Song of Solomon 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1وَاڧَ مَڢِے دَاطِے، وَاڧَرْ سُلَيْمَٰنُ؞

2دَمَا كَسُمْبَثٜىٰنِ دَ بَاكِنْكَ، غَمَا ڧَوْنَرْكَ تَڢِے ضُوً إِنَبِے دَاطِے!

3مَنْدَ كَشَاڢَ يَنَدَ ڧَنْشِ أَجِكِنْكَ، سُونَنْكَ كَمَرْ ڧَنْشِنْ تُرَارٜىٰ نٜىٰ؞ بَ مَامَاكِ یَنْ مَاتَا سُنَ ڧَوْنَرْكَ!

4دَمَا كَطَوْكٜىٰنِ مُغُدُ مَنَ! يَا سَرْكِينَ، كَكَيْنِ طَاكِنْكَ؞ بَرِ إِنْيِ ڢَضٍ ثِكِ سُواْسَيْ ثِكِنْ ڧَوْنَرْكَ، جِنْ دَاطِنْ دَ ڧَوْنَرْكَ تَبَانِ تَڢِے تَضُوً إِنَبِے؞ عِ، بَا مَامَاكِ یَنْ مَاتَا سُنَ ڧَوْنَرْكَ!

5يَا كُو یَنْ مَاتَانْ عُرُوشَلِيمَ، نِے بَڧَثٜىٰ عَمَّا ݣَكْݣَاوَا! نِے بَڧَثٜىٰ كَمَرْ بَڧِنْ تٜىٰنْتِنْ كٜىٰدَرْ، نِے ݣَكْݣَوَاثٜىٰ كَمَرْ لَبُلٜىٰنْ غِدَنْ سُلَيْمَٰنُ؞

6كَدَ كُيِ مِنِ كَلُّوانْ رٜىٰنِ عَكَنْ نِے بَڧَثٜىٰ، غَمَا رَانَثٜىٰ تَڧُواْنٜىٰ مِنِ ڢَتَ؞ یَنْعُوَنَ سُنْيِ ڢُشِے دَنِے، سَيْسُكَ سَانِ إِنْلُورَ دَ غُواْنَرْ إِنَبِے، غَاشِ بَنْ سَامِ ظَرَڢِنْ لُورَ دَكَيْنَبَ؞

7ڢَطَا مِنِ، يَا ڧَوْنَتَثّٜىٰنَ، إِنَا ذَاكَكَيْ غَرْكٜىٰنْكَ كِيوُاْ؟ إِنَا نٜىٰ ذَاكَسَا سُهُوتَ أَڟَكَرْ رَانَ؟ بَانَسُواْ إِنْيِ يَٰوُانْ نٜىٰمَنْكَ كَمَرْ كَارُوَ أَغَرْكُنَنْ أَبُواْكَنْكَ؞

8يَا كٜىٰ مَڢِے ݣَوْ ثِكِنْ مَاتَا، أَشٜىٰ، بَاكِ سَنْ وُرِنْبَ؟ كٜىٰ دَيْ كِبِے سَوُنْ ڧَڢَاڢُنْ غَرْكٜىٰنْ، كِنَ كِيوُانْ یَنْ أَوَكِنْكِ كُسَدَ تٜىٰنْتُنَنْ مَاسُ كِيوُاْ؞

9كٜىٰ ڧَوْنَتَثِّيَاتَ، ݣَنْكِ يَطَوْكِ حَنْكَلِنَ كَمَرْ ݣَنْ دُواْكِ مَيْجَنْ كٜىٰكٜىٰنْ سَرْكِے ڢِرْعَوْنَ؞

10أَدُوانْ كِڟُوانْكِ مَيْلِلُواْ عَكُمَتُنْكِ يَنَدَ بَنْ شَعَوَ سُواْسَيْ، وُيَنْكِ كُمَ دَ أَدُوانْ سَرْڧَرْ لُعُلُعَيْ؞

11ذَامُ ڧَارَ ڧٜىٰرَ مِكِ سَرْڧَرْ ظِينَارِيَ، عَيِ مِكِ أَدُواْ دَ أَظُرْڢَا؞

12أَسَعَدَّ سَرْكِينَ يَكٜىٰ كَنْ غَدُوانْسَ، يَنَ جِنْ دَاطِنْ ڧَنْشِنْ تُرَارٜىٰنَ ڨُورَيْ؞

13دَ ڧَوْنَتَثّٜىٰنَ يَݣُونَ عَڧِرْجِنَ يأَنَانً كَمَرْ یَرْ جَكَرْ مُرْ مَيْ ڧَنْشِ أَڟَكَانِنْ نُواْنُواْنَ؞

14ڧَوْنَتَثّٜىٰنَ كَمَرْ ڢُلَوَنٜىٰ أَغَرٜىٰنِ كَمَرْ ڢُلَوَ مَيْ ڧَنْشِ أَغُواْنَرْ إِنَبِے أَ عٜىٰنْ‌غٜىٰدِ؞

15إِنَا مِصَالِنْ ݣَنْكِ، يَا كٜىٰ ڧَوْنَتَثِّيَاتَ! كٜىٰ ݣَكْݣَاوَا ثٜىٰ ڨُورَيْ، عِدَنُونْكِ سُنَ نُونَ حَنْكَلِنْكِ كَمَرْ نَكُرْثِيَ؞

16إِنَا مِصَالِنْ ݣَنْكَ، يَا ڧَوْنَتَثّٜىٰنَ! كَيْ ݣَكْݣَاوَا نٜىٰ ڨُورَيْ؞ وُرِنْ ݣُونْثِيَرْمُ، ثِيَوَ مَيْ لَوْشِينٜىٰ؞

17رَسَّنْ عِتَتُوَنْ سٜىٰدَ سُونٜىٰ رُڢِنْ غِدَنْمُ، عِتَتُوَنْ ڢِرْ كُمَ سُونٜىٰ كَتَكُوانْ رُڢِنْ؞

Jump to: Chapter 2 →