Amos 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1غَا أَبِنْدَ عُبَنْ‌غِجِ يَهْوٜىٰهْ يَنُونَ مِنِ ثِكِنْ رُعُيَ؞ نَغَ يَنَ يِنْ ڢَارِ مَاسُيَوَنْ غَسْكٜىٰ بَايَنْدَ عَكَ يَنْكَ أَمْڢَانِنْ غُواْنَ دُواْمِنْ سَرْكِے دَيْدَيْ سَابُوَرْ ثِيَوَ تَنَ تُواْهُوَ؞

2عَثِكِنْ رُعُيَرْ، نَغَ ڢَارِ سُنْثِنْيٜىٰ كُواْوَنٜىٰ طَنْيٜىٰنْ غَنْيٜىٰ عَڧَسَرْ، سَيْ نَثٜىٰ، «يَا عُبَنْ‌غِجِ يَهْوٜىٰهْ ، إِنَ ضُواْڧُوانْكَ، كَغَاڢَرْتَا وَجَمَعَرْكَ! يَيَ ذُرِيَرْ يَعْڧُوبَ ذَاسُ ڟِيرَا؟ غَا سُو كُوَ یَنْ كَطَنْ نٜىٰ!»

3سَيْ يَهْوٜىٰهْ يَثَنْجَ نِيَّرْسَ تَيِنْ حَكَ يَثٜىٰ «وَنَّنْ بَذَيْ ڢَرُبَ؞»

4سَعَنً عُبَنْ‌غِجِ يَهْوٜىٰهْ يَسَاكٜىٰ نُونَ مِنِ وَتَ رُعُيَ؞ سَيْ نَغَ عُبَنْ‌غِجِ يَهْوٜىٰهْ يَنَ كِرَا وُتَا تَحُكُنْتَ جَمَعَرْسَ؞ وُتَرْ كُوَ تَثِنْيٜىٰ ظُرْڢَڢَّنْ تٜىٰكُ، حَرْ مَا تَنَ ثِنْيٜىٰ ڧَسَرْ؞

5سَيْ نَثٜىٰ، «يَا عُبَنْ‌غِجِ يَهْوٜىٰهْ ، إِنَ ضُواْڧُوانْكَ، كَبَرِ! يَيَ ذُرِيَرْ يَعْڧُوبَ ذَاسُ ڟِيرَا؟ غَا سُو كُوَ یَنْ كَطَنّٜىٰ!»

6يَهْوٜىٰهْ كُوَ يَثَنْجَ نِيَّرْسَ تَيِنْ حَكَ، «وَنَّنْ مَا بَذَيْ ڢَرُبَ؞ نِے عُبَنْ‌غِجِ يَهْوٜىٰهْ نَاڢَطَا؞»

7غَا أَبِنْدَ يَهْوٜىٰهْ يَسَاكٜىٰ نُونَ مِنِ أَوَتَ رُعُيَرْ؞ أَ رُعُيَرْ، نَغَنْ شِ أَڟَيٜىٰ كُسَدَ وَنِ بَنْ‌غُواْ وَنْدَ عَكَ غِنَا دَ تَيْمَكُوانْ إِغِيَرْ ڠُوجِنْ غِنِ؞ يَهْوٜىٰهْ يَنَ رِڧٜىٰ دَ إِغِيَرْ ڠُوجِنْ غِنِنْ أَ حَنُّنْسَ؞

8سَيْ يَهْوٜىٰهْ يَثٜىٰ مِنِ، «عَمُواسْ، مٜىٰكَغَنِ؟» سَيْ نَأَمْسَ «إِغِيَرْ ڠُوجِنْ غِنِ؞» سَيْ يَهْوٜىٰهْ يَثٜىٰ، «حَڧِيڧَ دَ إِغِيَرْ ڠُوجِنَّنْ ذَنْ نُونَ يَدَّ مُتَنٜىٰنَ إِسْرَٰٓءِيلَ سُنَ كَمَ دَ بَنْ‌غُوانْ دَ بَيْ مِيڧٜىٰ دَيْدَيْبَ؞ بَذَنْ ڧَارَ ڨَلٜىٰ ذُنُبَنْسُبَ؞

