Amos 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1يَا غِدَنْ إِسْرَٰٓءِيلَ، كُكَسَ كُنّٜىٰ غَ كَلْمُواْمِنْ وَاڧَرْ مَكُواْكِنْ دَ ذَنْيِ عَكَنْكُ!

2وَيُّواْ! بُدُرْوَتَ إِسْرَٰٓءِيلَ تَڢَاطِ، بَذَاتَ سَاكٜىٰ تَاشِبَ؞ أَنْ بَرْتَ عَݣُونْثٜىٰ عَڧَسَا، بَابُوَنْدَ ذَيْ تَاشٜىٰتَ؞

3غَمَا إِنْجِ عُبَنْ‌غِجِ يَهْوٜىٰهْ ، «بِرْنِنْدَ يَڢِتَرْدَ سُواْجُواْجِ دُبُو، غُدَا طَرِے نٜىٰ كَثَلْ ذَاسُ كُواْمُواْ! بِرْنِنْدَ يَڢِتَرْدَ سُواْجُواْجِ طَرِے، غُدَا غُواْمَ نٜىٰ كَثَلْ ذَاسُ كُواْمُواْ!»

4إِنْجِ يَهْوٜىٰهْ ، «يَا غِدَنْ إِسْرَٰٓءِيلَ، كُنٜىٰمٜىٰنِ، ذَاكُ كُوَ رَايُ؞

5عَمَّا كَدَ كُنٜىٰمٜىٰنِ تَوُرِنْ غُمَكَ أَ بٜىٰتٜىٰلْ، كُواْ كُوَ كُشِغَ غِلْغَلْ، كُواْ كُڧٜىٰتَرٜىٰ ذُوَا بٜىٰيٜىٰرْشٜىٰبَ؞ غَمَا مُتَنٜىٰنْ غِلْغَلْ، ذَاعَ ݣُوشٜىٰسُ بَوْتَا بٜىٰتٜىٰلْ كُمَ ذَاتَ ذَمَ أَبِنْ بَنْظَ؞

6كُنٜىٰمِ نِے يَهْوٜىٰهْ ، ذَاكُ كُوَ رَايُ؞ إِنْ بَهَكَبَ، ذَنْ ٻَرْكٜىٰ غِدَنْ يُوسُڢَ كَمَرْ وُتَا، وُتَرْ ذَاتَ ثِنْيٜىٰ بٜىٰتٜىٰلْ؞ بَابُ مَيْ عِيَ كَشٜىٰ وُتَرْ!

7كَيْتُوانْكُ، كُو دَ كُكَ جُويَا شَرِيعَرْ غَسْكِيَ تَذَمَ دَ طَاثِ غَ تَلَكَاوَا، كُنَ دَنّٜىٰ أَدَلْثِے حَرْ ڧَسَا!»

8وَنْدَ يَحَلِثِّ ڧُنْ‌غِيُواْيِنْ تَوْرَرِنَّنْ كَظَ دَ یَیَنْتَ دَ كُمَ مَڢَرَوْثِ دَ كَرٜىٰ دَ ذُواْمُواْ، وَنْدَ يَمَيْدَ بَڧِنْ دُهُ سَاڢِيَ، وَنْدَ يَمَيْدَ رَانَ دُهُ، وَنْدَ يَكٜىٰ جَنْ ضُوً تٜىٰكُ يَجُويَ شِ أَ ڢُسْكَرْ ڧَسَا أَمَڟَيِنْ ضُوً سَمَ، سُونَنْسَ يَهْوٜىٰهْ نٜىٰ!

9يَكَنْ كَٰوُاْ هَلَّكَ غَ مَيْ ڧَرْڢِے، دُواْمِنْ هَلَّكَ تَرُشٜىٰ بِرَنٜىٰ مَاسُ كَتَنْ‌غَ؞

10كُو جَمَعَرْ إِسْرَٰٓءِيلَ، كُنْڧِ مَيْ ڟَيَاوَا عَكَنْ أَدَلْثِے أَوُرِنْ تَارُوَ عَڧُواْڢَرْ غَرِ، دَ مَيْ ڢَطِنْ عَيْنِحِنْ غَسْكِيَ؞

11حَڧِيڧَ، كُنَ مَڟَا وَتَلَكَاوَا لَمْبَ، كُنَ تِلَسْتَسُ سُبَاكُ عَبِنْثِنْسُ؞ سَبُواْدَ حَكَ كُنَ غِنَا ݣَوَوَنْ غِدَاجٜىٰ دَ دُووَڟُنْ دَ عَكَ سَسَّڧَ، عَمَّا بَذَاكُ ذَوْنَ عَثِكِنْسُبَ؞ كُنْ نُواْمٜىٰ ݣَوَوَنْ غُواْنَكِنْ إِنَبِنْكُ، عَمَّا بَذَاكُ شَا ضُوَنْسُبَ!

