Amos 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to:

1نَغَ عُبَنْ‌غِجِ أَڟَيٜىٰ وُرِنْ بَغَدٜىٰنْ؞ يَثٜىٰ، «بُغِ كَوُنَنْ غِنْشِڧَنْ هَيْكَلِنْ حَرْ تُوشٜىٰنْ غِنِنْ يَغِرْغِظَ؞ ڢَرْڢَشٜىٰسُ دُواْمِنْ غِنِنْ يَڢَڢَّاطِ عَكَنْ كَوُنَنْ مُتَنٜىٰ؞ مُتَنٜىٰنْ دَ سُكَ ڟِيرَا، تَكُواْبِنْ يَاڧِ ذَيْ كَكَّشٜىٰسُ؞ بَابُوَنْدَ ذَيْ غُدُ يَكُٻُتَ، بَابُوَنْدَ ذَيْ ڟِيرَا كُمَ؞

2كُواْ دَ سُنْ حَڧَ رَامِ ذُوَا وُرِنْ ذَمَنْ مَتَتُّو، ذَنْسَا هَنُّونَ إِنْكَامَسُ؞ كُواْ سُنْيِ ڟَلّٜىٰ ذُوَا سَمَ ذَنْ سَوْكَرْ دَسُو دَغَ وُرِنْ؞

3كُواْ دَ سُنْ ٻُواْيٜىٰ كَنْسُ عَكَنْ بَبَّنْ تُدُنْ كَرْمٜىٰلْ، ذَنْ نٜىٰمٜىٰسُ أَوُرِنْ إِنْكَامَسُ؞ كُواْ دَ سُنْ ٻُواْيٜىٰ دَغَ غَرٜىٰنِ عَڧَرْڧَشِنْ تٜىٰكُ، أَوُرِنْ ذَنْسَا مَثِيجِنْ تٜىٰكُ يَسَارٜىٰسُ؞

4كُواْ دَ سُنْ تَڢِے بَوْتَا عَڧَسَرْ أَبُواْكَنْ غَابَنْسُ، أَوُرِنْ ذَنْ عُمَرْتَ عَكَكَّشٜىٰسُ دَ تَكُواْبِنْ يَاڧِ؞ ذَنْسَا مُسُ عِدُواْ، عَمَّا عِدُوانْ مَسِيڢَ بَنَأَلْحٜىٰرِبَ؞»

5عُبَنْ‌غِجِ يَهْوٜىٰهْ مَيْ ضُنْدُنَا ، شِے وَنْدَ يَتَٻَ دُونِيَا تَغِرْغِظَ، دُكْ مَذَوْنَنْ ثِكِنْتَ سُكَيِ كُوكَا، دُكَنْ دُونِيَا تَتَاشِ تَسَوْكَ كَمَرْ كُواْغِنْ نِلُ أَ مَصَرْ،

6شِے وَنْدَ يَغِنَ مَتَاكَنْ سَمَّيْ، يَكَڢَ سَرَرِنْ سَمَ عَدُونِيَا، وَنْدَ يَجَٰوُاْ ضُوَ دَغَ تٜىٰكُ يَجُويَ شِ عَبُوسَشِّيَرْ ڧَسَا، يَهْوٜىٰهْ نٜىٰ سُونَنْسَ!

7يَهْوٜىٰهْ يَثٜىٰ «يَا كُو مُتَنٜىٰنْ إِسْرَٰٓءِيلَ، أَغَرٜىٰنِ بَكُڢِ مُتَنٜىٰنْ إِتِيُواْڢِيَ بَ؞ حَڧِيڧَ، نَڢِتَرْ دَكُو إِسْرَٰٓءِيلَاوَا دَغَ مَصَرْ، بَنْدَكُو مَا، نَكَٰوُاْ ڢِلِسْتِيَاوَا دَغَ كِرِتْ، سُرِيَاوَا كُمَ دَغَ كِرْ؞

