Ephesians 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1سَبُواْدَ حَكَ، نِے دَ نَكٜىٰ ثِكِنْ كُرْكُكُ سَبُواْدَ بِنْ عُبَنْ‌غِجِ ، إِنَ ضُواْڧُوانْكُ كُيِ ذَمَنْدَ يَدَاثٜىٰ دَ دَرَجَرْ كِرَنْ دَ عَكَيِ مُكُ؞

2كُلُّمْ كُكَسَنْثٜىٰ دَ تَوَلِعُ دَ سَوْڧِنْ كَيْ دَ حَڧُرِ، كُكُمَ يَرْدَ دَ جُونَ ثِكِنْ ڧَوْنَ؞

3كُيِ ڨُوذُواْ سُواْسَيْ كُكِيَايٜىٰ طَيَنْتَكَرْ نَنْ دَ رُوحُ يَبَاكُ، تَوُرِنْ سَلَمَرْ دَ تَطَوْرٜىٰكُ تَرٜىٰ؞

4جِكِے طَيَ نٜىٰ، رُوحُ مَيْ ڟَرْكِے كُمَ طَيَ نٜىٰ؞ حَكَكُمَ أَݣَويْ سَا ذُوثِيَارْ نَنْ طَيَ وَنْدَ عَكَ كِرَاكُ دُواْمِنْسَ؞

5عُبَنْ‌غِجِ طَيَ، بَنْ‌غَسْكِيَ طَيَ، كُمَ بَڢْتِسْمَ طَيَ،

6اللَّهْ طَيَ، وَنْدَ شِے عُبَنْ دُكَنْ مُتَنٜىٰ، وَنْدَ يَكٜىٰ عَبِسَ دُكَ، تَوُرِنْ دُكَ، عَثِكِنْ دُكَ كُمَ؞

7عَمَّا أَنْبَا كُواْوَنّٜىٰنْمُ بَيْوَرْسَ ڠُورْڠُودُوانْ يَوَنْ أَلْحٜىٰرِنْ أَلْمَسِيحُ ؞

8كَمَرْ يَدَّ كَلْمَرْ اللَّهْ تَثٜىٰ، «سَعَدَّ يَهَوْ سَمَ يَطَوْكِ وَطَنْدَ يَكَامَ تَرٜىٰ دَشِ، يَكُمَيِ وَیَنْ أَدَمْ بَيْوَ إِرِ إِرِ؞»

9مٜىٰ عَكٜىٰ نُڢِ دَ «يَهَوْ»؟ أَنَ نُونَ ثٜىٰوَ دَ ڢَرْكُواْ يَسَوْكَ حَرْ ذُوَا ثَنْ ڧَرْڧَشِنْ ڧَسَا!

10شِ وَنْدَ يَسَوْكَ طِنْ، شِينٜىٰ كُمَ يَهَوْ بِسَ دُكَنْ سَمَّيْ، دُواْمِنْ يَثِكَ سَمَ دَ ڧَسَا دُكَ؞

11شِينٜىٰ كُمَ يَيِ وَیَنْ أَدَمْ بَيْوَ؞ غَ وَطَنْسُ يَبَاسُ ذَمَنْ مَنْذَنِّے، وَطَنْسُ ذَمَنْ أَنَّبَاوَا، وَطَنْسُ ذَمَنْ مَاسُ شٜىٰلَرْ لَابَرِ مَيْ دَاطِے، وَطَنْسُ ذَمَنْ مَكِيَايَ دَ مَاسُ كُواْيَرْوَا؞

12يَيِ وَنَّنْ دُواْمِنْ يَشِرْيَ ڟَرْكَكَا سُيِ مَسَ عَيْكِنْ حِدِمَ دُواْمِنْ أَغِنَ جِكِنْ أَلْمَسِيحُ ؞

13ذَاعَ ثِيغَبَ حَكَ حَرْ دُكَنْمُ ذَامُكَيْ غَ ذَمَنْ طَيَنْتَكَ تَبَنْ‌غَسْكِيَ، غَ ذَمَنْ طَيَنْتَكَ كُمَ ثِكِنْ سَنِنْ طَنْ اللَّهْ ؞ ذَامُ ذَمَ ثِكَكُّنْ مُتَنٜىٰ، مُكُمَ كَيْ مَڟَيِ نَدُكَنْ ثِكَرْ أَلْمَسِيحُ ؞

14أَنْيِ وَنَّنْ كُوَ دُواْمِنْ كَدَ مُكُواْمَ حَلِنْ يَارَا، كُواْ مُذَمَ كَمَرْ وَطَنْدَ عَكٜىٰ يَٰوُاْ دَ حَنْكَلِنْسُ، إِسْكَرْ كُواْوَثٜىٰ كُواْيَرْوَا تَنَ تُورَسُ تَنَ طَوْكَرْ حَنْكَلِنْسُ، مُتَنٜىٰ مَاسُ وَيُواْ كُمَ سُنَ رُوطِنْسُ سُنَ ثُوتَرْسُ؞

15مَيْمَكُوانْ حَكَ سَيْ مُڢَطِ غَسْكِيَ ثِكِنْ ڧَوْنَ، مُيِ غِرْمَ ثِكِنْ أَلْعَمُرَنْمُ دُكَ حَرْ مُكَيْ غَ حَلِنْ أَلْمَسِيحُ وَنْدَ شِينٜىٰ كَيْ نَجِكِنْسَ، جَمَعَرْ مَاسُبِے؞

16دُواْمِنْ شِينٜىٰ يَكٜىٰ مُلْكٍ دُكَنْ غَٻُواْٻِنْ جِكِے؞ سُنْ حَطُ سُنَ رِڧٜىٰ دَ جُونَ تَوُرِنْ عَيْكِنْ كُواْوَثٜىٰ جِجِيَ، حَرْ تَوُرِنْ عَيْكِنْ كُواْوَثٜىٰ غَٻَ دَيْدَيْ جِكِنْ يَكٜىٰ ڧَارَ غِرْمَ، يَنَ غِنُوَ دَ حَلِنْ ڧَوْنَ؞

17تُواْ، إِنَ دَيْ ڢَطَا مُكُ، أَيْ، غَرْغَطِے نٜىٰ نَكٜىٰيِ مُكُ ثِكِنْ سُونَنْ عُبَنْ‌غِجِ ثٜىٰوَ كَدَ كُيِ رَايُوَا كَمَرْ مَرَسَ سَنِنْ اللَّهْ ، مَاسُ تُنَانِنْ بَنْظَ؞

18ذُوثِيَارْسُ ثِكٜىٰ دَ دُهُ تَكٜىٰ؞ أَنْ كُمَ رَبَسُ دَ رَيْ وَنْدَ اللَّهْ يَكٜىٰ بَايَرْوَ، سَبُواْدَ جَاهِلْثِنْ دَيَكٜىٰ ثِكِنْسُ تَدَلِيلِنْ تَوْرِنْ كَنْسُ؞

19غَا كُوَ رَشِنْ كُنْيَا غَرٜىٰسُ؞ سُنْ بَادَ كَنْسُ غَ يِنْ لَلَتَ، سُنَ شَعَوَرْ يِنْ كُواْوَثٜىٰ إِرِنْ ڧَظَنْتَا؞

20وَنَّنْ بَا شِينٜىٰ أَبِنْدَ كُكَ كُواْيَ غَمٜىٰدَ أَلْمَسِيحُ بَ!

21نَا تَبَّتَا أَنْبَاكُ لَابَرِنْسَ؞ دَيَكٜىٰ كُو مُتَنٜىٰنْسَ نٜىٰ، أَنْكُواْيَ مُكُ غَسْكِيَرْ دَتَكٜىٰ ثِكِنْ عِيسَىٰ ؞

22أَيْ، أَبِنْدَ عَكَ كُواْيَ مُكُ، شِينٜىٰ كُيَرْ دَ حَلِنْ مُتُنْتَكَ وَنْدَ كُكٜىٰ ثِكِ أَدَا، حَلِنْ دَيَكٜىٰ لَلَثٜىٰوَ سَبُواْدَ سُوانْ أَبُبُوَ مَاسُ رُوطُ؞

23يَا كَمَاتَ أَ سَابُنْتَا تُنَانِنْكُ دَ حَنْكَلِنْكُ؞

24كُطَوْكِ سَابُوانْ حَلِنَّنْ دَ اللَّهْ يَحَلِتَّ بِسَغَ كَمَنِّنْ كَنْسَ؞ حَلِنَّنْ كُوَ، يَا بَيَّنَ ثِكِنْ أَدَلْثِے دَ ذَمَنْ ڟَرْكِے؞

25سَبُواْدَ حَكَ سَيْ كُرَبُ دَ ڧَضْيَا! كُواْوَ يَدِنْ‌غَ ڢَطَا وَمَڨُوبْثِنْسَ غَسْكِيَ، غَمَا دُكَنْمُ غَٻُواْٻِنْ جُونَ نٜىٰ؞

26إِنْ كُنْيِ ڢُشِے، كَدَ يَكَيْكُ غَ ذُنُوبِ؞ كَدَ مَا ڢُشِنْكُ يَدَطٜىٰ يَكَيْ حَرْ رَانَ تَڢَاطِ؞

27كَدَ كُمَ كُبَا شَيْطَنْ وَتَ دَامَ؞

28كَدَ مَيْسَاتَا يَڧَارَ يِنْ سَاتَا؞ أَ مَيْمَكُوانْ حَكَ سَيْ يَيِ عَيْكِنْ غَسْكِيَ دَ حَنُّنْسَ، حَرْ دَ ذَيْسَامِ وَنِ أَبِنْدَ ذَيْ عِيَ تَيْمَكُوانْ وَطَنْدَ بَاسُ دَشِ؞

29كَدَ وَنِ ڧَظَامِنْ ذَنْثٜىٰ يَڢِتَ دَغَ بَاكِنْكُ، سَيْدَيْ إِرِنْ مَغَنَرْ دَ تَكٜىٰدَ أَمْڢَانِ دُواْمِنْ ڧَرْڢَڢَاوَرْ جُونَ بِسَغَ بُڧَاتَرْكُ؞ تَهَكَ مَغَنَرْكُ ذَاتَ ذَمَ دَ أَمْڢَانِ غَ مَاسُ جِنْتَ؞

30كُكُمَ كُلَ ڢَا، كَدَ كُٻَاتَوَ رُوحُ مَيْ ڟَرْكِے نَ اللَّهْ رَيْ، غَمَا شِے عَلَمَرْ شَيْدَ نٜىٰ نَ اللَّهْ عَكَنْكُ دَ ذَيْ نُونَ أَ رَانَرْ ڢَنْسَ ثٜىٰوَ كُو نَاسَنٜىٰ؞

31كُرَبُ دَ كُواْوَنٜىٰ إِرِنْ طَاثِنْ رَيْ دَ هَوْشِ دَ ڢُشِے دَ ڢَطَ دَ ٻَاتَ سُونَ دَ كُواْوَثٜىٰ إِرِنْ ڧِيَيَّرْ ذُوثِيَا؞

32كُيِ وَجُونَ كِرْكِ، كُجِ تَوْسَيِنْ جُونَ، كُيَاڢٜىٰ وَجُونَ كَمَرْ يَدَّ اللَّهْ يَيَاڢٜىٰ مُكُ تَوُرِنْ أَلْمَسِيحُ ؞

← Chapter 3 Jump to: Chapter 5 →