2 Samuel 15

Hausa Arabic 2020 (أَتَّوْرَتْ دَ أَنَّبَاوَا)

← Chapter 14 Jump to: Chapter 16 →

1بَايَنْ وَنَّنْ، أَبْسَلُوامْ يَسَامُواْ وَكَنْسَ كٜىٰكٜىٰنْ دُواْكِ دَ دَوَكِ دَ مُتَنٜىٰ حَمْسِنْ دَ ذَاسُ وُثٜىٰ غَبَنْسَ؞

2أَبْسَلُوامْ يَكَنْ تَاشِ دَ سَسَّڢٜىٰ يَڟَيَ عَكَنْ حَنْيَ ذُوَا ڧُواْڢَرْ غَرِ؞ سَعَدَّ وَنِ يَذُواْ وُثٜىٰوَ وَنْدَ كُمَ يَنَدَ دَامُوَرْ دَ ذَاتَ كَيْ غَبَنْ سَرْكِے دُوانْ شَرِيعَ، أَبْسَلُوامْ يَكَنْ كِرَشِ يَثٜىٰوَ مُتُمِنْ «دَغَ وَنٜىٰ غَرِ كَڢِتُواْ؟» سَعَدَّ مُتُمِنْ يَأَمْسَ «رَنْكَيَدَطٜىٰ دَغَ غَرِ نَوَتَ ذُرِيَ عَ إِسْرَٰٓءِيلَ،»

3سَيْ أَبْسَلُوامْ يَسَوْرَرِ ڧَارَرْسَ؞ يَكُمَثٜىٰ مَسَ «دُوبَ، ڧَارَرْكَ تَنَ دَݣَوْ دَ كُمَ غَسْكِيَ، عَمَّا سَرْكِے بَاشِدَ وَنْدَ ذَيْ سَوْرَرٜىٰكَ؞»

4أَبْسَلُوامْ يَكَنْ كُمَ ڧَارَ دَ ثٜىٰوَ «دَاعَثٜىٰ أَنَّطَ نِے مَيْ شَرِيعَ أَوَنَّنْ ڧَسَا دَ كُواْوَنٜىٰ مُتُمِنْ دَ يَكٜىٰدَ ڧَارَ كُواْ مَغَنَرْ شَرِيعَ يَذُواْ وُرِينَ دَ ذَنْ يَنْكٜىٰ مَسَ شَرِيعَرْ غَسْكِيَ؞»

5كُمَ دُكْ سَعَدَّ وَنِ يَذُواْ وُرِنْ أَبْسَلُوامْ يَرُسُنَ دُواْمِنْ يَغَيْشٜىٰشِ، سَيْ أَبْسَلُوامْ يَسَا حَنُّنْسَ يَتَادَشِ، يَكُمَ سُمْبَثٜىٰ شِ؞

6أَبْسَلُوامْ يَيِ تَيِنْ حَكَ غَ كُواْوَنٜىٰ مُتُمِنْ إِسْرَٰٓءِيلَ وَنْدَ يَذُواْ وَجٜىٰنْ سَرْكِے دَاوُدَ دُواْمِنْ شَرِيعَ؞ تَهَكَ يَسَاثِ ظُكَاتَنْ مُتَنٜىٰنْ إِسْرَٰٓءِيلَ؞

7بَايَنْ شٜىٰكَرَا حُطُ، سَيْ أَبْسَلُوامْ يَثٜىٰوَ سَرْكِے «إِنَ ضُواْڧُوانْكَ كَبَرْنِ إِنْ تَڢِے هٜىٰبْرُوانْ إِنْ ثِكَ وَتَ ضَنْڟُوَارْدَ نَيِ وَ يَهْوٜىٰهْ ؞

8غَمَا لُواْكَثِنْ دَ نَكٜىٰ أَ غٜىٰشُرْ عَڧَسَرْ سُورِيَ، نَايِ ضَنْڟُوَا ثٜىٰوَ عِدَنْ دَيْ يَهْوٜىٰهْ يَكُواْمَرْ دَنِے عُرُوشَلِيمَ، ذَنْيِ مَسَ سُجَّدَ؞»

9سَيْ سَرْكِے يَثٜىٰ مَسَ «تُواْ، سَوْكَ لَاڢِيَ؞» سَيْ أَبْسَلُوامْ يَتَاشِ يَتَڢِے هٜىٰبْرُوانْ؞

