Galatians 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1دُواْمِنْ ذَمَنْ یَنْثِ شِينٜىٰ دَلِيلِنْ دَ أَلْمَسِيحُ يَیَنْتَرْ دَمُو؞ سَبُواْدَ حَكَ سَيْ كُڟَيَ دَ ڧَرْڢِے، كَدَ كُسَاكٜىٰ مِيڧَ كَنْكُ غَ غُنْ‌غُمٜىٰنْ بَوْتَا؞

2تُواْ، كُجِنِ؞ نِے بُلُسْ إِنَ غَيَ مُكُ، إِنْ كُنْ يَرْدَ عَيِمُكُ كَاثِيَ، أَلْمَسِيحُ بَاشِ دَ أَمْڢَانِ غَرٜىٰكُ كٜىٰنَنْ؞

3إِنَ سَاكٜىٰ تُنَ مُكُ ثٜىٰوَ دُكْ وَنْدَ يَيَرْدَ يَبِے دُواْكَرْ يِنْكَاثِيَ، تُواْ، يَذَمَ دُواْلٜىٰ يَبِے دُكَنْ كُواْيَرْوَرْ مُوسَٰى كٜىٰنَنْ؞

4كُو دَ كُكٜىٰ ڧُواْڧَرِنْ سَامُنْ ذَمَ مَرَسَ لَيْڢِے أَغَبَنْ اللَّهْ تَوُرِنْ بِنْ كُواْيَرْوَرْ مُوسَٰى، كُنْ رِغَا كُنْ ڢِدَّ كَنْكُ دَغَ بِنْ أَلْمَسِيحُ كٜىٰنَنْ؞ كُنْ كَوْثٜىٰ وَ أَلْحٜىٰرِنْ اللَّهْ ؞

5غَمَا تَوُرِنْ رُوحُ دَ كُمَ تَوُرِنْ بَنْ‌غَسْكِيَ، مُنَ جِرَا تَرٜىٰدَ سَا ذُوثِيَا عَكَنْ سَامُنْ أَدَلْثِے؞

6غَمَا إِنْ مُنَ ثِكِنْ أَلْمَسِيحُ عِيسَىٰ ، كُواْ دَ كَاثِيَ، كُواْ دَ رَشِنْ كَاثِيَ بَوَنِ أَبُ بَنٜىٰ أَغَرٜىٰمُ؞ عَمَّا أَبِنْدَ مُكَڢِ كُلَ دَشِ، شِينٜىٰ بَنْ‌غَسْكِيَ وَدَّ تَكٜىٰ نُونَ كَنْتَ تَوُرِنْ ڧَوْنَ؞

7دَ ڢَرْكُواْ كُنَ ثِيغَبَ سُواْسَيْ؞ وَنٜىٰنٜىٰ يَحَنَ كُيِنْ بِيَيَّ دَ غَسْكِيَ؟

8لَلَّيْ رُوطِنْ دَ عَكَيِ مُكُ بَيْذُواْ دَغَ وُرِنْ اللَّهْ وَنْدَ يَكِرَكُبَ؞

9كَمَرْ يَدَّ عَكَنْ ڢَطَا «طَنْ ڧَنْڧَنِنْ يِسْتِنٜىٰ يَكَنْسَا بَبَّنْ غُرَاسَ يَكُمْبُرَ؞»

10سَبُواْدَ زُمُنْثِنْمُ ثِكِنْ عَيْكِنْ عُبَنْ‌غِجِ ، نَا تَبَّتَا بَذَاكُبِے وَنِ رَعَيِ دَبَمْ دَ نَوَبَ؞ كُمَ شِے وَنْدَ يَكٜىٰ تَادَ حَنْكَلِنْكُ ذَيْ شَا حُكُنْثِ، كُواْ شِے وَنٜىٰنٜىٰ؞

11یَنْعُوَ، عِدَنْ حَرْ يَنْذُ إِنَ وَعَظِنْ يِنْ كَاثِيَنٜىٰ، تُواْ، دُوانْمٜىٰ حَرْ يَنْذُ مُتَنٜىٰ سُكٜىٰ ڟَنَنْتَ مِنِ؟ عِدَنْ حَكَنٜىٰ، أَيْ، مَغَنَاتَ غَمٜىٰدَ مُتُوَرْ أَلْمَسِيحُ عَكَنْ غِثِّيٜىٰ بَذَاتَ ذَمَ أَبِنْ تُنْتُٻٜىٰ غَ كُواْوَبَ!

12أَيْ، مَاسُ تَادَ حَنْكَلِنْكُ طِنَّنْ، ڠُومَّ سُثِيغَبَ سُمَيْدَ كَنْسُ بَابَانِّ غَبَاطَيَ!

13یَنْعُوَنَ، كُو دَيْ أَنْكِرَاكُ مُسَمَّنْ دُواْمِنْ یَنْثِ؞ عَمَّا كُو لُورَ كَدَ یَنْثِنَّنْ نَاكُ يَذَمَ حُجَّرْ بِنْ حَلِنْ مُتُنْتَكَ؞ مَيْمَكُوانْ حَكَ بَرِ یَنْثِنَّنْ يَكَيْكُ غَ يِوَجُونَ بَوْتَا ثِكِنْ ڧَوْنَ؞

14غَمَا دُكَنْ كُواْيَرْوَرْ مُوسَٰى أَنْهَطَتَ عَكَلْمَ غُدَا، وَتُواْ «كَڧَوْنَثِ مَڨُوبْثِنْكَ كَمَرْ كَنْكَ؞»

15عَمَّا إِنْ كُنَ ڢَطَ دَ جُونَ، كُنَ ثِذُواْ، كُنَ ثِنْيٜىٰ جُونَ كَمَرْ نَمُواْمِنْ دَاجِ، كُمَيْدَ حَنْكَلِ ڢَا، كَدَ دُكَنْكُ غَبَاطَيَ كُهَلَّكَ!

16نُڢِينَ شِينٜىٰ، كُيِ رَايُوَا يَدَّ رُوحُ يَبِے دَكُو؞ عِدَنْ كُنْيِ حَكَ، بَذَاكُبِے حَلِنْ مُتُنْتَكَبَ؞

17دُوانْ حَلِنْ مُتُنْتَكَ بَايَ يَرْدَ دَ رُوحُ ، رُوحُ كُمَ بَايَ يَرْدَ دَ حَلِنْ مُتُنْتَكَ؞ وَطَنَّنْ هَلَيٜىٰنْ بِيُ سُنَ غَابَادَ جُونَ؞ شِينٜىٰ يَسَا بَكُ عِيَيِنْ أَبِنْدَ كُكٜىٰسُواْ كُيِ؞

18إِنْ رُوحٌ اللَّهْ نٜىٰ يَكٜىٰبِدَكُو، تُواْ، بَ عَڧَرْڧَشِنْ كُواْيَرْوَرْ مُوسَٰى كُكٜىٰبَ؞

19أَيُّكَنْ دَ حَلِنْ مُتُنْتَكَ يَكٜىٰ حَيْڢَرْوَ سُنَانَنْ أَ ڢِيلِ؞ سُونٜىٰ إِسْكَنْثِ دَ حَلِنْ لَلَتَ دَ حَلِنْ نٜىٰمَنْ جِنْ دَاطِے نَرَشِنْ كُنْيَا،

20دَ بَوْتَرْ غُمَكَ دَ مَيْتَنْثِ دَ ڧِنْ جُونَ دَ ڢَطَ دَ كِيشِنْ جُونَ دَ ڢُشِے دَ سُوانْكَيْ دَ رَبُوَ دَ يِنْ تَاوَيٜىٰ،

21دَ كِيشِ دَ بُغُوَ دَ بُكُكُوَنْ شَيٜىٰ شَيٜىٰ دَ كُمَ سَوْرَنْ إِرِنْ أَبُبُوَ كَمَرْ حَكَ؞ إِنَ يِمُكُ غَرْغَطِے، كَمَرْ يَدَّ نَارِغَا نَايِ أَدَا، ثٜىٰوَ مَاسُ يِنْ إِرِنْ وَطَنَّنْ أَبُبُوَ بَذَاسُ سَامِ غَادُواْ أَمُلْكٍ اللَّهْ بَ؞

22عَمَّا حَلِنْ دَ رُوحٌ اللَّهْ يَكٜىٰ حَيْڢَرْوَ شِينٜىٰ ڧَوْنَ دَ ڢَضٍ ثِكِ دَ سَلَمَ دَ حَڧُرِ دَ كِرْكِ دَ نَغَرْتَادَ أَمِنْثِ،

23دَ تَوَلِعُ دَ كُمَ شَنْ ڧَرْڢِنْ شَعَوَرْ جِكِے؞ أَيْ، بَابُ دُواْكَرْ دَ تَحَنَ وَطَنَّنْ أَبُبُوَ؞

24كُمَ دُكَنْ وَطَنْدَ سُكٜىٰ نَ أَلْمَسِيحُ عِيسَىٰ سُنْ غِثِّيٜىٰ حَلِنْ مُتُنْتَكَ دَ مُوغَيٜىٰنْ أَبُبُوَ إِرِ إِرِ دَ جِكِے يَكٜىٰ مَرْمَرِنْسُ؞

25تُنْدَيَكٜىٰ رُوحُ نٜىٰ يَبَامُ رَيْ، بَرِ رُوحُ يَبِے دَمُو كُمَ ثِكِنْ دُكَنْ ذَمَنْمُ؞

26كَدَ مُذَمَ مَاسُ غِرْمَنْ كَيْ كُواْ مَاسُ تَادَ حَنْكَلِنْ جُونَ، كُواْ مَاسُ جِنْ كِيشِنْ جُونَ؞

← Chapter 4 Jump to: Chapter 6 →