Ephesians 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ، مَنْذُوانْ أَلْمَسِيحُ عِيسَىٰ بِسَغَ نُڢِنْ اللَّهْ ، ذُوَاغَ ڟَرْكَكَا وَطَنْدَ سُكٜىٰ أَعَڢِسَ، وَطَنْدَ سُكٜىٰ دَ أَمِنْثِ ثِكِنْ بِنْ أَلْمَسِيحُ عِيسَىٰ ؞

2أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

3أَلْبَرْكَ تَا تَبَّتَا غَ اللَّهْ ، عُبَنْ عُبَنْ‌غِجِنْمُ عِيسَىٰ أَلْمَسِيحُ! شِينٜىٰ اللَّهْ وَنْدَ تَوُرِنْ أَلْمَسِيحُ يَ أَلْبَرْكَثٜىٰمُ دَ كُواْوَثٜىٰ أَلْبَرْكَ تَرُوحَنِيَ ثِكِنْ مُلْكِنْسَ أَ سَمَّيْ؞

4يَذَاٻٜىٰمُ تَوُرِنْ ذَمَنْمُ طَيَ دَ أَلْمَسِيحُ تُنْ بَعَحَلِثِّ دُونِيَابَ، دُواْمِنْ مُذَمَ مَاسُ ڟَرْكِے، مَرَسَ لَيْڢِے أَغَبَنْسَ؞ سَبُواْدَ ڧَوْنَرْسَ،

5اللَّهْ يَارِغَا يَڧَدَّرَمُ مُذَمَ یَیَنْسَ تَوُرِنْ عِيسَىٰ أَلْمَسِيحُ ، بِسَغَ نُڢِنْسَ نَأَلْحٜىٰرِ؞

6يَيِ حَكَ دُواْمِنْ مُيَبِے دَرَجَرْ أَلْحٜىٰرِنْسَ دَ يَبَامُ ݣَوْتَا عَيَلْوَثٜىٰ تَوُرِنْ طَنْسَ دَيَكٜىٰ ڧَوْنَ؞

7ثِكِنْ أَلْمَسِيحُ نٜىٰ مُكَ سَامِ ڢَنْسَ تَوُرِنْ جِنِنْسَ، وَتُواْ يَاڢٜىٰوَرْ ذُنُبَنْمُ، بِسَغَ أَلْحٜىٰرِنْسَ عَيَلْوَثٜىٰ،

8وَنْدَ يَبَامُ عَيَلْوَثٜىٰ تَرٜىٰ دَ حِكِمَ مَرَرْ إِيَاكَ دَ كُمَ بَسِيرَ؞

9اللَّهْ يَسَا مُكَ سَنْ أَسِيرِنْ نُڢِنْسَ بِسَغَ أَبِنْدَ يَنُڢَ، وَنْدَ يَاكُمَ شِرْيَ يَثِكَ تَوُرِنْ أَلْمَسِيحُ ؞

10نُڢِنْسَ كٜىٰنَنْ، عِدَنْ لُواْكَثِ يَثِكَ، يَهَرْهَطَ دُكَنْ أَبُبُوَ عَڧَرْڧَشِنْ إِيكُوانْ أَلْمَسِيحُ ، وَتُواْ دُكَنْ أَبُبُوَنْ دَسُكٜىٰ أَ سَمَ دَ أَبُبُوَنْ دَسُكٜىٰ عَڧَسَا غَبَاطَيَ؞

11عَثِكِنْ أَلْمَسِيحُ نٜىٰ، عَكَ مَيْشٜىٰمُ أَبِنْ غَادُواْ نَ اللَّهْ ، أَنْكُوَ ڧَدَّرَمُ غَ حَكَ بِسَغَ شِرِنْسَ، شِے وَنْدَ يَكٜىٰ عَيْكَتَ كُواْمٜىٰ بِسَغَ نُڢِنْسَ؞

12يَا ذَاٻٜىٰمُ دَ نُڢِ ثٜىٰوَ مُو دَ مُكَ ڢَارَ سَا ذُوثِيَا غَ أَلْمَسِيحُ مُيِ ذَمَنْ يَبُوانْ طَوْكَكَرْسَ؞

13تَوُرِنْ أَلْمَسِيحُ ، كُو مَا كُكَجِ مَغَنَرْ غَسْكِيَ، وَتُواْ لَابَرِ مَيْ دَاطِے نَثٜىٰتُواْ؞ أَسَعَدَّ كُكَ بَادَ غَسْكِيَ غَ أَلْمَسِيحُ ، اللَّهْ يَبَاكُ رُوحُ مَيْ ڟَرْكِے كَمَرْ يَدَّ عَكَيِ مُكُ أَلْڧَوَرِ ذَيْ يِ، يَذَمَ كَمَرْ هَاتِمِنْ شَيْدَ ثٜىٰوَ كُو نَاسَنٜىٰ؞