10عَمَّا أَبْسَلُوامْ يَعَيْكَ دَ سَڧُواْ أَ حَنُّنْ یَنْ عَيْكَ ذُوَاغَ دُكَنْ ذُرِيَرْ إِسْرَٰٓءِيلَ عَٻُواْيٜىٰ ثٜىٰوَ «سَعَدَّ كُكَجِ ڧَارَرْ ڧَهُواْ، سَيْكُ أَمْسَ دَ بَبَّرْ مُرْيَ كُثٜىٰ، ‹أَبْسَلُوامْ يَذَمَ سَرْكِے أَ هٜىٰبْرُوانْ!› »

11سَعَدَّ أَبْسَلُوامْ يَڢِتَ دَغَ عُرُوشَلِيمَ ذُوَا هٜىٰبْرُوانْ، مُتَنٜىٰ طَرِے بِيُ سُنْ بِيشِ؞ يَغَيَّثٜىٰسُ سُكَبِيشِ ثِكِنْ رَشِنْ سَنِ، بَسُسَنْ أَبِنْدَ أَبْسَلُوامْ يَكٜىٰ شِرِنْ يِبَ؞

12أَ لُواْكَثِنْ دَ أَبْسَلُوامْ ذَيْ مِيڧَ هَدَايَ، يَعَيْكَ ذُوَا غَرِنْ غِلُواْ عَكَٰوُاْ مَسَ أَهِتُواْڢٜىٰلْ مُتُمِنْ غِلُواْ، وَنْدَ يَكٜىٰبَا سَرْكِے دَاوُدَ شَوَرَا؞ تَهَكَ وَنَّنْ شِرِنْ تَاوَيٜىٰ يَيِ ڧَرْڢِے، مَاسُ غُواْيُوانْ بَايَنْ أَبْسَلُوامْ سُكَيِ تَڧَارَ يَوَ؞

13سَيْ وَنِ طَنْ عَيْكَ يَذُواْ وُرِنْ دَاوُدَ يَثٜىٰ مَسَ «ذُوثِيَارْ كُواْوَنٜىٰ مُتُمِنْ إِسْرَٰٓءِيلَ تَكُواْمَ وَجٜىٰنْ أَبْسَلُوامْ؞»

14سَيْ دَاوُدَ يَثٜىٰ وَمَاسُ يِمَسَ حِدِمَ وَطَنْدَ سُكٜىٰ تَرٜىٰدَشِ أَ عُرُوشَلِيمَ «كُتَاشِ مُغُدُ! عِدَنْ بَهَكَبَ بَابُوَنْدَ ذَيْ ڟِيرَا دَغَ حَنُّنْ أَبْسَلُوامْ! مُغُدُ دَ سَوْرِ! كَدَ أَبْسَلُوامْ يَسَامٜىٰمُ يَيِ مَنَ ٻَرْنَ يَكَكَّشٜىٰ مُتَنٜىٰنْ بِرْنِنْ دَ تَكُواْبِے!»

15مَاسُيِ مَسَ حِدِمَ سُكَ أَمْسَ سُكَثٜىٰ «رَنْكَيَدَطٜىٰ، دُكْ أَبِنْدَ سَرْكِے يَغَ يَيِݣَوْ ذَامُيِ؞»

16سَيْ سَرْكِے يَڢِتَ دَ عِيَلِنْسَ دُكَ دَ مَاسُ يِمَسَ حِدِمَ؞ عَمَّا يَبَرْ مَتَ غُواْمَ وَطَنْدَ سَرْكِے يَأَجِيٜىٰ دُواْمِنْ سُلُورَ دَ غِدَنْ؞

17دَ سَرْكِے دَ دُكَنْ مُتَنٜىٰنْسَ سُكَ كَامَ حَنْيَ ذَاسُبَرْ بِرْنِنْ، سَيْ سُكَ ڟَيَ أَغِدَا نَڧَرْشٜىٰ؞

18دُكَنْ مُتَنٜىٰنْسَ كُوَ سُكَ وُثٜىٰ غَبَنْسَ؞ عَثِكِنْ وَطَنَّنْ مُتَنٜىٰ أَݣَويْ سُواْجُواْجِ مَاسُ غَادِنْ سَرْكِے دَ كُمَ دُكَنْ سُواْجُواْجِ طَرِے شِدَ وَطَنْدَ سُكَبِيشِ دَغَ غَتْ؞ دُكَنْسُ سُكَ وُثٜىٰ أَغَبَنْ سَرْكِے؞

