىٰ أَوُرِنْ؞

33دَاوُدَ يَيِ وَ أَبْنٜىٰرْ وَنَّنْ وَاڧَرْ مَكُواْكِ يَثٜىٰ: «مٜىٰيَسَا أَبْنٜىٰرْ يَيِ مُتُوَرْ بَنْظَ؟

34بَعَطَوْرٜىٰ حَنُّوَنْكَبَ، بَعَطَوْرٜىٰ ڧَڢَاڢُنْكَ دَ سَرْڧَبَ؞ كَمَرْ وَنْدَ مُوغَيٜىٰ سُكَ كَشٜىٰ، حَكَ عَكَ كَشٜىٰكَ؞» سَيْ كُواْوَ يَسَاكٜىٰ ڢَشٜىٰ دَ كُوكَا؞

35مُتَنٜىٰ سُكَذُواْ وُرِنْ دَاوُدَ تُنْدَ رَانَ سُنَ لَلَّشٜىٰشِ يَثِ عَبِنْثِ عَمَّا يَڧِ؞ دَاوُدَ يَرَنْڟٜىٰ ثٜىٰوَ «بَرِ اللَّهْ يَطَوْكِ رَيْنَ عِدَنْ نَثِ وَنِ أَبُ كَاڢِنْ ڢَاطُوَرْ رَانَ!»

36مُتَنٜىٰ سُكَ لُورَ دَ أَبِنْدَ يَڢَرُ سُكَجِ دَاطِے، كَمَرْ يَدَّ سُكَجِ دَاطِنْ دُكْ أَبِنْدَ سَرْكِے دَاوُدَ يَيِ؞

37أَ رَانَرْ نَنْ دُكَنْ مُتَنٜىٰنْ يَهُودَ دَ نَ إِسْرَٰٓءِيلَ سُكَ غَانٜىٰ لَلَّيْ بَابُ حَنُّنْ دَاوُدَ أَ مُتُوَرْ أَبْنٜىٰرْ طَنْ نٜىٰرْ؞

38سَيْ دَاوُدَ يَثٜىٰ وَمُتَنٜىٰنْسَ «بَكُ غَانٜىٰبَ ثٜىٰوَ يَوْ شُوغَبَا كُمَ بَبَّنْ مُتُمْ يَمُتُ عَثِكِنْ إِسْرَٰٓءِيلَ؟

39كُواْدَيَكٜىٰ نِنٜىٰ سَرْكِنْ دَ اللَّهْ يَكٜىٰٻٜىٰ، دُكْدَهَكَ إِيكُواْنَ يَكَاسَ يَوْ؞ ذَاڢِنْ كَنْ یَیَنَّنْ نَ ظٜىٰرُوِيَ يَشَا مِنِ كَيْ؞ بَرِ يَهْوٜىٰهْ يَرَامَ وَمَيْ مُغُنْتَا بِسَغَ مُغُنْتَارْدَ يَعَيْكَتَ!»

← Chapter 2 Jump to: Chapter 4 →