Galatians 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ مَنْذُوانْ عِيسَىٰ ؞ بَادَغَ وُرِنْ مُتَنٜىٰ كُواْ تَوُرِنْ مُتُمْ نٜىٰ كِرَنْ يَذُواْ مِنِبَ؞ عَمَّا كِرَنْ يَذُواْ مِنِ نٜىٰ دَغَ عِيسَىٰ أَلْمَسِيحُ دَ اللَّهْ عُبَا وَنْدَ يَتَادَ شِ دَغَ مَتَتُّو؞

2دُكَنْ یَنْعُوَنْ دَسُكٜىٰ تَرٜىٰدَنِ أَنَنْ سُو مَا سُنَ غَيْ دَ دُكَنْ جَمَعَرْ مَاسُبِے وَطَنْدَ سُكٜىٰ أَ غَلَتِيَ؞

3أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِنْمُ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

4شِ عِيسَىٰ أَلْمَسِيحُ يَبَادَ كَنْسَ دُواْمِنْ ذُنُبَنْمُ، دُواْمِنْ يَثٜىٰثٜىٰمُ دَغَ وَنَّنْ مُوغُنْ زَامَانِ؞ وَنَّنْ كُوَ بِسَغَ نُڢِنْ اللَّهْ عُبَنْمُنٜىٰ؞

5بَرِ طَوْكَكَ تَتَبَّتَا أَغَرٜىٰشِ حَرْ أَبَدَا أَبَدِنْ؞ أَمِينْ؞

6أَبِنَّنْ دَ كُكٜىٰيِ يَبَانِ مَامَاكِ سُواْسَيْ؞ عَثِكِنْ طَنْ ڧَنْڧَنِنْ لُواْكَثِ حَكَ كُنَ سُواْ كُبَرْ بِنْ وَنْدَ يَكِرَاكُ تَوُرِنْ أَلْحٜىٰرِنْ أَلْمَسِيحُ ، حَرْ مَا كُنَ كُواْمَاوَا ذُوَا وَنِ سَابُوانْ لَابَرِ دَبَمْ دَ لَابَرِ مَيْ دَاطِے نَامُ؞

7أَيْ، بَابُوَنِ لَابَرِ مَيْ دَاطِے دَبَمْ؞ نَا ڢَطِ حَكَنٜىٰ دُواْمِنْ أَݣَويْ وَطَنْسُ دَسُكٜىٰ تَادَ حَنْكَلِنْكُ، سُنَ كُمَ ڧُواْڧَرِ سُجُجُّويَ غَسْكِيَرْ لَابَرِنَّنْ مَيْ دَاطِے نَ أَلْمَسِيحُ ؞

8عَمَّا إِنَ غَيَ مُكُ، عِدَنْ وَنِنْمُ ذَيْ كَٰوُاْ مُكُ وَنِ إِرِنْ لَابَرِ مَيْ دَاطِے دَبَمْ دَ وَنْدَ مُكَ كَٰوُاْ، كُواْ شِے مَلاَىِٕكَ دَغَ سَمَنٜىٰ، كُواْ مُو دَ كَنْمُ مَا، تُواْ، بَرِ يَذَمَ لَعَنَنّٜىٰ!

9كَمَرْ يَدَّ مُكَ رِغَا مُكَ ڢَطَا مُكُ أَدَا، إِنَ سَاكٜىٰ ڢَطَا مُكُ يَنْذُ ثٜىٰوَ دُكْ وَنْدَ يَيِ مُكُ وَعَظِنْ وَنِ إِرِنْ لَابَرِ مَيْ دَاطِے دَبَمْ دَ وَنْدَ كُكَ رِغَا كُكَ كَرْٻَ، تُواْ، بَرِ يَذَمَ لَعَنَنّٜىٰ!

10كُواْ ذَاعَ ثٜىٰ، تَوُرِنْ يِنْ وَنَّنْ مَغَنَ حَكَ إِنَ ڧُواْڧَرِ إِنْسَا مُتَنٜىٰ سُيَرْدَ دَ نِنٜىٰ؟ أَعَ؞ أَبِنْدَ نَكٜىٰسُواْ شِينٜىٰ، اللَّهْ يَيَرْدَ دَ أَبِنْدَ نَكٜىٰيِ؞ كُنَ ڟَمَّنِ إِنَ ڧُواْڧَرِ إِنْڢَرَنْتَ وَمُتَنٜىٰ رَيْ نٜىٰ؟ أَعَ؞ دَا مُتَنٜىٰ نٜىٰ نَكٜىٰ ڢَرَنْتَاوَا رَيْ دَ بَنْ ذَمَ بَاوَنْ أَلْمَسِيحُ بَ؞