8غَاشِ، إِدَانُنْ عُبَنْ‌غِجِ يَهْوٜىٰهْ سُنَ عَكَنْ مُلْكِنَّنْ مَيْ ذُنُوبِ؞ ذَنْ هَلَّكَ مُلْكِنَّنْ دَغَ ڢُسْكَرْ دُونِيَا، عَمَّا بَذَنْ هَلَّكَ غِدَنْ يَعْڧُوبَ دُكَبَ؞ نِے يَهْوٜىٰهْ نَا ڢَطَا؞

9«غَاشِ، ذَنْبَادَ عُمَرْنِ، أَبُواْكَنْ غَابَنْكُ ذَاسُ رَيْرَايٜىٰ غِدَنْ إِسْرَٰٓءِيلَ كَمَرْ يَدَّ عَكَنْ رَيْرَايٜىٰ يَشِ دَغَ دُوَڟُو، بَابُ دُوڟٜىٰنْ دَ ذَيْ ڢَاطِ عَثِكِنْ يَشِ؞ مُوغَيٜىٰنْ ذَاعَ يَرْ دَسُو، مَاسُ أَمِنْثِ كُمَ ذَاعَ وَرْوَاڟَرْ دَسُو ثِكِنْ أَلْعُمَّيْ؞

10دُكَنْ مَاسُ ذُنُوبِ عَثِكِنْ مُتَنٜىٰنَ ذَاسُ مُتُ تَتَكُواْبِنْ يَاڧِ، وَتُواْ وَطَنْدَ سُكٜىٰثٜىٰوَ ‹أَيْ، بَا وَتَ مَسِيڢَرْ دَ ذَاتَ سَامٜىٰمُ، بَذَيْ مَا كُسَنْثٜىٰمُبَ؞› »

11«أَ رَانَرْ نَنْ ذَنْ سَاكٜىٰ تَادَ غِدَنْ دَاوُدَ وَنْدَ يَڢَاطِ؞ ذَنْ ڠَرَ عِنْدَ يَلَلَثٜىٰ، إِنْسَاكٜىٰ غِنَاشِ كَمَرْ يَدَّ يَكٜىٰ أَدَا؞

12مُتَنٜىٰنْ إِسْرَٰٓءِيلَ كُوَ ذَاسُ مَلَّكِ دُكْ أَبِنْدَ يَضَغٜىٰ نَ عٜىٰدُوامْ، سُكُمَ مَلَّكِ سَوْرَنْ أَلْعُمَّنْدَ دَا أَنَ كِرَنْسُ دَ سُونَنَ؞ نِے يَهْوٜىٰهْ نَا ڢَطَا، ذَنْ كُوَ ثِكَ؞»

13يَهْوٜىٰهْ يَا ثٜىٰ، «ݣُونَكِے سُنَ ذُوَا عِنْدَ مَيْ نُواْمَ ذَيْبِے بَايَنْ مَيْ غِرْبِے نَنْ دَنَنْ؞ مَيْ مَڟٜىٰوَرْ یَیَنْ إِنَبِے كُمَ ذَيْبِے بَايَنْ مَيْ شُوكَ نَنْ دَنَنْ؞ تُدَّيْ كُوَ ذَاسُدِنْ‌غَ ظُبُواْوَ سَابُوانْ ضُوً إِنَبِے، ڧأَنَانً تُدَّيْ كُمَ ذَاسُ ظُبَرْدَ ضُوً إِنَبِے كُواْعِنَ؞

14ذَنْ مَيَرْ وَجَمَعَتَ إِسْرَٰٓءِيلَ دَ أَلْبَرْكُنْتَ، ذَاسُ سَاكٜىٰ غِنَا بِرَنٜىٰنْ دَ سُكَ ذَمَ كُڢَيْ، سُذَوْنَ عَثِكِنْسُ؞ ذَاسُ نُواْمٜىٰ غُواْنَرْسُ سُثِ أَمْڢَانِنْسُ؞

15ذَنْ شُوكَسُ عَڧَسَرْ، بَذَاعَ ڧَارَ تُمْٻُكٜىٰسُ دَغَ ڧَسَرْسُ وَدَّ نَكٜىٰبَاسُبَ؞ نِے يَهْوٜىٰهْ نَا ڢَطَا؞»

← Chapter 8 Jump to: