Ephesians 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to:

1كُو یَیَ، سَبُواْدَ عُبَنْ‌غِجِ كُيِ وَ إِيَايٜىٰنْكُ بِيَيَّ، دُواْمِنْ وَنَّنْ شِينٜىٰ دَيْدَيْ؞

2دُواْكَا تَڢَارِ وَدَّ عَكَ حَطَ دَ أَلْڧَوَرِ عِتَثٜىٰ، «غِرْمَمَ بَابَنْكَ دَ مَامَرْكَ،

3دُواْمِنْ كَسَامِ ذَمَنْ لَاڢِيَ، كَكُمَيِ ڟَوُانْ رَيْ عَدُونِيَا؞»

4كُو عُبَنِّ، كَدَكُسَا یَیَنْكُ سُيِ ڢُشِے، سَيْدَيْ كُغُواْيٜىٰسُ دَ حُواْرُواْ دَ غَرْغَطِے تَهَنْيَرْ عُبَنْ‌غِجِ ؞

5كُو بَايِ، كُيِ بِيَيَّ غَ وَطَنْدَ سُكٜىٰ إِيَايٜىٰنْ‌غِجِنْكُ نَدُونِيَرْ نَنْ؞ كُنُونَ مُسُ حَلِنْ بَنْ غِرْمَ، كُنَيِ مُسُ أَمِنْثِ ثِكِنْ دُكَنْ كُواْمٜىٰ دَ ذُوثِيَا طَيَ كُمَ، كَمَرْ يَدَّ كُكٜىٰيِ وَ أَلْمَسِيحُ ؞

6كَدَ كُيِ بِيَيَّ تَغَنِنْ عِدُواْ، كَمَرْ وَطَنْدَ سُكٜىٰ نٜىٰمَنْ يَبُواْ دَغَ وُرِنْ مُتَنٜىٰ، عَمَّا دَيَكٜىٰ كُو بَايِنْ أَلْمَسِيحُ نٜىٰ، كُعَيْكَتَ أَبِنْدَ اللَّهْ يَكٜىٰسُواْ دَ ذُوثِيَا طَيَ؞

7كُيِ عَيْكِنْكُ نَحِدِمَ دَ ݣَكْݣَوَنْ نُڢِ، كَمَرْ غَ عُبَنْ‌غِجِ كُكٜىٰيِ، بَمُتَنٜىٰبَ؞

8كُنْ سَنِ ثٜىٰوَ كُواْوَنٜىٰ أَلْحٜىٰرِنْ دَ مُتُمْ يَيِ، كُواْ شِے بَاوَ نٜىٰ كُواْ طَنْ غِدَا نٜىٰ، عُبَنْ‌غِجِ ذَيْبَاشِ لَادَنْسَ؞

9كُو إِيَايٜىٰنْ‌غِجِ، كُو مَا كُيِ وَبَايِنْكُ حَكَ؞ كُدَيْنَ بَاسُ ڟُواْرُواْ، تُنْدَيَكٜىٰ كُنْسَنِ كُو دَسُو دُكْ كُنَدَ عُبَنْ‌غِجِ أَ سَمَ، شِيكُوَ بَايَ نُونَ بَمْبَنْثِ؞

10عَڧَرْشٜىٰ كُمَ كُڧَرْڢَڢَ كَنْكُ ثِكِنْ عُبَنْ‌غِجِ دَ كُمَ ثِكِنْ ڧَرْڢِنْ إِيكُوانْسَ؞

11كُطَوْرَ وَجِكِنْكُ دُكَنْ كَايَنْ كَارِيَ نَيَاڧِ وَنْدَ اللَّهْ يَبَايَرْ دُواْمِنْ كُإِيَ ڟَيَاوَا كُيِ غَابَادَ دَبَرُنْ شَيْطَنْ؞

12أَيْ، بَ دَ یَنْ أَدَمْ مَاسُ نَامَ دَ جِنِ مُكٜىٰ كُواْكَوَبَ، عَمَّا دَ مُوغَيٜىٰنْ رُوحُواْحِ نٜىٰ نَسَمَّيْ دَ مَاسُ مُلْكِ دَ إِيكُواْكِ دَ وَطَنْدَ مُلْكٍ زَامَانِنَّنْ مَيْ دُهُ يَكٜىٰ حَنُّنْسُ؞

13سَبُواْدَ حَكَ سَيْ كُطَوْكِ دُكَنْ كَايَنْ كَارِيَ نَيَاڧِ وَنْدَ اللَّهْ يَبَايَرْ دُواْمِنْ كُڟَيَ أَ مُوغُوَرْ رَانَرْ نَنْ، حَرْ بَايَنْدَ كُكَ غَمَ كُواْمٜىٰ دَكُواْمٜىٰ، أَ سَامٜىٰكُ أَڟَيٜىٰ؞

14سَبُواْدَ حَكَ ڢَا كُڟَيَ دَ ڧَرْڢِے، غَسْكِيَ تَذَمَ طَمَرَرْكُ، أَدَلْثِے يَذَمَ رِغَرْ ڧَرْڢٜىٰنْكُ تَيَاڧِ؞

15شِرِنْ كَيْ لَابَرِ مَيْ دَاطِے نَسَلَمَ، يَذَمَ كَمَرْ تَاكَلْمَ عَڧَڢَاڢُنْكُ؞

16بَنْدَ حَكَمَا، بَرِ بَنْ‌غَسْكِيَ تَذَمَ غَرْكُوَرْكُ وَدَّ ذَاكُ طَوْكَ كُكَشٜىٰ كِبِيُواْيِ نَوُتَرْ مُوغُنَّنْ دَ عِتَ؞

17كُطَوْكِ هُولَرْ ݣُونُواْ، وَتُواْ ثٜىٰتُواْ دَ كُمَ تَكُواْبِنْ رُوحُ ، وَتُواْ كَلْمَرْ اللَّهْ ؞

18كُنَ يِنْ أَدُّعَ كُلُّمْ تَوُرِنْ إِيكُوانْ رُوحُ ، كُنَ يِنْ ضُواْڧُواْ إِرِ إِرِ؞ دَ نُڢِ حَكَ، كُيِ ڟَرُواْ دَ إِيَاكَرْ نَاثِيَ يَايِنْ دَ كُكٜىٰ أَدُّعَ سَبُواْدَ ڟَرْكَكَا؞

19نِے مَا كُيِ مِنِ أَدُّعَ، إِنْ سَامِ بَيْوَرْ يِنْ مَغَنَ بَا ڟُواْرُواْ، إِنْ سَنَرْدَ أَسِيرِنْ لَابَرِ مَيْ دَاطِے غَ مُتَنٜىٰ؞

20تَدَلِيلِنْ وَنَّنْ لَابَرِ مَيْ دَاطِے نٜىٰ نَذَمَ وَكِيلِ، كُواْدَيَكٜىٰ إِنَ طَوْرٜىٰ! كُيِ مِنِ أَدُّعَ دُواْمِنْ دُكْ لُواْكَثِنْ دَ نَكٜىٰيِنْ وَعَظِ إِنْيِشِ بَا ڟُواْرُواْ كَمَرْ يَدَّ يَكَمَاتَ إِنْيِ؞

21تِكِكُسْ، طَنْعُوَنْمُ وَنْدَ مُكٜىٰ ڧَوْنَ، مَيْ حِدِمَ ثِكِنْ أَمِنْثِ كُمَ غَ عُبَنْ‌غِجِ ، ذَيْ سَنَرْ دَكُو كُواْمٜىٰ دُواْمِنْ كُو مَا كُسَنْ يَدَّ نَكٜىٰ دَ لَاڢِيَ دَ كُمَ حَلِنْ دَ نَكٜىٰ ثِكِ؞

22نَا عَيْكٜىٰشِ غَرٜىٰكُ مُسَمَّنْ دُواْمِنْ كُسَنْ يَدَّ مُكٜىٰ، يَكُمَ ڧَرْڢَڢَ مُكُ ذُوثِيَا؞

23یَنْعُوَ، سَلَمَ دَغَ اللَّهْ عُبَادَ عُبَنْ‌غِجِ عِيسَىٰ أَلْمَسِيحُ تَكَسَنْثٜىٰ عَثِكِنْكُ، تَرٜىٰدَ ڧَوْنَ دَ بَنْ‌غَسْكِيَ؞

24أَلْحٜىٰرِ يَكَسَنْثٜىٰ تَرٜىٰدَ دُكَنْ مَاسُ ڧَوْنَرْ عُبَنْ‌غِجِنْمُ عِيسَىٰ أَلْمَسِيحُ دَ ڧَوْنَ مَرَرْ ڧَارٜىٰوَ؞ أَمِينْ؞

← Chapter 5 Jump to: