Galatians 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1وَتُواْ، مَغَاجِ لُواْكَثِنْ دَيَكٜىٰ طَنْ يَرُواْ، شِ دَ بَاوَ دُكْ طَيَ نٜىٰ، كُواْدَيَكٜىٰ دُكَنْ أَبِنْدَ يَكٜىٰ أَغِدَنْسُ نَاسَ نٜىٰ؞

2يَنَ حَنُّنْ إِيَايٜىٰنْ غُواْيُوانْسَ دَ وَكِلَيْ حَرْ ذُوَا لُواْكَثِنْ دَ عُبَنْسَ يَسَا؞

3حَكَ يَكٜىٰ أَغَرٜىٰمُ كَاڢِنْ حَنْيَرْ أَلْمَسِيحُ تَبَيَّنَ؞ مُنَ نَنْ كَمَرْ يَارَا، مُو بَايِنٜىٰ غَ إِيكُواْكِنْ دَسُكٜىٰ مُلْكٍ وَنَّنْ دُونِيَا؞

4عَمَّا سَعَدَّ لُواْكَثِنْ دَ اللَّهْ يَشِرْيَ يَثِكَ، سَيْ اللَّهْ يَعَيْكُواْ دَ طَنْسَ، تَوُرِنْ حَيْڢُوَرْ مَثٜىٰ؞ أَنْ سَا شِ ڧَرْڧَشِنْ إِيكُوانْ كُواْيَرْوَرْ مُوسَٰى تُنْدَغَ حَيْڢُوَ،

5دُواْمِنْ يَڢَنْسُواْ وَطَنْدَ سُكٜىٰ ڧَرْڧَشِنْ كُواْيَرْوَرْ، يَكُمَ مَيْدَسُو أَمَڟَيِنْ یَیَنْ اللَّهْ ؞

6دُواْمِنْ أَ نُونَ كُو یَیَنْسَ نٜىٰ، اللَّهْ يَعَيْكُواْ دَ رُوحٌ طَنْسَ عَثِكِنْ ذُوثِيَارْكُ، يَنَ كِرَا غَ اللَّهْ ثٜىٰوَ «أَبَّ! عُبَا!»

7دُواْمِنْ حَكَ كَيْ بَبَاوَ بَنٜىٰ كُمَ، كَيْ طَنٜىٰ؞ دَيَكٜىٰ كَيْ طَا نٜىٰ كُمَ، اللَّهْ يَمَيْدَكَيْ مَيْ ثِنْ غَادُواْنٜىٰ؞

8دَا بَكُسَنْ اللَّهْ بَ، كُنَ بَوْتَاوَ وَطَنْسُ أَلُّواْلِ وَطَنْدَ عَيْنِحِ بَكُواْمٜىٰ سُكٜىٰبَ؞

9عَمَّا يَنْذُ كُنْ سَنْ اللَّهْ ، كُواْ كُمَ عَثٜىٰ اللَّهْ يَسَنْكُ، يَيَ ذَاكُ سَاكٜىٰ كُواْمَاوَا ڧَرْڧَشِنْ مُلْكٍ إِيكُواْكِنْ دُونِيَرْ نَنْ مَرَسَ ڧَرْڢِے؟ أَبِنْ بَنْظَنٜىٰسُو؞ مٜىٰيَسَا كُكٜىٰسُواْ كُسَاكٜىٰ ذَمَ بَايِنْسُ كُمَ؟

10غَاشِ كُكَنْ بَادَ كَنْكُ غَ كِيَايٜىٰوَرْ وَطَنْسُ رَانَكُو دَ وَتَنِّ دَ لُواْكَتَيْ دَ شٜىٰكَرُ؞

11أَبِنْ دَ كُكٜىٰيِ يَبَانِ ڟُواْرُواْ، غَمَا يَا ذَمَ كَمَرْ دُكْ وَهَلَرْدَ نَشَا عَكَنْكُ بَنْظَنٜىٰ!

12إِنَ ضُواْڧُوانْكُ یَنْعُوَنَ، كُذَمَ كَمَرْ يَدَّ نَكٜىٰ؞ غَمَا نِے مَا نَذَمَ كَمَرْكُ؞ بَكُيِ مِنِ وَنِ لَيْڢِے بَ؞

13كُنْ سَنِ ثٜىٰوَ رَشِنْ لَاڢِيَرْدَ نَيِ، يَبُوطٜىٰ حَنْيَرْدَ نَكَٰوُاْ مُكُ لَابَرِ مَيْ دَاطِے دَ ڢَرْكُواْ؞

14كُواْدَيَكٜىٰ رَشِنْ لَاڢِيَتَ تَذَمَ بَبَّرْ دَامُوَ أَوُرِنْكُ، دُكْدَهَكَ بَكُيِ مِنِ رٜىٰنِ كُواْ كُڧِ كُكُلَ دَنِے بَ؞ كُنْ دَيْ كَرْٻٜىٰنِ كَمَرْ مَلاَىِٕكَ دَغَ سَمَ، كُواْ كُوَ كَمَرْ يَدَّ كُكَ كَرْٻِ أَلْمَسِيحُ عِيسَىٰ دَ كَنْسَ؞

15كُنْيِ مُرْنَ سُواْسَيْ أَ لُواْكَثِنْ! تُواْ، يَنْذُ ڢَا، إِنَ ڢَضٍ ثِكِنْ دَ كُكَجِ سَبُواْدَنِ؟ نَتَبَّتَا، أَ لُواْكَثِنْ دَ مَيْيِوُوَ نٜىٰ دَ كُنْ ثِثِّرٜىٰ عِدَنُونْكُ كُنْ بَانِ!

16أَشٜىٰ، يَنْذُ كُنْ مَيْدَنِ أَبُواْكِنْ غَابَنْكُ نٜىٰ سَبُواْدَ نَغَيَ مُكُ غَسْكِيَ؟

17وَطَنَّنْ مُتَنٜىٰ سُنْ رِڧٜىٰكُ دَ أَنِيَ سُواْسَيْ، عَمَّا أَبِنْدَ سُكٜىٰ نُڢِ بَاشِ دَݣَوْ؞ سُنَسُواْ سُرَبَكُ دَنِے، دُوانْ دُكْ نِيَّرْكُ تَكُواْمَ غَرٜىٰسُ؞

18أَيْ، يَنَدَݣَوْ عَكَسَنْثٜىٰ دَ إِرِنْ وَنَّنْ نِيَّ عِدَنْ دَ نُڢِ مَيْݣَوْنٜىٰ؞ وَنَّنْ يَكُمَ كَسَنْثٜىٰ حَكَ كُواْيَوْشٜىٰ، بَوَيْ سَيْ لُواْكَثِنْ دَ نَكٜىٰ تَرٜىٰ دَكُو كَوَيْبَ؞

19يَا كُو یَیَنَ، يَنْذُ يَذَمَ سَوْ بِيُ كٜىٰنَنْ دَ نَكٜىٰ جِنْ ذَاڢِنْ حَيْڢُوَرْكُ؞ كُمَ ذَنْ ثِيغَبَدَ وَنَّنْ وَهَلَ سَيْ حَلِنْ أَلْمَسِيحُ يَكَڢُ أَ ظُكَاتَنْكُ؞

20أَيَّ! دَا عَثٜىٰ إِنَ تَرٜىٰ دَكُو يَنْذُ دَا سَيْ إِنْ ثَنْجَ مُرْيَتَ؞ كَيْ، نَا دَامُ ڨُورَيْ سَبُواْدَكُو!

21كُغَيَ مِنِ، كُو دَ كُكٜىٰسُواْ كُبِے كُواْيَرْوَرْ مُوسَٰى، كُنْ غَانٜىٰ دَ أَبِنْدَ كُواْيَرْوَرْ تَكٜىٰ نُڢِنٜىٰ؟

22غَمَا أَرُبُوثٜىٰ يَكٜىٰثٜىٰ وَ إِبْرَٰهِيمْ يَنَدَ یَیَ بِيُ مَظَا، طَيَ طَنْ أَنْحَيْڢٜىٰشِ نٜىٰ تَوُرِنْ مَثٜىٰنْ دَتَكٜىٰ بَيْوَ، طَيَنْ كُمَ تَوُرِنْ مَثٜىٰنْ دَتَكٜىٰ مَيْ یَنْثِ؞

23طَنَّنْ نَبَيْوَ، إِبْرَٰهِيمْ يَسَامُ نٜىٰ تَهَنْيَرْ دَ عَكَ سَابَا سَامُنْ یَیَ؞ عَمَّا طَيَ طَنَّنْ نَمَثٜىٰ مَيْ یَنْثِ أَنْحَيْڢٜىٰشِ نٜىٰ تَوُرِنْ أَلْڧَوَرِنْ دَ اللَّهْ يَيِ مَسَ؞

24وَنَّنْ مِصَالِنٜىٰ، مَاتَنَّنْ بِيُ سُنْ ݣُوتَنْتَا يَرْجٜىٰجٜىٰنِيَ بِيُ؞ هَجٜىٰرَتُ عِتَثٜىٰ مَيْ حَيْڢُوَرْ بَايِ؞

25وَتُواْ، هَجٜىٰرَتُ تَذَمَ مِصَالِنْ بَبَّنْ تُدُنْ سِنَيْ وَنْدَ يَكٜىٰ عَڧَسَرْ أَرَبِيَ؞ عِتَ ثٜىٰ ݣُوتَنْثِنْ بِرْنِنْ عُرُوشَلِيمَ تَيَنْظُ، غَمَا عِتَ دَ یَیَنْتَ دُكْ بَايِ نٜىٰ؞

26عَمَّا عُرُوشَلِيمَ تَسَمَ تَنَدَ یَنْثِ، كُمَ عِتَثٜىٰ مَامَرْمُ؞

27أَ رُبُوثٜىٰ يَكٜىٰثٜىٰوَ «كِيِ ڢَضٍ ثِكِ يَا كٜىٰ مَثٜىٰنْ دَ بَاكِدَ حَيْڢُوَ، كِيِ إِيهُ نَمُرْنَ كٜىٰ دَ بَكِتَٻَ جِنْ ذَاڢِنْ حَيْڢُوَبَ، غَمَا يَارَنْ مَثٜىٰنْ دَ مِجِنْتَ يَبَرْتَ سُنْيِيَوَ؞ سُنْڢِے يَارَنْ مَثٜىٰ مَيْ مِجِ؞»

28تُواْ، یَنْعُوَ، مُو مَا مُنْ ذَمَ یَیَنْ اللَّهْ تَوُرِنْ أَلْڧَوَرِ كَمَرْ إِسْحَٰڧَ؞

29أَوَنْثَنْ لُواْكَثِ كُوَ طَنَّنْ دَ عَكَ حَيْڢَ تَهَنْيَرْ دَ عَكَ سَابَا يَڟَنَنْتَا وَ طَنَّنْ دَ عَكَ حَيْڢَ تَوُرِنْ إِيكُوانْ رُوحٌ اللَّهْ ؞ حَكَكُمَ يَكٜىٰ حَرْ يَنْذُ؞

30عَمَّا أَرُبُوثٜىٰ يَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ «كُواْرِ بَيْوَرْ نَنْ دَ طَنْتَ، دُواْمِنْ طَنْ بَيْوَرْ نَنْ بَذَيْ رَبَ غَادُواْ تَرٜىٰدَ طَنَّنْ دَ مَثٜىٰ مَيْ یَنْثِ تَحَيْڢَبَ؞»

31سَبُواْدَ حَكَ یَنْعُوَ، مُو بَ یَیَنْ بَيْوَ بَنٜىٰ، مُو دَيْ یَیَنْ مَثٜىٰنْ دَتَكٜىٰ مَيْ یَنْثِ نٜىٰ؞

← Chapter 3 Jump to: Chapter 5 →