Amos 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1أَ زَامَانِنْ دَ سَرْكِے عُزِّيَ يَكٜىٰ مُلْكِ أَ يَهُودَ، كُمَ سَرْكِے يٜىٰرُواْبُواْوَمْ طَنْ يُواْوَشْ يَكٜىٰ مُلْكِ عَ إِسْرَٰٓءِيلَ، أَنَّبِے عَمُواسْ يَڢَطِ مَغَنَرْ دَ يَهْوٜىٰهْ يَغَيَ مَسَ غَمٜىٰدَ إِسْرَٰٓءِيلَ؞ عَمُواسْ طَيَنٜىٰ دَغَ ثِكِنْ مَكِيَايَنْ تُمَكِ نَغَرِنْ تٜىٰكُواْوَ؞ عَمُواسْ يَيِ مَغَنَرْ نَنْ، تُنْ شٜىٰكَرَا بِيُ كَاڢِنْ عَيِ ضَوَرْ ڧَسَا؞

2عَمُواسْ يَثٜىٰ، «دَغَ سِهِيُواْنَ، يَهْوٜىٰهْ يَنَ رُورِ، دَغَ عُرُوشَلِيمَ، مُرْيَرْسَ تَنَيِنْ ڟَاوَ؞ ڢِلَيٜىٰنْ ثِيَوَرْ مَاسُ كِيوُاْ سُنْ بُوشٜىٰ، كَنْ بَبَّنْ تُدُنْ كَرْمٜىٰلْ كُمَ يَبُوشٜىٰ؞»

3إِنْجِ يَهْوٜىٰهْ ، «مُتَنٜىٰنْ دِمَشْڧُ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُبَ، غَمَا سُنْبُغِ مُتَنٜىٰنْ غِلٜىٰيَدْ دَ سَنْدَنْ ڧَرْڢٜىٰ كَمَرْ سُو حَڟِنٜىٰ؞

4دُواْمِنْ حَكَ، ذَنْعَيْكَدَ وُتَا ثِكِنْ غِدَنْ هَظَيٜىٰلْ، وُتَرْ ذَاتَ ثِنْيٜىٰ وُرَارٜىٰنْ ٻُيَ نَ سَرْكِے بٜىٰنْهَدَدْ؞

5ذَنْ كَكَّرْيَ ڧَرَڢَنْ ڧُواْڢَرْ دِمَشْڧُ، إِنْكَوَرْدَ مَذَوْنَنْ ݣُورِنْ أَوٜىٰنْ؞ ذَنْ كَشٜىٰ سَرْكِنْ بٜىٰتٜىٰدٜىٰنْ، مُتَنٜىٰنْ سُورِيَ كُوَ ذَاسُ تَڢِے بَوْتَا عَڧَسَرْ كِرْ؞ نِے يَهْوٜىٰهْ ، نَا ڢَطَا؞»

6إِنْجِ يَهْوٜىٰهْ ، «مُتَنٜىٰنْ غَاظَ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُبَ، غَمَا سُنْ ݣُوشِ جَمَعَ دُكَ ذُوَا بَوْتَا، سُنْ سَيَرْ دَسُو بَايِ عَڧَسَرْ عٜىٰدُوامْ؞

7دُواْمِنْ حَكَ، نِے ذَنْ عَيْكَ دَ وُتَا عَكَنْ كَتَنْ‌غَرْ غَاظَ، وُتَرْ ذَاتَ ثِنْيٜىٰ وُرَارٜىٰنْ ٻُيَنْتَ؞

8ذَنْ كَوَرْدَ مَذَوْنَنْ أَشْدُوادْ، تَرٜىٰدَ سَرْكِنْ أَشْكٜىٰلُوانْ؞ هَنُّونَ ذَيْ يِغَابَادَ عٜىٰكْرُوانْ، ضَغُواْوَرْ ڢِلِسْتِيَ ذَاسُ هَلَّكَ! نِے عُبَنْ‌غِجِ يَهْوٜىٰهْ نَا ڢَطَا؞»

9إِنْجِ يَهْوٜىٰهْ ، «مُتَنٜىٰنْ تَيَ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُبَ، غَمَا سُنْ ݣُوشِ جَمَعَ دُكَ ذُوَا بَوْتَا، سُنْ سَيَرْ دَسُو بَايِ عَڧَسَرْ عٜىٰدُوامْ؞ بَسُ كُمَ تُنَ دَ يَرْجٜىٰجٜىٰنِيَ تَیَنْعُوَبَ؞

10دُواْمِنْ حَكَ، نِے ذَنْ عَيْكَ دَ وُتَا عَكَنْ كَتَنْ‌غَرْ تَيَ، وُتَرْ ذَاتَ ثِنْيٜىٰ وُرَارٜىٰنْ ٻُيَنْتَ؞»

11إِنْجِ يَهْوٜىٰهْ ، «مُتَنٜىٰنْ عٜىٰدُوامْ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُبَ، دُواْمِنْ سُنْبِے طَنْعُوَنْسُ دَ تَكُواْبِے، سُنْ بِے إِسْرَٰٓءِيلَ بَابُ تَوْسَيِ؞ ڢُشِنْ مُتَنٜىٰنْ عٜىٰدُوامْ يَيِ تَهَوْكَ، سُنْ رِڧٜىٰ ڢُشِنْسُ كَمْكَمْ؞

12دُواْمِنْ حَكَ، نِے ذَنْ عَيْكَ دَ وُتَا عَكَنْ تٜىٰمَنْ، وُتَرْ ذَاتَ ثِنْيٜىٰ وُرَارٜىٰنْ ٻُيَنْ بُواظْرَ؞»

13إِنْجِ يَهْوٜىٰهْ ، «مُتَنٜىٰنْ أَمُّوانْ سُنْيِ ذُنُوبِنْ غَنْ‌غَنْثِ، سُكَڧَارَ ذُنُوبِ عَكَنْ ذُنُوبِ؞ بَذَنْ دَيْنَ حُكُنْتَسُبَ، سَبُواْدَ سُنْ ڟَڟَّٰغَ مَاتَا مَاسُثِكِ عَيَنْكِنْ غِلٜىٰيَدْ، دُواْمِنْ سُڧَارَ إِيَاكَرْ ڧَسَرْسُ؞

14دُواْمِنْ حَكَ، نِے ذَنْ كُنَّ وُتَا عَكَنْ كَتَنْ‌غَرْ رَبَّهْ، وُتَرْ ذَاتَ ثِنْيٜىٰ وُرَارٜىٰنْ ٻُيَنْتَ، ذَاعَيِ إِيهُ أَ رَانَرْ يَاڧِ، كَمَرْ إِسْكَ دَ غُوغُوَ مَيْ ٻَرْنَ؞

15سَرْكِنْسُ كُوَ ذَيْ تَڢِے بَوْتَا، شِے دَ دَتَّاوَنْسَ دُكَ؞ نِے يَهْوٜىٰهْ نَا ڢَطَا؞»

Jump to: Chapter 2 →