9ذَاعَ رُشٜىٰ وُرَارٜىٰنْ سُجَّدَ عَكَنْ تُدَّيْ نَظُرِيَرْ إِسْحَٰڧَ، وُرَارٜىٰنْ سُجَّدَ نَ إِسْرَٰٓءِيلَ كُمَ ذَاسُ ذَمَ كُڢَيْ؞ ذَنْ تَادَ تَكُواْبِنْ يَاڧِ نَغَابَادَ غِدَنْ يٜىٰرُواْبُواْوَمْ؞»

10سَيْ أَمَظِيَ، ڢِرِسْتِ نَ بٜىٰتٜىٰلْ، يَعَيْكَ دَ سَڧُواْ ذُوَا وُرِنْ سَرْكِے يٜىٰرُواْبُواْوَمْ نَ إِسْرَٰٓءِيلَ ثٜىٰوَ «غَا عَمُواسْ يَنَ ڧُلّٜىٰ ڧُلّٜىٰ عَكَنْكَ عَثِكِنْ غِدَنْكَ إِسْرَٰٓءِيلَ؞ أَبِنْ دَيَكٜىٰ ڢَطِ، ذَيْ رِكِتَرْدَ ڧَسَرْ؞

11غَمَا عَمُواسْ يَنَ ثٜىٰوَ « ‹يٜىٰرُواْبُواْوَمْ ذَيْ مُتُ عَيَاڧِ، ذَاعَ ݣُوشِ مُتَنٜىٰنْ إِسْرَٰٓءِيلَ دَغَ ڧَسَرْسُ ذُوَا بَوْتَا أَوَتَ ڧَسَا؞› »

12سَيْ أَمَظِيَ يَثٜىٰ وَ عَمُواسْ «يَا كَيْ مَيْ غَنِ! كَكُواْمَ ڧَسَرْ يَهُودَ، كَتَڢِے كَنٜىٰمِ عَبِنْثِنْكَ أَوُرِنْ، كَيِ تَأَنَّبْثِنْكَ عَثَنْ؞

13عَمَّا كَدَ كَڧَارَ يِنْ أَنَّبْثِ أَ بٜىٰتٜىٰلْ؞ غَمَا بٜىٰتٜىٰلْ وُرِنْ سُجَّدَ نٜىٰ نَسَرْكِے، كُمَ أَنَنْ نٜىٰ هَيْكَلِنْ مُلْكِنْسَ؞»

14سَيْ عَمُواسْ يَأَمْسَا وَ أَمَظِيَ يَثٜىٰ «دَا مَا نِے بَ أَنَّبِے بَنٜىٰ، وَنَّنْ كُوَ بَ عَيْكِنَ بَنٜىٰ؞ دَا مَا نِے مَكِيَايِنْ تُمَكِ نٜىٰ، إِنَ كُمَ لُورَ دَ عِتَتُوَنْ دُرُمِ؞

15سَيْ يَهْوٜىٰهْ يَطَوْكٜىٰنِ دَغَ كِيوُانْ غَرْكٜىٰنْ تُمَكِ؞ يَثٜىٰ مِنِ، ‹تَڢِے، كَيِ أَنَّبْثِ غَ مُتَنٜىٰنَ نَ إِسْرَٰٓءِيلَ؞›

16«تُواْ، يَنْذُ كَجِ مَغَنَرْ يَهْوٜىٰهْ ، كَيْ دَ كَكٜىٰثٜىٰوَ كَدَ إِنْيِ أَنَّبْثِ أَ غِدَنْ إِسْرَٰٓءِيلَ، كَدَ إِنْڟَاوَتَا وَ غِدَنْ إِسْحَٰڧَ؞

17سَبُواْدَ حَكَ إِنْجِ يَهْوٜىٰهْ ، ‹مَاتَرْكَ ذَاتَ ذَمَ كَارُوَ عَبِرْنِ، یَیَنْكَ مَظَا دَ مَاتَا، ذَاعَ كَكَّشٜىٰسُ دَ تَكُواْبِے؞ ڢِيلِنْ غُواْنَرْكَ، ذَاعَ رَرَّبَشِ، كَيْ كَنْكَ ذَاكَ مُتُ عَڧَسَرْدَ تَڧَظَنْتُ؞ جَمَعَرْ إِسْرَٰٓءِيلَ كُوَ، حَڧِيڧَ ذَاعَ ݣُوشٜىٰسُ دَغَ ڧَسَرْسُ ذُوَا بَوْتَا أَوَتَ ڧَسَا؞› »

← Chapter 6 Jump to: Chapter 8 →