Amos 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1سَعَنً عُبَنْ‌غِجِ يَهْوٜىٰهْ يَنُونَ مِنِ وَتَ رُعُيَ؞ عَثِكِنْتَ نَغَ وَنِ ݣُونْدُواْ ثِكٜىٰ دَ یَیَنْ إِتَاثٜىٰ وَطَنْدَ سُكَ نُونَ؞

2سَيْ يَهْوٜىٰهْ يَثٜىٰ «عَمُواسْ، مٜىٰ كَغَنِ؟» سَيْ نَثٜىٰ «نَغَ ݣُونْدُوانْ یَیَنْ إِتَاثٜىٰنْ دَ سُكَ نُونَ؞» سَيْ يَهْوٜىٰهْ يَثٜىٰ، «كَمَرْ يَدَّ یَیَنْ إِتَاثٜىٰنَّنْ سُنْ كَيْ يَدَّ ذَاعَ ثِ، حَكَ ذُنُبَنْ مُتَنٜىٰنَ سُنْ كَيْ يَدَّ ذَاعَ حُكُنْتَسُ؞ ڧَرْشٜىٰ يَذُواْ وَمُتَنٜىٰنَ إِسْرَٰٓءِيلَ، بَذَنْ ڧَارَ ڨَلٜىٰ ذُنُبَنْسُبَ؞

3أَ رَانَرْ نَنْ وَاڧُواْڧِنْكُ أَ هَيْكَلِ ذَاسُ كُواْمَ كُوكَنْ بَڧِنْ ثِكِ؞» إِنْجِ عُبَنْ‌غِجِ يَهْوٜىٰهْ ، «غَوَوَّكِ ذَاسُيِيَوَ، ذَاعَ سَامٜىٰسُ عَكُواْوَنٜىٰ وُرِے، بَذَاعَجِ مُواْڟِنْ كُواْمٜىٰبَ؞»

4«كُجِ وَنَّنْ، كُو دَ كُكٜىٰ تَتَّاكٜىٰ مَاسُ بُڧَاتَ، كُنَ هَلَّكَرْ دَ مَتَلَوْتَ نَڧَسَرْ؞

5كُنَثٜىٰ وَكَنْكُ، ‹يَوْشٜىٰ بِكٍ سَابُوانْ وَتَ ذَيْ وُثٜىٰ، دُواْمِنْ مُسَيَرْ دَ حَڟِنْمُ؟ يَوْشٜىٰ رَانَرْ هُوتُ تَمَكُواْ ذَاتَ ڧَارٜىٰ، مُسَامِ دَامَ مُكَيْ أَلْكَمَرْمُ عَكَاسُوَ؟ ثِكِنْ كَاسُوَنْثِنْمُ ذَامُيِ أَوُاْ دَ وَيُواْ، مُسَيَرْ دَ ڟَادَ، مُبُبُّغَ غِنْدِنْ مُودُ يَدَّ ذَامُ ثُوثِ مَيْسَيَ؞

6أَيْ، ذَامُ عِيَ سَيِ تَلَكَ يَذَمَ بَاوَ دُواْمِنْ بَيْ عِيَ بِيَ أَظُرْڢَابَ؞ حَكَ مَا مَيْ بُڧَاتَ، دُواْمِنْ بَيْ عِيَ بِيَ كُطِنْ تَاكَلْمَنْ كُواْرَرْ شَانُوبَ؞ ذَامُ سَيَرْ دَ حَڟِ مَرَرْ ݣَوْ دَ ڟَادَ؞› »

7يَهْوٜىٰهْ وَنْدَ يَعْڧُوبَ يَبَاشِ دَرَجَ، يَرَنْڟٜىٰ ثٜىٰوَ «بَاشَكَّ، بَذَنْ تَٻَ مَنْتَادَ مُوغَيٜىٰنْ أَيُّكَنْكُبَ؞

8ڧَسَا كُوَ ذَاتَ يِ ضَوَ سَبُواْدَ ذُنُبَنْكُ، كُواْوَ دَيَكٜىٰ ثِكِنْتَ ذَيْ يِبَڧِنْ ثِكِ، ذَاتَهَوْ تَتَڢَسَ تَسَوْكَ كَمَرْ ضُوً كُواْغِنْ نِلُ، بَابُ ذَمَنْ لَاڢِيَ؞

9«أَ رَانَرْ نَنْ، ذَنْسَا رَانَ تَڢَاطِ دَ ڟَكَرْ رَانَ، أَنَ رَانَ، دُونِيَا ذَاتَ دُهُنْتَ؞ نِے عُبَنْ‌غِجِ يَهْوٜىٰهْ نَا ڢَطَا؞

10ذَنْ مَيْدَ بُكُكُوَنْكُ سُذَمَ أَبِنْ بَڧِنْ ثِكِ؞ دُكَنْ وَاڧُواْڧِنْكُ ذَاسُ ذَمَ وَاڧُواْڧِنْ كُوكَنْ مُتُوَ؞ ذَنْسَا ڟُمُّواْكِ سُذَمَ رِيغُنَنْكُ، إِنْمَيْدَ كَوُنَنْكُ كَمَرْ نَ عُنْ‌غُلُ؞ ذَاكُيِ كُوكَا كَمَرْ إِيَايٜىٰنْ دَ سُكَ رَسَ طَنْسُ طَيَ تَكْ؞ عَڧَرْشٜىٰ، رَانَرْ ذَاتَ ذَمَ دَ طَاثِ ڨُورَيْ!»

11إِنْجِ عُبَنْ‌غِجِ يَهْوٜىٰهْ ، «حَڧِيڧَ ݣُونَكِنْ سُنَ ذُوَا دَ ذَنْ عَيْكُواْ دَ يُنْوَ عَڧَسَرْ؞ بَ يُنْوَرْ عَبِنْثِبَ، بَ نَڧِشِنْ ضُوَبَ، عَمَّا يُنْوَرْ رَشِنْ سَامُنْ سَڧُوانْ يَهْوٜىٰهْ ؞

12ذَاسُيِ تَكَيْوَ دَ كَٰوُاْوَ دَغَ تٜىٰكُ ذُوَا تٜىٰكُ، دَغَ أَرٜىٰوَ ذُوَا غَبَسْ؞ ذَاسُيِ تَغُدُ غَبَ دَ بَايَ، سُنَ نٜىٰمَنْ سَڧُوانْ يَهْوٜىٰهْ ، عَمَّا بَذَاسُ سَامُبَ؞

13أَ رَانَرْ نَنْ ݣَوَوَنْ بُدُرْوَيْ دَ سَمَارِ ذَاسُسُمٜىٰ دُواْمِنْ ڧِشِنْ ضُوَ؞

14وَطَنْدَ سُكَيِ ضَنْڟُوَا دَ غُنْكِنْ سَمَرِيَ سُنَ ثٜىٰوَ ‹نَا ضَنْڟٜىٰ دَ غُنْكِ نَ دَن›، كُواْ ‹نَا ضَنْڟٜىٰ دَ غُنْكِ نَ بٜىٰيٜىٰرْشٜىٰبَ،› إِرِنْ مُتَنٜىٰنَّنْ ذَاسُڢَاطِ بَذَاسُ ڧَارَ تَاشِبَ؞»

← Chapter 7 Jump to: Chapter 9 →