14رُوحُ مَيْ ڟَرْكِے شِينٜىٰ تَبَّثِ ثٜىٰوَ اللَّهْ ذَيْبَامُ غَادُوانْ دَ يَيِ أَلْڧَوَرِ، وَنْدَ ذَيْ ذَمَ نَامُ لُواْكَثِنْ دَ اللَّهْ ذَيْثٜىٰثِ وَطَنْدَ سُكٜىٰ نَاسَ؞ وَنَّنْ كُمَ دُواْمِنْ يَبُوانْ طَوْكَكَرْسَنٜىٰ؞

15سَبُواْدَ حَكَ دَيَكٜىٰ نَاجِ لَابَرِ يَدَّ كُكَ بَادَ غَسْكِيَ غَ عُبَنْ‌غِجِ عِيسَىٰ دَ كُمَ يَدَّ كُكٜىٰ ڧَوْنَرْ دُكَنْ ڟَرْكَكَا،

16بَنْڢَسَ غُواْدٜىٰ وَ اللَّهْ سَبُواْدَكُوبَ؞ دُكْ سَعَدَّ نَكٜىٰيِنْ أَدُّعَ دُواْمِنْكُ، نَكَنْيِ حَكَ

17دَ نُڢِ ثٜىٰوَ اللَّهْ نَ عُبَنْ‌غِجِنْمُ عِيسَىٰ أَلْمَسِيحُ ، عُبَا مَطَوْكَكِ، يَدِنْ‌غَ بَاكُ رُوحُنْسَ مَيْ بَادَ حِكِمَ دَ بَيَانِ دُواْمِنْ كُڧَارُ ثِكِنْ سَنِنْ اللَّهْ ؞

18إِنَ أَدُّعَ كُمَ اللَّهْ يَسَا حَصْكٜىٰنْسَ أَ ذُوثِيَارْكُ دُواْمِنْ كُسَنْ كُواْ مٜىٰنٜىٰنٜىٰ سَا ذُوثِيَارْ نَنْدَ يَكِرَاكُ عَكَنْتَ، كُكُمَ سَنْ كُواْ مٜىٰنٜىٰنٜىٰ يَلْوَرْ دَرَجَرْ أَلْبَرْكَرْ غَادُواْنَّنْ وَنْدَ يَكٜىٰ دُواْمِنْ ڟَرْكَكَا؞

19إِنَ أَدُّعَ حَرْ يَنْذُ كُسَنْ كُواْ مٜىٰنٜىٰنٜىٰ غِرْمَنْ إِيكُوانْسَ وَنْدَ يَوُثٜىٰ غَبَنْ مِصَالِ، وَنْدَ يَكٜىٰ عَيْكِ عَثِكِنْمُ، مُو دَ مُكَ بَادَ غَسْكِيَ؞ إِيكُواْنَّنْ دَيَكٜىٰ عَيْكِ عَثِكِنْمُ، طَيَنٜىٰ دَ إِيكُواْنَّنْ

20وَنْدَ يَيِ عَيْكِ ثِكِنْ أَلْمَسِيحُ سَعَدَّ يَتَاشٜىٰشِ دَغَ مَتَتُّو، يَكُمَ بَاشِ وُرِنْ ذَمَ مَيْ دَرَجَ أَ حَنُّنْ دَامَنْسَ أَ سَمَ؞

21عَثَنْ أَلْمَسِيحُ يَكٜىٰ مُلْكِ عَكَنْ دُكَنْ مَاسُ سَرَوْتَ دَ إِيكُواْ دَ ڧَرْڢِے دَ مُلْكِ؞ يَنَ دَ سُونَ وَنْدَ يَڢِ كُواْوَنٜىٰ سُونَنْدَ ذَاعَ بَايَرْ، بَا عَدُونِيَرْ نَنْ كَطَيْبَ، حَرْ مَا أَظَامَانِ مَيْ ذُوَا؞

22اللَّهْ كُمَ يَاسَا كُواْمٜىٰ عَڧَرْڧَشِنْ ڧَڢَاڢُنْ أَلْمَسِيحُ ، يَكُمَ سَاشِ يَذَمَ كَيْ مَيْ مُلْكٍ أَبُ دُكَ دُواْمِنْ أَمْڢَانِنْ جَمَعَرْ مَاسُبِے،

23وَدَّ تَكٜىٰ جِكِنْ أَلْمَسِيحُ ؞ عَثِكِنْ جَمَعَرْ مَاسُبِنْسَ كُمَ أَلْمَسِيحُ ثِكَكّٜىٰنٜىٰ، كَمَرْ يَدَّ شِے كَنْسَ يَثِثِّكَ دُكَنْ كُواْمٜىٰ؞

Jump to: Chapter 2 →