12نَسَنْ يَوَنْ ذُنُبَنْ غَنْ‌غَنْثِنْ دَ كُكٜىٰيِ، دَ كُمَ غِرْمَنْ ذُنُبَنْكُ؞ كُنَ وُلَڧَنْتَ مُتَنٜىٰنْ كِرْكِ، كُنَ ثِنْ حَنْثِ؞ كُنَ حَنَ عَيِ وَمَرَسَ ڧَرْڢِے شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ؞

13حَڧِيڧَ، أَ لُواْكَثِ كَمَرْ حَكَ، مَاسُ حِكِمَ سُكَنْ كَمٜىٰ بَاكِنْسُ، غَمَا مُوغُنْ ݣُونَكِے نٜىٰ؞

14كُنٜىٰمَ يِنْ أَبِنْكِرْكِ، بَمُغُنْتَابَ، دُواْمِنْ كُرَايُ، دُواْمِنْ يَهْوٜىٰهْ اللَّهْ مَيْ ضُنْدُنَا يَكَسَنْثٜىٰ دَكُو، كَمَرْ يَدَّ كُكَيِ مَغَنَ؞

15كُڧِ مُغُنْتَا، كُسُواْ أَبُ مَيْݣَوْ، كُكَڢَ شَرِيعَرْ غَسْكِيَ أَوُرِنْ تَارُوَ عَڧُواْڢَرْ غَرِ؞ وَتَڧِيلَ يَهْوٜىٰهْ اللَّهْ مَيْ ضُنْدُنَا ذَيْ يِوَ ضَغُواْوَرْ ذُرِيَرْ يُوسُڢَ أَلْحٜىٰرِ؞

16حَڧِيڧَ، إِنْجِ يَهْوٜىٰهْ اللَّهْ مَيْ ضُنْدُنَا، وَنْدَ شِينٜىٰ عُبَنْ‌غِجِ ، «ذَاعَيِ كُوكَا عَتِيتُنَ، ذَاعَ جِ كُوكَنْ عَذَابَ أَ ڢِيلَيٜىٰ نَثِكِنْ غَرِ؞ ذَاعَكِرَا مَنُواْمَ سُذُواْ سُيِ كُوكَا، مَاسُ عِيَ كُوكَا سُواْسَيْ سُذُواْ سُيِتَيِ؞

17عَثِكِنْ دُكَنْ غُواْنَكِنْ إِنَبِنْكُ ذَاعَيِ تَكُوكَا؞ غَمَا ذَنْ شِغَ ثِكِنْكُ، إِنْيِ مُكُ حُواْرُواْ؞ نِے يَهْوٜىٰهْ نَا ڢَطَا؞

18كَيْتُوانْكُ، كُو دَ كُكٜىٰ مَرْمَرِنْ رَانَرْ يَهْوٜىٰهْ! مٜىٰ رَانَرْ يَهْوٜىٰهْ ذَاتَ أَمْڢَانٜىٰكُ؟ أَيْ، رَانَرْ دُهُثٜىٰ، بَ رَانَرْ حَصْكٜىٰبَ!

19ذَيْ ذَمَ كَمَرْ وَنْدَ يَكُٻُثٜىٰ وَذَاكِ، يَڢَاطَوَ مُوغُوَرْ دَبَّرْ نَنْ بٜىٰيَرْ؞ كُواْ كُوَ كَمَرْ وَنْدَ يَشِغَ غِدَا، يَسَا حَنُّنْسَ عَبَنْ‌غُواْ، سَيْ مَثِيجِ يَسَارٜىٰشِ؞

20رَانَرْ يَهْوٜىٰهْ رَانَرْ دُهُ ثٜىٰ، بَ رَانَرْ حَصْكٜىٰبَ؞ رَانَرْ بَڧِنْ ثِكِثٜىٰ دَ دَامُوَ، بَ رَانَرْ مُرْنَ بَثٜىٰ؞»

21إِنْجِ يَهْوٜىٰهْ ، «نَڧِ بُكُكُوَنْكُ نَأَدِّينِ إِنَ مَا ڨَمَرْ مُهِمَّنْ تَارُوانْكُ!

22كُواْ دَ كُنْ مِيڧَ مِنِ هَدَايُنْكُ نَڧُواْنَاوَا، دَ هَدَايُنْكُ نَهَڟِ، بَذَنْ كَرْٻَبَ؞ بَذَنْ كُمَ كَرْٻِ دَبُّواْبِنْكُ مَاسُ ڧِبَ وَطَنْدَ كُكَ مِيڧَ مِنِ هَدَايُنْ ڠَرَنْ زُمُنْثِبَ؞

23كُكَوَرْ مِنِ دَ ڧَارَرْكُ تَوَاڧُواْڧِ، بَذَنْ سَوْرَرِ كِطِنْ مُواْلَيٜىٰنْكُبَ؞

24عَمَّا بَرِ أَ عَيْكَتَ شَرِيعَرْ غَسْكِيَ، تَكَسَنْثٜىٰ كُواْعِنَ كَمَرْ ضُوً رَاڢِ مَيْ غُدُ؞ أَدَلْثِے كُمَ كَمَرْ كُواْغِنْ دَ بَايَ بُوشٜىٰوَ؞

25«يَا كُو غِدَنْ إِسْرَٰٓءِيلَ! بَنْكُوَ نٜىٰمِ هَدَايُ دَ بَيٜىٰ بَيٜىٰ ثِكِنْ شٜىٰكَرَا أَرْبَعِنْ دَ كُكَيِ أَدَاجِبَ؞

26عَمَّا كُكَ طَوْكِ صِڢُّواْڢِنْ غُمَكَنْكُ وَطَنْدَ كُكَيِ وَكَنْكُ، وَتُواْ سِكُّتْ غُنْكِنْكُ دَ كُكٜىٰكِرَا سَرْكِے، دَ كَيْوَنْ غُنْكِنْكُ مَيْ صِڢَّرْ تَوْرَرُواْ؞

27سَبُواْدَ حَكَ نِے ذَنْ طَوْكٜىٰكُ بَوْتَا ذُوَا وَتَ ڧَسَا غَبَسْ دَ دِمَشْڧُ؞ نِے يَهْوٜىٰهْ ، نَا ڢَطَا، وَنْدَ سُونَنَ اللَّهْ مَيْ ضُنْدُنَا نٜىٰ؞»

← Chapter 4 Jump to: Chapter 6 →