11یَنْعُوَنَ، إِنَ سُواْ إِنْڢَطَا مُكُ ثٜىٰوَ لَابَرِ مَيْ دَاطِنَّنْ دَ نَكٜىٰيِ مُكُ وَعَظِنْسَ، بَادَغَ وُرِنْ مُتُمْ يَڢِتُواْبَ؞

12بَنْ كَرْٻٜىٰشِ دَغَ وُرِنْ مُتُمْبَ؞ كُمَ بَاوَنْدَ يَكُواْيَ مِنِشِ؞ عِيسَىٰ أَلْمَسِيحُ دَ كَنْسَ نٜىٰ يَبَيَّنَ مِنِشِ؞

13كُنْجِ إِرِنْ ذَمَنْ دَ دَا نَيِ عَثِكِنْ أَدِّينِنْ يَهُودَاوَا، يَدَّ نَڟَنَنْتَ وَجَمَعَرْ مَاسُبِنْ اللَّهْ ڨُورَيْ دَ غَسْكٜىٰ، حَرْ نَيِ تَڧُواْڧَرِ إِنْهَلَكَاتَ؞

14كُنْ كُمَ سَنْ يَدَّ عَثِكِنْ أَدِّينِنْ يَهُودَاوَا نَڢِ يَوَنْثِنْسُ وَطَنْدَ مُكَيِ غِرْمَ تَرٜىٰ؞ نَڢِسُ كِيشِنْ بِنْ أَلْعَادُنْ كَاكَنِّنْمُ سُواْسَيْ؞

15عَمَّا اللَّهْ وَنْدَ يَكٜىٰٻٜىٰنِ تُنْ كَاڢِنْ أَحَيْڢٜىٰنِ، يَكُمَ كِرَنِ بِسَغَ أَلْحٜىٰرِنْسَ، حَرْ يَجِ دَاطِے

16يَبَيَّنَ مِنِ طَنْسَ عِيسَىٰ ، دُواْمِنْ إِنْيِ وَعَظِنْ لَابَرِ مَيْ دَاطِے غَ وَطَنْدَ بَا يَهُودَاوَا بَ؞ دَ يَيِ حَكَ بَنْ نٜىٰمِ شَوَرَا دَغَ وَجٜىٰنْ وَنِ مُتُمْبَ،

17بَنْ كُمَجٜىٰ عُرُوشَلِيمَ وُرِنْ وَطَنْدَ سُكَ رِغَانِ ذَمَ مَنْذَنِّےبَ؞ أَبِنْدَ نَيِ شِينٜىٰ، نَنْ دَنَنْ نَجٜىٰ ڧَسَرْ أَرَبِيَ، سَعَنً نَكُواْمُواْ دِمَشْڧُ؞

18سَيْ بَايَنْ شٜىٰكَرَا عُكُنٜىٰ نَتَڢِے عُرُوشَلِيمَ دُواْمِنْ إِنْ‌غَا كٜىٰڢَسْ وَتُواْ، سِيمَنْ بِتْرُسْ؞ نَاكُوَيِ ݣُونَ غُواْمَشَا بِيَرْ تَرٜىٰدَشِ؞

19بَايَنْ وَنَّنْ كُمَ، بَنْ‌غَا كُواْ طَيَ دَغَ ثِكِنْ سَوْرَنْ مَنْذَنِّےنْبَ، سَيْدَيْ يَعْڧُوبَ طَنْعُوَنْ عُبَنْ‌غِجِ ؞

20أَبِنَّنْ دَ نَكٜىٰ رُبُوتَ مُكُ غَسْكِيَ نٜىٰ أَغَبَنْ اللَّهْ نَكٜىٰ ڢَطَا مُكُ، بَڧَضْيَابَ؞

21دَغَ بَايَ كُمَ، نَتَڢِے ڧَسَرْ سُورِيَ دَ تَ كِلِكِيَ؞

22عَمَّا أَوَنْثَنْ لُواْكَثِ، جَمَعَرْ مَاسُبِنْ أَلْمَسِيحُ دَسُكٜىٰ ثِكِنْ يَنْكِنْ يَهُودِيَ، بَسُ سَنِّ عِدُواْ دَ عِدُواْ بَتُكُنَ؞

23سُنْدَيْجِ كَوَيْ أَنْثٜىٰ «مُتُمِنَّنْ وَنْدَ دَا يَڟَنَنْتَ مَنَ، غَاشِ يَنْذُ يَنَ سَنَرْدَ مَغَنَرْ بَنْ‌غَسْكِيَرْنَنْ دَ دَا يَكٜىٰ ٻَتَاوَا!»

24سَيْ سُكَ طَوْكَكَ اللَّهْ سَبُواْدَ أَبِنْدَ يَيِ تَوُرِينَ؞

Jump to: Chapter 2 →