19سَيْ سَرْكِے يَثٜىٰ وَ إِتَّيْ مُتُمِنْ غَتْ «دُوانْمٜىٰ كَيْ كُمَ كَكٜىٰبِنْمُ؟ كَكُواْمَ كَذَوْنَ دَ سَابُوانْ سَرْكِے؞ غَمَا كَيْ بَڧُواْ نٜىٰ وَنْدَ عَكَ كُواْرَ دَغَ ڧَسَرْكَ؞

20جِيَ جِيَ كَذُواْ؞ يَيَ ذَاكَ ڢَارَ يَٰوُاْ تَرٜىٰدَمُو يَوْ دَيَكٜىٰ نِے بَنْ سَنْ عِنْدَ ذَنْ تَڢِبَ؞ كَكُواْمَ، كَيْ دَ یَنْعُوَنْكَ؞ بَرِ أَلْحٜىٰرِ دَ أَمِنْثِ سُكَسَنْثٜىٰ تَرٜىٰدَكَيْ؞»

21عَمَّا إِتَّيْ يَأَمْسَ وَسَرْكِے يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْ سَرْكِے، دُكْ عِنْدَ ذَاكَ تَڢِے، كُواْ أَ مُتُ كُواْ عَيِ رَيْ، نِے بَاوَنْكَ ذَنْبِيكَ؞»

22سَيْ دَاوُدَ يَثٜىٰ مَسَ «تُواْ، وُثٜىٰ غَبَ؞» إِتَّيْ مُتُمِنْ غَتْ كُوَ يَوُثٜىٰ غَبَ تَرٜىٰدَ دُكَنْ مُتَنٜىٰنْسَ دَ يَارَا ڧأَنَانً دَسُكٜىٰ تَرٜىٰدَسُو؞

23دُكَنْ مُتَنٜىٰنْ ڧَسَرْ سُكَيِ تَكُوكَا دَ بَبَّرْ مُرْيَ سَعَدَّ دَاوُدَ دَ مُتَنٜىٰنْسَ سُكٜىٰ وُثٜىٰوَ؞ سَرْكِے دَ مُتَنٜىٰنْسَ سُكَ ڧٜىٰتَرٜىٰ رَاڢِنْ كِدْرُوانْ، دُكَنْسُ سُكَ نُڢِ دَاجِنْ دَ بَا كُواْوَ؞

24ظَدُواكْ ڢِرِسْتِ كُوَ يأَنَانً، كُمَ دُكَنْ لَوِيَاوَنْ دَسُكٜىٰ تَرٜىٰدَشِ سُنَ طَوْكٜىٰ دَ عَݣُوتِنْ يَرْجٜىٰجٜىٰنِيَ نَ اللَّهْ ؞ سُكَ أَجِيٜىٰ عَݣُوتِنْ عَڧَسَا كُسَدَ أَبِيَتَرْ ڢِرِسْتِ، سَيْ دَ مُتَنٜىٰنْ سُكَ ڧَارٜىٰ ڢِتُواْوَ دَغَ بِرْنِنْ؞

25عَمَّا سَرْكِے يَثٜىٰ وَ ظَدُواكْ «كَكُواْمَرْدَ عَݣُوتِنْ يَرْجٜىٰجٜىٰنِيَ نَ اللَّهْ ثِكِنْ بِرْنِنْ؞ عِدَنْ نَسَامِ ڢَضٍ جِنِ أَعِدُوانْ يَهْوٜىٰهْ ، ذَيْكُواْمُواْ دَنِے إِنْ سَاكٜىٰ غَنِنْ عَݣُوتِنْ يَرْجٜىٰجٜىٰنِيَ دَ كُمَ وُرِنْ ذَمَنْسَ؞

26عَمَّا عِدَنْ يَا ثٜىٰ، ‹بَنْجِ دَاطِنْكَبَ،› تُواْ، سَيْ يَيِ أَبِنْدَ يَغَمْشٜىٰشِ؞»

27سَرْكِے يَثِيغَبَدَ مَغَنَ دَ ظَدُواكْ ڢِرِسْتِ يَثٜىٰ «بَكَ غَانٜىٰبَ؟ كُواْمَ ثِكِنْ بِرْنِنْ دَ سَلَمَ تَرٜىٰدَ طَنْكَ أَهِمَعَظْ دَ أَبِيَتَرْ دَ طَنْسَ يُواْنَتَنْ؞

28دُوبَ، نِے ذَنْجِرَا كُسَدَ عِنْدَ عَكٜىٰ ڧٜىٰتَرٜىٰ كُواْغِنْ يُواْدَنْ أَ شِغَ دَاجِ سَيْ نَسَامِ سَڧُواْ دَغَ غَرٜىٰكُ؞»

29سَبُواْدَ حَكَ ظَدُواكْ دَ أَبِيَتَرْ سُكَ كُواْمَرْدَ عَݣُوتِنْ يَرْجٜىٰجٜىٰنِيَ نَ اللَّهْ ثِكِنْ بِرْنِنْ عُرُوشَلِيمَ سُكَ كُمَ ذَوْنَ عَثَنْ؞

30دَاوُدَ يَهَوْرَ تُدُنْ عِتَتُوَنْ ظَيْتُنْ يَنَ كُوكَا؞ يَيِ تَتَڢِيَ بَابُ تَاكَلْمَ، يَكُمَ رُڢٜىٰ كَنْسَ سَبُواْدَ بَڧِنْ ثِكِ؞ دُكَنْ مُتَنٜىٰنْ دَ سُكَبِيشِ كُمَ سُكَ رُڢٜىٰ كَنْسُ سُنَ كُوكَا سُو مَا؞

31دَ عَكَ ڢَطَا وَ دَاوُدَ ثٜىٰوَ أَهِتُواْڢٜىٰلْ يَنَ ثِكِنْ یَنْ تَاوَيٜىٰنْ أَبْسَلُوامْ، سَيْ دَاوُدَ يَيِ أَدُّعَ يَثٜىٰ «إِنَ ضُواْڧُوانْكَ، يَا يَهْوٜىٰهْ ، مَيْدَ شَوَرَرْ أَهِتُواْڢٜىٰلْ بَنْظَ؞»

32سَعَدَّ دَاوُدَ يَكَيْ سَمَنْ تُدُنْ عِتَتُوَنْ ظَيْتُنْ عِنْدَ مُتَنٜىٰ سُكَنْيِ وَ اللَّهْ سُجَّدَ، سَيْغَا هُشَيْ مُتُمِنْ أَرْكِ يَسَدُ دَشِ؞ هُشَيْ كُوَ يَيَيَّاغٜىٰ رِغَرْسَ يَسَا ڧَسَا عَكَيْ دُواْمِنْ نُونَ بَڧِنْ ثِكِ؞

33دَاوُدَ يَثٜىٰ مَسَ «عِدَنْ كَبِينِ، ذَاكَ ذَمَ مِنِ كَايَ؞

34عَمَّا عِدَنْ كَكُواْمَ بِرْنِنْ كَثٜىٰ وَ أَبْسَلُوامْ، ‹ذَنْيِ مَكَ حِدِمَ، يَا سَرْكِے؞ أَ دَا نَيِ وَبَابَنْكَ حِدِمَ، عَمَّا يَنْذُ ذَنْيِ مَكَ؞› عِدَنْ كَيِ حَكَ، ذَاكَ تَيْمَكٜىٰنِ تَوُرِنْ كَرْيٜىٰ شَوَرَرْ أَهِتُواْڢٜىٰلْ؞

35بَ أَݣَويْ ڢِرِسْتُواْثِنَّنْ ظَدُواكْ دَ أَبِيَتَرْ عَثَنْبَ؟ كَڢَطَا مُسُ دُكْ أَبِنْدَ كَجِ أَغِدَنْ سَابُوانْ سَرْكِے؞

36غَاشِ یَیَنْسُ بِيُ سُنَ تَرٜىٰدَسُو، وَتُواْ أَهِمَعَظْ طَنْ ظَدُواكْ دَ يُواْنَتَنْ طَنْ أَبِيَتَرْ؞ تَهَنُّنْ وَطَنَّنْ مُتَنٜىٰ كَنَ عِيَ عَيْكَ مِنِ دُكَنْ أَبِنْدَ كَجِ؞»

37تَهَكَ، هُشَيْ أَبُواْكِنْ دَاوُدَ كُوَ يَشِغَ عُرُوشَلِيمَ دَيْدَيْ لُواْكَثِنْ دَ أَبْسَلُوامْ يَكٜىٰ شِغُواْوَ؞

← Chapter 14 Jump to: Chapter 16 →