Ephesians 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1دُواْمِنْ حَكَ، نِے بُلُسْ، نَذَمَ طَنْ كُرْكُكُ سَبُواْدَ أَلْمَسِيحُ عِيسَىٰ دُواْمِنْ أَمْڢَانِنْ كُو وَطَنْدَ بَا يَهُودَاوَا بَ؞

2نَتَبَّتَا كُنْ جِلَابَرِ يَدَّ اللَّهْ ، عَثِكِنْ أَلْحٜىٰرِنْسَ، يَبَانِ بَيْوَ تَيِنْ حِدِمَرْ نَنْ دُوانْ تَيْمَكُوانْكُ،

3وَتُواْ، يَدَّ تَوُرِنْ رُعُيَ اللَّهْ يَسَنَرْ دَنِے أَسِيرِنْ نُڢِنْسَ كَمَرْ يَدَّ نَارِغَا نَا رُبُوتَ لَابَرِنْسَ عَتَڧَيْثٜىٰ؞

4عِدَنْ كُوَ كُنْ كَرَنْتَ وَنَّنْ، ذَاكُ عِيَ غَانٜىٰ دَ أَبِنْدَ نَسَنِ غَمٜىٰدَ أَسِيرِنْ أَلْمَسِيحُ ؞

5أَ زَامَانِنْ دَا بَعَغَيَ وَ یَنْ أَدَمْ وَنَّنْ بَ، كَمَرْ يَدَّ يَنْذُ اللَّهْ يَبَيَّنَ وَ مَنْذَنِّےنْسَ مَاسُ ڟَرْكِے دَ أَنَّبَاوَا مَاسُ ڟَرْكِے تَوُرِنْ رُوحُ ؞

6أَسِيرِنْ شِينٜىٰ، تَوُرِنْ لَابَرِ مَيْ دَاطِے نَ أَلْمَسِيحُ عِيسَىٰ ، سُو وَطَنْدَ بَا يَهُودَاوَا بَ سُنْ ذَمَ أَبُواْكَنْ غَادُواْ تَرٜىٰدَمُو يَهُودَاوَا؞ سُو دَ مُو مُنْ ذَمَ كَمَرْ غَٻُواْٻِنْ جِكِے طَيَ نٜىٰ؞ سُو مَا سُنَدَ رَبُوانْسُ ثِكِنْ أَلْڧَوَرِنْ دَ اللَّهْ يَيِ مَنَ تَوُرِنْ أَلْمَسِيحُ عِيسَىٰ ؞

7أَنْ كُوَ مَيْدَنِ مَيْ حِدِمَرْ وَنَّنْ لَابَرِ مَيْ دَاطِے بِسَغَ بَيْوَرْ دَ عَكَيِ مِنِ، وَتُواْ أَلْحٜىٰرِنْ دَ اللَّهْ يَبَانِ تَوُرِنْ إِيكُوانْسَ، إِيكُوانْ دَيَكٜىٰ عَيْكِ عَثِكِنَ؞

8كُواْدَيَكٜىٰ نِنٜىٰ مَڢِے ڧَنْڧَنْتَ ثِكِنْ ڟَرْكَكَا، نِے عَكَبَا وَنَّنْ بَيْوَ مَيْ دَرَجَ، إِنْيِ وَ وَطَنْدَ بَا يَهُودَاوَا بَ وَعَظِنْ لَابَرِ مَيْ دَاطِنَّنْ عَيَلْوَثٜىٰ غَمٜىٰدَ أَلْمَسِيحُ ، وَنْدَ بَعَ عِيَيِنْ لِسَّڢِنْسَ؞

9دُواْمِنْ كُمَ إِنْ بَيَّنَ وَ دُكَنْ مُتَنٜىٰ يَدَّ اللَّهْ يَكٜىٰ عَيْكَتَ شِرِنَّنْ نَأَسِيرِ وَنْدَ شٜىٰكَرَا دَ شٜىٰكَرُ يَكٜىٰ عَٻُواْيٜىٰ أَوُرِنْ اللَّهْ ، وَنْدَ يَحَلِثِّ دُكَنْ أَبُبُوَ؞

10نُڢِنْسَ شِينٜىٰ يَنْذُ تَوُرِنْ جَمَعَرْ مَاسُبِے، أَ سَنَرْدَ حِكِمَرْ اللَّهْ إِرِ إِرِ غَ مَاسُ مُلْكِ دَ إِيكُواْكِ أَ سَمَّيْ؞

11وَنَّنْ كُوَ أَنْيِشِنٜىٰ بِسَغَ نُڢِنَّنْ دَ اللَّهْ يَنُڢَ تُنْدَغَ ڢَرْكُواْ، يَكُمَ عَيْكَتَ ثِكِنْ أَلْمَسِيحُ عِيسَىٰ عُبَنْ‌غِجِنْمُ ؞

12ثِكِنْسَ نٜىٰ مُكٜىٰ دَ ڧَرْڢِنْ حَلِ ذُوَا وُرِنْ اللَّهْ بَابُ ڟُواْرُواْ دَ أَمِنْثٜىٰوَ تَوُرِنْ بَنْ‌غَسْكِيَرْمُ غَرٜىٰشِ؞

13سَبُواْدَ حَكَ إِنَ ضُواْڧُوانْكُ، كَدَ كُڢِدَّ ذُوثِيَا دَ غَنِنْ دُكَنْ وَهَلَرْ دَ نَكٜىٰ شَا دُواْمِنْكُ؞ أَيْ، وَهَلَرْ نَنْ ذَاتَ ذَمَ مُكُ أَبِنْ تَاڧَمَ؞

14سَبُواْدَ حَكَ إِنَ دُرْڧُسَاوَ أَغَبَنْ عُبَنْمُ نَسَمَ،

15شِے وَنْدَ دَغَ وُرِنْسَ نٜىٰ كُواْوَنٜىٰ عِيَلِ أَ سَمَ دَ كُمَ أَنَنْ دُونِيَا يَسَامِ عَيْنِحِنْ سُونَنْسَ؞

16إِنَ ضُواْڧُوانْسَ يَبَاكُ بَيْوَ دَغَ ثِكِنْ يَلْوَرْ طَوْكَكَرْسَ، يَڧَرْڢَڢَاكُ دَ إِيكُوانْسَ، دُواْمِنْ كُذَمَ دَ ڧَرْڢِے أَ ذُوثِيَارْكُ تَوُرِنْ رُوحُنْسَ ،

17حَرْ مَا أَلْمَسِيحُ يَذَوْنَ أَ ذُوثِيَارْكُ تَوُرِنْ بَنْ‌غَسْكِيَ؞ إِنَ أَدُّعَ ثٜىٰوَ كُكَڢُ سُواْسَيْ ثِكِنْ ڧَوْنَ؞ بَرِ ڧَوْنَ تَذَمَ تُوشٜىٰنْكُ،

18دُواْمِنْ كُسَامِ إِيكُوانْ غَانٜىٰوَ، كُو دَ دُكَنْ سَوْرَنْ ڟَرْكَكَا، كُڢَهِمْثِ يَلْوَرْ ڧَوْنَرْ أَلْمَسِيحُ ، وَتُواْ ڢَاطِنْتَ دَ ڟَوُانْتَ دَ غِرْمَنْتَ دَ ظُرْڢِنْتَ؞

19كُكُمَ سَنْ ڧَوْنَرْ أَلْمَسِيحُ وَدَّ تَڢِے غَبَنْ سَنِ دُواْمِنْ كُثِكَ دَ دُكَنْ ثِكَرْ اللَّهْ ؞

20طَوْكَكَ تَتَبَّتَا غَ اللَّهْ نْمُ وَنْدَ تَوُرِنْ إِيكُوانْسَ عَثِكِنْمُ يَنَ عَيْكِ حَرْ يَنَ عَيْكَتَ أَبُبُوَ ڢِيٜىٰدَ دُكَنْ أَبِنْدَ ذَامُ ضُواْڧَا، كُواْ أَبِنْدَ ذَامُيِ تُنَانِنْسَ؞

21طَوْكَكَا تَا تَبَّتَا أَغَرٜىٰشِ ثِكِنْ جَمَعَرْ مَاسُبِے دَ كُمَ ثِكِنْ أَلْمَسِيحُ عِيسَىٰ ، حَرْ ذُوَا دُكَنْ ذَامَانَيْ، حَرْ أَبَدَا أَبَدِنْ؞ أَمِينْ!

← Chapter 2 Jump to: Chapter 4 →